Fréttablaðið - 28.06.2019, Síða 12

Frá degi til dags
Halldór
ÚTGÁFUFÉLAG: Torg ehf. STJÓRNARFORMAÐUR: Einar Þór Sverrisson FORSTJÓRI: Ingibjörg Stefanía Pálmadóttir ÚTGEFANDI: Kristín Þorsteinsdóttir kristin@frettabladid.is
RITSTJÓRAR: Davíð Stefánsson david@frettabladid.is, Ólöf Skaftadóttir olof@frettabladid.is, MARKAÐURINN: Hörður Ægisson hordur@frettabladid.is FRÉTTABLAÐIÐ.IS: Sunna Karen Sigurþórsdóttir sunnak@frettabladid.is.
Fréttablaðið kemur út í 85.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum
án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Kristjana Björg Guðbrandsdóttir kristjanabjorg@frettabladid.is
MENNING: Kolbrún Bergþórsdóttir kolbrunb@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Hörður
Ægisson
hordur@frettabladid.is

Framkvæmd
nefndarinnar
á hæfnismat-
inu ber þess
merki að sú
vinna hafi
mestanpart
verið í
skötulíki.

Það skiptir
nefnilega
máli hver
stjórnar.
Sparaðu allt að 50-70%!
info@fedaszdental.huHafðu samband:
+ 36 70 942 9573 www.tannlaeknathjonusta.is
Fyrir
Eftir
Tannlækningar í Ungverjalandi
Í ati hversdagsins, þar sem hraði samfélagsmiðlanna ræður för, hættir okkur oft til að gleyma því sem gert hefur verið. Þannig tekur eitt við af öðru, lifir í
umræðunni stundarkorn og víkur svo fyrir því næsta.
Þingi var frestað í síðustu viku. Mesta athygli á
liðnum þingvetri vakti málþóf Miðflokksins, eðlilega.
Ýmislegt f leira gerðist þó á þessu þingi og þegar litið
er yfir sviðið sést að ríkisstjórn Katrínar Jakobsdóttur
hefur komið ansi mörgum framfaramálum í gegnum
þingið.
Frumvarp forsætisráðherra um kynrænt sjálfræði
er orðið að lögum. Þar er að finna umfangsmikla
réttarbót sem löngu er orðin tímabær. Þá er einnig, að
undirlagi heilbrigðisráðherra, búið að breyta löggjöf
um þungunarrof og tryggja í sessi rétt kvenna yfir
eigin líkama og einnig má nefna lög um ófrjósemis­
aðgerðir sem tryggja sjálfsforræði í ákvörðunum um
slíkar aðgerðir. Öll þessi mál eru mikil réttarbót.
Fljótlega eftir að ríkisstjórnin tók til starfa skipaði
forsætisráðherra nefnd til að fara yfir umbætur á lög­
gjöf á sviði tjáningar­, fjölmiðla­ og upplýsingafrelsis.
Sú nefnd skilaði tillögum og í kjölfarið hafa verið
gerðar löngu tímabærar breytingar á ýmsum lögum,
t.d. um tjáningarfrelsi og aðgang að upplýsingum.
Nú er svo komið að GRECO, nefnd Evrópuráðsins
gegn spillingu, segir okkur á réttri leið með að styrkja
stjórnkerfið til að draga úr hættu á spillingu.
Gerðar hafa verið breytingar á lögum um mat
á umhverfisáhrifum, lög um loftslagsmál styrkt,
umferðarlög uppfærð og þjóðinni sett heilbrigðis­
stefna, í fyrsta skipti sem það er gert. Breytingar hafa
verið gerðar á lögum um fiskeldi sem treysta um­
hverfisþætti betur í sessi og unnið verður að stofnun
ráðgjafarstofu innflytjenda.
Þetta er fráleitt tæmandi listi yfir þau góðu mál sem
þingið afgreiddi á liðnum vetri. Í haust er svo von á
fjölmörgum málum þar sem enn verður haldið áfram
að bæta samfélagið, svo sem tengdum lífskjarasamn­
ingunum. Það skiptir nefnilega máli hver stjórnar.
Góð uppskera á
þingvetrinum
Kolbeinn
Óttarsson
Proppé
þingmaður
Vinstri grænna
Skiptir hæfni í mannlegum samskiptum máli við mat á hæfni umsækjenda til að stýra einni mikilvægustu stofnun landsins? Að mati hæfisnefndar um embætti seðlabankastjóra virðist svo ekki vera. Sérstaklega var kveðið á um í skipunarbréfi hennar að hún skyldi
meta hæfni umsækjenda í mannlegum samskiptum. Í
drögum að niðurstöðum nefndarinnar, sem fjallað er
um í Fréttablaðinu í dag, kemur hins vegar fram að hún
hafi einungis stuðst við viðtöl nefndarmanna við tólf
umsækjendur við mat á þessum þætti. „Í viðtölunum
komu allir umsækjendur vel fyrir og er á grundvelli
þeirra ekki forsenda til að gera upp á milli þeirra,“ segir í
umsögninni. Svo mörg voru þau orð. Útilokað er að slík
vinnubrögð, sem endurspegla ágætlega það fúsk sem
einkennir alla vinnu nefndarinnar, væru viðhöfð þegar
seðlabankastjórar í okkar nágrannaríkjum eru skipaðir.
Minnst sjö af þeim átta umsækjendum sem voru ekki
metnir mjög vel hæfir til að gegna embættinu sáu ástæðu
til að andmæla mati nefndarinnar. Gagnrýni þeirra er í
meginatriðum efnislega sú hin sama. Þeir telja verulega
vankanta á allri málsmeðferð hæfisnefndarinnar og
furða sig á því að hún hafi ekki tekið til greina þær viða­
miklu breytingar sem verða á eðli starfsins við samein­
ingu Seðlabankans og FME. Það sé því áleitin spurning
hvort nokkurt mark sé takandi á hæfnismatinu.
Framkvæmd nefndarinnar á hæfnismatinu ber þess
merki að vinnan hafi mestanpart verið í skötulíki. Í
gagnrýni umsækjenda er bent á að nefndin hafi lagt
huglægt og óskiljanlegt mat á stjórnunarhæfileika –
enginn greinarmunur er gerður á reynslu stjórnenda
sem höfðu mannaforráð og hins vegar setu í stjórnum
í opinberum stofnunum – þar sem starfsferilskrár hafi
verið teknar gildar án rannsóknar á því hvort fyrri störf
hafi í raun krafist stjórnunarhæfileika. Umsækjendur
gátu því í raun, eins og einn nefnir, sagt hvað sem er um
sjálfa sig. Allt er þetta með miklum ólíkindum.
Vald og ábyrgð eiga að haldast í hendur. Mikilvægt
er að ráðherra hafi af þeim sökum nægjanlegt svigrúm
við mat á því hver eigi að veljast í starf seðlabanka­
stjóra. Þau vinnubrögð sem hafa verið viðhöfð við mat
á hæfni umsækjenda um þetta valdamikla og krefjandi
embætti, og hafa nú verið opinberuð, eru einn allsherjar
áfellisdómur yfir störfum nefndarinnar. Settar hafa
verið fram málefnalegar röksemdir um að hæfisnefndin
hafi ekki gætt jafnræðis, ekki sinnt rannsóknarskyldu
sinni í skilningi stjórnsýslulaga og sömuleiðis ekki fram­
kvæmt heildstæðan samanburð á umsækjendum.
Þau rök kalla á viðbrögð, og eins pólitískan kjark,
í því skyni að tryggja að nefndin fari ekki út fyrir sitt
lögbundna hlutverk, sem hún hefur gert, og sinni sínum
skyldum. Forsætisráðherra, í samráði við forystumenn
ríkisstjórnarinnar, þarf að taka þá nauðsynlegu ákvörð­
un að setja hæfnismat nefndarinnar að mestu til hliðar
og ráðuneytið framkvæmi þess í stað sitt eigið sjálfstæða
mat á hæfni umsækjenda. Ráðherra á fárra annarra
kosta völ. Það er óhugsandi að niðurstaða nefndarinnar,
sem fer ekki með skipunarvaldið og hefur jafnframt
misst allan trúverðugleika, verði að óbreyttu ein höfð til
grundvallar við þessa stóru og mikilvægu ákvörðun.
Vald og ábyrgð 
Lommepenge í Lóninu
Bláa lónið reynist áfram flagg-
skip ferðaþjónustunnar eins og
enn ein ágæt afkoma þess í fyrra
ber vitni um. Hagnaður upp á
tæpa fjóra milljarða, rúmlega það
rennur til eigenda í formi arðs og
allir brosa kísilhvítt út í annað.
Lónið er viðkomustaður svo
yfirgnæfandi meirihluta þeirra
erlendu ferðamanna sem stíga
fæti hér á land að aðgangseyrir
þar er ígildi komugjalda. Ferða-
menn reiddu fram 8,6 milljarða í
fyrra til að komast í lónið.
Grímur Sæmundsen, forstjóri
og einn af stærstu eigendum, er
því ekki á flæðiskeri staddur.
Samkvæmt ársreikningi fékk
forstjórinn ásamt fimm manna
stjórn félagsins sem nemur rúm-
lega 155 milljónum í laun í fyrra.
Allir vasar fullir nema kannski
hjá þeim sem fljóta í lóninu.
Einkavæðingarupphlaup
Það virtist koma flatt upp á
ótrúlega marga að Bjarni Bene-
diktsson, fjármálaráðherra og
formaður Sjálfstæðisflokksins,
skyldi lýsa þeirri skoðun sinni í
Fréttablaðinu í gær að ráð væri
að selja Íslandspóst í nánustu
framtíð. Skoðun Bjarna var slík
þruma úr heiðskíru að lyklaborð
loguðu og yfirlýsingar flugu til
fjölmiðla úr öllum áttum. Bjarni
undirstrikaði orð sín á Twitter í
gær og sagði engin rök fyrir því
að ríkið væri í samkeppnisrekstri
við að dreifa bréfum og bögglum.
mikael@frettabladid.is
2 8 . J Ú N Í 2 0 1 9 F Ö S T U D A G U R10 S K O Ð U N ∙ F R É T T A B L A Ð I Ð
SKOÐUN
2
8
-0
6
-2
0
1
9

0
5
:0
1
F
B
0
5
6
s
_
P
0
5
2
K
.p
1
.p
d
f
F
B
0
5
6
s
_
P
0
4
5
K
.p
1
.p
d
f
F
B
0
5
6
s
_
P
0
0
5
K
.p
1
.p
d
f
F
B
0
5
6
s
_
P
0
1
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
3
5
2
-A
8
F
4
2
3
5
2
-A
7
B
8
2
3
5
2
-A
6
7
C
2
3
5
2
-A
5
4
0
2
7
5
X
4
0
0
.0
0
1
5
A

F
B
0
5
6
s
_
2
7
_
6
_
2
0
1
9
C
M
Y
K