Fréttir - Eyjafréttir - 15.06.2016, Síða 11
11Eyjafréttir / Miðvikudagur 15. júní 2016
Sigurlás Þorleifsson, skólastjóri
GRV sagði þetta sannkallaðan
merkisdag. Hann marki lok tíu
ára skólagöngu þessa glæsilega
hóps sem þarna var samankom-
inn með fjölskyldum sínum.
„Í dag erum við hér saman komin
að kveðja nemendahóp og um leið
að þakka þeim fyrir samveruna á
liðnum árum og óska þeim alls hins
besta í framtíðinni. En þessi dagur
er ekki endalok einhvers – heldur er
þetta tákn um nýja byrjun, nýtt
tímabil þessara efnilegu nemenda
þar sem tækifæri gefast til að takast
á við nýja og vonandi enn meira
spennandi hluti,“ sagði Sigurlás.
Útskriftarhópurinn telur 56
nemendur og sagði Sigurlás að í
hópnum væri mikið af hæfileika-
ríku fólki á mörgum sviðum. Gott
dæmi um það er Thelma Lind
Þórarinsdóttir sem söng eitt lag og
gerði það mjög vel.
„Það hlýtur að vera stór stund fyrir
ykkur kæru nemendur að standa í
þessum sporum í dag að hafa lokið
grunnskólanámi sem er vonandi
bara eitt lítið skref á ykkar
skólagöngu, skólagöngu sem þið
hafið kannski lítið haft um að segja
en nú eru breytingar framundan.
Starfsmenn skólans og foreldrar
ykkar hafa ráðið för hingað til en nú
er komið að tímamótum þar sem
þið sjálf þurfið að fara að taka ykkar
eigin ákvarðanir um hvert þið viljið
stefna og fara að hafa áhyggjur af
framtíðinni og óttinn við fullorðins-
árin fer að kræla á sér,“ sagði
Sigurlás og vitnaði næst í grein sem
hann rakst á og heitir Að gera sitt
besta og hefst svona:
„Hvernig liði þér ef þú sætir í
flugvél og flugstjórinn tilkynnti í
hátalarakefið að hann ætlaði að gera
sitt besta til að fljúga vélinni á
áfangastað? Eða ef læknir, sem
ætlar að fjarlægja botnlangann úr
syni þínum eða dóttur, segði þér að
hann muni gera sitt besta til að
sjúklingurinn lifði aðgerðina af?“
Væntanlega myndu þessar
upplýsingar hreint ekki bæta líðan
þína, heldur þvert á móti virka sem
yfirlýsing um ákveðin takmörk flug-
mannsins og læknisins, og þá um
leið einhverskonar uppgjöf þeirra.
Þetta eru dæmi um það sem kallað
er hugarfar stöðugleika og felst í
því að við lítum á greind og hæfni
sem meðfædda og óbreytanlega
fasta. Við erum bara svona og
höfum aðeins takmarkaða mögu-
leika til að breyta því. Við höldum
við hugmyndinni um stöðugleikann
með því að segja eða hugsa; það er
nú ekki við því að búast að þú getir
þetta, þú ert nú lesblindur, með
athyglisbrest eða eitthvað annað. Af
nægu er að taka. Á sama hátt
viðhöldum við hugarfari stöðug-
leika þegar við hrósum börnum
fyrir að vera klár, jafnvel svo klár
að þau séu með topp einkunnir án
þess að líta í bók,“ sagði Sigurlás
og hélt áfram.
Hugarfar vaxtar
„Andstæðan við hugarfar stöðug-
leika er hugarfar vaxtar en í því
felst að við lítum á greind og hæfni
sem eitthvað sem hægt er að auka
með viðeigandi aðferðum á sama
hátt og hægt er að bæta þrek með
því að æfa hlaup eða styrk vöðva
með lyftingum. Þeir sem þekkja til
rannsókna sem fjalla um væntingar
kennara til nemenda og viðhorf
nemendanna sjálfra til eigin
árangurs vita að það er það sem
hefur mest áhrif á námsárangur
þeirra.
Að þeirra mati þá öðlast nemendur
sem fá hrós og hvatningu fyrir að
leggja sig fram, jafnvel þó afrakst-
urinn sé ekki 100%, dýrmætara
uppeldi en hinir sem fá hrós fyrir
árangur sem þeir hafa lítið sem
ekkert þurft að hafa fyrir. Nem-
endur sem búa yfir hugarfari vaxtar
stunda nám sitt með því hugarfari
að þeir geti aukið greind sína, þeir
fagna þess vegna áskorunum, gefast
ekki upp við mótlæti, eru óbangnir
við að gera mistök, vegna þess að
þeir læra af þeim og þeir nýta sér
gagnrýni. Þessi nálgun er ein af
megin undirstöðum þess leiðsagnar-
mats sem hefur verið skilgreint og
sett fram sem aðferðafræði og
margir skólar byggja starf sitt á. En
hún segir forsendur leiðsagnarmats
vera lærdómssamfélag og setur
fram þrjú megineinkenni þess:
„Unnið er að hugarfari vaxtar, þ.e.
litið er svo á að með vinnu sé hægt
auka greind og hæfni nemendanna.
Nemendur vita hvernig þeir læra,
og geta hugsað um það hvernig þeir
hugsa. Nemendur vinna í hópum
með blandaðri námsgetu.
Hugmyndin um að við gerum
okkar besta er að mati fræðimanna
ekki sérlega jákvæð, þvert á móti
viðheldur hún hugarfari stöðug-
leika. Við þurfum að trúa því að við
getum gert enn betur líkt og
íslenska landsliðið í handbolta
söng: „Við gerum okkar, gerum
okkar, gerum okkar, gerum okkar
besta og aðeins betur ef það er það
sem þarf.“
Líf okkar er ekki handrit
Um framtíðina sagði Sigurlás að
margir hefðu áhyggjur af henni en
samfélagið virðist innræta okkur frá
blautu barnsbeini að við eigum að
vita nákvæmlega hvað við viljum.
„Okkur er sagt að elta ástríðu okkar,
láta drauma okkar rætast, gera það
sem við elskum og það sé sjálfsagt
mál að þetta liggi allt saman fyrir.
Þegar við svo uppgötvum að líf
okkar, draumar og hugsanir eru
ekki í samræmi, heldur ólíkar dag
frá degi, læsir skelfingin sig um í
hugarheim okkar.
En líf okkar er ekki handrit og
sannleikurinn er sá að við skiljum
afskaplega lítið í okkur sjálfum,
hegðun okkar og ákvörðunartöku.
En það er allt í lagi að skilja ekki
sjálfan sig og vita ekki hvað maður
vill. Þannig sættumst við ekki
aðeins frekar við okkur sjálf eins og
við erum, heldur líka við aðra sem
við áttum okkur ekki á, vegna þess
að þegar allt kemur til alls, þá skilja
þeir sig ekki heldur.“
Búa nemendur undir
líf og starf
Sigurlás sagði að útskrift úr
grunnskóla sé tímamót og marki
nýtt upphaf þar sem nemendur eigi
að njóta þess að vera til. „Hlutverk
okkar í GRV hefur verið að búa
ykkur nemendur undir líf og starf í
síbreytilegu þjóðfélagi, og þá í
samvinnu við heimilin – og nú er
komið að því að láta reyna á
hvernig sá undirbúningur nýtist
ykkur krakkar. Þið eruð prófsteinn-
inn á hvernig til hefur tekist, og þið
sýnduð það svo sannarlega síðastu
dagana í skólanum að við höfum
gefið ykkur nokkuð gott veganesti.
Nú er undir ykkur komið hvernig
þið spilið úr því og hvernig þið
byggið ofan á þann grunn sem þið
hafið byggt upp á undanförnum
árum.
Okkur finnst líka mikilvægt að
minna ykkur, kæru nemendur á þá
ábyrgð sem þið berið á eigin velferð
í stað þess að vera pínu stikkfrí,
eins og margir eru, halda að
mamma og pabbi leysi allt og bjargi
öllu og að það sé öllum öðrum að
kenna ef eitthvað fer úrskeiðis. Það
er í lagi að gera mistök, það er í lagi
að vera mannlegur og viti ekki hvað
maður vill í lífinu eins og ég
minntist á áður, en mikilvægast er
að hlusta á hjartað, innsæið því ef
maður gerir það er maður í betra
jafnvægi til að taka réttari ákvarð-
anir.
Mikið breyst á tíu árum
En á svona stundu notar maður líka
tímann og lítur yfir skólagöngu
ykkar til að sjá hve margt hefur
gerst og mikið breyst á þessum tíu
árum. Þeir sem hafa leitt þennan
hóp í gegnum skólagönguna, hvatt
ykkur og stutt og vakað yfir velferð
ykkar geta glaðst yfir því að áfanga
er náð og verk þeirra hafa skilað
árangri. Og eins og við höfum sagt
oft áður eru það þið foreldrar góðir
að sjálfsögðu fremstir í flokki, en
þar leikur starfsfólk skólans einnig
stórt hlutverk. Þetta er nefnilega
sameiginlegt verkefni.
Kæru nemendur þið eruð að fljúga
úr hreiðrinu og við tekur áreiti
framhaldsskólans, enn meiri
freistingar og hópþrýstingur og nú
reynir á að standa með sjálfum sér,
eða fylgja fjöldanum í blindni eins
og flestir gera. Hvað eiga þeir
sameiginlegt sem við lítum upp til
og viljum bera okkur saman við?
Hverjar eru okkar fyrirmyndir og
hvers vegna eru þær fyrirmyndir?
Athugið þetta vel!!
Ég ætla að enda þetta á svipuðum
nótum og í fyrrra. Ég vil óska ykkur
alls hins besta í framtíðinni krakkar
og við hér í skólanum munum
fylgjast með ykkur áfram á
komandi árum. Við vitum að það að
ná árangri í lífinu er afstætt því fyrir
suma er það að ná árangri að finna
sína fjöl snemma og fá að vera á
ákveðnum stað alla ævi. Á meðan
aðrir eru ævintýragjarnir og þrá
vængi frelsis.
En maður verður að láta óttann
lönd og leið og stíga út fyrir
þægindahringinn því þannig tekst
maður á við sjálfan sig. Mesta
glíman er glíman við mann sjálfan,
að takast á við sjálfan sig en oftar
en ekki bendir maður á aðra. Það að
vera flottur karakter og bera ábyrgð
á gjörðum sínum skiptir öllu máli,
að gera góðverk, hrósa í stað þess
að tala illa um aðra. Það er
veikleikamerki að tala niður til
annarra, gera grín að og niðurlægja
svo ég endi þetta á að vitna í
Þorgrím Þráinsson sem heimsótti
okkur fyrir skemmstu og hafði
mikil áhrif á ykkur nemendur með
tali sínu,“ sagði Sigurlás.
Verðlaun
og viður-
kenningar
Fyrir góða skólasókn og
ástundun
Laxness um land og þjóð.
10. BÞ
Díana Hallgrímsdóttir.
Kristjana Björnsdóttir.
Magnús Kristleifsson.
10. HF
Elsa Rún Ólafsdóttir.
Eva Aðalsteinsdóttir.
10. LS
Gíslný Birta Bjarkadóttir.
Hafrún Dóra Hafþórsdóttir.
Þorbjörg Júlía Ingólfsdóttir.
Íslenska
Elsa Rún Ólafsdóttir 9,5.
Stærðfræði
Íslandsbanki gefur viður-
kenningarnar.
Elsa Rún Ólafsdóttir 9,5.
Gíslný Birta Bjarkad. 9,5.
Hafrún Dóra Hafþórsd. 9,5.
Enska
Rótarý gefur viðurkenningu.
Þorbjörg Júlía Ingólfsd. 9,4.
Danska
Danska sendiráðið gefur
viðurkenninguna.
Elsa Rún Ólafsdóttir 9,2.
Samfélagsfræði
Rótarý gefur viðurkenningu.
Gíslný Birta Bjarkad. 9,6.
Náttúrufræði
Rótarý gefur viðurkenn-
ingarnar.
Elsa Rún Ólafsdóttir 9,5.
Selma Þöll Guðjónsd. 9,5.
List- og verkgreinar
Myndmennt:
Ísabella Tórshamar
Textílmennt:
Kvenfélagið LÍKN gefur
viðurkenningarnar .
Kristjana Björnsdóttir.
Þorbjörg Júlía Ingólfsdóttir.
Framfarir:
Gabríela Dögg Viktorsdóttir.
Jóhannes Helgi Jensson.
Linda Petrea Georgsdóttir.
Sólveig Lind Gunnarsdóttir.
Lokaverkefni:
Umsjónarkennarar veita
viðurkenningarnar
Besti flutningur:
Arna, Bergþóra, Ísabella
og Thelma.
Besti básinn: Ótti, Hafrún
Dóra, Rósa og Þórhildur.
Frumlegasta verkefnið:
Fóstureyðingar, Erna Sara,
Selma og Tanja.
Besta verkefnið:
Íþróttadrykkir – Elsa Rún,
Eva og Viktoría
Þarna eru á ferðinni öflugir
einstaklingar sem við
væntum mikils af í
framtíðinni.
GRV :: Skólaslitaræða Sigurláss Þorleifssonar skólastjóra:
Nemendur með hugarfar
vaxtar fagna áskorunum og
gefast ekki upp við mótlæti
:: Eru óbangnir við að gera mistök vegna þess að þeir læra af þeim
og þeir nýta sér gagnrýni
Þær fengu verðlaun fyrir besta básinn í lokaverkefninu, Hafrún Dóra,
Þórhildur og Rósa María.
Þær fengu verðlaun fyrir bestu kynninguna í lokaverkefninu,
Bergþóra, Thelma Lind, Arna Dís og Ísabella.
Elsa Rún fékk 5 verðlaun, fyrir
ástundun, stærðfræði, íslensku,
dönsku og náttúrufræði.