Morgunblaðið - 28.05.2019, Blaðsíða 4

4 FRÉTTIRInnlent
MORGUNBLAÐIÐ ÞRIÐJUDAGUR 28. MAÍ 2019
Askalind 4 | Kópavogi | Sími 564 1864 | vetrarsol.is
Hágæða sláttutraktorar frá
40 ár
á Íslandi
Sterkir og
notendavænir
Ragnhildur Þrastardóttir
ragnhildur@mbl.is
Pétur Ernir Svavarsson fékk hæstu
meðaleinkunn sem nokkurn tímann
hefur verið gefin við Menntaskólann
á Ísafirði við útskrift skólans um síð-
ustu helgi.
Pétur útskrifaðist á þremur árum
af náttúrufræðibraut með 9,69 í
meðaleinkunn en fyrra met var 9,67.
Aðspurður segist Pétur ánægður
með árangurinn en hann kom hon-
um þó ekki beint í opna skjöldu.
„Ég var búinn að vera að fylgjast
aðeins með þessu því það má segja
að ég hafi haft þetta sem markmið.
Eftir hverja önn sat ég við tölvuna
og setti nýju einkunnirnar inn í Ex-
cel-skjal og reiknaði út meðalein-
kunnina,“ segir Pétur og hlær.
Pétur segir mikla vinnu liggja að
baki árangrinum en tónlistarnám
sem hann stundar hafi hjálpað til við
að halda einkunninni svo hárri.
„Ég er líka rosalega heppinn því
ég stunda mikið nám við Tónlistar-
skóla Ísafjarðar. Ég fæ alveg heilan
helling metinn þar á milli.“
Saxófónn, píanó og raddbönd
Tónlistin er stór hluti af tilveru
Péturs en hann hlaut aðalverðlaun
Nótunnar, uppskeruhátíðar tónlist-
arskóla, í fyrra fyrir leik sinn á pí-
anó. Pétur syngur líka og spilar á
saxófón. Hann undirbjó óvænt tón-
listaratriði með samnemendum sín-
um á útskriftarathöfninni.
„Það var á dagskrá að ég myndi
syngja einsöng í lok athafnarinnar
en svo fundum við vinur minn upp á
því í sameiningu að krydda aðeins
útskriftina sjálfa og vera með leyni-
atriði.
Þegar fór að líða á ræðuna mína,
ræðu dúxins, þá greip ég hljóðnema
og allt í einu labbar inn stelpa sem
heitir Árný Margrét, spilandi á gítar
lagið When I Kissed a Teacher með
hljómsveitinni Abba. Svo hlaupa
bassaleikari, píanóleikari, trommu-
leikari og bakraddir upp á svið.
Þetta endaði með því að allir nem-
endurnir stóðu upp og fóru að dansa
við kennarana og köstuðu svo af sér
húfunum í lok lagsins,“ segir Pétur
sem játar að stemningin hafi verið
mögnuð.
Skólabækurnar og tónlistin eru þó
ekki einu viðfangsefni dúxins að
vestan.
„Á öðru ári starfaði ég sem for-
maður leikfélagsins og setti þar upp
sýninguna Konungur ljónanna. Ég
tók þátt í sýningu leikfélagsins öll
þrjú árin og meira að segja áður en
ég kom í skólann.“
Spurður um framtíðarplön þá seg-
ir Pétur þau óljós en að framtíð í
tónlist heilli.
„Mig langar að byrja á að fara í
söngnám fyrir sunnan og fóta mig
dálítið í listalífinu og finna mér eitt-
hvað að gera. Það verða mikil við-
brigði því hér fyrir vestan hefur
maður svo mörg tækifæri og þetta
er svo virkt samfélag.“
Ljósmynd/Hildur Elísabet Pétursdóttir
Söngelskur Pétur flutti lagið „Bring Him Home“ úr söngleiknum Vesalingunum við útskriftarathöfnina.
Hæsta einkunn úr
MÍ markmið dúxins
 Útskrifaðist með hæstu einkunn sem gefin hefur verið í MÍ
Ragnhildur Þrastardóttir
ragnhildur@mbl.is
„Það er mikil áskorun að efla þátt-
töku barna svo hún sé raunveruleg
og ekki einhver sýndarmennska.
Við viljum heyra það sem börnum
finnst og setja málefni þeirra á
dagskrá,“ segir Salvör Nordal, um-
boðsmaður barna, um Barnaþing
sem 250 börn eiga von á að fá
boðskort á.
Þingið er nú haldið í fyrsta
skipti en verður haldið á tveggja
ára fresti framvegis. Gert er ráð
fyrir 500 gestum og verða því ein-
staklingar á barnsaldri helmingur
gesta. Alþingismönnum og fulltrú-
um stofnana ríkis og sveitarfélaga
verður boðið á þingið ásamt aðilum
vinnumarkaðarins og frjálsum fé-
lagasamtökum.
„Það verður setið við borð í þjóð-
fundarstíl, börn og fullorðnir sitja
saman og ræða málin sem koma
frá börnum og
markmiðið er að
stjórnvöld nýti
niðurstöður af
þinginu í stefnu-
mótun í málefn-
um barna,“ segir
Salvör.
Börnin sem fá
boð á þingið eru
valin af handa-
hófi en þau koma
frá flestum landshlutum. „Með því
að vera með slembival vonumst við
til að fá breiðan hóp sem end-
urspeglar börn í íslensku sam-
félagi,“ segir Salvör en börnin eru
á aldrinum ellefu til fimmtán ára.
Fullorðnir þurfi að læra
Salvör bendir á að það séu ekki
síður þau fullorðnu sem muni læra
af þinginu. „Þetta verður auðvitað
líka mikill lærdómur fyrir fullorðna
vegna þess að allir þurfa að læra
að tala við börn, hlusta á börn og
gefa þeim raunveruleg tækifæri til
þess að tjá sig.“
Salvör segir vandasamt verkefni
að koma sjónarmiðum barna á
framfæri en þing sem þetta sé nýtt
af nálinni. „Ég hef ekki fundið
neitt sambærilegt erlendis. Þetta
er lærdómsferli; við erum að læra
á meðan við erum að gera þetta og
munum auðvitað læra með því að
halda svona þing reglulega.“
Harpa undirstrikar mikilvægi
Spurð hvernig séð verði til þess
að niðurstöður þingsins muni hafa
áhrif segir Salvör: „Það er okkar
að fylgja niðurstöðunum eftir, að
þær verði ekki bara kynntar og
settar í skúffu. Við fylgjumst með
því að þær verði að veruleika.“
Þingið verður haldið í Hörpu en
Salvör segir að staðsetningin skipti
máli til þess að gefa þinginu aukið
vægi. „Það gefur þessu svo glæsi-
lega umgjörð og segir að barnamál
séu alvörumál, ekki einhver annars
flokks málaflokkur.“
Aðspurð segir Salvör að börn
séu farin að láta í sér heyra í aukn-
um mæli hérlendis og á heimsvísu,
til dæmis í tengslum við loftslags-
verkfallið en þar kemur fólk sam-
an, að stórum hluta börn, á Aust-
urvelli og annars staðar í
heiminum til þess að mótmæla að-
gerðaleysi stjórnvalda í loftslags-
málum. Upphafskona mótmælanna
er hin 16 ára sænska stúlka Greta
Thunberg.
„Það er að verða mikil breyting.
Þá er þýðingarmikið að það sé til
formlegur vettvangur fyrir börn til
að koma sínum sjónarmiðum á
framfæri. Það er mjög mikilvægt
að þessar sjálfsprottnu aðgerðir
sem börn eru núna í um allan heim
í kjölfar aðgerða Gretu Thunberg
verði áfram undir stjórn
barnanna.“
250 börn á þing í Hörpu
 Börn og fullorðnir sitja við sama borð  Líklega fyrsta barnaþing í heimi
Salvör
Nordal
Landsvirkjun er ekki í neinu sam-
starfi við breskt fyrirtæki sem er að
undirbúa lagningu sæstrengs til raf-
orkuflutnings á milli Bretlands og
Íslands. Katrín Jakobsdóttir for-
sætisráðherra lagði á það áherslu á
Alþingi í gær að enginn sæstrengur
yrði lagður nema Alþingi Íslendinga
ákvæði það.
Breski fjárfestirinn Edi Truell
sem fer fyrir fyrirtækinu Atlantic
Superconnection, vill að bresk
stjórnvöld gefi grænt ljós á um-
fangsmiklar framkvæmdir sem geri
Bretum kleift að sækja raforku til
Íslands með sæstreng. Í frétt á vef
The Times í gær segir að Truell hafi
þrýst á viðskiptaráðherra Bretlands.
Truell segir að öll fjármögnun liggi
fyrir og nú þurfi hann aðeins sam-
þykki stjórnvalda. Fram kemur að
fyrirtækið þurfi staðfestingu stjórn-
valda svo það teljist vera erlendur
raforkuframleiðandi og fái niður-
greiðslur við sölu á raforku sam-
kvæmt stefnu breskra stjórnvalda
um endurnýjanlega orku.
Þarf samþykki Alþingis
Hörður Arnarson, forstjóri
Landsvirkjunar, sagði við mbl.is í
gær að Landsvirkjun væri ekki í
neinu samstarfi við Atlantic Super-
connection og þekkti ekki til þess
verka nema af fjölmiðlum.
Sigmundur Davíð Gunnlaugsson,
formaður Miðflokksins, spurði Katr-
ínu Jakobsdóttur um málið í óund-
irbúnum fyrirspurnatíma á Alþingi í
gær. Katrín lagði á það áherslu að
allir lögfræðingar væru sammála um
það að þriðji orkupakkinn fæli ekki í
sér neina skyldu til að heimila lagn-
ingu sæstrengs á milli Íslands og
annars EES-ríkis. „Það er ekki svo
að þau ákvæði sem snúast um þetta
mál taki hér gildi nema slíkur sæ-
strengur verði hér lagður og hann
verður ekki lagður nema Alþingi Ís-
lendinga kjósi svo,“ sagði Katrín.
Segjast ekki
vera í samstarfi
 Bretar undirbúa rafstreng til Íslands
Morgunblaðið/Helgi Bjarnason
Rafstrengur Leggja þarf um 1.600
km langan sæstreng frá Bretlandi.
Íbúafélagið Vinir Saltfiskmóans
skorar á borgaryfirvöld að falla frá
fyrirhuguðum byggingaráformum á
Sjómannaskólareit. Rök fyrir því
koma fram í athugasemdum sem
sendar hafa verið öllum borgar-
fulltrúum og varaborgarfulltrúum í
borgarstjórn Reykjavíkur.
Greinargerð um athugasemdirnar
var gerð í framhaldi af opnun kynn-
ingarfundi um fyrirhugaða upp-
byggingu 14. maí sl.
Helstu athugasemdir snúa að því
að deiliskipulagsdrögin veiti Sjó-
mannaskólanum ekki það andrými
sem skólanum ber sem friðlýstu húsi
og gengið sé um of á gróðurþekju
Háteigshverfis. Einnig að skugga-
varp rýri verðgildi eigna sem fyrir
eru og gildi stakkstæðisins í Salt-
fiskmóanum og Vatnshólsins sem
útivistarsvæðis. Þá er lýst áhyggjum
af umferðaröryggi og bent á að
vandi Háteigsskóla vegna þéttingar
byggðar sé óleystur.
Falli frá
þéttingar-
áformum