Mosfellingur - 12.09.2019, Síða 30

893 armbönd perluð
með Krafti í Hlégarði
Um 120 manns lögðu leið sína í
Hlégarð, þriðjudaginn 27. ágúst, til
að þjófstarta bæjarhátíðinni með
Krafti. Perlað með
Krafti er fjáröflun
sem Kraftur,
stuðningfélag
fyrir ungt fólk
sem hefur greinst
með krabbamein,
hefur undanfarin
ár staðið fyrir
og er þetta annað árið í röð sem
Afturelding tekur þátt í. „Við hjá
Aftureldingu erum ákaflega þakklát
fyrir að fá að taka þátt í þessu ferli
með Krafti, sem selur armböndin
á vefsíðu sinni www.kraftur.org,“
segir Hanna Björk íþróttafulltrúi
Aftureldingar. Perluð voru 893
armbönd, sem verður að teljast
mjög góður árangur.
Vetrarstarf Aftureld-
ingar að fara á fullt
Afturelding vill koma á framfæri
þökkum til allra þeirra sem lögðu
leið sína í íþróttahúsið að Varmá
þann 31. ágúst þegar kynnt var vetr-
arstarfsemi félagsins með pompi og
prakt. Vetrarstarfið fer vel af stað, en
úr mörgu er að velja og voru þjálfara
og aðrir sjálfboðaliðar mættir á
svæðið til þess að kynna þær íþróttir
sem hægt er að stunda hjá Aftureld-
ingu. Stundatöflur allra deilda og
aðrar hagnýttar upplýsingar er hægt
að finna inná heimasíðu félagsins,
www.afturelding.is.
N a m o e h f. - S m i ð j u v e g i 7 4 ( g u l g ata ) - 2 0 0 K ó pavo g i Sími: 566 7310 - jakosport@jakosport.is - jakosport.is
AftureldingAr
vörurnAr
fást hjá okkur sport íslandi
- Íþróttir30
Weetos-mótið í knattspyrnu var haldið við
frábærar aðstæður á Tungubakkavelli loka-
helgina í ágúst. Mótið er hluti af bæjarhátíð
Mosfellsbæjar, Í túninu heima, og var sett
þátttökumet í ár.
Um 270 lið í 6. og 7. flokki karla og
kvenna tóku þátt í mótinu í ár og komu
lið hvaðanæva af landinu til að taka þátt
í þessu árlega móti sem Afturelding hefur
staðið að um árabil.
Stærsta íþróttamót árins í Mosfellsbæ
Weetos-mótið er stærsta íþróttamót sem
haldið er á hverju ári í Mosfellsbæ. Mark-
mið mótsins er fyrst og fremst að leyfa okk-
ar mikilvægasta fótboltafólki að njóta sín,
skemmta sér og hafa gaman af.
Í ár fengu krakkarnir frábæra heimsókn
frá landsliðsfólkinu Birki Má Sævarssyni,
Hallberu Gísladóttur og Sif Atladóttur.
Mótahald af þessari stærðargráðu er mik-
ið púsluspil. Til að allt gangi upp treystir
knattspyrnudeild Aftureldingar á sjálfboða-
liða við skipulagningu mótsins, dómgæslu,
sjoppuvaktir, bílastæðavaktir og ótal önnur
verkefni sem fylgja móti sem þessu.
Afturelding vill koma á framfæri kærum
þökkum til allra þeirra sjálfboðaliða sem
tóku þátt í að gera mótið í ár að því stærsta
frá upphafi.
Knattspyrnufólk framtíðarinnar
Ekki má gleyma aðalstyrktaraðila móts-
ins, Weetos, sem styrkir mótið myndarlega
og hjálpar Aftureldingu við að taka mynd-
arlega á móti framtíðarknattspyrnufólki
okkar. Knattspyrnudeild Aftureldingar er í
skýjunum með hvernig til tókst og hlakkar
til að taka á móti knattspyrnufólki frá öllum
landshornum í Mosfellsbæ á næsta ári.
Nýtt gólf komið í
notkun að Varmá
Nýtt gólf hefur verið lagt í stærri
íþróttasalinn að Varmá. Lagt var
gegnheilt parket frá Agli Árnasyni
sem verður bylt-
ing fyrir íþrótta-
starfið. Þá hefur
stúkan einnig
verið tekin í gegn.
Næsta verkefni
er að skipta um
lýsingu í salnum
og fara yfir í Led.
„Við hjá Aftureldingu erum ákaflega
þakklát Mosfellsbæ fyrir samstarfið
í þessu verkefni. Einnig þökkum
við verktökum sem hafa komið að
þessari vinnu fyrir gott starf. Sér-
stakt hrós fær Handknattleiksdeild
Aftureldingar sem tók að sér að rífa
og fjarlægja fyrra gólf,“ segir Jón
Júlíus framkvæmdastjóri UMFA.
Strákarnir unnu stórsigur á Gróttu 5-0 um helgina í Inkasso-
deildinni. Tvær umferðir eru eftir og er mikil barátta milli liða um
að halda sæti sínu í deildinni. Síðasti heimaleikur tímabilsins er
á laugardaginn þegar Víkingur Ó. mætir á Varmárvöll kl. 14:00.
Síðasti heimaleikur stelpnanna er gegn FH þann 20. september.
Þær sigla lignan sjó fyrir miðri deild þegar tvær umferðir eru eftir.
Burstuðu Gróttu í mikilvægum leik
fagnað eftir
síðasta leik
Olísdeildin er hafin en Afturelding á bæði kvenna- og karlalið
í efstu deild. Strákarnir hófu leik um helgina og sigruðu KA í
háspennuleik að Varmá þar sem lokatölur urðu 28-27. Stelpurnar
eiga hinsvegar ekki heimaleik fyrr en 5. október. Þær hefja
tímabilið í Vestmannaeyjum á laugardaginn þegar þær mæta
ÍBV í fyrsta leik vetrarins.
Sigur í fyrsta leik Olís deildarinnar
birkir skoraði 10
mörk í fyrsta leik
Um 1.500 krakkar á knattspyrnumóti á Tungubökkum • Sjálfboðaliðar stóðu vaktina
Þátttökumet á Weetos-mótinu
líf og fjör á tungubökkum
landsliðskonur í heimsókn
ásamt góðum gestum
efnilegir í fótboltanum