Skessuhorn - 23.08.2001, Blaðsíða 7
onCiSattiv/^
FiMMTUDAGUR 23. AGUST 2001
7
Það hefur löngum þjakað mig að
vita til þess að ég skuli ekki vera
heimsmeistari, eða að minnsta kosti
Islandsmeistari í nokkrum einasta
sköpuðum hlut. Eg hef íhugað
vandlega hvað helst ætti að bera nið-
ur, en hvergi haft árangur sem erfiði.
Eg hef reynt fyrir mér í ýmsum í-
þróttagreinum; knattspyrnu, hniti,
sjóskíðum, kringlukasti, dvergakasti,
öldrykkju og matador, en hvergi náð
þeim árangi að þykja liðtækur til
þátttöku á héraðsmótum, hvað þá á
heimsvísu.
Ég var nærri því búinn að sætta
mig við þá staðreynd að ég væri ein-
faldlega of misheppnaður til að
verða íþróttamaður á heimsmæli-
kvarða, þegar ég komst að því að
hinn algeri skotur á árangursleysis-
vöntun er ekki mér að kenna, heldur
forsvarsmönnum íþróttahreyfingar-
innar.
Þetta rann semsagt upp fyrir mér
um daginn þegar ég var að horfa á í-
þróttakeppni fatlaðra í sjónvarpinu.
Þar er keppt í óteljandi greinum.
T.d. er keppt í 100 metra hlaupi ein-
hentra vinstra megin, 100 metra
hlaupi einhentra hægra megin, 100
metra hlaupi einfættra vinstra inegin
og sömu vegalengd hjá þeim sem
einfættir eru hægra megin. Blindir á
vinstra auga, blindir á hægra auga,
blindir á báðum, heyrnarlausir öðru-
megin, hinumegin og báðumegin,
hjólastólamenn og sykursjúkir
o.s.frv. o.s.frv.; allir keppa þeir í sér
riðlum í 100 metra hlaupi. Þannig
er þetta ekki bara í 100 metrunum,
heldur öllum hinum greinunum líka
og því er ógurlegt ógrynni verðlauna
veitt í mótslok.
Nú má enginn skilja mig sem svo
að ég sé að gera grín að fötluðu fólki.
Alls ekki. Síður en svo. Þvert á móti.
Fjarri því. Öðru nær. Nei, ég dáist
að þessu duglega fólki og fyrirkomu-
lag þetta vil ég taka upp víðar. Þótt
verðlaunin séu mörg þá er síst ó-
merkilegra að vinna til sigurs í slíkri
keppni en annarri, því hver sá sem
hampar sigri hefur sýnt það og sann-
að að sá hinn sami er fremstur með-
al jafningja. Það er göfugt.
Mér finnst hinsvegar skrambi skítt
að ég skuli ekki geta att kappi við
jafningja mína. Ef ég væri fatlaður,
nú eða bara kona, fengi ég að keppa
í sérstökum riðlurn án þess að vera
stillt upp við hlið hinna bestu. En
þar sem ég þjáist af hvorugum fyrr-
nefhdra kvilla er ég sviptur þeim
rétti.
Ég legg hér með til að í öllum í-
þrótmm verði framvegis miðað við
hæð, þyngd, aldur og fyrri störf. Ég
er viss um að það myndi auka veg í-
þróttanna og vinsældir þeirra.
Stangarstökk fyrir 120 kg og þyngri,
körfubolti þeirra sem eru lægri en
165 cm, sundknattleikur ósyndra,
fallhlífastökk lofthræddra og lúdó
litblindra eru allt greinar sem ég spái
miklum vinsældum í sjónvarpi. Nýj-
ar hetjur myndu rísa upp og Islend-
ingar jafnvel krækja í gullverðlaun á
Ölympíuleikum. Kannski kæmi ég
heim með medalíu fyrir æfingar á
tvíslá í flokki vöðvabólguknýttra
tölvukarla. Fremstur meðal jafn-
ingja.
En svo má ekki gleyma að suntir
eru meiri jafningjar en aðrir. Hvers
eiga þeir að gjalda? Islenskir tor-
færumenn hafa fyrir löngu fundið
lausn á þeirn vanda. Bílar sem eru
það lítið breyttir að þeir fá venjuleg
bílnúmer og mega keyra á venjuleg-
um vegum eru hafðir sér og kallast
riðill þeirra götubílaflokkur. Sérút-
búnir bílar, sem eru svo breyttir að
ekki þykir rétt að hleypa þeim í al-
rnenna umferð, keppa svo í sér riðli.
Það er aðal riðilinn.
Mér finnst að þessu eigi að vera
eins farið með fólk. Væri nú ekki
heillaráð að nota lyfjaprófin ill-
ræmdu til að skipta íþróttamönnum
í almennan 'flokk séiPStbú-
inna? I síðarnefnda flokknum yrðu
þá þeir íþróttamenn sem með aðstoð
læknisfræðinnar eru svo breyttir að
ekki þykir sanngjarnt að bera þá
saman við okkur hin? Hugsið ykkur
bara hvílíkrar skemmtunar við erum
að fara á mis við með því að banna
þennan keppnisflokk! Við fengjum
örugglega að sjá menn hlaupa 100
metrana á 8 sekúndum, stökkva 12
metra í langstökki og varpa kúlunni
30 metra ef tillaga mín yrði sam-
þykkt. Þetta yrði sko aðal riðillinn.
Eini gallinn við fyrrgreindar til-
lögur mínar er að þær þykja svo vit-
lausar að þær verða líkast til aldrei
samþykktar. Því vil ég ljúka máli
mínu á fullkomlega vitrænni og
löngu tímabærri tillögu um úrbætur
í íþróttamálum sem allir eiga að geta
tekið undir.
Hættum að velja í knattspyrnu-
landsliðið einhverja gaura sem gerðu
það gott í úrvalsdeildinni hér heima
fyrir 10 eða 15 árum og hafa síðan
sleitulaust vermt varamannabekki
erlendra stórliða án þess að koma
nokkru sinni inná, nema í landsleikj-
um, svo þeir vita ekki einu sinni í
hvort markið þeim er ætlað að skora.
Veljum í staðinn þann sem er
ffemstur, ekki bara meðal jafningja,
heldur allra. Markahrókinn smá-
ffíða sem hvorki fellur á lyfja- né
kynprófi. Hjört Hjaftarson í lands-
liðið. Hann er laaaaaaangbestur!
Bjarki Már Karlsson
A\ Viltu vinna í
ifliliÍÍMÍ Baulunni???
Vantar góða manneskju í vinnu
Upplýsingar veitir Sigrún í síma 435 1440
%
1 Baulan - Norðurárdal
Innilegar þakkir fœri égfjölskyldu minni, vinum og öllum þeim
sem heióruðu mig og glóddu með mxrveru sinni og hlýjum hug
d nírœðisafmceli minu þann 17. júlt sl.
Ykkar vegna varð þessi dagur ógleymanlegur.
Guð blessi ykknr öll.
Freyja Bjarnadóttir, Borgarnesi.
Skrifstofustarf
Óskum eftir að ráða starfskraft til að
sinna almennum skrifstofustörfum á
skrifstofu blaðsins í Borgarnesi.
Reynsla af bókhaldi æskileg.
Um er að ræða fullt starf.
Viðkomandi þarf að geta hafið störf
sem allra fyrst.
Nánari upplýsingar í síma:
431 5040 eða 892 4098
12. landsmót hagyrðinga og
hollvina stökunnar verður haldið
á sumarhótelinu á Hvanneyri
laugardaginn 25. ágúst 2001
Mótið hefst með sameiginlegu
borðhaldi kl. 21:00
Húsið opnar kl. 20:00
Stökur, Ijóð, óbundið mál og fl.
Matur og skemmtun kr. 2.800,-
Allir velkomnir
Landsmótsnefnd