Fréttir - Eyjafréttir - 06.01.2016, Blaðsíða 2
2 Eyjafréttir / Miðvikudagur 6. janúar 2016
Undanfarnar vikur hafa verið miklar
umræður í bænum um það hver
muni taka við starfi slökkviliðs-
stjóra þegar núverandi slökkviliðs-
stjóri, sem hefur sinnt starfinu
undanfarin ár, lætur af störfum fyrir
aldurs sakir. Umræðan hefur
aðallega snúist um það hvort staðan
yrði auglýst eða hvort undirritaður,
sem gegnir starfi varaslökkviliðs-
stjóra, muni taka við starfi slökkvi-
liðsstjóra.
Þar sem þessi umræða hefur ratað á
síður fjölmiðla og mér er málið
skylt, langar mig aðeins að tjá mig
um málið. Fyrir u.þ.b. sex vikum
átti hafnarstjórinn, yfirmaður
slökkviliðsins, erindi í Skipalyft-
una, fyrirtæki sem ég rek, vegna
máls sem ég hafði lagt fyrir hann.
Þegar þeim erindum var lokið
spurði hann mig hvort ég hefði smá
tíma í spjall. Það var auðsótt. Í
þessu spjalli hans við mig kom fram
að búið væri að ákveða hver yrði
næsti slökkviliðsstjóri. Það kom
mér á óvart. Þegar ég spurði hvers
vegna starfið væri ekki auglýst,
svaraði hann því til að þetta væri
gert í hagræðingarskyni, þar sem sá
sem hefði verið ráðinn í starfið sæi í
dag um eldvarnaeftirlitið (það má
líka koma fram að hann sinnir fleiri
störfum fyrir bæinn, m.a. er hann
meindýraeyðir og hefur eftirlit með
nokkrum fasteignum bæjarins).
Hafnarstjóranum fannst einnig
ólíklegt að einhver hefði áhuga á
því að sækja um hálft starf. Þar sem
ég hef verið starfandi hjá slökkvi-
liðinu síðan 1973, spurði ég hvort
eitthvað hefði verið athugavert við
mín störf og þá sérstaklega störf
mín sem stjórnanda. Hafnarstjórinn
kvað svo ekki vera. Þegar ég spurði
hvers vegna mér hefði ekki verið
boðið starf slökkviliðsstjóra var
svarið nokkuð skondið, en það var á
þá leið að honum fyndist ólíklegt
að ég hefði áhuga á því. Ég kom því
þá skýrt á framfæri að það væri
ekki hans eða nokkurs annars að
ákveða hvort ég hefði áhuga á því
eða ekki, ég væri fullfær um að
ákveða það sjálfur.
Það kom einnig fram í spjalli
hafnarstjórans við mig að hann vildi
láta mig vita um þessa ákvörðun á
þessum tímapunkti því það yrði
fundur í Framkvæmda- og hafnar-
ráði á næstu dögum og þar yrði
ráðning nýs slökkviliðsstjóra tekin
fyrir. Það er allavega búið að halda
einn fund hjá ráðinu síðan spjall
okkar fór fram, þar voru þessi mál
ekki rædd, a.m.k. kemur það ekki
fram í bókun frá þeim fundi. Engu
að síður er búið að taka ákvörðun
um ráðningu í starf slökkviliðs-
stjóra. Án auglýsingar eða ákvörð-
unar ráðsins sem fer með málið.
Það er mjög sérstakt!
Slökkvilið Vm hefur á að skipa
mjög góðum starfsmönnum og er
nýráðinn slökkviliðsstjóri meðal
þeirra, enda beinist þessi gagnrýni
mín á engan hátt gegn honum. Mér
finnst framkoma þeirra sem fara
með málefni slökkviliðsins, þ.e
Framkvæmda- og hafnarráðs ásamt
hafnarstjóra, fyrir neðan allar hellur.
Tel ég að í þessu máli sé farið
gróflega á svig við góða stjórn-
sýsluhætti varðandi ráðningu í
opinbera stöðu en ekki síður
hvernig mannlega þættinum í
málinu er háttað. Í litlu samfélgi
skiptir sérstaklega miklu máli
hvernig farið er með völd og
afleiðingin af misbeitingu þess oft
sorgleg.
Það skal tekið fram að þegar þetta
er ritað er hvorki búið að tilkynna
mér né stjórn Brunavarðafélags Vm
formlega um að nýr slökkviliðs-
stjóri hafi verið ráðinn. Því miður
eru svona vinnubrögð innan
bæjarins ekki einsdæmi. Því verður
að breyta!
Virðingarfyllst,
Stefán Örn Jónsson
Nýr slökkviliðsstjóri :: Stefán
Örn Jónsson varaslökkviliðsstjóri:
Ráðning í
starf slökkvi-
liðsstjóra
Útgefandi: Eyjasýn ehf. 480278-0549.
ritstjóri: Ómar Garðarsson - omar@eyjafrettir.is.
Blaðamenn: Gígja Óskarsdóttir - gigja@eyjafrettir.is
Sara Sjöfn Grettisdóttir - sarasjofn@eyjafrettir.is
Íþróttir: Guðmundur Tómas Sigfússon
- gudmundur@eyjafrettir.is
ábyrgðarmaður: Ómar Garðarsson.
prentvinna: Landsprent ehf.
ljósmyndir: Óskar Pétur Friðriksson og blaðamenn.
aðsetur ritstjórnar: Strandvegur 47,
Vestmannaeyjum.
símar: 481 1300 og 481 3310.
netfang: frettir@eyjafrettir.is.
veffang: www.eyjafrettir.is
Eyjafréttir koma út alla miðvikudaga. Blaðið er
selt í áskrift og einnig í lausasölu á Kletti, Tvistinum,
Toppnum,Vöruval,Herjólfi,Flughafnarversluninni,
Krónunni, Kjarval og Skýlinu.
Eyjafréttir eru prentaðar í 2000 eintökum.
Eyjafréttir eru aðilar að Samtökum bæjar-
og héraðsfréttablaða.
eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
Það er ágætur siður hjá mörgum að
gera upp árið sem er að líða og það
ætla ég líka að gera eins og
vanalega.
Tíðin síðasta vetur var hundleiðin-
leg, þó svo að ég benti á að ég hefði
séð það verra. Það voru ansi margir
sem kvörtuðu en ég hef svolitlar
áhyggjur af því, miðað við veðrið
um jól og áramót, hvort þessi vetur
verði enn verri en vonandi verður
svo ekki.
Mikið af lunda og lundapysju í
haust, sem er mjög ánægjulegt, en í
sumar lét ég loksins verða af
gömlum draum að heimsækja
Grímsey fyrir norðan land og mæli
eindregið með því, enda Grímsey-
ingar góðir heim að sækja. Náttúran
og fuglalífið rosalegt og ég er strax
farinn að gera mér vonir um að
komast þangað einhvern tímann
aftur. Náði líka síðan í fríinu í ágúst
að heimsækja bæði Vigur í
Ísafjarðardjúpi og litlu Grímsey við
Drangsnes. Gríðarlega mikið af
lunda í öllum þessum eyjum.
Pólitíkin er farin að spila töluvert
inn í mitt líf. Reyndar hafa óvenju
margir spurt mig að því að
undanförnu, hvort ég sé kominn í
bæjarstjórn, en svo er ekki. Ég er
hins vegar í stjórn Náttúrustofu
Suðurlands og í Framkvæmda og
hafnarráði. Í störfum mínum þar hef
ég lagt fram þó nokkrar tillögur og
bókanir, sem að sjálfsögðu fara
síðan líka sjálfkrafa til umfjöllunar í
bæjarstjórn. Meirihlutinn hefur, eins
og ég bjóst við, verið á móti öllum
tillögum og bókunum frá okkur á
Eyjalistanum og það hvarflar að
mér að við á Eyjalistanum séum að
vinna fyrir bæjarbúa, en meirihlut-
inn fyrst og fremst fyrir bæjarstjór-
ann og þennan hóp sem er í kring
um hann. Ég neita því ekki að þetta
eru viss vonbrigði, en kannski má
segja sem svo að maður hafi orðið
töluverðar áhyggjur af því, hvernig
mál eru að þróast hér í bæ, þar sem
stefna bæjarstjórans virðist vera sú
að koma einhverjum úr hirðinni í
kring um sig inn í allar stjórnir og
stofnanir á vegum bæjarins og sem
dæmi um það nýjasta, þá var
hlutverk skipstjórans á Lóðsinum
sem varahafnarstjóri tekið af honum
og fært í aðrar hendur, að sögn
vegna samskiptaörðugleika og
þessu til viðbótar ganga síðan
sögusagnir út um allan bæ að starf
slökkviliðsstjóra, sem hættir núna
um áramótin vegna aldurs, standi
ekki varaslökkviliðsstjóra til boða,
sem starfað hefur í slökkviliði
Vestmannaeyja í yfir 40 ár, né
heldur eigi að auglýsa stöðuna,
heldur standi til að setja þetta
mikilvæga starf í hendurnar á
einhverjum úr hirðinni í kring um
bæjarstjórann. Eins og staðan er í
dag, þá hefur þetta mál ekki verið
borið undir fagráð en nýr slökkvi-
liðsstjóri á samkvæmt öllu að taka
við starfinu föstudaginn 1. janúar.
Mjög undarleg vinnubrögð þetta og
það getur ekki verið hollt fyrir
nokkurt bæjarfélag að allir þeir sem
fara með ábyrgðarstöður á vegum
bæjarins komi úr einhverjum
þröngum hóp og maður spyr sig,
hvað gerist ef upp koma mál þar
sem fólk lendir hugsanlega í þeirri
aðstöðu að vera á móti skoðunum
bæjarstjórans?
Að vissu leyti get ég svarað þessu
sjálfur og gerði það í raun og veru í
grein í apríl sl. þar sem ég fjallaði
um tillögur frá bæjarstjóranum á
borði stjórnar Náttúrustofu
Suðurlands, sem ég ætla ekki að
endurtaka hér, en langar að gefnu
tilefni að hafa eftir orð eins fulltrúa
meirihlutans í stjórninni, sem sagði
þetta fyrir ári síðan: „Hva, er
eitthvað að þessu?“
Eftir mótmæli og ábendingar hjá
mér kom sami aðili með þetta ári
síðar á fundi í nóvember sl.: „Þetta
fer aldrei í gegn.“
En nóg um pólitík. Fyrir mig
persónulega var þetta ár mjög erfitt.
Ég hef t.d. haft það fyrir venju síðan
ég fór að búa, að senda pabba
mínum fisk fyrir jólin og hringja
síðan í hann um jól og áramót, en
hann lést í sumar. Sólargeislinn er
síðan lítil dama sem kom í heiminn
í nóvember sl. og eru afabörnin þar
með orðin þrjú og eitt á leiðinni,
svo það má í sjálfu sér segja að lífið
heldur áfram. Hvernig næsta ár
verður er ómögulegt að segja, en ég
neita því ekki að það er smábeygur
í mér, ekki bara fyrir mína hönd
heldur okkar Eyjamanna allra.
Samgöngurnar verða greinilega
áfram í tómu rugli, fargjöldin á
Herjólfi voru að hækka töluvert þó
að reksturinn sé í hagnaði og vakti
athygli að þeir hækkuðu meira í
siglingum í Landeyjahöfn og ekkert
heyrist frá bæjarráði.
Ég hringdi niður í Landsbankann í
gær til að fá stöðu á reikningi og
fékk að heyra það, að ef ég fengi að
heyra hvað væri á bókinni minni, þá
yrði ég rukkaður um 95 kr. fyrir
það.
Það er mikið byggt af iðnaðarhús-
næði í Eyjum þessa mánuðina, en á
sama tíma er störfum að fækka
vegna hagræðingar og ég heyrði
það hjá faseignasala fyrir nokkru að
stærri eignir í Vestmannaeyjum
hreyfðust varla og hef séð dæmi um
það, að eignir séu jafnvel seldar á í
kringum 20 milljónir, en sambæri-
legar eignir væru metnar í kring um
80 milljónir á höfuðborgarsvæðinu.
Einnig virðist vera óvenju mikið
framboð á leiguhúsnæði í Vest-
mannaeyjum, svo maður fær
svolítið á tilfinninguna að staðan sé
aðeins niður á við hjá okkur
Eyjamönnum, en við erum svo sem
ekkert óvön því að þurfa að berjast
fyrir tilveru okkar og framtíðin er
óskrifað blað. Mitt áramótaheit er
það sama á hverju ári, að reyna að
gera betur í öllu því sem ég tek mér
fyrir hendur en ég gerði á síðasta
ári.
Óska öllum Eyjamönnum og
landsmönnum gleðilegs nýs árs og
þakka fyrir það gamla.
Georg Eiður Arnarsson
Georg Eiður Arnarsson skrifar:
Árið 2015 gert upp
...þessu til viðbótar
ganga síðan sögu-
sagnir út um allan
bæ um að starf
slökkviliðsstjóra,
sem hættir núna um
áramótin vegna
aldurs, standi ekki
vara slökkviliðsstjóra
til boða, sem starfað
hefur í slökkviliði
Vestmannaeyja í yfir
40 ár, né heldur eigi
að auglýsa stöðuna,
heldur standi til að
setja þetta mikil-
væga starf í hend-
urnar á einhverjum
úr hirðinni í kring um
bæjarstjórann.
”
Um áramótin létu þrír liðsmenn
Slökkviliðs Vestmannaeyja af
störfum en samtals eru þeir með
128 ára starfsferil að baki. Þetta eru
þeir Ragnar Þór Baldvinsson,
slökkviliðsstjóri, sem hefur verið í
Slökkviliði Vestmannaeyja í 44 ár,
Óskar Árnason og Þórarinn
Sigurðsson en báðir hafa þeir
starfað í 42 ár.
Tilkynnt var um þetta á facebook
síðu Slökkviliðsins en þar segir:
„Slökkvilið Vestmannaeyja vill
þakka þeim fyrir samstarfið og
þjónustuna í gegnum tíðina og
óskar þeim gleðilegs árs og alls hins
besta á þessum merku tímamótum.“
Friðrik Páll Arnfinnsson er nýr
slökkviliðsstjóri og Stefán Örn
Jónsson aðstoðarslökkviliðsstjóri.
Láta af störfum eftir sam-
tals 128 ár í Slökkviliðinu
:: Friðrik Páll Arnfinnsson er nýr slökkviliðsstjóri
Óskar Árnason, Ragnar Þór Baldvinsson og Þórarinn Sigurðsson.
>> Framhald á bls. 6
Georg Eiður Arnarsson.
Stefán Örn Jónsson.