Morgunblaðið - 28.02.2019, Side 14

14 MORGUNBLAÐIÐ FIMMTUDAGUR 28. FEBRÚAR 2019FÓLK
SPROTAR
Með forritinu Wapp má segja að
fólk sé komið með fróðan og hjálp-
legan leiðsögumann í vasann. Einar
Skúlason er maðurinn á bak við
forritið og tekur Wapp þátt í Start-
up Tourism-viðskiptahraðlinum
sem stendur núna yfir.
Einar hefur gefið út tvær ferða-
handbækur um íslenskar göngu-
leiðir og var að vinna að þeirri
þriðju þegar hugmyndin að forrit-
inu kviknaði. „Ég var í Borgarfirði
og langaði að ná nokkrum góðum
myndum, en það rigndi dag eftir
dag og varð mér því lítið úr verki.
Sem ég sat við glugga og horfði á
dropana leka niður rúðuna fór ég
að hugsa hvort ekki væri ráðlegt
að nota einhvern annan miðil en
prentaðar bækur til að koma efn-
inu á framfæri,“ útskýrir hann.
„Síðan þá eru liðin fjögur og hálft
ár og það efni sem skrifað hefur
verið fyrir Wappið gæti fyllt ígildi
sextán 200 síðna bóka, og svo ann-
að eins á ensku enda hefur allur
textinn verið þýddur.“
Wapp (www.wapp.is) notar gps-
kerfi símans til að hjálpa notand-
anum að skoða áhugaverðar göngu-
leiðir um land allt. Nákvæmur ís-
lenskur kortagrunnur frá Samsýn
er í forritinu og auk þess að vísa
leiðina hefur forritið að geyma
fróðleik um hverja leið og hagnýtar
upplýsingar fyrir ferðalanginn.
Forritið sjálft er ókeypis en
sækja þarf hverja gönguleið sér-
staklega og borga lágt gjald fyrir.
„Sumar leiðirnar eru ókeypis og þá
í boði styrktaraðila. Sem dæmi eru
allar gönguleiðir í landi Garða-
bæjar í boði sveitarfélagsins,“ út-
skýrir Einar og bendir á hvernig
kostun af þessu tagi getur verið
liður í að efla ferðaþjónustu og
hvetja til útivistar. Kostuð ferð
gæti jafnvel verið kjörin leið til að
laða fleiri viðskiptavini að veit-
ingastað eða hóteli sem væri þá
merkt sem viðkomustaður.
Áhersla á gott samstarf
Einar leggur áherslu á að vanda
verði til verka þegar ný gönguleið
er sett inn í Wapp-kerfið. Jafnt
stórir sem smáir samstarfsaðilar
geta fengið aðgang að kerfinu og
notað til að stika áhugaverðar leið-
ir og bæta inn fróðleik af ýmsu
tagi en stjórnendur Wapps vakta
gæðin og fylgjast m.a. með að sú
leið sem búið er að teikna upp
beini ekki gestum inn á svæði þar
sem þeir eru ekki velkomnir.
„Verður m.a. að athuga hvort
gönguleiðin liggur yfir einkalóð eða
hvort um er að ræða viðurkennda
gönguleið. Mikilvægt er að vinna í
góðri sátt við landeigendur, skipu-
lagsyfirvöld, þjóðgarða og aðra
hagsmunaaðila.“
Möguleikarnir eru hér um bil
óþrjótandi og nefnir Einar að í
gönguferðasafni Wapp sé að finna
leiðir bæði um fáfarnar slóðir og
vinsælustu áfangastaði, langa leið-
angra um hálendið og stutta
göngutúra um höfuðborgina. „Má
t.d. nota forritið sem leiðsögumann
í ferð sem skoðar útilistaverkin í
miðborg Reykjavíkur og fræðir
bæði um verkin sjálf og listamenn-
ina sem sköpuðu þau. Þá gerði
Stefán Pálsson sagnfræðingur stór-
skemmtilega bjórgönguferð um
miðbæinn sem segir sögu bjór-
bruggunar, fjallar um bannárin, Öl-
gerðina og margt fleira, og litið inn
á valdar knæpur.“
Eygir möguleika á
Grænlandi og Færeyjum
Þótt hugmyndin á bak við Wapp
sé góð og forritið vel heppnað þarf
Einar að leysa úr ýmsum áskor-
unum. Þannig er hægara sagt en
gert að koma forritinu á framfæri
við erlenda gesti og íslenska nátt-
úruunnendur. „Þar hafa upplýs-
ingamiðstöðvar fyrir ferðamenn
verið mínir helstu bandamenn enda
reynist Wappið þeim vel þegar
ferðalangur kemur til að spyrja til
leiðar. Er þá hægt að beina honum
að forritinu frekar en verja 10-20
mínútum yfir korti til að útskýra
hvert skal halda. Með Wappinu
koma bæði leiðbeiningar um hvern-
ig á að komast á upphafsreit leið-
arinnar, og svo er notandanum
fylgt frá upphafi til enda göng-
unnar.“
Einar segir ekki mörgum for-
ritum til að dreifa sem mæti sömu
þörf og Wapp, og þó að t.d. megi
finna leiðsöguforrit sem fylgja
ferðamönnum um miðborgir stór-
borga úti í heimi séu færri kostir í
boði þegar kemur að því að halda
út í óbyggðir. Þar með er ekki sagt
að Wapp eigi erindi við alla mark-
aði og bendir Einar á að í Noregi
sé t.d. útivistarfólki mjög vel sinnt
hvað varðar kortlagningu göngu-
leiða. Þegar kemur að útrás Wapp
ætlar Einar því fyrst af öllu að
freista gæfunnar á Færeyjum og
Suður-Grænlandi. „Þar vantar enn
töluvert upp á þjónustu og lausnir
fyrir þá sem ferðast á eigin vegum
og hefur Wapp lagt drög að sam-
starfi við aðila á báðum stöðum.“
Morgunblaðið/Kristinn Magnússon
Einar Skúlason segir starfsfólk upplýsingamiðstöðva fyrir ferðamenn duglegt að benda erlendum gestum á Wapp.
Forritið vísar notendum leið um áhugaverðar og fallegar gönguleiðir og fræðir um sögu og náttúru.
Forrit sem sýnir ferðalöngum landið
Ásgeir Ingvarsson
ai@mbl.is
Samstarfsaðilar geta kost-
að gönguleiðir í Wappinu
og þannig laðað til sín við-
skiptavini eða eflt ferða-
þjónustuna á tilteknu
svæði. Í gegnum forritið
má m.a. nálgast bjór-
gönguferð sagnfræðings
um miðborg Reykjavíkur.
BANNER-UP STANDAR
Ódýr
og einföld
leið til að
kynna
þína vöru.
Sundaborg 3
104 Reykjavík
777 2700
xprent@xprent.is
Arion banki Sigurgeir Sindri Sigurgeirsson hefur verið
ráðinn svæðisstjóri Arion banka á Vesturlandi. Hann tekur
við starfinu af Eyjólfi Vilberg Gunnarssyni sem hefur tekið
við sem forstöðumaður bíla- og tækjafjármögnunar Arion
banka. Þetta kemur fram á vef bankans.
Sigurgeir Sindri mun hefja störf hjá bankanum 1. apríl.
Sigurgeir Sindri hefur verið starfandi formaður Bændasamtaka Ís-
lands frá árinu 2013 ásamt því að reka bú sitt í Bakkakoti í Borgarbyggð.
Hann hefur setið í fjölmörgum stjórnum og nefndum um landbúnað og
matvælaframleiðslu. Einnig hefur Sigurgeir Sindri verið stjórnarformaður
Hótels Sögu og í stjórn Bændahallarinnar ehf.
Sigurgeir Sindri er búfræðingur að mennt, hefur stundað nám í við-
skiptafræði við Háskólann á Bifröst og m.a. starfað sem stundakennari
við bændadeild Landbúnaðarháskóla Íslands.
Ráðinn svæðisstjóri á Vesturlandi
HR Skipulag akademískra deilda Há-
skólans í Reykjavík mun breytast frá og
með 1. mars næstkomandi. Helstu
breytingarnar eru þær að þrjú fagsvið
verða gerð að sérstökum deildum inn-
an háskólans; íþróttafræði, sálfræði og
iðn- og tæknifræði, og skilgreind verða
tvö yfirsvið innan háskólans. Þetta
kemur fram í tilkynningu frá skólanum.
Ragnhildur Helgadóttir, núverandi
forseti lagadeildar, hefur verið ráðin í stöðu sviðsforseta yfir við-
skiptadeild, lagadeild, sálfræðideild og íþróttafræðideild. Gísli Hjálmtýs-
son, forseti tölvunarfræðideildar, tekur við stöðu sviðsforseta yfir verk-
fræðideild, tölvunarfræðideild og iðn- og tæknifræðideild. Bryndís Björk
Ásgeirsdóttir verður forseti sálfræðideildar, Hafrún Kristjánsdóttir verður
forseti íþróttafræðideildar og Hera Grímsdóttir forseti iðn- og tækni-
fræðideildar.
Nýjar deildir og svið hjá Háskólanum í Reykjavík
VISTASKIPTI