Skagablaðið - 16.10.1985, Blaðsíða 12

Tónlistarskólinn
30 ára í nóvember
Tonlistarskóli Akraness verður
30 ára í næsta mánuði og er
fyrirhugað að halda upp á áfang-
ann með veglegum afmælistón-
Smalastrákur
ísjálfheldu
Þrettán ára gamall smaladreng-
ur lenti í erfiðleikum um helgina
er hann komst í sjálfheldu í gili
fyrir ofan Haga í Skorradal.
Björgunarsveitin Hjálpin var
kölluð út en beiðnin var svo
afturkölluð áður en sveitin var
lögð af stað. Hafði stráksi lent í
erfiðleikum með að tjónka við
hest í umræddu gili og skilaði sér
ekki á réttum tíma. Var því farið
að óttast um hann en ekkert
amaði að honum er til hans náðist.
leikum eða einhverju í þá veru.
Nýráðinn skólastjóri er Lárus Sig-
hvatsson.
Starf tónlistarskólans er þrótt-
mikið í vetur sem endranær og
starfa 9 kennarar við hann í fullu
starfi og einn í hálfu starfi. Þá
annast kennari kennslu áblásturs-
hljóðfæri í stundakennslu. Flestir
kennararnir, eða fimm talsins,
kenna á hið sívinsæla píanó en
einn þessara fimm kennir jafn-
framt á fiðlu. Þá er boðið upp á
gítarkennslu, kennslu í söng, tón-
fræði, á blásturshljóðfæri og svo
forskólakennslu.
Eins og fram kemur á forsíðu
er Tónlistarskóla Akraness veru-
legur akkur í því að fá íslensku
hljómsveitina hingað uppeftir í
vetur því ákveðið hefur verið að
nemendur við skólann fái að
spreyta sig sem einleikarar með
hljómsveitinni. Þar fá þeir ein-
stakt tækifæri.
Bás HAB vakti mikla athygli á sýningunni.
„Orkuspamaðarátak" - sýn-
ing á Akranesi um helgina
Starfsfólk Gmndaskóla með óþægindi á húð og í augum:
„Ekki hægt að útiloka
að þetta sé ofnæmi“
- segir Guðbjartur Hannesson, skólastjóri
„Það er ekki hægt að útiloka
að þetta sé ofnærni," sagði Guð-
bjartur Hannesson, skólastjóri
Grundaskóla er Skagablaðið bar
undir hann hvort rétt væri að
starfsmenn skólans hefðu fundið
fyrir óþægindum í augum og á
húð að undanfömu.
„Þetta er ekkert stórvanda-
mál," sagði Guðbjartur enn-
fremur en taldi ekki fjarri lagi að
áætla að fimmtungur til fjórð-
ungur starfsfólks skólans hefði
fundið fyrir þessum óþægindum.
Um er að ræða útbrot og kláða,
sem talið er að e.t.v. megi rekja
til einhvers í andrúmsloftinu í
skólanum.
„Vinnueftirlitið gerði úttekt á
þessu og segja má að útilokunar-
aðferðinni hafi verið beitt,"
sagði Guðbjartur og taldi að
þetta fyrirbrigði væri ekki
óþekkt í nýjum húsum. Hugsan-
lega spilaði hér inní að loftræst-
ingin væri ekki rétt stillt.
Bæjaryfirvöld hafa þetta mál
nú til meðferðar og er á valdi
þeirra hvort eitthvað frekar
verður gert í málinu.
„Orkusparnaðarátak“ er yfir-
skrift sýningar, sem haldin verður
■ Safnaðarheimilinu, andspænis
kirkjunni, um helgina, nánar til-
tekið dagana 19.-21. október.
Sýningin er opin á laugardag og
sunnudag frá kl. 14-22 og frá kl.
17-22 á mánudag. Á laugardag og
mánudag verður húseigendum
boðið upp á ráðgjöf frá kl. 17-19.
Iðnaðarráðherra mun opna sýn-
inguna formlega kl. 14 á laugar-
dag en félagsmálaráðherra verður
einnig viðstaddur opnunina.
Þetta umrædda orkusparnaðar-
átak er sameiginlegt verkefni ráð-
herranna Sverris Hermannssonar
og Alexanders Stefánssonar og
beinist fyrst og fremst að upplýs-
ingamiðlun til almennings um
eflda tækniþjónustu og lánafyrir-
greiðslu til íbúðakaupenda svo
dæmi séu nefnd. Þá eru upplýsing-
ar um hagkvæma nýtingu orku og
orkusparnað í íbúðarhúsnæði
mikilvægur þáttur í þessu átaki og
má þar t.d. nefna einangrun,
fjölföldun glers og breytingu á
hitakerfum.
Sambærileg sýning var haldin í
Borgarnesi um helgina og til þess
að geta frætt lesendur sína eilítið
um hvað hér er á ferðinni skellti
Skagablaðið sér til Borgarness. Á
sýningunni eru 42 sýnendur, þar
af 3 frá Akranesi; Akur, Skaga-
plast og svo Hitaveita Akraness
og Borgarfjarðar, sem er með
mikinn og vel hannaðan bás.
Magnús Olafsson, arkitekt, á
heiðurinn af honum. Vakti bás
HAB enda mikla athygli á sýning-
unni í Borgarnesi.
Eins og kemur fram hér að
framan verða ráðgjafar til við-
ræðu á milli kl. 17 og 19 bæði á
laugardag og á mánudag. Munu
þeir veita fólki almennar upplýs-
ingar um möguleika á orkusparn-
aði og fjármögnun. Þá geta eig-
endur húsa, sem eru með lélega
orkunýtingu, sótt um skoðun á
eignum sínum og gerir þá skoðun-
armaður áætlun um orkusparandi
aðgerðir og reiknar út kostnað
við þær. Þessar áætlanir eru svo
lagðar til grundvallar við hugsan-
lega lánafyrirgreiðslu Húsnæðis-
stofnunar ríkisins.
Skoðunin er greidd úr ríkissjóði
og þurfa íbúðareigendur því ekki
að greiða fyrir hana. Þeir eru
heldur ekki skuldbundnir á einn
eða annan hátt þótt skoðunar-
maður komi og meti aðstæður.
Þetta er því kjörið tækifæri fyrir
þá íbúðareigendur sem hafa
áhuga á að fá yfirlit yfir ástand
íbúða sinna frá sjónarhóli orku-
sparnaðar.
Skagablaðið hvetur Akurnes-
inga til þess að kynna sér það sem
boðið er uppá á þessari sýningu
því það sem mun sparast kemur
til með að ganga upp í greiðslur á
lánum fólks frá Húsnæðisstofnun.
Sverrir Hermannsson, iðnaðar-
ráðherra, við opnun sýningarinn-
ar í Borgarnesi.