Skessuhorn - 04.05.2001, Blaðsíða 6

6
FOSTUDAGUR 4. MAI 2001
onUISinu^
\
S
Rætt við Þóri Olafsson fráfarandi skólameistara FVA
Þórir Ólafsson fráfarandi skólameistari FVA
Þórir Ólafsson sagði starfi sínu
sem skólameistari FVA lausu íyrir
skömmu og hóf störf á nýjum vett-
vangi eftir páska er hann tók við
starfi sérfræðings í framhaldsskóla-
deild menntamálaráðuneytisins.
Þórir hafði þá starfað við skólann
frá stofnun hans árið 1977 og gegnt
stöðu skólameistara í ein 16 ár.
Blaðamaður Skessuhorns hitti Þóri
að máli um helgina á hans gamla
vinnustað, í Fjölbrautaskóla Vesmr-
lands á Akranesi.
Skólameistari í 16 ár
„Það er svo sem ekkert einfalt
svar við því nema þetta var bara mín
persónulega ákvörðun tekin eftir að
þetta var búið að brjótast um í mér
í dálítinn tíma,“ segir Þórir að-
spurður um ástæðu þess að hann
sagði starfi sínu lausu. „Eg er búinn
að vera skólameistari hér nokkuð
lengi og starfandi við skólann frá
stofnun og í raun ári lengur því ég
var byrjaður að kenna hér við gagn-
fræðaskólann árið '76 um haustið.
Fjölbrautaskólinn er svo stofnaður
'77 svo þetta er orðinn aldarfjórð-
ungur í sama umhverfinu. Ég var
ekki búinn að vera hér við kennslu
nema rétt tæp tíu ár þegar ég var
orðinn skólameistari svo ég er bú-
inn að gegna því starfi hér í 16-17
ár eftír því hvernig talið er og tím-
inn var bara kominn.“
Nauðsynlegt að gefa
öðrum tækifæri
Þórir segir að löngunin tíl að
breyta til hafi blundað í sér í nokk-
ur ár. „Eg var búinn að líta aðeins í
kringum mig, svo bauðst mér þetta
starf og ég hikaði þá ekkert við að
slá til. Þegar komið er á þennan
aldur verður maður að fara að vega
það og meta hvort maður eigi að
eyða starfsævinni á sínum vinnustað
eða hvort kosmr sé á að skipta um
starf. Eg mat það svo að ég ætti líf
eftir skólann og vildi láta á það
reyna. Svo er hitt líka að full ástæða
er til að huga að því að aðrir komist
að. Ef maður byrjar í þessu starfi
um þrímgt og ætlar að eyða þar
starfsævinni þá blokkerar
hann starfið í býsna langan
tíma.“
Mikil viðbrigði
Eins og áður segir gegnir
Þórir nú stöðu sérfræðings í
menntamálaráðuneytinu.
„Sérfræðingur er nú bara á-
kveðið hugtak sem notað er
í tröppuganginum í ráðu-
neytinu. Eg er ráðinn þarna
sem sérfræðingur í skóla-
málum til sérstakra verkefna
sem unnin eru af þjónusm-
skrifstofu við skólana. Við
vinnum þarna nokkur sam-
an og emm tengiliðir við
skólana, fylgjumst með
þeirra málum. Hvert og eitt
okkar er svo með sérstaka
málaflokka. Eg er t.d. með
kennararáðningar, undan-
þágur og slíka hluti auk
gagnaöflunar ýmiss konar í sam-
bandi við undirbúning fjárlaga og
annað í þeim dúr.
Þórir hefur nú gegnt stöðunni í
tæpan mánuð en þegar hann er
inntur eftir því hvernig honum líki
á nýjum vettvangi segir hann að
ekki sé komin reynsla á það. „Starf-
ið er ósköp svipað og ég hafði
reiknað með. Það má náttúrulega
segja að það sé ótrúlega einmana-
legt miðað við það að vinna í skóla.
Eg er nánast einn á minni skrifstofu
að vinna að ákveðnum málum og
viðbrigðin að koma þangað úr
þeirri miklu hringiðu sem einn
framhaldsskóli er má segja að séu
yfirþyrmandi. En ég vissi alveg að
hverju ég gekk og vildi raunveru-
lega fara að hægja á og fara í aðeins
minna og friðsamara starf. Að því
leyti til er starfið eins og ég átti von
á en það er auðvitað lítil reynsla
komin á það enn sem komið er.“
Verkfallið ekki
örlagavaldur
Þann 7. nóvember hófst kennara-
verkfall í framhaldsskólum landsins.
Þórir neitar því að það hafi orðið til
þess að hann ákvað endanlega að
hætta. „í rauninni er þetta mjög
sérkennilegt mál því segja má að
þetta tímabil sem skólameistaratíð
mín spannar hafi verið mjög ófrið-
vænlegt í þessum málum. Á þeim
tíma hafa verið fimm verkföll og ég
hætti núna þegar menn eygja loks-
ins þann samning sem er líklegur til
að binda enda á þessi átök. Kannski
myndi einhver ætla sem svo að ég sé
stríðsmaður sem verði að vera í á-
tökum, annars líði mér illa, en það
er ekki svo. Verkfallið var hins veg-
ar mjög vondur og erfiður tími og
ef maður segði að það hefði þurft
einhverja steina til að hlaða þessa
hleðslu þá var verkfallið nokkuð
mikill efniviður í því. Starfið er líka
í eðli sínu erfitt og krefjandi og
erfitt er að gegna því mjög lengi.
Ekki síst þegar upp koma áföll eins
og verkfallið og rekstrarvandi skól-
ans þótt hann sé tímabundinn. Þeg-
ar upp er staðið holar þetta menn
svolítið að innan en ákvörðunin er
tekin algjörlega yfirvegað utan við
það þannig að verkfallið er ekkl ör-
lagavaldurinn.
Allt hefur breyst
Undangenginn aldarfjórðungur
hefur verið tími mikilla breytinga
og þá ekki síst í skólum
landsins. „I raun og veru
hefur allt breyst og það
sem hefur verið að gerast á
þessum árum er mjög lík-
legt til þess að kollvarpa
hugmyndum manna um
menntun, skólastarf og
nám í framtíðinni. Menn
eru farnir að sjá námið í
öðru ljósi. Auk þess er öll
umgjörðin svo gjörbreytt.
Hér á Akranesi var bara lít-
ill sígildur iðnskóli og ann-
ar lítill sígildur gagnfræða-
skóli. Ur þeim ágætu rót-
um hefur sprottið hér öfl-
ug stofnun sem hefur getið
sér gott orð og er farin að
veita þjónustu sem Skaga-
menn og Vestlendingar
geta verið mjög stoltir af
og ánægðir með.
Þegar ég var að byrja hér
hafði ég heldur aldrei snert á tölvu
og hér voru ekki til ljósritunarvélar.
Allt var vélritað og svo fjölritað
með tækni sem er löngu aflögð. I
dag þykja tölva og ljósritunarvél svo
sjálfsagður hlutur að menn nefha
það ekki. Þetta eru tækninýjungar
sem komu inn á þessum tíma og svo
kom internetið í kjölfar þeirra. A
þessum tíma hefur auðvitað orðið
tæknibylting ef svo má segja sem
snýr líka að huglægum atriðum eins
og samskiptum, þekkingu og
heimsmyndinni. Enda er oft talað
um það að þessi öld sem nú er ný-
byrjuð sé kannski frekar öld hugs-
unar, menntunar og samskipta en
ekki endilega véla, hráefna og gróða
eins og öldin sem við vorum að
kveðja.“ Þeir sem ekki eru af yngri
kynslóðinni og ólust þ.a.l. ekki upp
við að nota tölvur nánast daglega
kunna margir jafnvel ekki að kveikja
á tölvu. Þórir segist þó aldrei hafa
verið í vandræðum með að fylgja
straumnum eftir í þessum málum.
„Eg nota þessa tækni og tel mig
ekki geta verið án hennar. Auðvitað
er ósköp lítið sem ég gæti kennt
öðrum af því sem ég kann en ég
vissi alltaf um hvað málið snérist og
gat tekið rnínar ákvarðanir byggðar
á því. Við höfum líka verið svo
lánsöm að hafa hér einstaklinga sem
eru mjög framarlega á þessu sviði.“
í FVA ríkir gott
andrúmsloft
Þórir segir nánast allt vera eftir-
minnilegt en fyrst og fremst það að
fá að fylgja þeirri þróun frá því að
menn ákváðu að stofha hér fjöl-
brautaskóla og til dagsins í dag.
„Ólafur Asgeirsson, núverandi
þjóðskjalavörður, kom hér með nýja
tækni og hugmyndir og varpaði því
inn í þetta tiltölulega kyrrstæða
skólasamfélag sem hér var. Eftir
það sá maður blómstra öflugt innra
starf í skólanum. Nýjar námsskrár
urðu til og skólinn stækkaði og
dafnaði og fjölbreytni þjónustunnar
stigmagnaðist. Þetta ferli var ótrú-
lega gaman að sjá og átta sig á því
seinna meir að sennilega var á þess-
um tíma mörkuð ákveðin braut sem
hefur alltaf haldist því í FVA hefur
ríkt gott andrúmsloft vinnu og um-
ræðna. Mér finnst mjög eftirtektar-
vert og hugsa oft til þess hversu
mikilvægt er að hafa starfsfólk sem
getur tekist á við nýjar aðstæður,
skipst á skoðunum en endað í sam-
stöðu um leiðina sem verður farin
án þess að það valdi flokkadráttum
eða illindum."
A ferli sínum hefur Þórir útskrif-
að 1600 nemendur við 31 útskrift.
„Margs er að minnast og ég vil
koma á framfæri kæru þakklæti til
þeirra fjölmörgu nertienda, kennara
og annars starfsfólks sem ég hef
unnið með hér fyrir samstarfið og
þessar mörgu góðu og ánægjulegu
stundir. Eg vona að skólinn eigi sér
enn bjartari framtíð og eigi eftir að
dafna.“ Þórir útilokar ekki að hann
komi aftur til starfa í skólanum. „Eg
sakna skólans og mun alltaf gera
það en ég kem allavega ekki aftur
sem stjórnandi. Það er bjargföst á-
kvörðún sem verður ekki haggað.
En hvort ég enda hér einhvern tím-
ann sem kennari er aftur annað mál.
Það er aldrei að vita hvað bíður
handan við hornið.“ SÓK
Snæfellsbæingar gæía sér á gómsætum tertum sem þar voru
bomar fram. MyndtSIR
Kristján Kristjánsson spilaði jyrir Verkalýðskotmr í Stykkishólmi ásamt Einari Karlssyni formanni
kaffigesti í Grundarftrði. Mynd: SIR VerkaÍýðsfélags Stykkisbólms að gera kaffið klárt. Mynd: SIR
Skrúðganga Verkalýðsfélags
Akraness.
Myndir SÓK