Skessuhorn - 01.03.2001, Blaðsíða 7
FIMMTUDAGUR 1. MARS 2001
7
jntjatinuu.
• •
MORÐUR AÐ MEIRI
Áhugamenn um íslenska
tungu vita ekki alveg í hvorn
fótinn þeir eiga að stíga um
þessar mundir. Ekki var Mörð-
ur Árnason fyrr búinn að heilla
útvarpsráð upp úr skónum til
samþykktar tillögu sinni um
flutning Júróvisjónlags á ís-
lensku en hann sneri kvæði
sínu í kross og tók upp léttara
hjal. Sumir töldu hann mann
að meiri, öðrum þótti vegsemd
hans þverra, allt eftir hags-
munum hvers og eins.
Þótt pistlara renni ekki
blóðið til skyldunnar þykir
ekki úr vegi að fara hér
nokkrum orðum um þessa
uppákomu. Ekki er að efa að
Merði hafi gengið gott eitt til
að mæla fyrir þessari tillögu og
fá hana samþykkta. Hitt er
nokkrum vafa undirorpið að
þetta sé rétta leiðin til að vinna
fylgismenn að verndun ís-
lenskrar tungu.
I nýlegri keppni Imark um
auglýsingar hlaut séra Pétur,
prestur Oháða safnaðarins í
Reykjavík, verðlaun fyrir ó-
venjulegustu auglýsinguna.
Hann auglýsti messu nokkurn
veginn á eftirfarandi hátt:
„Áttu erfitt með að sofna? Við
svæfum þig í messunni á
sunnudaginn kemur. Óháði
söfnuðurinn.“
Því nefni ég þessa auglýs-
ingu hér að málverndarmenn
geta lært sitthvað af henni og
viðhorfum séra Péturs. Verið
er að auglýsa háalvarlegt efni
en bros og jafnvel hlátrasköll
eru skammt undan. Málvernd
er sannarlega ekkert grín frek-
ar en messur á sunnudögum en
þegar afla á slíkum alvörumál-
um fýlgis er til lítils að setja
upp strangtrúarsvip og berja
menn til hlýðni eða höfða til
skyldurækni.
Vissulega er það hvimleið
þróun þegar alíslensk fyrirtæki
taka upp erlend nöfn sem jafn-
vel starfsmenn þeirra eiga
erfitt með að bera rétt fram.
Hvenær tekur útvarpsstöð upp
á að auglýsa keppni í íslenskun
fyrirtækjanafna og skorar á fyr-
irtækin að taka upp bestu
nöfnin? Og fjári er það lélegt
að menn skuli ekki vilja skera
sig úr fjöldanum í Júróvisjón
með því að syngja á þjóðtung-
unni.
Á kennaraárum pistlara fyr-
ir hart nær 10 árum setti nem-
andi fram alveg frábæra hug-
mynd í jákvæðum anda. I ís-
lenskutíma í 8. bekk stakk hún
upp á því að hvetja ætti ung-
linga til að búa til slagorð á
forníslensku. Þetta er þó
kannski auðveldara að segja en
í að komast. Benedikt Erlings-
son, leikari, sýndi þó við setn-
ingu Evrópsks tungumálaárs á
dögunum í Þjóðmenningar-
húsinu dýrmæta svo ekki varð
um villst að Gunnarshólmi
Jónasar Hallgrímssonar sómar
sér ágætlega í rapp-útgáfu.
Ekki er víst að sú útgáfa færi
þeim sem vanist hafa Gunnars-
hólma í öllu stilltari flutningi
neitt nýtt en þetta gæti verið
vænleg leið til að laða unglinga
í klofsíðum buxum með húfu
ofan í augu að verðmætum ís-
lenskrar menningar með
lempu. Þetta er töff, þetta er
kúl og þetta er íslenskt.
Takið eftir því að meistari
Þórbergur, sem þótt hefur
mesti stílisti á íslensku, sletti
meira en aðrir og var þó þeim
hinum sömu öðrum þjóðlegri.
Bibba á Brávallagötu hefur ef
nokkur vakið athygli á teygjan-
leika íslenskunnar og hagyrð-
ingakvöld eru vinsæl skemmt-
un og örugglega vernd tung-
unnar í vil. Þungar brúnir og
hvassar gagnrýnisraddir eiga
ekki samleið með aðhlynningu
þjóðtungu.
Mörður hefur sjálfsagt vak-
ið bros hér og þar með uppá-
tæki sínu en það er síður en svo
víst að hann hafi unnið vernd
íslenskrar tungu góðverk þann
daginn.
Þar sem þetta er síðasti pist-
ill undirritaðs í Skessuhorni,
a.m.k í bili, vil ég þakka les-
endum samfylgdina. Eg óska
Skessuhorni alls hins besta.
Lifið heil.
Lars H. Andersen
FÖRELDRAFRÆDSLA
Fyrirhugað er að hafa
foreldrafræðslunámskeið fyrir
verðandi foreldra á vegum
Heilsugæslustöðvarinnar í
Borgarnesi í mars og apríl
Vinsamleqast hafið samband ef þið hafið
ánuga í síma 437 1400
Hjúkrunarfræðingar Heilsugæslunni
(IoJzJiaJzóIl
^WII /JotofCrtfaaA&i*,
Vegna fjölda fyrirspurna höfum við ákveðið að
halda 8 vikna tónlistarnámskeið í Borgarnesi
frá 26. febrúar til 30. apríl 2001
ATH! Enn er hægt að skrá sig á námskeiðið
Boðið verður upp á einkakennslu á gítar, bassa og
trommur auk samspils(hljómsveit) fyrir þá sem það vilja.
Leiðbeinendur á þessu fyrsta námskeiði verða,
Hafsteinn Þórisson; Gítar, bassi, samspil.
Sigurþór Kristjánsson; Trommur, samspil.
Upplýsingar veita Hafsteinn í síma
435 1565 eða 899 1744
Sigurþór í síma 437 2211 eða 692 3941
5-50HEKTARASPILDUR 1
í STANGARHOLTSLANDI
Eigendur Stangarholts bjóða til sölu spildur, sem eru frá 5 og upp
í 50 ha að stærð, seldar með vegi og köldu vatni að lóðarmörkum.
Lagning hitaveitu frá nyrstu hverfum Borgarness er í athugun, en
vegalengd í beinni línu er aðeins 8 km. en 16 eftir þjóðvegi. í
Egilssögu er sagt frá því að Skalla-Grímur hafi gefið Þórdísi Stöng,
dóttur Þóris Þurs, Stangarholt, sem þá er ein af Landnámsjörðum
og þar hefur væntanlega verið búseta í um I 100 ár
LandslagsarkitektarnirYngvi Þór Loftsson og
Gísli Gíslason frá Landmótun ehf. í Kópavogi hafa skipulagt um 300 ha svæði.
Minnsta spildan skv.skipulaginu er 4.6 ha og sú stærsta 24.8 ha,en möguleikar eru
á að sameina spildur, ef fólk vill eignast stærra svæði. Engar kvaðir eru af hálfu
söluaðila á nýtingu reitanna.þannig að fjölskyldur gætu tekið sig saman um kaupin
og byggt fleiri en eitt hús.Frá Reykjavík er vegalengdin 88 km í Stangarholt og á
jörðinni er 550 m flugbraut og rétt um 20 mínútna flug til Reykjavíkur.
Umhverfið þarna er dæmigert fyrir Mýrarnar, þar skiptast
á lágvaxið kjarr,borgir, mýrar.tjarnir og hólar.sem hægt er að nýta til
skógræktar.hestamennsku og annars þess er hugurinn girnist í sambandi við útivist
Hluti landsins er þurrkaður. Mjög góð þjónusta er í Borgarnesi á öllum sviðum.þar
er ein glæsilegasta íþrótta- og sundhöll landsbyggðarinnar, mjög skemmtilegur
golfvöllur að Hamri sem verið er að stækka úr 9 holum í I8,mikil samkeppni í
verslunarrekstri,fjöldi úrvals iðnaðarmanna og fýrirtækja á öllum sviðum.Möguleiki
er á vetrarbeit og að taka hross á hús í hesthús Stangarholts.
Hektaraverð er frá kr 200.000,- með vatni og vegi að
lóðarmörkum,allt eftir stærð og staðsetningu. Búnaðarbankinn í
Borgarnesi býður upp á fjármögnun,bæði til spildukaupa og
byggi ngafram kvæ m da.
Upplýsingar veitir Ingvi Hrafn Jónsson í
síma og faxi 568 1560 eða 552 2879 og 853 6443
og ihjlanga@islandia.is