Fréttir - Eyjafréttir - 25.10.2017, Blaðsíða 8

8 - Eyjafréttir Miðvikudagur 25. október 2017
alþingiskosningar 2017
kosið í
fyrsta sinn
Þóra Guðný
Arnarsdóttir
Fylgist þú með pólitík? Já,
aðeins meira þessa dagana.
Ertu búin að ákveða hvað þú
ætlar að kjósa? Nei, er ekki
alveg búin að ákveða, er
ennþá að kynna mér flokkana.
Hvaða málefni finnst þér
mikilvægust? Samgöngur og
heilbrigðismál.
Bára Viðarsdóttir
Fylgist þú með pólitík? Ég
hef engan áhuga á stjórn-
málum en er að reyna að
fylgjast með núna í kringum
kosningar.
Ertu búin að ákveða hvað þú
ætlar að kjósa? Ég veit ekki
ennþá hvaða flokk ég ætla að
kjósa.
Hvaða málefni finnst þér
mikilvæg? Mér finnst
heilbrigðisþjónustu vera eitt
af helstu málefnum sem þarf
að taka á en einnig um-
hverfismál.
Nökkvi Snær
Óðinsson
Fylgist þú með pólitík:
Nei, frekar lítið.
Ertu búinn að ákveða hvað
þu ætlar að kjósa? Nei, ég er
ekki búinn að ákveða hvað ég
ætla að kjósa þar sem ég veit
eiginlega ekkert hvaða
flokkur stendur fyrir hverju.
Hvaða málefni finnst þér
mikilvæg? Ætla ekkert að
þykjast vera gáfaður í þessu
öllu en ætli það sé ekki bara
heilbrigðiskerfið, samgöng-
urnar og menntakerfið.
Jón Gauti
Úranusson
Fylgist þú með pólitík?
Já, svona af og til.
Ertu búinn að ákveða hvað
þú ætlar að kjósa? Já, eg
held það.
Hvaða málefni finnst þér
mikilvægust? Það eru
húsnæðismál, heilbrigðismál
og samgöngumál.
Klukkan þrjú í gær hafði 271 greitt
atkvæði utan kjörfundar hjá
Sýslumanninum í Vestmannaeyjum.
Þriðjudaginn fyrir kosningarnar
2016 höfðu 193 greitt atkvæði í lok
dags.
Sæunn Magnúsdóttir, fulltrúi
sýslumanns segir að þetta hafi farið
rólega af stað í ár en tekið kipp í lok
síðustu viku og í byrjun þessarar. Í
gær var mjög mikið að gera. Það er
rétt ár á milli kosninga, í fyrra var
kosið laugardaginn 29. október en
núna laugardaginn 28. Munurinn á
fjölda atkvæða er í raun enn meiri
þar sem að í fyrra var búið að fara á
Sjúkrahúsið.
Hægt er að greiða atkvæði utan
kjörfundar á skrifstofutíma
embættisins, frá klukkan 10:30 til
15.00 og svo 16.00 til 18.00 fram á
föstudag.
Kosið verður í Barnaskólanum og
hefst kjörfundur klukkan níu og
lýkur klukkan tíu um kvöldið. Á
kjörskrá í Vestmannaeyjum eru
3159 en voru 3166 árið 2016.
Utankjörfundar atkvæði eru
greidd á skrifstofu Sýslumanns-
ins í Vestmannaeyjum.
alþingiskosningarnar á laugardaginn:
Utankjörfundaratkvæði
fleiri en fyrir ári síðan
ómAR GARðARSSoN
omar@eyjafrett ir. is
Frambjóðendur á ferð
í vestmannaeyjum
Það fer ekki framhjá neinum þessa
dagana að kosningar eru fram-
undan, óvenjulegar eru þær, en
engu að síður eru þrír dagar í
herlegheitin. Flokkarnir sem bjóða
sig fram í Suðurkjördæmi eru tíu
talsins.
Fulltrúar frá Framsókn, Sjálf-
stæðisflokknum og Vinstri grænum
kíktu til Vestmannaeyja í liðinni
viku. Flokkarnir héldu opna fundi
og vildu hlusta og ræða við
Eyjamenn. Framsóknarmenn voru
með opin fund á Pizza 67, Vinstri
grænir í Arnardranga og Sjálf-
stæðismenn í Ásgarði.
Á kjördag á laugardaginn verða
Vinstri græn með kosningakaffi í
Arnardranga á milli klukkan 14-17.
Sjálfstæðismenn verða á Einsa
Kalda með kosningakaffi á sama
tíma. Um kvöldið ætla Sjálfstæðis-
menn að vera með kosningavökum
á Háaloftinu og hefst hún kl. 22:00.