Morgunblaðið - 07.01.2019, Page 19

MINNINGAR 19
MORGUNBLAÐIÐ MÁNUDAGUR 7. JANÚAR 2019
✝ Guðný Ólafs-dóttir fæddist í
Hafnarfirði 25. jan-
úar 1932. Hún lést
24. desember 2018.
Foreldrar Guð-
nýjar voru Ólafur
Runólfsson, f. 27.
september 1891 í
Mýrdal, d. 23. apríl
1967, og Hendrikka
J. Hendriksdóttir, f.
7. maí 1900 í Hafn-
arfirði, d. 19. nóvember 1958.
Systur Guðnýjar voru Sigríður
Ragnheiður og Jónína, báðar
látnar.
Guðný giftist Danival
Finnbogasyni 16. apríl 1955.
Danival fæddist í Ólafsvík 9. maí
eru Danival, Sigþrúður Jórunn,
Ólafur Ibsen og Tómas Davíð Ib-
sen. 3) Katrín, f. 10. febrúar
1958, maki Sveinbjörn Björns-
son. Börn Katrínar eru Sverrir
og Guðný. 4) Herdís, f. 23. júlí
1961, maki Páll R. Valdimarsson.
Börn þeirra eru Jóhannes, Gunn-
ar Páll og Sara Rut. 5) Guðný
Hildur, f. 20. nóvember 1969,
maki Egill Helgi Lárusson. Börn
þeirra eru Danival Örn, Lárus
Orri og Stefán Hrafn.
Guðný og Danival bjuggu
lengst af í Hafnarfirði, á Garða-
vegi 2. Auk þess bjuggu þau í
Ólafsvík, heimabæ Danivals, í
sex ár. Guðný vann í mörg ár á
Skólaskrifstofu Hafnarfjarðar
og hjá Námsflokkum Hafnar-
fjarðar.
Útför Guðnýjar fer fram frá
Víðistaðakirkju í dag, 7. janúar
2018, klukkan 13.
1930. Hann lést 5.
janúar 2011. For-
eldrar hans voru
Finnbogi G. Lár-
usson, f. 2. desem-
ber 1866 á Mánas-
kál í Vindhælis-
hreppi, d. 18. júlí
1945, og Laufey
Einarsdóttir, f. 19.
janúar 1898 í Ólafs-
vík, d. 8. september
1975.
Börn Guðnýjar og Danivals
eru: 1) Ólafur, f. 9. júlí 1953,
maki Íris Mjöll Ólafsdóttir. Börn
Ólafs eru Inga Dögg, Stefán, Ar-
on, Viktoría Dröfn og Dagmar.
2) Laufey, f. 20. ágúst 1955, maki
Tómas Ibsen. Börn Laufeyjar
Hún bar mig í heiminn og hjúfraði að
sér,
Hún heitast mig elskaði og fyrirgaf
mér.
Hún ávallt var vörn mín, minn skjöldur
og hlíf.
Hún var íslenska konan sem ól mig og
helgaði sitt líf.
Ég veit hver var skjól mitt, minn skjöld-
ur og hlíf.
Það var íslenska konan sem ól mig og
gaf mér sitt líf.
(Ómar Ragnarsson,
breytt með leyfi höfundar)
Elsku mamma mín, ég á svo
margar minningar um okkur
saman. Þú varst engum öðrum
lík, með allan þinn kærleika, hóg-
værð, lítillæti, auðmýkt, for-
dómaleysi og æðruleysi. Öllum
varstu góð, engan dæmdir þú og
allir menn voru jafnir frammi
fyrir þér. Styrkur þinn var mikill
á sinn yfirvegaða hátt, þú tókst
verkefnum lífsins af æðruleysi.
Lífsgleði þín var mikil, þú varst
alltaf til í allt, hvort sem það voru
mæðgnadagar í Vindáshlíð, sum-
arbústaðarferðir, flóamarkaðir,
tónleikar eða samkomur, þar var
ekkert sem hét kynslóðabil.
Börnum mínum varstu mikill
klettur og gleðigjafi.
Mín mesta gæfa í lífinu er að
hafa fengið að vera dóttir þín,
fengið að njóta alls þess sem þú
gafst mér og kenndir mér. Minn-
ingin um þig mun ætíð lifa.
Þín dóttir
Katrín.
Mamma mín var alveg einstök
kona. Hún hafði góða nærveru,
skapgóð, skemmtileg, góðhjört-
uð, falleg, klár og fordómalaus.
Hún var viðurkennandi, dæmdi
engan og leyfði öllum að blómstra
á sinn hátt. Mér þótti sérstakt að
þegar ég bað börnin mín að lýsa
ömmu sinni nefndu þau öll þessi
sömu orð.
Það leið ekki sá dagur að ég
heyrði ekki í mömmu. Ég var allt-
af mjög tengd henni og ég minn-
ist þess að þegar ég var 17 ára fór
ég út á land í mánuð og hringdi ég
í hana á hverjum degi af því að ég
saknaði hennar svo mikið. Ég var
langt fram á fullorðinsár með
heimþrá (mömmuþrá) ef ég fór
eitthvað í burtu en þrátt fyrir það
hvatti hún mig til þess að ferðast
og láta drauma mína rætast. Hún
sagði ávallt þegar ég var á ferða-
lagi og hringdi í hana: Día mín,
það er ekkert sérstakt að gerast
hér.
Oft hef ég hugsað um það eftir
að ég sjálf eignaðist börn hve frá-
bær uppalandi hún var, alltaf svo
vís og yfirveguð, já ég væri
ánægð með að vera slík fyrir-
mynd sem hún var. Það var alltaf
glatt á hjalla þegar ég var að
alast upp, við systkinin spiluðum
mikið saman, það var mikið borð-
að, hlegið og fíflast. Þegar ég og
Guðný systir vorum einar eftir í
foreldrahúsum elduðum við og
spjölluðum mikið saman. Hin
systkini mín komu þá mikið í
heimsókn á Garðaveginn með
fjölskyldur sínar og var því oft
mannmargt þar. Mamma talaði
um að þessi tími hefði verið ein-
staklega skemmtilegur, mikið líf
og fjör. Ég minnist þess einnig
þegar vinur Óla bróður fann
þrastarunga á Hellisgötunni og
kom með hann til okkar á Garða-
veginn. Mamma útbjó hreiður í
kassa og ég og Guðný ólum ung-
ann upp, gáfum honum að borða
og drekka með sprautu og ferð-
uðumst með hann í kassanum
hvert sem við fórum. Þetta eru
ógleymanlegir tímar.
Ekki má gleyma jólaboðinu á
Garðaveginum en þá hittumst við
öll um fimmtíu manns í hangikjöt
og heimalagaðan ís. Þetta voru
uppáhaldsstundirnar hennar
mömmu, hún einfaldlega elskaði
þær stundir þegar við hittumst.
Hún fylgdist vel með öllum af-
komendum sínum, bað fyrir þeim
og var fyrirmynd allra í orði og
verki. Þessi einstaka kona var
mamma mín, andardrátturinn
minn og fyrirmyndin mín.
Ég er að læra að finna and-
ardráttinn án hennar en eitt er
víst að hún verður ætíð í hjarta
mínu. Hjarta mitt er fullt af
þakklæti til Guðs að hafa gefið
mér hana sem mömmu og ég mun
ætíð elska hana.
Herdís Danivalsdóttir.
Elsku mamma mín, nú ert þú
farin heim til Drottins, þar sem
þú ert umvafin kærleika Guðs í
himnaborg, laus við þjáningu og
sorg. Trú þín og elska til Guðs
var það sem þú gafst okkur börn-
um þínum, sem nutum þess frá
unga aldri. Ég minnist þess sem
barn hvernig þú gafst þér tíma til
að sitja við rúmið mitt á hverju
kvöldi og fara með bænirnar með
mér. Þú hugsaðir alltaf fyrst og
fremst um okkur ungana þína og
ef allt var í lagi með allan barna-
hópinn þá varst þú glöð. Bless-
unarorð þín „Guð veri með þér“
fylgdu okkur börnum þínum og
veittu okkur dug, þor og öryggi
hvert sem við fórum. Það var
ávallt þitt líf og yndi að vera með
okkur börnum þínum og afkom-
endum, umkringd fólkinu þínu og
það voru ófáar stundirnar sem þú
bauðst stóra hópnum þínum í mat
eða vöfflukaffi, þá geislaðir þú og
sagðir að þetta væru bestu stund-
irnar þínar. Núna nýtur þú þess
að vera á himnum glöð og ánægð,
umkringd englum Guðs í Para-
dís, komin heim í dýrðina hjá
Jesú og Guði. Mamma mín, ég
sakna þín mjög mikið, og um dag-
inn var ég að því komin að
hringja í þig en áttaði mig á því
að þú varst farin. Yndislega
mamma, af öllum mæðrum í
heiminum er ég svo glöð að þú
varst móðir mín. Takk fyrir allt,
takk fyrir umhyggju þína, takk
fyrir ást þína, takk fyrir að hafa
verið svo yndisleg og góð, alltaf
tilbúin að rétta hjálparhönd og
styðja okkur börnin þín.
Elsku mamma, vor móðir kær
minnumst ástar þinnar.
Faðmur þinn svo hlýr og tær
og orðin huggunarinnar.
Trúna sanna og traust á Guð
gafstu oss í móðurarf.
Borin upp við bænasuð
blessun, frið og athvarf.
Elsku mamma, þökkum þér,
þökkum þér um eilífð
að barstu oss á örmum þér
umvafðir og veittir hlífð.
Nú komin ert í himnasal
heim til Drottins Jesú
fagnandi í Guðs forsal
styrk og heil í trúnni.
Þín dóttir,
Laufey Danivalsdóttir.
Elsku besta og yndislega
mamma mín. Það hæfir þér,
svona fallegri og kærleiksríkri
sál, að kveðja á aðfangadegi. Frá-
fall þitt um jólin er góð áminning
um boðskap jólanna, að þakka
fyrir það sem maður á og umvefja
þá sem maður elskar með sam-
veru og kærleik.
Lífið er hverfult. Einn daginn
varstu heilbrigð og þann næsta
alvarlega veik. Ég var alls ekki
tilbúin að missa þig. Þú hefur
alltaf verið mikilvægur hluti af
lífi mínu og ég elska þig óend-
anlega mikið. Ég gat ekki hugsað
mér lífið án þín og kveið þeim
degi þegar Guð kæmi að sækja
þig, en núna ertu farin og ég verð
að læra að lifa án þín.
Ég er mjög þakklát að hafa
fengið þessa tvo mánuði með þér
eftir að þú veiktist. Þessi tími var
nærandi, við fengum tækifæri til
að umvefja þig og þú okkur. Við
vorum dugleg að hlæja saman og
búa til skemmtilegar og notaleg-
ar minningar. Þú tókst veikind-
unum af miklu æðruleysi, sóttir
styrk í trúna og gafst okkur styrk
og von með þínum fallega hætti.
Það var alltaf stutt í húmorinn og
skemmtileg tilsvör þín léttu öll-
um lund.
Ég var mjög lánsöm að fá
bestu mömmu í heimi. Þú varst
umhyggjusöm, örlát á hvatningu
og hrós og ég fann alltaf þitt stolt
og hversu mikið þú elskaðir mig.
Fram á síðasta dag varstu að
hugsa um velferð mína. „Guð veri
með þér“ og „Guð gefi þér góða
nótt“ eru falleg orð sem minna
mig á þig. Þú varst sterk, hug-
rökk og klár kona og flott fyr-
irmynd. Óhrædd að standa á eig-
in sannfæringu og skelltir þér í
bílprófið á fimmtugsaldri. Þú
tókst á við öll verkefni lífsins með
ótrúlegum styrk, lífsgleði og
æðruleysi. Ég er stolt að þú hafir
verið mamma mín.
Auðmýkt, virðing og um-
hyggjusemi gagnvart öðrum ein-
kenndu þig og orð læknisins á
líknardeild, „Guðný mín, það er
erfitt að láta sér líka illa við þig“,
endurspegla það. Allir sem
kynntust þér voru blessaðir og
komu ríkari frá þér. Þú varst
mjög ósérhlífin og gjafmild, þér
fannst þú alltaf eiga meira en
nóg. Þú varst glaðlynd, uppá-
tækjasöm og alltaf til í að gera
eitthvað skemmtilegt.
Þegar við vorum hjá þér þá
sagðir þú alltaf að þetta væru
þínar sælustu stundir. Það var
notalegt að koma til þín af því að
allir fundu hvað þeir voru vel-
komnir. Fjölskyldan var þér afar
kær og því fleiri sem mættu, því
betra að þínu mati. Þú umvafðir
okkur Egil og syni okkar Danival
Örn, Lárus Orra og Stefán Hrafn
með ást og umhyggju þinni. Við
eigum margar góðar minningar
sem við munum varðveita. Okkur
fannst svo gott að hafa þig hjá
okkur og nutum þess að gera
skemmtilega hluti með þér. Þú
varst ein af okkur og núna er
komið stórt skarð. Synir okkar
eru ríkir að hafa fengið að eiga
þig sem ömmu og ég held að þeir
hefðu ekki getað elskað þig og
metið meira. Þú auðgaðir líf okk-
ar allra og þín verður sárt saknað.
Mín einstaka og yndislega
móðir. Orð fá því ekki lýst hversu
þakklát ég er fyrir allt sem þú
hefur gert fyrir mig og kennt
mér. Ég elska þig mjög mikið og
sakna þín dag hvern. Ég mun
ávallt geyma þig í hjarta mínu og
hafa þig sem fyrirmynd í lífsins
ólgusjó. Núna ertu komin til
pabba. Guð veri með þér.
Þín dóttir,
Guðný Hildur.
Ég er fyrst og fremst þakklát
fyrir þau forréttindi að hafa haft
þig sem liðsauka og félagsskap í
gegnum tíðina, amma mín. Ég er
þakklát fyrir það að hafa alist upp
með þig og afa í næsta húsi.
Ég brosi með sjálfri mér við
upprifjun á minningum um þig,
elsku amma. Þú annaðist stóru
fjölskylduna þína með kærleik,
hvatningu, áhuga og ómældri trú
á hverju einasta okkar. Þú sást til
þess að allir hefðu það gott, að öll-
um liði vel og sjálf fannst þér
óþarft að við færum að stjana við
þig, klett fjölskyldunnar.
Það þurfti ekki mikið til þess
að gleðja þig, þú varst nægjusöm
og lítillát. Smjördeigshorn með
smjöri og osti, hamborgari og
franskar eða ís með súkku-
laðidýfu og þú varst alsæl. Megr-
unin mátti bíða eins og þú orðaðir
það alltaf svo skemmtilega.
Guð veri með þér, amma mín.
Með þessari kveðju kvaddir þú
okkur öll í hvert sinn sem við hitt-
umst.
Ég og við öll litum upp til þín
og elskuðum þig af öllu hjarta.
Ég er og verð alltaf stolt að
bera nafn þitt, kæra amma mín.
Guðný Tómasdóttir.
Elsku amma mín.
Það sem vitur maður ætti að
íhuga er ekki hvernig hann á að
deyja, heldur hvernig hann á að
lifa lífinu. Ég held að enginn hafi
efast um hjartalag þitt og tilgang
í lífinu. Líf þitt snerist um að gefa
og að sýna náunganum kærleika.
Það var ekki til í eðli þínu að hata
eða dæma, nokkuð sem menn
kunna miklu betur nú til dags.
Hógvær og mjúkleg andsvör þín
kæfðu niður allan rógburð og
óþarfa bergmál um menn og mál-
efni. Sem móðir, amma og
langamma náðir þú á frjálslegan
hátt að siða okkur „öll“ til og voru
uppeldisaðferðir þínar hvorki
kenndar með vendi né hýðingum.
Þú sem lifandi fyrirmynd kenndir
okkur æðruleysi og þrautseigju
til að takast á við kaldan veru-
leikann. Alveg sama hvað á dundi
í lífi þínu þá ríkti yfir þér friður,
gleði og hamingja. Ég vil þakka
þér fyrir allt, elsku amma mín, og
ef guð er til mun þín velgjörð í líf-
inu verða verðlaunuð, í umsjá
hans, á himnum.
Sverrir Garðarsson.
Amma mín var einstök kona.
Það er ekki hægt að hugsa sér
betri ömmu, hún var hlý, góð, um-
hyggjusöm, fyndin og alveg ynd-
isleg í alla staði. Það var alltaf
gaman að koma til hennar og ég
gæti ekki verið heppnari að hafa
átt svona góða manneskju eins og
ömmu í lífi mínu. Hún er fyrir-
myndin mín. Takk fyrir allt, elsku
amma mín, og þú átt alltaf stað í
hjarta mínu.
Sara Rut.
Takk fyrir öll skemmtilegu
árin, elsku amma mín. Þú varst
besta amma og ég sakna þín svo
mikið. Takk, þú varst góð og
skemmtileg amma og fyndin.
Takk fyrir að hugga mig þegar
ég var hræddur. Ég elska þig
svo svo mikið. Guð verður alltaf
með þér, elsku amma mín.
Þinn elsku strákur,
Stefán Hrafn.
Síðastliðinn aðfangadag
kvaddi þessi merkiskona þennan
heim. Það stolt og þá ást sem þú
sýndir mér á hverjum einasta
degi er erfitt að verðskulda. Þú
varst svo einstök í alla staði og
ég get ekki annað en fyllst að-
dáun yfir því æðruleysi sem þú
sýndir í öllu mótlæti. Svo mann-
leg, svo nægjusöm, svo sterk, svo
góð, svo þakklát, eintómur kær-
leikur.
Far þú í friði
Þú fallega sál
Þú skilyrðislausa ást
Þú hversdagshetja
Þú amma mín
Þinn
Danival Örn.
Elsku besta amma mín kvaddi
heiminn síðastliðinn aðfangadag.
Orð geta ekki lýst því hversu
heppinn ég var að fá að kalla þig
ömmu mína.
Sakna þín á hverjum degi. Guð
geymi þig, elsku amma mín.
Þinn,
Lárus Orri.
Guðný Ólafsdóttir
Elskulegur faðir okkar, tengdafaðir, afi
og langafi,
ÓTTARR MÖLLER,
fv. forstjóri,
andaðist á Hrafnistu í Reykjavík
19. desember. Útförin fer fram frá
Háteigskirkju þriðjudaginn 8. janúar klukkan 13.
Emilía Björg Möller Valgeir Ástráðsson
Kristín Elísabet Möller Jóhannes Jóhannesson
Erla Möller Sigurður Kr. Sigurðsson
Auður Margrét Möller Guðmundur Már Stefánsson
barnabörn og barnabarnabörn
Ástkær faðir okkar, tengdafaðir og afi,
ÖRN JOHANSEN,
Torrevieja,
Spáni,
lést á heimili sínu aðfaranótt 20. desember.
Útför hans fer fram frá Fossvogskapellu
fimmtudaginn 10. janúar klukkan 13.
Ingi Hrafn Arnarson Helga Þóra Bender
Elsa Lára Arnardóttir Rúnar Geir Þorsteinsson
og barnabörn
Ástkær faðir okkar, tengdafaðir, afi
og langafi,
GUNNAR HALLDÓRSSON,
fv. skipstjóri og húsagerðarmeistari,
áður til heimilis að Túngötu 23,
Álftanesi,
lést mánudaginn 24. desember.
Jarðsungið verður frá Bessastaðakirkju miðvikudaginn
9. janúar klukkan 13.
Dætur, tengdasynir og afkomendur
Eiginmaður minn og faðir okkar,
SIGURÐUR BJÖRNSSON,
Markarvegi 2, Reykjavík,
sem lést 29. desember, verður jarðsunginn
frá Hallgrímskirkju fimmtudaginn 10. janúar
kl. 15.
Blóm og kransar afþakkaðir, þeim sem vilja minnast hans er
bent á Minningarsjóð líknardeildar og heimahlynningar.
Ásdís Magnúsdóttir
Björn Darri Sigurðsson Magnús Harri Sigurðsson
Morgunblaðið birtir minning-
argreinar endurgjaldslaust
alla útgáfudaga.
Skil | Þeir sem vilja senda Morg-
unblaðinu greinar eru vinsamlega
beðnir að nota innsendikerfi
blaðsins. Smellt á Morgunblaðs-
lógóið í hægra horninu efst og við-
eigandi liður, „Senda inn minning-
argrein,“ valinn úr felliglugg-
anum. Einnig er hægt að slá inn
slóðina www.mbl.is/sendagrein
Formáli | Minningargreinum
fylgir formáli sem nánustu að-
standendur senda inn. Þar koma
fram upplýsingar um hvar og hve-
nær sá sem fjallað er um fæddist,
hvar og hvenær hann lést og loks
hvaðan og klukkan hvað útförin
fer fram. Þar mega einnig koma
fram upplýsingar um foreldra,
systkini, maka og börn. Ætlast er
til að þetta komi aðeins fram í for-
málanum, sem er feitletraður, en
ekki í minningargreinunum.
Undirskrift | Minningargreina-
höfundar eru beðnir að hafa
skírnarnöfn sín en ekki stuttnefni
undir greinunum.
Minningargreinar