Skessuhorn - 16.07.2003, Side 11

ont35Utlu..
MIÐVTKUDAGUR 16. JULI 2003
11
Stefnan að
komast í
keppni erlendis
segir Dalamaðurinn í torfærunni,
Bjarki Reynisson
Bjarki á fullri ferð á WiHysnum á Blönduósi. Mynd: Gunnlaugur Briem.
Bjarki Reynirsson á Kjar-
laksvöllum í Saurbæ hefur
staðið í ströngu í torfæru-
keppnum sumarsins. Hann
byrjaði vel og varð í öðru sæti
í fyrsta móti sumarsins eins
og fram hefur komið í Skessu-
horni. Um síðustu helgi var
þriðja umferð íslandsmótsins
haldin á Blönduósi og þar
hafnaði Bjarki í 9. sæti af
heildinni en í 5. sæti í sínum
flokki sem er götubílaflokkur-
inn. Sem stendur er hann í
þriðja sæti í götubílaflokki á
íslandsmótinu og einnig
Heimsbikarmótinu sem fram
fer samhliða. Ef teknir eru
saman götubílaflokkur og
flokkur breyttra bíla er Bjarki í
áttunda sæti.
Bjarki segir að árangurinn
um helgina hafi engan veginn
verið ásæattanlegur en að
hinsvegar hafi Willysbifreiðin
sem hann keppir á staðið sig
ágætlega. „Það er aðallega
ég sem hef ekki verið að
standa mig og ég á að geta
gert betur. Það er að verða
útilokað að krækja í tiltil en
stefnan er að halda sér meðal
tíu efstu og eiga þar með kost
á að komast út í keppni."
Bjarki segir að stefnt sé að
því að halda torfærukeppni í
Bandaríkjunum á næsta ári í
samvinnu við þarlenda aðila
og yrði þar um að ræða út-
flutning á þessari séríslensku
íþróttagrein. Upphaflega var
ætlunin að halda slíka keppni
á nýliðnu vori en af því gat
ekki orðið. „Ef að af þessu
verður þá er miðað við að tíu
efstu bílarnir á íslandsmóti fari
út og það væri gaman að vera
í þeim hópi,“ segir Bjarki.
Tvö jafntefli í röð
hjá Víkingum
Deiglan - Víkingur: 2 - 2
Víkingur Ólafsvík er í öðru
sæti í A riðli 3. deildar eftir leiki
helgarinnar. Víkingar, eru með
20 stig en Númi úr Reykjavík
er með 21 en hefur leikið ein-
um leik fleira en Ólsarar.
Víkingar sem hafa verið á
góðri siglingu frá því mótið
hófst, hafa misst eilítið flugið
að undanförnu en á laugar-
daginn gerðu þeir sitt annað
jafntefli í röð en fram að þeim
tíma höfðu þeir ekki tapað
stigi. Fyrir rúmri viku gerðu
Víkingar jafntefli við Núma en
á laugardaginn heimsóttu þeir
Deiglumenn en þeir voru fyrir
leikinn í neðsta sæti riðilsins.
Það voru engu að síður
heimamenn sem höfðu frum-
kvæðið og það var Skaga-
maðurinn ívar Örn Benedikts-
son sem kom Deiglunni yfir á
38. mínútu. Aron Baldursson
jafnaði fyrir Víkinga rétt fyrir
lok fyrri hálfsleiks.
Deiglan náði aftur yfirhönd-
inni á 50. mínútu en Hermann
Geir Þórisson jafnaði fyrir Vík-
inga þegar um 20 mínútur
voru eftir af leiknum.
Þrátt fyrir tvö jafntefli í röð
er staða Víkinga í riðlinum
mjög góð og líkurnar á að lið-
ið komist í úrslitakeppnina
verulegar.
IA-IBV, 0-3
Versta tap Skagamanna
á heimavelli í fimm ár
Skagamenn máttu þola sitt
versta tap á heimavelli í fimm
ár þegar þeir voru kjöldregnir
af Vestmannaeyjingum sl.
fimmtudag. 3-0 ósigurinn er
sá versti síðan (A tapaði fyrir
Fram 4-0 á Akranesvelli.
Óiafur Þórðarson gerði
nokkrar breytingar á liði sínu
eftir tapleikinn gegn Grindavík
í umferðinni á undan.
Aleksander Linta, Ellert Jón
Björnsson og Garðar Gunn-
laugsson komu inn í liðið og
þá fór Stefán Þórðarson á
vinstri kantinn. Hvort sem það
voru þessar breytingar eða
eitthvað annað spilaði liðið illa
frá fyrstu mínútu til þeirrar síð-
ustu. Á 23.mínútu skoraði ÍBV
fyrsta markið sitt í leiknum.
Ekki er hægt að segja að
markið hafi legið í loftinu því
hvorugt liðanna virtist líklegt
til afreka í upphafi leiks. Fimm
mínútum seinna þurfti Baldur
Aðalsteinsson að fara af velli
vegna meiðsla og í hans stað
kom Guðjón Sveinsson. Um
leið breytti Ólafur í leikkerfið
4-4-2. Þessar breytingar skil-
uðu engu því sama andleysið
var ríkjandi meðal leikmanna
ÍA á meðan gestirnir börðust
nú fyrir hverjum bolta.
Ef Skagamenn höfðu gert
sér einhverjar vonir um að
komast aftur inn í leikinn var
slökkt í þeim vonarglæðum
mínútu fyrir leikhlé þegar Stef-
án Þórðarson fékk sitt annað
gula spjald og þar með það
rauða fyrir kjaftbrúk við dóm-
ara leiksins.
Síðari hálfleikur var ekki
nema þriggja mínútna gamall
þegar annað mark ÍBV leit
dagsins Ijós. Þriðja markið
kom síðan tólf mínútum síðar.
Eftir þetta léku gestirnir af
skynsemi, drógu sig til baka
og létu Skagamenn um að
halda boltanum. Eina færi
Skagamanna í leiknum fékk
varamaðurinn Hjörtur Hjartar-
son en honum brást bogalist-
in í dauðafæri.
Eftir leikinn og leiki helgar-
innar sitja Skagamenn í ní-
unda sæti með 10 stig en með
sigri á FH á morgun gætu þeir
komist upp í fimmta sætið.
Spiluðu hringinn á
60 höggum
Sigurvegarar mótsins að nýlokinni verðlaunaafhendingu. Á myndina vantar
Birgi Leif en lengst til hægri er hinn hluti Skagaparsins, Willy Blumenstein.
Sumarmót Bylgjunnar í
golfi fór fram á Garðavelli
12. júlí í mjög góðu veðri.
Leikin var parakeppni og
voru þáttakendur alls
140. Mótið var allt hið
glæsilegasta, góð verð-
laun í boði fyrir þá sem
stóðu sig vel og svo
fengu allir keppendur ís-
lenskt lambakjöt af grill-
inu og meðlæti að leik
loknum. Sigurður H. Haf-
steinsson og Helgar
Möller báru sigur úr bít-
um á 60 höggum. í öðru
sæti urðu Skagamenn-
irnir Birgir Leifur Hafþórs-
son og Willy Blumenstein
á 62 höggum og í þriðja
sæti urðu þeir Ingi Freyr Rafns-
son og Jón Steinar Guð-
mundsson á 63 höggum. Auk
mótsins tók hver þátttakandi
þátt í leik þar sem golfbolti var
sleginn inn í hring 10 m. í þver-
mál. Þeir sem gátu látið boltan
stoppa í hringnum fóru í lukku-
pott sem dregið verður úr síð-
ar í sumar eftir að Sumarmóta-
röð Bylgjunnar líkur. Alls
komust 39 í lukupottinn að
þessu sinni og ef til vill verður
einhver þeirra svo heppinn að
hljóta nýjan Nissan Primera
fólksbíl í verðlaun í lok golf-
sumarsins.
Meistaramót Golfklúbbsins
Leynis fer fram dagana 16.-19.
júlí en þetta er aðalviðburður
sumarsins í félagsstarfi
klúbbsins. Keppt er í aldurs-
og forgjafaflokkum og eru
keppendur að þessu sinni um
100 talsins. Klúbbmeistari
karla frá síðasta ári, Stefán Orri
Ólafsson, mun eflaust ekki láta
titil sinn af hendi baráttulaust
og verður spennandi að fylgj-
ast með framvindu mála.
Skallarnir að heltast úr lestinni?
Skallagrímur - Drangur: 2-3
Skallagrímur tapaði óvænt
fyrir Drangi úr Kópavoginum í A
riðli þriðjudeildar íslandsmóts-
ins í knattspyrnu en leikurinn
fór fram í Borgarnesi síðastlið-
inn föstudag.
Heimamenn komust í
tveggja marka forystu í fyrri
hálfleik með mörkum Sigurjóns
Jónssonar og sjálfsmarki
Drangs. Gestirnir minnkuðu
muninn rétt fyrir leikhlé með
marki úr víti og nældu slðan í
stigin þrjú með tveimur mörk-
um í þeim síðari.
Lærisveinar Ólafs Adólfsson-
ar áttu slakan leik á föstudag
og eitthvað virðist vanta upp á
einbeitingu og metnað hjá lið-
inu þessa dagana. Liðið á enn
von um að ná öðru af efstu
sætunum og þar með sæti í úr-
slitakeppninni en líkurnar eru
ekki alltof miklar. Skallagrímur
er í þriðja sæti riðilsins með 14
stig, sex stigum á eftir Víking-
um sem eru í öðru sæti.