Fréttir - Eyjafréttir - 15.06.2016, Blaðsíða 8

8 Eyjafréttir / Miðvikudagur 15. júní 2016
FÍV :: Hvert stefna útskriftarnemarnir :: Hallgrímur, Ólafur Ágúst, Kristín Edda, Guðný
Charlotta og Baldur:
Nándin styrkur skólans en
fjölbreytni mætti vera meiri
Hallgrímur Þórðarson er 19 ára og
útskrifaðist af Náttúrufræðibraut.
Hann er sonur Önnu Friðþjófsdóttur
og Þórðar Hallgrímssonar.
Hjá Hallgrími í sumar tekur við
vinna og fótbolti en í haust stefnir
hann á nám í haftengdri nýsköpun í
Vestmannaeyjum á vegum HR.
Hallgrímur er ánægður með
skólann sinn fyrverandi. „Þar sem
við erum ekki svo mörg þá þekkjast
allir mjög vel og samband við
kennara er mjög gott.“ Aðspurður
finnst honum ekkert ábótavant við
námið og telur sig tilbúinn fyrir
næsta skólastig. Honum finnst
nemendur vera vel upplýstir hvað sé
í boði í framhaldinu. „Það kom einn
daginn fullt að fólki að kynna hin
ýmsu störf. Haldin var einnig
kynning um haftengda nýsköpun og
á þeirri kynningu fékk ég mjög
mikinn áhuga á því námi, sérstak-
lega þar sem námið fer fram í
Vestmannaeyjum.“
En hann sér einnig framtíðina
hvergi annarsstaðar fyrir sér en í
Vestmannaeyjum.
Baldur Haraldsson er 19 ára og er
útskrifaðist af Náttúrufræðibraut.
Hann er sonur Önnu Ólafsdóttur og
Haraldar Hannessonar. Í sumar
verður hann að vinna í fiski sem er
andlegur undirbúningur fyrir
framhaldsnám eins og hann orðaði
það. En hann telur skólann hafa
undirbúið sig vel fyrir áframhald-
andi nám ásamt því að kynna vel
fyrir nemendum hvað er í boði í
framhaldinu.
Baldur er ánægður með skólann
sinn og nefnir þar sérstaklega
bílastæðin en hann er ánægður með
þau. Honum finnst ekkert ábótavant
við skólann en segir að það megi
alltaf bæta félagslífið.
Aðspurður um bestu minninguna úr
skólanum „Það var þegar að ég
tryggði liði mínu sigur á FÍV Cup
2014 og var í kjölfarið valinn maður
mótsins.“
Baldur sér framtíðina fyrir sér í
Vestmannaeyjum og stefnir á að
búa hér eins mikið og hann
mögulega getur.
Í ár útskrifuðust 23 frá Fram-
haldsskólanum í Vestmanna-
eyjum og að venju tókum við
spjall við nokkra þeirra um lífið
og tilveruna og hvert þau stefna
í framtíðinni. Rætt var við
Hallgrím Þórðarson, Ólaf Ágúst
Guðlaugsson, Kristínu Eddu
Valsdóttur, Guðnýju Charlottu
Harðardóttur og Baldur Hannes-
son sem eru nokkuð sátt þegar
þau líta til baka.
Sara SjöFn GrETTiSdÓTTir
sarasjofn@eyjafrettir.is
Á leið í nám í
haftengdri
nýsköpun
Við tekur andlegur
undirbúningur fyrir
áframhaldandi nám
Útskriftarnemarnir bíða
þess að útskrifast og fá að
setja upp húfurnar.
Hallgrímur Þórðarson
sér framtíðina hvergi
annarsstaðar fyrir sér
en í Vestmannaeyjum.
Baldur Haraldsson er
ánægður með skólann
sinn og nefnir þar
sérstaklega bílastæðin.