Morgunblaðið - 07.01.2019, Síða 10

10 FRÉTTIRInnlent
MORGUNBLAÐIÐ MÁNUDAGUR 7. JANÚAR 2019
Útsölustaðir:
• Guðsteinn Eyjólfsson – Laugavegi
• Heimkaup.is
• Hagkaup
• Fjarðarkaup – Hafnarfirði
• Herrahúsið – Laugavegi
• Karlmenn – Laugavegi
• Vinnufatabúðin – Laugavegi
• JMJ – Akureyri
• Bjarg – Akranesi
• Efnalaug Suðurlands – Selfossi
• Kaupfélag Skagfirðinga
• Kaupfélag V-Húnvetninga
• Skóbúð Húsavíkur
• Haraldur Júlíusson – Sauðárkróki
• Blómsturvellir – Hellissandi
• Efnalaug Vopnafjarðar
• Sigló Sport – Siglufirði
• Bjarni Eiríksson – Bolungarvík
• Grétar Þórarinsson – Vestmannaeyjum
• Axel Ó – Vestmanneyjum
Höfðabakka 9, 110 Reykjavík | Sími 561 9200 | run@run.is | www.run.is
Stay Original
Vegagerðin hefur opnað tilboð í
endurbyggingu 3,7 kílómetra kafla
Skorradalsvegar frá Vatnsenda-
hlíð að Dagverðarnesi, ásamt út-
lögn klæðingar. Vegurinn verður
malbikaður en þarna er jafnan
mikil umferð, sérstaklega um
helgar, enda mikil sumarbústaða-
byggð í Skorradal.
Alls bárust fjögur tilboð í verk-
ið. Þróttur ehf., Akranesi bauð
lægst, krónur 127.580.300. Er það
82% af kostnaðaráætlun, sem var
156 milljónir króna. Stefnt er að
samningum við Þrótt ehf., sam-
kvæmt upplýsingum Pálma Þórs
Sævarssonar, svæðisstjóra Vega-
gerðarinnar á Vesturlandi.
Önnur fyrirtæki sem buðu í
verkið voru Borgarverk ehf.,
Borgarnesi, 134 milljónir, Þjótandi
ehf., Hellu, 144,5 milljónur og Ís-
landsgámar ehf., Akranesi, 288
milljónir.
Að sögn Pálma Þórs er um-
ræddur vegarkafli malarvegur.
Við lagningu á bundnu slitlagi
verður núverandi veglínu fylgt að
mestu leyti. Smávægileg breyting
verður gerð á kafla sem nefnist
Hvammsklif. Þar verður vegurinn
lagaður og gerður öruggari. Alls
verða lagðir 25 þúsund fermetrar
af bundnu slitlagi á vegarkaflann,
samkvæmt útboðinu.
Verkinu skal að fullu lokið eigi
síðar en 1. september 2020.
sisi@mbl.is
Endurbygging kafla Skorradalsvegar
Skorradalsvatn Ko
rt
ag
ru
nn
ur
: O
pe
nS
tr
ee
tM
ap
508
520
Fyrirhuguð endurbygging
3,7 km kafla Skorradals-
vegar frá Vatnsendahlíð
að Dagverðarnesi
Bundið slitlag
á Skorradalsveg
 Þróttur á Akranesi átti lægsta tilboð
Sigtryggur Sigtryggsson
sisi@mbl.is
Alls bárust 26 erindi í hugmyndaleit
að starfsemi til bráðabirgða í hluta
af verslunarkjörnum í Arnarbakka
2-6 og Völvufelli 11- 21 í Breiðholti.
Reykjavíkurborg er eigandi
húsanna og leitaði eftir hugmyndum
frá borgarbúum, en frestur til að
skila hugmyndum rann út 19. des-
ember sl.
Af innsendum erindum voru 11
frá aðilum sem sækja um húsnæði
undir ákveðna starfsemi og 15 voru
hugmyndir, tillögur og ábendingar
varðandi verkefnið og svæðið al-
mennt.
Fulltrúar íbúa í Breiðholti undir
forsvari Óskars Dýrmundar Ólafs-
sonar, hverfisstjóra í Breiðholti,
munu fara yfir innsend erindi og
meta hvaða verkefni eru áhugaverð-
ust inn í þessa kjarna, samkvæmt
upplýsingum Jóns Halldórs Jón-
assonar upplýsingafulltrúa.
Á þeim grunni verður unnin til-
laga til borgarráðs. Starfshópur íbúa
hittist um miðja næstu viku og mun
starfa þar til búið er að velja sam-
starfsaðila í húsnæðið. Við val á
starfsemi verður sérstök áhersla
lögð á samfélagsleg verkefni sem
eru opin almenningi og auka mögu-
leika íbúa til þátttöku í félagsstarfi,
eru uppbyggjandi og auka fjöl-
breytni, að því er fram kom í auglýs-
ingu borgarinnar í fyrra. Borgin fær
húsnæðið afhent í áföngum fram á
mitt ár 2019.
Fram kom í auglýsingunni að í
Arnarbakka 2 er gert ráð fyrir að
matvöruverslunin Iceland og
Sveinsbakarí verði áfram, sem og
Hársnyrtistofan Arnarbakka nr. 4-6.
Í Völvufelli 13 eru og verða áfram
Nýlistasafn Reykjavíkur og Listahá-
skóli Íslands með sýningarsali.
Hugmyndaleitin
skilaði 26 erindum
 Hleypa á lífi í tvo verslunarkjarna í
Breiðholti  Borgin eignaðist húsin
Ljósmynd/Reykjavíkurborg
Arnarbakki Verslunarkjarni í Neðra-Breiðholti. Reykjavíkurborg eignaðist
húsin og hyggst gæða þau lífi. Hugmynda var leitað hjá borgarbúum.
Ragnhildur Þrastardóttir
ragnhildur@mbl.is
Stjórnarráðið hefur ekki uppfyllt
skilyrði jafnlaunavottunar þrátt fyr-
ir að það hafi átt að uppfylla þau
fyrir lok síðasta árs.
„Það eru einhver ráðuneyti komin
með jafnlaunavottun, forsætisráðu-
neytið, mennta- og menningarmála-
ráðuneytið, umhverfis- og auðlind-
aráðuneytið og velferðarráðuneytið.
Ég veit til þess að önnur ráðu-
neyti eru í ferli og nú er bara spurn-
ing hvort þetta klárist ekki,“ segir
Katrín Björg Ríkarðsdóttir, fram-
kvæmdastjóri Jafnréttisstofu.
Fimm af tíu ráðuneytum eiga því
eftir að uppfylla skilyrði jafnlauna-
vottunar.
Einungis 42 fyrirtæki vottuð
Frestur fyrirtækja og stofnana til
að innleiða jafnlaunavottun var
framlengdur um ár í september síð-
astliðnum. Þessi frestur nær ekki til
Stjórnarráðsins sem átti, eins og áð-
ur sagði, að hafa öðlast jafnlauna-
vottun í lok síðasta árs. Fresturinn
nær ekki heldur til opinberra stofn-
ana, sjóða og fyrirtækja sem telja
25 starfsmenn eða fleiri á ársgrund-
velli.
142 fyrirtæki og stofnanir áttu að
öðlast jafnlaunavottun fyrir 31. des-
ember 2018 en hafa nú fengið frest
til ársloka 2019.
Fyrirtækin sem hafa fengið jafn-
launavottun til þessa eru einungis
42 talsins en í byrjun október voru
þau einungis fimmtán svo það hefur
bæst talsvert við á síðustu þremur
mánuðum.
„Það hefur bæst aðeins við og ég
geri ráð fyrir að þetta komi inn af
meiri þunga á þessu ári,“ segir
Katrín.
Seinagangurinn gæti verið til-
kominn vegna fárra vottunarstofa,
að sögn Katrínar.
„Það voru bara tvær vottunar-
stofur starfandi lengst framan af.
Núna hefur sú þriðja fengið leyfi til
þess að votta þannig að þá fer að
komast meiri gangur í þetta.
Það getur alveg verið ein af
ástæðunum að það hafi verið ákveð-
inn flöskuháls að fá vottunarfyrir-
tækin inn. Vonandi er það aðal-
ástæðan og það ætti þá að vera
eitthvað búið að lagast núna.“
„Heljarinnar vinna“
Sömuleiðis segir Katrín að ein-
hverjum gæti þótt mikil vinna að
uppfylla skilyrði jafnlaunavottunar.
„Ef maður setur sig í spor fyrir-
tækjanna sem þurfa að hugsa gæða-
kerfin sín algjörlega upp á nýtt eða
byrja á núllpunkti við innleiðingu
þeirra þá er auðvitað hægt að
ímynda sér að þetta sé heljarinnar
vinna.
Þetta krefst mikillar yfirlegu og
rýni á starfslýsingum, starfaflokkun
og öðru slíku en ef fyrirtækin vand-
ar sig við að innleiða staðalinn eins
og lögin segja til um þá munu þau
sjá breytingar til langframa á gæð-
unum í launakerfunum sínum.“
Aðspurð segir hún þó að ferlið sé
ekki of flókið.
Óþarfi að láta hugfallast
„Ég held að öll gæðakerfi séu af
hinu góða, sama hvort það sé varð-
andi jafnlaunamál, umhverfismál
eða annað.
Það tekur tíma að innleiða og
vinna í takti við þetta en ég held að
það sé til góða þegar upp er staðið
og óþarfi að láta hugfallast þótt það
virki flókið í byrjun.“
Í jafnréttislögum eru heimildir til
beitingar dagsekta ef fyrirtæki öðl-
ast ekki jafnlaunavottun á tilsettum
tíma.
„Það hefur ekki komið til þess
enn þá og við vonumst að sjálfsögðu
til þess að þurfa ekki að nýta það
enda eru dagsektirnar neyðarúr-
ræði.“
Aðspurð
segir Katrín
ólíklegt að
dagsektum
verði beitt í
tilfelli
Stjórnar-
ráðsins.
„Ég geri
ráð fyrir því
að við sjáum
betur þegar
líður á mánuðinn hvar ráðu-
neytin eru stödd í þessari vinnu.
Það er alla vega ekkert rokið
upp til handa og fóta með það
að beita dagsektum heldur
reynt að meta stöðuna. Ef fyrir-
tæki, hvort sem það eru ráðu-
neyti eða fyrirtæki á almennum
markaði, eru sannarlega í ferli
þá er eðlilegt að gefa þeim tæki-
færi til þess að komast áfram í
ferlinu áður en farið er að beita
einhverjum refsingum.“
Engum dag-
sektum beitt
ÓNÝTT VIÐURLÖG
Katrín Björg
Ríkarðsdóttir
Stjórnarráðið án
jafnlaunavottunar
 Fimm af tíu ráðuneytum hafa ekki hlotið jafnlaunavottun
Morgunblaðið/Eggert
Stjórnarráðið Nokkur ráðuneyti
hafa hlotið jafnlaunavottun.