Morgunblaðið - 26.02.2019, Qupperneq 8

8 FRÉTTIRInnlent
MORGUNBLAÐIÐ ÞRIÐJUDAGUR 26. FEBRÚAR 2019
Björn Bjarnason skrifar á heima-síðu sína um áráttu meirihlut-
ans til að hlaupast
undan ábyrgð: „Að
Stefán Eiríksson
borgarritari sjái sig
knúinn til að skrifa á
FB að ónafngreindir
borgarfulltrúar
gangi of langt í orð-
um og framgöngu
gegn borgarstarfs-
mönnum er ekki ann-
að en toppur á ísjaka
í Ráðhúsinu. Undir
niðri býr vanlíðan og
bjargarleysi vegna
ástands sem versnað
hefur stig af stigi frá
því að Jón Gnarr
varð borgarstjóri með stuðningi og í
skjóli Dags B. Eggertssonar.
  
Vandinn felst ekki í því að borgar-fulltrúar minnihlutans sinna
skyldum sínum með gagnrýni á ein-
staka þætti í borgarkerfinu. Það hef-
ur verið gert í borgarstjórn áratug-
um saman og ekki sætt sérstökum
tíðindum.
  
Það sem er núna öðru vísi en áðurog hefur verið frá 2010 er að
borgarstjóri stendur ekki í stafni og
lætur brjóta á sér. Jón Gnarr hafði
enga burði til þess. Dagur B. víkur
sér undan því. Borgarstarfsmenn eru
þess vegna berskjaldaðir og jafnvel
skotspónn borgarstjóra.
  
Nýjasta dæmið er klúðrið vegnaborgarstjórnarkosninganna
2018. Lög voru brotin í aðdraganda
kosninganna, borgarstjórinn fer
strax í afneitun vegna málsins. Þeir
sem vilja brjóta málið til mergjar
horfa því til Önnu Kristinsdóttur,
mannréttindastjóra Reykjavíkur-
borgar. Hún kvartaði opinberlega
undan gagnrýni á sig áður en Stefán
Eiríksson kvaddi sér hljóðs. Enginn
annar en borgarstjórinn og meiri-
hluti hans setti Önnu í eldlínuna.“
Björn Bjarnason
Vanlíðan og bjarg-
arleysi í borginni
STAKSTEINAR
Dagur B.
Eggertsson
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Fjórar sex ára gamlar stúlkur úr
Mosfellsbæ enduðu nýverið óvænt úti á
Granda í Reykjavík á leið sinni úr fim-
leikum. Stelpurnar eru nemendur í
Helgafellsskóla og átti starfsmaður
skólans að sjá um að sækja þær, en
þegar sá kom ekki á réttum tíma ákvað
hópurinn að taka strætisvagn með fyrr-
greindum afleiðingum. Greint var fyrst
frá þessu í bæjarblaðinu Mosfellingi.
„Þær voru að koma úr fimleikum en
enginn sótti þær svo stelpurnar
ákváðu bara að redda sér sjálfar og
tóku strætó og enduðu þá úti á
Granda,“ segir móðir einnar stelpunn-
ar í samtali við Morgunblaðið.
Aðspurð segir hún stelpurnar ekki
hafa verið skelkaðar eftir ferðalagið.
Foreldrunum var þó ekki skemmt.
„Margir voru mjög smeykir og ég var
algjörlega á nálum yfir þessu,“ segir
hún og bætir við að margir hafi verið
byrjaðir að leita að stúlkunum þegar
starfsmaður Strætó hringdi og lét vita
af ferðum þeirra út á Granda.
Rósa Ingvarsdóttir, skólastjóri í
Helgafellsskóla, segir frístunda-
starfsmann hafa fylgt stúlkunum í fim-
leika og að sá sem átti að sækja þær
hafi tafist. „Við höfum leyst þetta með
því að senda stelpurnar í frístunda-
heimilið hjá Varmárskóla. Þar þurfa
þær ekki að bíða eftir að verða sóttar,“
segir hún. khj@mbl.is
Tóku strætó þegar enginn kom
 Sex ára gamlar stúlkur enduðu einar
úti á Granda eftir fimleika í Mosfellsbæ
Morgunblaðið/Hari
Skólinn Frá opnun Helgafellsskóla
í Mosfellsbæ í janúar á þessu ári.
Fjöldi fiðrilda var undir meðallagi á
síðasta ári en tegundafjöldinn ná-
lægt meðaltali í fiðrildavöktun Nátt-
úrustofu Norðausturlands. Stofan er
með tvær fiðrildagildur í Ási í
Kelduhverfi og á Skútustöðum í Mý-
vatnssveit. Gildrurnar eru settar
upp um miðjan apríl og teknar niður
í byrjun nóvember ár hvert en
tæmdar vikulega. Flikruvefari og
sigðygla fundust í fyrsta skipti í
gildrunum.
Engin ný tegund kom í fyrrra í
gildruna á Ási, en mest barst í gildr-
una af birkivefara, eða 1.311, sem er
næstmesti fjöldi birkivefara sem
komið hefur í gildruna á einu ári.
Næstur í röðinni var tígulvefari með
702 eintök. Þessar tvær tegundir
stóðu því undir um 2⁄3 hluta aflans.
Aldrei fleiri lyngvefarar
Það sem er óvenjulegast við afla
ársins 2018 er fjöldi lyngvefara sem
hefur aldrei verið meiri. Alls komu
182 lyngvefarar í gildruna í fyrra en
2017 voru þeir 50 sem þá var með því
mesta en árin á undan hafði mest
komið 15 lyngvefarar á einu ári,
segir á heimasíðu Náttúrustofu
Norðausturlands, nna.is
Fjöldi fiðrilda í gildruna á Skútu-
stöðum var aðeins undir meðallagi
en tegundafjöldinn hefur aldrei ver-
ið meiri eða 19 tegundir sem er jafnt
meti sem staðið hefur frá 2012. Tvær
nýjar tegundir bárust í gildruna,
flikruvefari og sigðygla.
Flikruvefari er talinn hafa numið
hér land á Suðausturlandi um miðja
síðustu öld og breiðst þaðan út um
landið, fyrst um Suður- og Vestur-
land en er nú að nema land á Norð-
urlandi. Flikruvefarinn hefur komið
nokkrum sinnum í gildruna í Ási.
Sigðygla er fremur sjaldgæft flæk-
ingsfiðrildi frá Evrópu og er þetta
fjórði fundarstaður tegundarinnar
hér á landi. aij@mbl.is
Flikruvefari og sigð-
ygla á Skútustöðum
 Fjöldi fiðrilda var
undir meðallagi í
vöktun hjá NNA
Ljósmynd/Erling Ólafsson
Flikruvefari Smávaxinn vefari með
fallega óreglulega flikrótta fram-
vængi, segir á pödduvefnum.
Við notum ekki MSG í súpuna okkar.
Hún fæst í öllum helstu matvöruverslunum og stórmörkuðum landsins.
Súpan er fullelduð og aðeins
þarf að hita hana upp