Skessuhorn - 16.03.2000, Síða 5

onJiaSLItlUi-
FIMMTUDAGUR 16. MARS 2000
5

íslenskur landbúnaður getur ekki og mun
aldrei geta keppt í verðlagningu við land-
búnaðarframleiðslu í suðlægari og gróður-
sælli löndum. Það verðum við að sætta okk-
ur við. Til þess að halda úti landbúnaði í
þessu landi í framtíðinni er því nauðsynlegt
að styrkja landbúnaðinn verulega af opin-
beru fé - þótt við áttum okkur á því að sá
stuðningur muni fara minnkandi er fram líða
stundir. En þetta verðum við að gera, því
ella fara sveitir landsins í eyði, og það viljum
við ekki. Það er höfuðatriði fyrir íslenskt
samfélag að sveitirnar fari ekki í eyði og til
þess að ná því markmiði verðum við að líta
á stuðning við landbúnaðinn sem eins konar
fórnarkostnað - tískuorðið þessi misserin.
Það má líkja þessu við landhelgisbaráttuna.
Við hefðum alveg getað sleppt því að færa
út landhelgina, en við gerðum það til þess
að geta staðið á eigin fótum. Og við gætum
nú til dags alveg sleppt því að vinna fiskafl-
ann hér á landi; við gætum alveg sent hann
óunninn úr landi, eins og reyndar er nokkuð
gert af, en við viljum fá að vinna meginhluta
hans hér til að renna stoðum undir sjálfstætt
íslenskt samfélag. Stuðningurinn við land-
búnaðinn er nákvæmlega sama eðlis.
Þetta var, svona nokkurn veginn, inntak-
ið í vörn Ara Teitssonar bændahöfðingja fyr-
ir nýjan samning milli ríkisins og bænda sem
felur í sér fimmtán milljarða styrk við bænd-
ur á næstu árum - samning sem stuðnings-
menn íslenska landbúnaðarkerfisins vissu
vel að yrði umdeildur í besta lagi og Ari var
því fyrirfram allur í vörn þegar hann var
spurður um samninginn. En þessar rök-
semdir hans fyrir nauðsyn á fimmtán millj-
arða ríkisstyrk duga engan veginn.
Rétt er að taka fram að ég er í rauninni
ákafur stuðningsmaður íslensks landbúnað-
ar og er tilbúinn til að greiða töluvert hærra
verð fyrir landbúnaðarvörur sem ég veit að
eru tryggilega upprunnar hér á voru (ennþá)
hreina og ómengaða landi. Þær eru líka
samkvæmt mínum smekk yfirleitt betri en
þær erlendu. Og mér finnst líka æskilegt að
halda sem mestri byggð í sveitum landsins.
En röksemdir bændahöfðingjans lyktuðu af
því að landbúnaðurinn liti sjálfur á sig sem
eins konar bónbjargarmann á íslensku þjóð-
lífi, sem aðrir þjóðfélagsþegnar yrðu að
halda lífi í af gustukaskyni, svo hann lognað-
ist ekki út af. Ef við fáum ekki bætur, þá
deyjum við. Viljiði virkilega að við deyjum?
Þetta virtist vera það sem bændahöfðingjan-
um var efst í huga.
En samlíking hans við sjávarútveginn og
landhelgisbaráttuna var út í hött, til dæmis.
Við færðum út landhelgina til þess að sitja
einir að verðmætunum sem fiskurinn í sjón-
um er, og að reyna að líkja því við að setja
milljarða króna í íslenskan landbúnað er því
líkast að landbúnaðurinn telji sig þurfa að
skreyta sig með lánsfjöðrum. Og ástæðan
fyrir því að við reynum að fullvinna sem
mest af fiski hér á landi er einfaldlega sú að
á því græðir þjóðfélagið mest þegar til
lengdar lætur - það er ekki styrkur eða „fórn-
arkostnaður" til sjávarútvegsins.
íslenskur landbúnaður mun taka breyt-
ingum þegar styrkjakerfið fellur niður eða
verður altént aðlagað að raunveruleikanum
og íslenskir bændur þurfa að búa sig undir
það, svo þeir geti stoltir í bragði framleitt það
sem þeir geta best - kannski á hærra verði
en verksmiðjulandbúnaðurinn í útlöndum,
en gæðin verða líka vonandi meiri og þá
munum við öll vera tilbúin til að borga nógu
hátt verð til þess að landbúnaðurinn geti
borgað sig. En þeir eiga ekki að láta bjóða
sér þá vörn fyrir milljarðastyrki frá ríkinu sem
felst í því að væla ef bændur fái ekki pening
þá fari sveitirnar í eyði. Líkast til er það rétt
að landbúnaðarkerfið hafi alltof lengi dregið
úr frumkvæði og áræði íslenskra bænda -
alla vega fannst mér heldur lítið leggjast fyr-
ir bændahöfðingjann með þessari hjákát-
legu vörn í blaðinu.
Ég vona að bændur á Vesturlandi hafi
ögn meiri metnað en þessi orð bændahöfð-
ingjans gefa til kynna - metnað sem felst í
öðru en að væla út styrki því annars deyjum
við. Metnaður íslenskra bænda á vitaskuld
að felast í því einu að framleiða úrvalsvöru -
ekki í því að halda sveitum landsins í byggð
af hugsjónaástæðum. Ef íslenskir bændurfá
að framleiða sínar úrvalsvörur munum við
alltaf vera tilbúin til að kaupa þær, og veita
okkur þann lúxus sem þær eru og hljóta enn
frekar að verða í framtíðinni - og þá munu
sveitirnar haldast í byggð. En þetta á ekki að
hugsa öfugt, eins og bændahöfðinginn virð-
ist gera: Elsku bestu kaupiði íslenskar land-
búnaðarvörur og ef það dugar ekki til, þá
styrkið okkur um fimmtán milljarða, til að
halda sveitunum í byggð. Ef þetta eiga að
vera aðalröksemdir talsmanna bænda munu
þeir brátt tala fyrir daufum eyrum.
Ævintýrasöngleikur
Eftir Þorvald Þorsteinsson
í leikstjóm Stefáns Sturlu Sigurjónssonar
Tónlist samdi Jóhann G. Jóhannsson
Síðustu sýningar í félagsmiðstöðinni Óðali
fimmtudag 16. mars kl. 17.oo og 20.oo
föstudag 17. mars kl. 17.oo og 20.oo
Leikur, söngur, grín og glens !
ffllir velhomnlr.
fidf.
logg. /asteígna- og skipasali
Borgarbraut 61
310 Borgarnes
Sími: 437-1700
Fax: 437-1017
Nýtt á söluskrá
Veitingastaður í Borgarnesi
Til sölu glæsilegur veitingastaður í einu elsta húsi
bæjarins. Húsið hefur allt verið endurbyggt og
innréttað á mjög vandaðan hátt 1996. Húsið er á
þremur hæðum samtals 325 ferm. Brunabótamat
34.000.000. Leyfi fyrir 150 gesti en veitingasalur
fyrir um 50 manns. Húsið selst með öllu sem í því
er: Innréttingar, bar, hljómflutningstæki, breiðtjald,
sýningarvélar, myndir á veggjum og allur
borðbúnaður fyrir um 100 manns. Húsið getur verið
til afhendingar með skömmum fyrirvara.
Ásettverð 25.000.000.

Allar nánari upplýsingar á skrifstofu.
Snæfellsbær auglýsir hér með tillögu að breytingu á aðalskipulagi Snæfellsbæjar
1995-2015 samkvæmt skipulags- og byggingarlögum nr. 73/1997.
Breytingin felst í stækkun svæðis undir íbúðarhúsabyggð á Selhóli, Hellissandi.
Breytingartillagan verður til sýnis á bæjarskrifstofunum að Snæfellsási 2,
Hellissandi, frá og með miðvikudeginum 15. mars til miðvikudagsins 12.
apríl 2000.
Þeim sem telja sig eiga hagsmuna að gæta er hér með gefinn kostur á að gera
athugasemdir við breytingartillöguna, eigi síðar en 26. apríl 2000. Skila skal
athugasemdum skriflega á bæjarskrifstofur Snæfellsbæjar, Snæfellsási 2.
Hver sá sem ekki gerir athugasemdir við breytingartillöguna fyrir tilskilinn
Deiliskipulag á Selhóli
Auglýst er eftir athugasemdum við deiliskipulag og skipulagsskilmála fyrir
íbúðabyggð á Selhóli Hellissandi. Um er að ræða götu með 8 byggingarlóðum
undir einbýlis- og parhús ásamt leiksvæði.
Deiliskipulag við Háarif
Auglýst er eftir athugasemdum við deiliskipulag og skipulagsskilmála fyrir
íbúðalóðir við Háarif, Rifi. Um er að ræða lóðir nr. 17a til 21.
Uppdrættir ásamt skipulagsskilmálum eru til sýnis á almennum skrifstofutíma
á skrifstofu Snæfellsbæjar Snæfellsási 2, frá 15. mars til 12. apríl 2000.
Athugasemdir berist skrifstofu Snæfellsbæjar fyrir 26.apríl 2000.
Hver sá sem ekki gerir athugasemd við tillöguna innan framangreinds
s telst sambvkkur íienni.