Fréttir - Eyjafréttir - 19.12.2012, Síða 2

°
°2 Eyjafréttir / Miðvikudagur 19. desember 2012
Eftirprentun, hljóðritun, notkun ljósmynda og
annað er óheimilt nema heimilda sé getið.
Útgefandi: Eyjasýn ehf. 480278-0549.
Ritstjóri: Júlíus Ingason - julius@eyjafrettir.is.
Blaðamenn: Ómar Garðarsson - omar@eyjafrettir.is.
og Sæþór Þorbjarnarson. - sathor@eyjafrettir.is.
Ábyrgðarmenn: Júlíus Ingason og Gísli Valtýsson.
Prentvinna: Eyjasýn/ Eyjaprent.
Ljósmyndir: Óskar Pétur Friðriksson og blaðamenn.
Aðsetur ritstjórnar: Strandvegur 47,
Vestmannaeyjum.
Símar: 481 1300 og 481 3310.
Netfang: frettir@eyjafrettir.is.
Veffang: www.eyjafrettir.is
EYJAFRÉTTIR koma út alla miðvikudaga. Blaðið er
selt í áskrift og einnig í lausasölu á Kletti, Tvistinum,
Toppn um, Vöruval, Herjólfi, Flughafnar versluninni,
Krónunni, Ísjakanum, Kjarval og Skýlinu.
EYJAFRÉTTIR eru prentaðar í 2000 eintökum.
EYJAFRÉTTIR eru aðilar að Samtökum bæjar-
og héraðsfréttablaða.
FRÉTTIREYJA
17 nemar voru útskrifaðir frá Framhaldsskólanum í Vestmannaeyjum á haustönn. 10 útskrifuðust af náttúrufræðibraut, 4 af félagsfræðibraut,
einn af viðskipta- og hagfræðibraut, einn af málabraut og einn af sjúkraliðabraut. Útskriftarnemarnir voru Andri Guðmundsson, Anna Vigdís
Magnúsardóttir, Andon Levchenko, Ágúst Sölvi Hreggviðsson, Berglind Karlsdóttir, Guðrún Ósk Jóhannesdóttir, Halla Þórdís Magnúsardóttir,
Hulda Erna Eiríksdóttir, Ingibjörg Guðmundsdóttir, Jónas Bergsteinsson, Kjartan Guðjónsson, Klara Ingólfsdóttir, Kristjana Sigurðardóttir,
Matthías Páll Harðarson, Ragnheiður Perla Hjaltadóttir, Rakel Ýr Leifsdóttir og Viktor Rittmüller.
Verðskrá Herjólfs hækkar um
10% um áramótin en þetta kemur
fram á heimasíðu Herjólfs. Al-
menn fargjöld hækka úr 3060 í
3360 í Þorlákshöfn en úr 1150 í
1260 kr. Fargjöld Herjólfs hafa
hækkað reglulega undanfarin ár,
síðast 1. nóvember 2011 þegar
fargjöldin hækkuðu um 15%.
Stuðst er við svokallaða ferjuvísitölu
þegar fargjöld með Herjólfi eru
ákvörðuð en inni í ferjuvísitölunni er
launaþróun, byggingavísitala, hafn -
argjöld og ekki síst olíuverð.
Fjögurra manna fjölskylda greiðir
rúmar 38 þúsund
Bæjarráð mótmælti harðlega fyrir -
hugaðri hækkun á gjaldskrá Herjólfs
á fundi sínum í síðustu viku. „Í því
samhengi bendir bæjarráð Vegagerð,
þingmönnum og öðrum, sem að
málum þessum koma, á að kostnaður
fyrir fjögurra manna fjölskyldu sem
ferðast milli Vestmannaeyja og Þor-
lákshafnar með bíl sinn og nýtir
kojur er í dag hvorki meiri né minni
en 34.740 krónur í hvert skipti. Eftir
það tekur við allur sami ferða -
kostnaður og aðrir íbúar þessa lands
greiða svo sem eldsneyti, slit á
bifreið og annað sem við á. Með
fyrirhugaðri hækkun verður kostn -
aður þessarar fjölskyldu við að
komast í vegasamband með því að
nýta Herjólf 38.214 krónur. Fari fjöl-
skyldan 5 sinnum á ári þessa leið er
kostnaðurinn, bara við Herjólfs ferðir,
hvorki meiri né minni en 191.070 kr.
Slíkar álögur á fjölskyldur í Vest-
mannaeyjum eru ekki á neinn máta
eðlilegar og því mótmælir bæjarráð
harðlega. Þingmenn Suðurlands eru
hvattir til að láta að sér kveða í þessu
máli,“ segir í bókun bæjarráðs.
Notast við ferjuvísitölu
Á undanförnum þremur árum hefur
farþegafjöldi Herjólfs margfaldast en
Ólafur William Hand, upplýsinga-
fulltrúi Eimskips, segir að fjölgun
farþega megi m.a. skýra með fleiri
ferðum. „Á sama tíma í fyrra höfðu
260 þúsund farþegar farið með
Herjólfi en við erum að horfa á 7-
10% aukningu í ár. Frá því í septem-
ber og til dagsins í dag, hafa hins
vegar verið farnar um það bil
helmingi fleiri ferðir í Landeyjahöfn
miðað við í fyrra og að einhverju
leyti má skýra fjölgun farþega með
því. Hins vegar var betri nýting í
ferðum í sumar en í fyrra, þannig að
það er sannarlega aukning í far -
þegafjölda, burt séð frá fleiri
ferðum.“
Hver ákveður hækkunina?
„Við biðjum um hækkanir út frá
ferju vísitölunni. Vegagerðin fer svo
yfir umsókn okkar og gefur síðan
leyfi fyrir hækkun ef hún telur
ástæðu til. Ferjuvísitala hefur
hækkað um 10% og olíuverð skekkir
myndina verulega, miðað við t.d.
neysluvísitölu og launavísitölu.
Hækkunin tengist ekki samningi um
rekstur ferjunnar, heldur er bara
eðlilegur hluti af rekstrinum,“ sagði
Ólafur. Eimskip er með samning við
Vegagerðina um rekstur Herjólfs út
árið 2014 en áætlað er að ný ferja
verði tilbúin 2015.
Olíuverð hækkað um 11%
Eins og Ólafur bendir á, þá er stuðst
við ferjuvísitölu þegar fargjöld eru
ákvörðuð. Stærstu liðir ferjuvísi -
tölunnar eru olíuverð, bygginga -
vísitala, launakostnaður og hafnar -
gjöld. Frá 1. nóvember 2011 hafa
hafnargjöld í Vestmannaeyjum
ekkert hækkað en þau munu reyndar
hækka um 5,1% um næstu áramót.
Launavísitala hefur hækkað um
6,4% en byggingavísitala um 2,5%.
Samkvæmt gjaldskrá Skeljungs
hefur skipagasolía hins vegar
hækkað um 10,9% frá 4. nóvember
2011 en eins og áður sagði var gjald-
skrá Herjólfs síðast hækkuð 1.
nóvember sama ár.
10% gjaldskrárhækkun Herjólfs um áramót:
Fjögurra manna fjölskylda
greiðir 38 þúsund
:: Notast við ferjuvísitölu segir upplýsingafulltrúi Eimskips :: Bæjarráð
mótmælir :: Hækkaði um 15% fyrir 14 mánuðum
Herjólfur hefur ekkert siglt til
Land eyjahafnar frá því að skipið
kom úr viðgerð í byrjun síðustu
viku og ekkert útlit fyrir að siglt
verði til Landeyjahafnar á næstunni.
Þannig kemur fram í tilkynningu frá
Sigl ingastofnun að dýpi í höfninni
sé ekki eins mikið og vonast hafði
verið til. Dæluskipið Perlan var
kölluð til baka úr dýpkunarfram -
kvæmdum vegna versnandi veður-
spár.
Á facebooksíðu Herjólfs var síðan
birt tilkynning þess efnis að siglt
yrði til Þorlákshafnar og áætlun
skipsins birt. Þar var einnig sagt
orðrétt: „Eins og fram kemur í
tilkynningu frá Siglingastofnun er
dýpið í Land eyjahöfn of lítið til
þess að Herjólfur geti siglt þangað
og öldupsá óhag stæð til dýpkunar.
Herjólfur mun því sigla til Þorláks -
hafnar og er gert ráð fyrir að svo
verði a.m.k. fram í mars mánuð.“
Ólafur William Hand, upplýsinga-
fulltrúi Eimskips sagði í samtali við
Eyjafréttir.is að margir óvissuþættir
geri það að verkum að ekki sé hægt
að sigla til Landeyjahafnar. M.a.
segir hann að Rannsóknanefnd sjó -
slysa sé að fara yfir óhappið þegar
Herjólfur lenti á öðrum hafnar-
garðinum en í kjölfarið hafi trygg -
ingafélög sett fram kröfu um að vita
hvað hefði gerst. Þá sé einnig beðið
eftir niðurstöðu vinnuhóps um
björgunaraðstæður í og við Land -
eyja höfn, auk þess að ekki séu
tiltækir varahlutir, ef skrúfa skipsins
skemmist á ný. Þá vanti einnig
straum mæli við höfnina.
Eins og gefur að skilja er mikil
óánægja meðal notenda skipsins,
enda hafði Baldur siglt í Landeyja -
höfn nánast sleitulaust á meðan
Herjólfur var í viðgerð.
Óvissa
með Land -
eyja höfn
:: Ekki siglt þangað
yfir hátíðarnar
Fræðslu- og menn -
ingarráð:
Sagnheimar,
Byggðasafn
og geymslu-
vandræði
Fræðslu- og menningarráð ræddi
húsnæðisvanda Sagnheima en eftir
áramót mun þurfa að rýma
geymslu rými sem safnið hefur haft
í Miðstöðinni.
Ráðið sagði brýnt að lausn verði
fundin á geymsluhúsnæði byggða -
safnsins sem allra fyrst, enda sam-
félagsleg ábyrgð sveitarfélagsins að
hlúa að sögulegum menningar -
verðmætum. Ráðið fól menningar-
fulltrúa í samstarfi við fram -
kvæmdastjóra umhverfis- og
framkvæmdasviðs að koma málinu
í ásættanlegan farveg.
Eyjafréttir milli
jóla og nýárs
Næsta tölublað Eyjafrétta kemur út
föstudaginn 28. desember.
Auglýsendur eru vinsamlegast
beðnir um að koma auglýsingum til
skila í síðasta lagi fyrir hádegi
fimmtudagsins 27. desember.
JÚLÍUS G. INGASON
julius@eyjafrettir. is
Slíkar álögur á fjölskyldur í Vestmanna -
eyjum er ekki á neinn máta eðlilegar og því
mótmælir bæjarráð harðlega. Þingmenn
suðurlands eru hvattir til að láta að sér
kveða í þessu máli”