Morgunblaðið - 28.02.2019, Side 2

2 MORGUNBLAÐIÐ FIMMTUDAGUR 28. FEBRÚAR 2019FRÉTTIR
FJARSKIPTI
Stefán Sigurðsson forstjóri fjar-
skiptafélagsins Sýnar hefur óskað
eftir því að láta af störfum, frá og
með 1. júní nk.
Þetta kemur fram í tilkynningu
frá Sýn, en þar segir jafnframt að
brotthvarf hans sé samkvæmt sam-
komulagi við stjórn fyrirtækisins.
Þá segir í tilkynningu Sýnar að
ekki hafi verið tekin ákvörðun um
ráðningu forstjóra í stað Stefáns en
ráðningarferli sé hafið. Þá er þess
jafnframt getið að Stefán muni
verða stjórninni innan handar þar til
nýr forstjóri verður ráðinn.
Stjórn félagsins hefur samkvæmt
tilkynningunni falið Heiðari Guð-
jónssyni stjórnarformanni að „ann-
ast í auknum mæli skipulag félags-
ins og gæta þess að rekstur þess sé í
réttu og góðu horfi fram að ráðningu
nýs forstjóra,“ eins og það er orðað í
tilkynningunni. tobj@mbl.is
Morgunblaðið/Kristinn Ingvarsson
Hagnaður Sýnar árið 2018 dróst
saman um 56% milli ára.
Forstjóri
Sýnar
hættir
SMÁSALA
Heildarhagnaður Festar nam um 2,1
milljarði króna árið 2018 og minnk-
aði um 0,6% á milli ára. Rekstur fé-
laga í dótturfélagi Hlekks, sem rek-
ur m.a. matvöruverslanir
Krónunnar, var tekinn inn í sam-
stæðu Festar frá 1. september en
hagnaður samstæðunnar fyrir vexti,
skatta og afskriftir (EBITDA), að
undanskildum kostnaði við kaup á
Hlekk, nam fimm milljörðum króna
samanborið við 3,6 milljarða króna
árið 2017. Samtals námu eignir
Festar 78 milljörðum króna í árslok
2018, eigið fé nam 26 milljörðum
króna og eiginfjárhlutfall var 33,4%.
Sé litið til fjórða ársfjórðungs nam
EBITDA Festar að undanskildum
kostnaði við kaup á Hlekk, sem nam
101 milljón króna á fjórða ársfjórð-
ungi, rúmlega 1,6 milljörðum króna
árið 2018, samanborið við 844 millj-
ónir króna árið 2017. Hagnaðurinn á
fjórða ársfjórðungi nam 327 millj-
ónum og dróst saman um 26%.
EBITDA Hlekks nam 898 millj-
ónum króna og hagnaðurinn 253
milljónum króna á fjórða ársfjórð-
ungi.
„Við erum afar sátt við þessa nið-
urstöðu sem sýnir svart á hvítu
sterka stöðu Festar og fyrirtækja
þess á íslenskum markaði. Við höf-
um farið í gegnum mikla samþætt-
ingu á stoðsviðum N1, Krónunnar,
Elko og vöruhótelsins Bakkans, sem
miðar vel og er raunar á undan áætl-
un. Stoðir félagsins eru styrkar,
sameiningin hefur leitt til öflugri
innviða og aukinnar hagkvæmni og
Festi ætlar að halda forystu-
hlutverki sínu hér á landi til fram-
tíðar og vera áfram fyrsti valkostur
neytenda,“ segir Eggert Þór Krist-
ófersson, forstjóri Festar, í tilkynn-
ingu. peturhreins@mbl.is
Tveggja milljarða
hagnaður Festar
Morgunblaðið/Eggert
Hagnaður Festar á fjórða ársfjórð-
ungi 2018 nam 327 milljónum.
Suðurlandsbraut 6, Rvk | S. 419 9000 info@handafl.is | handafl.is
Við útvegum hæfa
starfskrafta í flestar
greinar atvinnulífsins
VANTAR ÞIG STARFSFÓLK?
Traust og fagleg
starfsmannaveita
sem þjónað hefur íslenskum
fyrirtækjum í áraraðir
Mesta lækkun Mesta hækkun
VIKAN Á MÖRKUÐUM
AÐALMARKAÐUR ÁLVERÐ ($/tonn)
ICEAIR
-3,44%
7,58
EIK
+4,64%
8,79
S&P 500 NASDAQ
-0,43%
7.495,094
-0,46%
2.779,71
-1,14%
7.096,69
FTSE 100 NIKKEI 225
28.8.‘18 28.8.‘1827.2.‘19
1.800
90
2.133,35
1.925,0
Unnið í samstarfi við IFS.Hreyfingar frá upphafi viku til kl. 16 í gær.
66,4
+0,61%
21.556,51
75,95
50
2.400
27.2.‘19
BRENT OLÍUVERÐ ($/tunnu)
Grimm samkeppni ríkir á hádegis-
verðarmarkaði á veitingahúsum í
miðborg Reykjavíkur, og nú hefur
einn vinsælasti veitingastaður lands-
ins, Grillmarkaðurinn í Lækjargötu,
ákveðið að loka í hádeginu. „Þann 1.
mars nk. verður síðasti dagurinn
sem við höfum opið í hádeginu. Við
lokuðum Fiskmarkaðnum í hádeg-
inu fyrir tveimur árum og það hefur
gengið vel,“ segir Hrefna Rósa
Sætran, eigandi Grillmarkaðarins,
Fiskmarkaðarins og Skelfiskmark-
aðarins í samtali við Morgunblaðið.
Ástæðan fyrir lokuninni er að
sögn Hrefnu að hádegin standa ekki
undir kostnaði, þrátt fyrir góða að-
sókn. Hún segir einnig að mikið sé
um svokölluð „tveir fyrir einn“ há-
degistilboð hjá veitingahúsum sem
margir nýti sér. Þá bætir hún við að
inn í ákvörðunina spili bæði hráefn-
iskostnaður og launakostnaður.
„Líklega eiga þeir sem eru með
ódýrara hráefni erindi á hádeg-
ismarkaðnum.“
Opnað verður aftur tímabundið í
hádeginu á Grillmarkaðnum allan
desembermánuð. „Við tökum des-
ember með stæl. Svo ætlum við að
fara að byrja með happy hour og
barmatseðil og opna klukkan fimm í
staðinn fyrir sex eins og nú er.“
Ekta hádegisstaður
Jakob Jakobsson á Jómfrúnni í
Lækjargötu segir að Jómfrúin haldi
sínu striki í hádeginu, enda hafi
staðurinn löngum verið ekta hádeg-
isstaður eins og hann orðar það. „Við
höfum meira að segja verið að út-
víkka afgreiðslutímann. Hádegin
standa vel undir sér.“
Jakob bendir á að hádegismark-
aðurinn í miðborginni sé orðinn snú-
inn og segir til dæmis að hægt sé að
fá fisk dagsins á góðum veitinga-
stöðum fyrir sama verð og skyndi-
bita. „Það er nánast ekkert bil orðið
á milli „fínni matar“ og skyndibita.“
Hjá Hótel Holti fengust þær upp-
lýsingar að síðan hótelið sjálft tók
við veitingastaðnum í desember síð-
astliðnum hefði verið lokað í hádeg-
inu.
Sigurgísli Bjarnason, einn stofn-
andi og veitingamaður á Snaps við
Óðinstorg, segir að sterk hádegis-
menning sé við lýði á Snaps, sem og
á Kaffi París sem rekið er af sömu
aðilum.
„Við höfum ekki séð hag í því að
loka í hádeginu.“
Hann segir að veitingastaðir séu
að takast á við erfiða tíma, og allir
leiti leiða til að lækka kostnað.
250 manns vinna hjá stöðunum
þremur sem Sigurgísli er í forsvari
fyrir, Snaps, Kaffi París og Nings.
„Á Kaffi París breyttum við t.d.
fyrirkomulaginu að í stað þess að
þjónað sé til borðs, þá fer fólk og
pantar sér sjálft. Það er að okkar
mati framtíðin á veitingahúsum eins
og París að viðskiptavinurinn þurfi
að sætta sig við minni þjónustu.“
Hjá Sumac við Laugaveg fengust
þær upplýsingar að lokað hefði verið
í hádeginu frá áramótum. „Við
byggjum það á reynslu síðasta árs.
Þessi markaður er bara mjög erfiður
og það eru fáir staðir sem eru virki-
lega að hafa eitthvað upp úr því að
hafa opið í hádeginu,“ segir Þráinn
Freyr Vigfússon hjá Sumac og Óx.
„Við munum hafa lokað í hádeginu
fram í apríl a.m.k.“
Veitingastaðir hættir
að hafa opið í hádeginu
Þóroddur Bjarnason
tobj@mbl.is
Veitingastaðir í miðborginni
leita nú leiða til að lækka
hjá sér kostnað. Hádegis-
markaðurinn líður fyrir of
lítinn mun á milli skyndibita
og „fínni“ matar.
Morgunblaðið/Ómar
Eftir 1. mars nk. verður Grillmarkaðurinn lokaður í hádeginu.