Morgunblaðið - 05.04.2019, Page 8

N
ína Björk Gunnarsdóttir hefur starfað sem fyrir-
sæta, ljósmyndari og fleira sem tengist tísku og
hönnun. Henni væri án efa samt best lýst sem at-
hafnakonu. Hún vann hlutastarf á Hjúkrunarheim-
ilinu Mörkinni á Alzheimerdeildinni en hætti þar um
áramótin.
„Í dag er ég búin að vera að sækja mér meiri menntun í graf-
ískri miðlun sem er nauðsynlegt fyrir ljósmyndara. Eins ákvað ég
að læra barnajóga, en þar liggur áhugasvið mitt mikið í dag. Við
Aron erum líka að flytja inn ítalskan marmara og aðra eðalsteina
fyrir marmari.is.“
Nína Björk og Aron Karlsson giftu sig þann 1. september árið
2018 í Langholtskirkju.
Kynntust í barnaafmæli
„Ég er búin að þekkja Styrmi Karlsson, bróður Arons, í mörg
ár en hafði aldrei hitt Aron sjálfan. Heldur einungis heyrt af
honum. Það var síðan í barnaafmæli hjá Styrmi þegar ég hitti Ar-
on í fyrsta skiptið. Um leið og hann labbaði inn um dyrnar í afmæl-
inu tók hjartað mitt kipp og ég fann fyrir þessari ást við fyrstu
sýn. Eftir afmælið spurði ég Styrmi hver þessi maður væri eig-
inlega?
Mörgum mánuðum seinna hringdi Aron og bauð mér í mat.
Ekki skemmdi fyrir hversu góður kokkur hann var. Þetta var ein-
stakt kvöld og okkur fannst við hafa alltaf þekkst. Rúmlega einu
og hálfu ári seinna vorum við trúlofuð og fjórum árum seinna gift.“
Fjölskyldan í aðalhlutverki
Hverjir voru viðstaddir brúðkaupið?
„Börnin okkar fjögur, ásamt Hirti Magna presti sem gaf okkur
saman. Páll Rósinkrans söng nokkur af okkar hugljúfu lögum og
organistinn Óskar Einarsson spilaði undir.“
Hvernig var dagurinn?
„Dagurinn byrjaði á að ég fór í hárgreiðslu hjá Rúnu Magda-
lenu vinkonu minni í Hárgallerý. Alexander Sigfússon kom heim
og sá um að farða mig fyrir brúðkaupið. Saga Sig ljósmyndari kom
á svipuðum tíma til að mynda undirbúninginn. Við búum á móti
Langholtskirkju, þannig að ég labbaði yfir götuna í kirkjuna með
Agli Orra syni mínum sem var minn svaramaður. Aron beið í
kirkjunni með hinum börnunum, Kristjáni Eldi (sem var hans
svaramaður), Ester Regínu og Emblu Örk sem var hringaberi.
Eftir athöfnina fallegu beið brúðarbíllinn sem er gamall gylltur
Bens og óvæntir gestir sem hentu hrísgrjónum yfir okkur og
kysstu okkur í kaf. Teitur Þorkelsson vinur okkar keyrði brúð-
arbílinn (gullvagninn), þar opnuðum við kampavín og keyrðum
niður Laugaveginn. Leiðin lá í stúdíó til þess að taka fleiri myndir,
en Saga Sig var búin að fylgja okkur allan daginn. Eftir stúdíóið
hittum við börnin okkar á Kolabrautinni inni í Hörpu, borðuðum
þar dýrindis mat og nutum kvöldsins saman.“
Fóru í brúðkaupsferð til Capri
Daginn eftir brúðkaupið fóru nýgiftu hjónin í brúðkaupsferðina.
„Við fórum til Caprí á Ítalíu sem var yndislegt og algjört ævintýri.
Capri er svo falleg að ég þurfti stundum að klípa mig, þetta virtist
svo óraunverulegt. Maturinn var svakalega góður á Caprí, um-
hverfið ótrúlega rómantískt og frábær staður til að fara í brúð-
kaupsferð.“
Hvernig var undirbúningurinn?
„Undirbúningur var með öllu mjög afslappaður. Ég var dugleg
að skoða Pinterest þar sem ég fékk allskonar flottar hugmyndir
þar. Ég keypti kjólinn minn á netinu á fallegri brúðkaupssíðu.
Kjóllinn smellpassaði og ég er svo ánægð með hann. Hann er í
anda sjöunda áratugarins, stuttur með fallegum ermum og með
kvenlegu sniði. Ég valdi slör sem var stutt og passaði síddinni á
kjólnum. Aron valdi flauels-blazer í búrgundý-rauðum lit sem
passaði afar vel við fallega vöndinn minn sem blómabúðin 4 Árstíð-
ir gerðu fyrir mig. Börnin völdu sér sín föt þannig að allir yrðu fal-
legir og fínir á stóra deginum okkar. Giftingarhringarnir voru
keyptir erlendis. Báðir hringarnir eru úr hvítagulli, en minn er
með demanti.“
„Hjartað
mitt tók
kipp“
Nína Björk Gunnarsdóttir ljósmyndari
mælir með að fylgja hjartanu á brúð-
kaupsdaginn. Hún segir vandasamt að
setja saman fjölskyldu og því sé gott að
vera með sálufélaga í lífinu sem er til-
búinn að vanda sig með manni öll skrefin.
Elínrós Líndal | elinros@mbl.is
Ljósmyndir/Saga Sig
Aron og Nína kynntust í
barnaafmæli. Nína segir
að hjartað hennar hafi
tekið kipp og að þetta hafi
verið ást við fyrstu sýn.
Nína Björk gerði fallegan
brúðarvönd með 4 Árstíðum
og passaði rauði liturinn í
vendinum vel við rauða litinn
í jakka brúðgumarins.
 SJÁ SÍÐU 10
8 MORGUNBLAÐIÐ FÖSTUDAGUR 5. APRÍL 2019