Fréttir - Eyjafréttir - 19.12.2012, Page 27

Eyjafréttir / Miðvikudagur 19. desember 2012 27
°
°
Háfurinn kom hingað frá Fær -
eyjum um 1865-70 og mun Árni
Diðriksson hafa fengið þann
fyrsta. Mönnum gekk hálfilla að
venjast honum og læra að með -
höndla hann svo að allt fram undir
1885 höfðu margir enn sínar
gömlu aðferðir, grefilinn og holu -
stungurnar. En fyrir aldamótin
hefir þó háfurinn algjörlega
útrýmt öðrum veiðitækjum og
menn þá orðnir slyngir veiðimenn.
Þá voru og þeir, sem gamlir voru
þegar hann kom og voru vegna
getuleysis síns og stirðleika, inni-
lega á móti honum, farnir að sjá
ágæti hans sem veiðiáhalds og hve
miklu mannúðlegri meðferð fugl -
inn hlaut í honum en með grefl -
inum. Að sumum hafi gengið
háfveiði illa, bendir þessi vísa
Ólafs í Nýborg Magnússonar:
Veiðin mín er voða smá,
víst er það ei gaman.
Til helvítis ég henda má,
háf með öllu saman.
Í Suðurey hefir þeim og ekki
gengið vel ef dæma skal eftir vísu
Sigurðar Sigurfinnssonar, hrepp-
stjóra. Jón á Hrauni Einarsson var
að henda lunda upp úr bátnum,
sem sótt hafði til Suðureyinga og
féll Jón í sjóinn. Þá sagði Sig-
urður:
Súrt er fyrir Satans börn,
Suðurey að stunda.
Í Ægisdjúp fór Axlar-Björn,
eftir sínum lunda.
Axlar-Björn mun benda til að
Jón hafði aðra öxlina hærri en
hina. En sem sagt, um aldamót,
1890, eru komnir til sögunnar
ágætis háfsveiðimenn enda er
aflinn í þá tíð orðinn mikill þó
meiri yrði eftir aldamótin. Er þá
legið við í öllum stærstu úteyj -
unum, 4 til 5 vikur til lunda- og
svartfuglaveiða og komust færri
að en vildu. Það þótti góður
fengur og björg í bú að fá fugl svo
hundruðum skipti. Það þótti
ekkert undravert þótt búandinn
næði svo vel saman með fuglakjöt
að ein eða tvær tunnur væru
óétnar af saltfugli þegar nýmetið
kom um sumarið. Þó var borðað
mikið af fugli þar eð sauðfé var
aldrei margt og þá ekki nema hjá
bændunum svo teljandi sé. Fugla -
kjöt var því mikið til aðalkjötmeti
þurrabúðarmannsins og velflestra
smærri bænda aðalbúdrýgindi.
En nú er eitthvað annað uppi á
teningnum hvað fuglakjöt og
fyglinga snertir. Nú er tæpast hægt
að fá 2-3 menn í stærstu eyjarnar
þrjár og þykir ágætt ef einn vanur
maður fer með tvo óvaninga og
prýðilegt ef 2 vanir eru með
einum óvaningi. Þeir eru svo í
eyjum þessum 10-14 daga, lifa þar
í vellystugheitum og praktugleika,
hreinasta sport og bílífi, taka á
móti skemmtiferðafólki flesta
daga vikunnar í öllu mögulegu og
ómögulegu ásigkomulagi, dansa,
ralla og tralla við víf og vín alla
nóttina, sofa svo eða liggja fyrir
og hlusta á útvarp næsta dag,
þunnir og þreyttir fram á eftir-
miðdag. Og þó veiðast þetta 5 til 8
þúsund lundar yfir lundatímann
eða 2 til 4 þúsund á hvert hálfs -
mánaðar holl. Fæstir eru þar
lengur en þá taka við aðrir 2-3
menn og eru 7 til 14 daga. Hvað
haldið þið að veiðast mundi ef
úteyjalifnaðarhættirnir væru nú
sem fyrir 25-30 árum og farið
væri í allar úteyjarnar, Heimaklett
og Ystaklett með góðum veiði -
mönnum? Það yrðu vissulega
margir tugir þúsunda. Ekki fækkar
lundanum hér, heldur vex við -
koma hans svo að segja árlega svo
ekki er því til að dreifa um afla-
leysi manna, nei, heldur eru
ástæðurnar þær að veiðimenn
vantar tilfinnanlega og fyrrnefndir
lifnaðarhættir viðlegumanna. Þó
skal framtekið þessu til málsbóta
að misjafnt er þetta og sums staðar
ágætt viðlegulíferni á ýmsum
tímum veiðitímabilsins. Vitanlega
geta svo fyrirkomið aflaleysisár,
sbr. 1943 og 1944 en ástæður til
þess geta verið margar eins og t.d.
kuldar, bleytutíð eða ætisleysi
kringum Eyjar eins og 1942 er
unginn lá í þúsundatali hungur-
morða við holurnar.
Nú skulu taldir veiðimenn úteyj -
anna sem verið hafa á tímabilinu
1910 til 20 og sjáið þið þá hversu
mannað var þá og getið borið
saman við veiðimenn síðustu ára,
t.d. 1930 fram á þennan dag. Sjáið
þið ábyggilega muninn á afla -
mögu leikum fyrr og nú. Einnig
skal hér og minnst á fyrri ára
meðalveiði og hinna síðari,
skiptingu aflans o.fl.
Kafli úr bókinni Eyjar og úteyjalíf :: Sýnishorn af
lífinu í úteyjum :: Háfurinn kemur til sögunnar
Hreinasta sport
og bílífi
Hér er kafli sem dr. Erpur Snær Hansen, líffræð -
ingur las upp úr :: Þá var vandamálið hve lítið var
veitt af lunda en Árni hafði sínar skýringar á því
Kristinn R. Ólafsson las kafla úr bókinni í útgáfuveislu bókarinnar.
Bæjarstjórnarfundur
Almennur fundur verður haldinn í bæjarstjórn fimmtudaginn 20.
nóvember kl. 12:00 í fundarsal Ráðhússins.
Útvarpað verður frá fundinum á ÚV FM 104,0.
...........................................................................................................
Vestmannaeyjahöfn
óskar eftir starfsmanni
Vestmannaeyjahöfn óskar eftir starfsmanni í hafnar -
vörslu og önnur tilfallandi störf.
Starfið felst í hafnarvörslu, hafnarvernd, vigtun sjávarafla og öðrum
störfum, tengdum hafnarstarfsemi.
Um er að ræða vaktavinnu og eru laun samkvæmt kjarasamningi
STAVEY og launanefndar sveitarfélaga.
Skilyrði er að viðkomandi hafi bílpróf og þar sem starfið tengist
hafn arvernd er nauðsynlegt að skila inn sakavottorði með umsókn.
Æskilegt að umsækjandi hafi lokið skipstjórnar- eða vélstjórnarprófi.
Nánari upplýsingar veitir Sveinn Rúnar Valgeirsson á skrifstofu
Vestmannaeyjahafnar eða í síma 897-1513.
Umsóknum skal skilað til skrifstofu Vestmannaeyjahafnar í
umslagi merktu:
Vestmannaeyjahöfn
Básaskersbryggju
900 Vestmannaeyjar
v/hafnarstarfsmaður 2012
eða á netfangið: sveinn@vestmannaeyjar.is fyrir 8. janúar 2013.
...........................................................................................................
Spennandi störf
Störf í heimaþjónustu Vestmannaeyja – á dagvinnutíma og
seinni partur einu sinni í viku.
Starfsmenn vantar í heimaþjónustu sem felur í sér:
- Aðstoð við almennt heimilishald
- Aðstoð við persónulega umhirðu sem ekki telst heimahjúkrun
- Félagslegan stuðning
- Aðstoð við umönnun barna og ungmenna
Umsækjandi þarf að hafa til að bera heiðarleika, snyrtimennsku,
dugnað og góða samskiptahæfni.
Störfin geta verið hlutastörf eða fullt starf.
Félagsleg liðveisla – hlutastörf – sveigjanlegur vinnutími
Óskum eftir starfsfólki í félagslega liðveislu fyrir börn og fullorðna.
Félagsleg liðveisla felur í sér persónulegan stuðning og aðstoð
sem einkum miðar að því að rjúfa félagslega einangrun. S.s.
stuðning til að stunda íþróttir, fara á menningartengda viðburði og
annað félagsstarf. Starfstími er aðallega síðari hluta dags, á
kvöldin og/eða um helgar. Um er að ræða hlutastarf 12-16 tímar í
mánuði sem getur hentað vel sem aukastarf með námi eða öðru
starfi.
Umsóknarfrestur er til 31. des og má nálgast umsóknareyðublöð í
þjónustuver Ráðhúss eða á heimasíðu Vestmannaeyjabæjar. Laun
eru samkvæmt kjarasamningi Starfsmannafélags Vestmanna -
eyjabæjar (STAVEY) og Launanefndar sveitarfélaga. Nánari
upplýsingar veitir Hrefna Jónsdóttir á netfanginu hrefna@vest -
mannaeyjar.is eða síma 488-2000 og Sigurleif Guðfinnsdóttir á
netfanginu heimilishjalp@vestmannaeyjar.is eða í síma 488-2607.
Ráðhúsinu | 902 Vestmannaeyjum | kt. 690269-0159,
sími 488 2000 | fax 488 2001 | www.vestmannaeyjar.is
Vestmannaeyjabær
Ættingjar og vinir.
Bestu jóla- og nýársóskir.
Þökkum liðnu árin.
Guðný og Leifur Ársælsson
Gleðileg jól!
Ég óska vinum mínum og
ættingjum gleðilegra jóla og
farsældar á komandi ári. Þakka
ykkur fyrir árin sem eru að baki.
Biggi Sím