Morgunblaðið - 20.04.2019, Qupperneq 45

MENNING 45
MORGUNBLAÐIÐ LAUGARDAGUR 20. APRÍL 2019
SKECHERS FLEX APPEAL 2.0
DÖMUSANDALI. STÆRÐIR 36-41
FÁST EINNIG SVARTIR.
8.995.-
DÖMUSKÓR
Arna Óttarsdóttir er einþeirra listamanna af yngrikynslóðinni sem nota að-ferðir textíllistarinnar í
sinni listsköpun og beita persónulegri
túlkun á tíðaranda samtímans. Þau
sækja fyrirmyndir til hversdagsins
og hins venjulega sem þykir jafnvel
ómerkilegt. Til að mynda hefur Loji
Höskuldsson vakið athygli fyrir út-
saumsverk sín þar sem hann beitir
fjölbreyttum saumaaðferðum á gróft
undirlag. Arna hefur allt frá útskrift
unnið með þetta hversdagslega
myndmál, reynsluheim manneskj-
unnar í samtímanum, sem hún útfær-
ir í vefnaði. Á sýningunni Allt fínt má
meðal annars sjá, auk vefnaðarins,
handgerðar sápur, útsaumaða púða,
stuttermaboli og þurrkuð blóm.
Í listsögulegu samhengi hefur ver-
ið litið á útsaum og vefnað sem hand-
verk allt fram á 20. öldina. Með til-
komu hreyfinga eins og Arts and
Crafts og síðar Bauhaus-skólans, þar
sem samþætting handverks og lista
var í öndvegi, verða skilin milli fagur-
lista og nytjalista óljósari. Textíl-
verkstæði Bauhaus-skólans var mik-
ilvæg uppspretta þróunar í vefnaði og
þar er þáttur nokkurra sterkra
kvenna mikilvægur, enda var kven-
kyns nemendum beint þangað. Gunta
Stölzl, Anni Albers og Benita Koch-
Otte voru brautryðjendur og voru
stöðugt að prófa sig áfram með
möguleika miðilsins í átt til frjálsrar
listsköpunar í stað þess að búa til
hluti sem einungis voru ætlaðir til
praktískra nota. Með þessu var stigið
skref í átt til þess að rétta hlut vefn-
aðarins og brjóta niður stigveldið
milli listgreina. Bæði Júlíana Sveins-
dóttir og Ásgerður Búadóttir, sem
gegndu mikilvægu brautryðjenda-
hlutverki á sviði vefnaðar á Íslandi og
í Danmörku, litu sömu augum á vefn-
aðarverk og málverk og þótti þau
ekki ómerkari. Nærtækara dæmi eru
verk Hildar Bjarnadóttur sem hefur
markvisst unnið á mörkum textílsins
og málverksins, gagngert til að brjóta
niður skil og metorðaröð milli list-
greina.
Myndheimur Örnu endurspeglar
daglegt líf; minningar, krot og skiss-
ur og jafnvel minnismiðinn fyrir inn-
kaup dagsins í matvörubúðinni, sem
hjá flestum endar venjulega í ruslinu,
er stækkaður upp og fær nýtt líf í
meðförum listamannsins í verkinu
„Innkaupalisti“ (2018). Tímafrek og
yfirveguð úrvinnsla verksins í vefnaði
skapar andrúmsloft þar sem hending
og öguð vinnubrögð mætast. Tími
undirbúningsvinnu og úrvinnslu helst
ekki alltaf í hendur og má þar einnig
finna líkindi milli aðferða Örnu og
Júlíönu Sveinsdóttur sem lætur líka
að því liggja að hending ráði fyrir-
mynd óhlutbundinna vefverka henn-
ar þegar hún segir í viðtali seint á
sjötta áratugnum: „Ég krota ein-
hverja vitleysu á blað, venjulega út í
bláinn og vinn svo úr því.“ Arna notar
myndvinnsluforrit til að koma teikn-
ingum sínum yfir á stafrænt form og
er óhrædd við að leyfa mistökum og
ummerkjum um tilfærslu milli hins
stafræna og handverksins að halda
sér. Í sumum verkunum er líkt og
tipp-ex hafi verið notað til að má út
misfellur, sem gerir þær um leið sýni-
legri; einlægni, léttleiki og húmor
skín í gegn en jafnframt marar tví-
ræðnin undir yfirborðinu. Titill sýn-
ingarinnar, Allt fínt, endurspeglar
nánast sjálfvirkt svar við spurning-
unni „hvernig gengur eða hvað er að
frétta?“ hvort sem það á við rök að
styðjast eða ekki. Leynast ekki mis-
fellur undir lekkerheitunum og er
kannski allt í fokki á sama tíma eins
og sagt er á kjarnyrtri íslensku.
Stuttermabolir í ýmsum myndum
hafa endurtekið birst á sýningum
Örnu á undanförnum árum þar sem
hún hefur með natni ofið þessa tákn-
mynd fjöldaframleiðslunnar í fatnaði.
Hér hanga þeir í röð pastellitaðir,
handofnir og þá um leið einstakir.
Fatnaður, ofnir og útsaumaðir púðar
og handgerðar sápur á sýningunni
Allt fínt vísa til líkamlegrar nálægðar
manneskjunnar. Líkamanum má
líkja við átakasvæði þar sem hvers-
dagslegur veruleikinn með öllum sín-
um ófullkomleika og óreiðu togast á
við líkamann sem fyrirmynd hins full-
komna forms. Fagurfræði og veru-
leiki hversdagsins tekur stöðugt á sig
nýjar og óvæntar myndir sem Arna
dregur listilega upp.
Á bleiku skýi hversdagsleikans
Morgunblaðið/RAX
Nýlistasafnið
Allt fínt bbbmn
Sýning með verkum Örnu Óttarsdóttur.
Sýningarstjóri: Kolbrún Ýr Einarsdóttir.
Sýningin stendur til 28. apríl 2019. Opið
þriðjudaga til sunnudaga frá kl. 12-18
og til kl. 21 á fimmtudögum.
ALDÍS
ARNARDÓTTIR
MYNDLIST
Óvænt „Fagurfræði og veru-
leiki hversdagsins tekur stöð-
ugt á sig nýjar og óvæntar
myndir sem Arna dregur listi-
lega upp,“ segir í rýni.
Bolir Stuttermabolir
í ýmsum myndum
hafa endurtekið birst
á sýningum Örnu á
síðustu árum.
Silja Elsabet Brynjarsdóttir,
mezzósópran, hlaut nýverið einnar
milljónar króna styrk Söng-
menntasjóðs Marinós Péturssonar
til áframhaldandi söngnáms. „Silja
Elsabet hefur stundað nám við
Royal Academy of Music í London
og tekur bakkalárgráðu í vor eftir
fjögurra ára nám. Í haust hefur
hún síðan sérnám í Advanced Dip-
loma in Opera en til þess var
henni veitt sérstök undanþága því
að einungis þeim sem lokið hafa
mastersnámi er veittur aðgangur
að því. Samhliða námi hefur hún
tekið þátt í óperuuppfærslum og
var valin í vetur til að syngja með
Sinfóníuhljómsveit Íslands, í
keppninni Ungir einleikarar á
vegum Listaháskólans og Sinfóníu-
hljómsveitar Íslands,“ segir í til-
kynningu.
Ánægð Frá vinstri eru Elísabet Eiríksdóttir, aðalkennari Silju Elsabetar, og
Haukur Björnsson, stjórnarformaður Söngmenntasjóðs Marinós Péturssonar.
Emilíana Torrini verður gestur
Jóns Ólafssonar í spjalltónleikaröð-
inni Af fingrum fram sem haldin
verður í Menningarhúsinu Hofi á
Akureyri í kvöld kl. 20.30. „Ásamt
hljómsveit flytja þau lög alveg frá
upphafsárum ferils hennar og til
dagsins í dag, auk þess að segja
sögurnar á bak við lögin og rifja
upp eitt og annað frá frábærum
ferli söngkonunnar,“ segir í til-
kynningu.
Af fingrum fram með Emilíönu Torrini
Ástsæl söngkona Emilíana Torrini.
Hlaut einnar milljónar króna styrk til náms
Kínverskir aðdá-
endur sjónvarps-
þáttaraðarinnar
Game of
Thrones eru
ósáttir við að
geta ekki horft á
óritskoðaða út-
gáfu þáttanna á
kínversku
streymisveitunni
Tencent. Þessu
greinir ABC News frá. Þar kemur
fram að kínversk stjórnvöld láti fjar-
lægja allar ofbeldis-, nektar- og kyn-
lífssenur áður en þættirnir rata fyrir
sjónir Kínverja. Þetta þýðir sem
dæmi að fyrsti þátturinn sem þegar
er farinn í loftið var í Kína sex mín-
útum styttri en annars staðar í heim-
inum. Í fréttinni kemur fram að kín-
verskir aðdáendur hafi í heimalandi
sínu ekki aðgang að vef HBO, sem
framleiðir þættina.
Ósáttir við rit-
skoðun á GOT
Emilia Clarke sem
Daenerys Targaryen.
Joe og Anthony Russo, leikstjórar
nýjustu Marvel-kvikmyndarinnar
Avengers: Endgame sem frumsýnd
verður vestanhafs í næstu viku,
biðla til aðdáenda að skemma ekki
upplifun væntanlegra áhorfenda. Í
vikunni birtu þeir mynd á Twitter
undir myllumerkinu #DontSpoil-
TheEndgame sem þýða mætti sem
ekki skemma Endgame. Þar biðja
þeir almenning að deila hvorki á
samfélagsmiðlum né gagnvart vin-
um upplýsingum um endinn eða
öðrum mikilvægum upplýsingum
úr tökum á myndinni. Politiken
greinir frá því að stuttar upptökur
úr myndinni í afar takmörkuðum
myndgæðum hafi verið birtar á
bæði Reddit og YouTube. Nokkur
fjöldi manns sá upptökurnar áður
en þær voru fjarlægðar aftur.
Ekki skemma end-
inn fyrir öðrum!
Mikil eftirvænting Stilla úr kvik-
myndinni Avengers: Endgame.