Morgunblaðið - 29.05.2019, Blaðsíða 12

12 FRÉTTIRErlent
MORGUNBLAÐIÐ MIÐVIKUDAGUR 29. MAÍ 2019
SMÁRALIND – KRINGLAN
Höfum opnað nyja
glæsilega netverslun
duka.is
GJAFAVARA | HEIMILIÐ | ELDHÚSIÐ | SMÁFÓLKIÐ | TEXTÍLVÖRUR
Stefán Gunnar Sveinsson
sgs@mbl.is
Þjóðarsorg ríkti í Japan í gær eftir
að tvær manneskjur voru stungnar
til bana í hnífstunguárás á hóp
skólabarna sem voru að bíða eftir
strætisvagni í borginni Kawasaki
rétt sunnan höfuðborgarinnar Tók-
ýó. Sautján aðrir, einkum ung
börn, voru fluttir á sjúkrahús með
alvarlega áverka eftir árásina.
Árásin átti sér stað stuttu fyrir
klukkan 8 að morgni að staðartíma
þegar börnin voru á leiðinni í skól-
ann. Biðu þau ásamt hópi foreldra
eftir rútu þegar árásarmaðurinn
læddist aftan að þeim. Segja sjón-
arvottar að maðurinn hafi mundað
tvo hnífa en hann stakk sig sjálfan
til bana í hálsinn eftir árásina.
Lögreglan sagði að árásarmaður-
inn hefði verið 51 árs Japani, Ryu-
ichi Iwasaki að nafni.
Fórnarlömb hans voru einnig
nefnd, annars vegar Hanako Ku-
ribayashi, ellefu ára gömul skóla-
stúlka, og 39 ára gamalt foreldri,
Satoshi Oyama, opinber starfsmað-
ur. Af þeim sautján sem særðust
þurftu að minnsta kosti fjórir að
undirgangast aðgerð vegna sára
sinna, þar af þrjú skólabörn.
Shinzo Abe, forsætisráðherra
Japans, sendi fórnarlömbunum og
aðstandendum þeirra samúðar- og
batakveðjur. Abe fordæmdi árás-
ina og sagðist finna fyrir mikilli
reiði í garð árásarmannsins.
Donald Trump Bandaríkjafor-
seti, sem var í opinberri heimsókn
í Japan, sendi einnig samúðar-
kveðjur fyrir hönd bandarísku
þjóðarinnar til japanskra stjórn-
valda.
Reiði og sorg í Japan
 Tveir látnir og sautján særðir eftir hnífstunguárás á hóp skólabarna
AFP
Þjóðarsorg Vegfarendur lögðu
blóm við árásarstaðinn í gær.
Loftslagsráðstefnan R20 var sett í gær í Vínarborg og
bauð Alexander Van der Bellen, forseti Austurríkis,
gesti ráðstefnunnar velkomna, en þeir voru um 1.200
talsins. Þar á meðal voru sænski aðgerðasinninn Greta
Thunberg og Arnold Schwarzenegger, kvikmynda-
stjarna og fyrrverandi ríkisstjóri Kaliforníu. Voru leik-
arinn og aðgerðasinninn einhuga um að þörf væri frek-
ari aðgerða í loftslagsmálum.
AFP
Umhverfisráðstefna í Austurríki
Arnold og Thunberg snúa saman bökum
Jared Kushner,
tengdasonur og
einn helsti ráð-
gjafi Donalds
Trump Banda-
ríkjaforseta,
hélt í gær til
Mið-Austur-
landa til þess að
kynna næstu
skref í frið-
aráætlun banda-
rísku ríkisstjórnarinnar.
Kushner og föruneyti hans
munu heimsækja ráðamenn í Mar-
okkó, Jórdaníu og Ísrael til þess
að ræða áætlunina, en gert er ráð
fyrir að áætlunin verði kynnt al-
menningi á næstum vikum.
Palestínumenn hafa hins vegar
hafnað áætluninni án þess að hafa
séð hana. Telja þeir að áætlunin
hljóti að vera of hliðholl Ísraels-
mönnum, en ráðandi öfl þar hafa
slitið öll samskipti við Bandaríkja-
stjórn eftir að Trump viðurkenndi
Jerúsalem sem höfuðborg Ísraels
á síðasta ári. Óttast Palest-
ínumenn enn fremur að lausn Kus-
hners muni fela í sér afturhvarf
frá hinni svonefndu „tveggja ríkja
lausn“.
Kushner kynnir
friðaráætlun sína
Jared
Kushner
BANDARÍKIN
Vida Movahedi, sem dæmd var í
eins árs fangelsi í Íran fyrir að
fjarlægja slæðu sína á almanna-
færi, hefur verið látin laus.
Movahedi var handtekin í októ-
ber síðastliðnum fyrir að hafa
fjarlægt slæðuna á byltingartorg-
inu í Teheran og dæmd í 12 mán-
aða fangelsi 2. mars síðastliðinn
fyrir að hafa „hvatt til spillingar
og gjálífis“.
Þetta var ekki fyrsta brot
Movahedi gegn klæðalöggjöf Ír-
ans, sem leyfir konum bara að
sýna andlit, hendur og fætur á al-
mannafæri, en hún hafði áður
mótmælt án yfirhafnar í desem-
ber 2017. Fylgdu nokkrar aðrar
konur í fótspor hennar í kjölfarið
og fengu þær allar sektir fyrir
athæfi sitt.
Movahedi sleppt
fyrr úr fangelsi
ÍRAN
Abdúl Ghani Baradar, einn af stofn-
endum talibana, sagði í gær að víga-
menn sínir væru reiðubúnir til þess
að binda enda á ófriðinn í Afganistan
eftir átján ára átök, en krafðist þess
um leið að allar erlendar hersveitir
yfirgæfu landið áður en nokkurt frið-
arsamkomulag væri undirritað.
Baradar og aðrir forystumenn
talibana funduðu í gær í Moskvu með
nokkrum afgönskum stjórnmála-
mönnum. Enginn þeirra var þó
fulltrúi ríkjandi stjórnvalda, en talib-
anar segja að þau séu leppstjórn
Bandaríkjamanna. Fundurinn í
Moskvu var haldinn í tilefni af því að
hundrað ár voru liðin frá því að
Rússland og Afganistan tóku upp
stjórnmálasamband.
„Hindrunin er hersetan í Afgan-
istan, og henni ætti að linna,“ sagði
Baradar í sjónvarpsávarpi vegna
fundarins, en þetta er í annað sinn á
þessu ári sem fulltrúar talibana hitta
afganska stjórnmálamenn í Moskvu.
Á meðal þeirra sem ræddu við
talibana í gær voru Hamid Karzai,
fyrrverandi forseti Afganistans, sem
og nokkrir mótframbjóðendur As-
hrafs Ghani, núverandi forseta, en
forsetakosningar verða í landinu í
september.
Ýmsir þröskuldar í veginum
Sjötta viðræðulota í friðarviðræð-
um Bandaríkjastjórnar við talibana
sigldi í strand fyrr í þessum mánuði,
þar sem Bandaríkjastjórn vildi ekki
samþykkja kröfu talibana um að
bandarískt herlið yfirgæfi Afganist-
an, nema talibanar gætu tryggt að
vopnahlé milli þeirra og afganskra
stjórnvalda myndi halda. Þá þyrftu
talibanar að hefja viðræður við
stjórnvöld í Kabúl.
Talibanar segjast
vilja semja um frið
 Heimta að er-
lent herlið fari frá
Afganistan
AFP
Afganistan Múlla Abdul Ghani Bar-
adar (t.h.) og Stanakzai Sher Mo-
hammad Abbas eru helstu fulltrúar
talibana í friðarviðræðunum.
Allt stefnir í að Benjamín Netan-
yahu, forsætisráðherra Ísraels,
muni neyðast til að rjúfa þing og
boða til nýrra þingkosninga, en
frestur sem honum hefur verið út-
hlutað til þess að mynda nýja stjórn
rennur út í dag. Netanyahu hefur
hins vegar ekki tekist að fá fyrrver-
andi varnarmálaráðherra sinn, Avig-
dor Lieberman, til að ganga til liðs
við væntanlega ríkisstjórn, en Lieb-
erman vill að herskylda í Ísrael nái
einnig til gyðinga sem aðhyllast
orþódox-túlkun á gyðingdómi. Þeirri
kröfu hefur hins vegar verið hafnað
af fulltrúum þeirra á Ísraelsþingi,
sem Netanyahu þarf einnig að reiða
sig á, vilji hann mynda meirihluta.
Takist Netanyahu ekki að mynda
stjórn í dag gæti Reuven Rivlin, for-
seti Ísraels, gefið honum tveggja
vikna frest til þess að mynda stjórn
eða fært öðrum þingmanni umboð til
stjórnarmyndunar, ákveði Netan-
yahu ekki að nýta sér þingrofsrétt
sinn.
Stefnir í
þingrof og
kosningar
 Frestur Netanya-
hus rennur út í dag