Morgunblaðið - 29.05.2019, Blaðsíða 28

28 MENNING
MORGUNBLAÐIÐ MIÐVIKUDAGUR 29. MAÍ 2019
Ragnheiður Birgisdóttir
ragnheidurb@mbl.is
„Þetta er í rauninni eitt verk, svo-
kölluð innsetning, þ.e. verk sem unn-
ið er inn í ákveðið rými,“ segir
Markús Þór Andrésson, sýningar-
stjóri sýningarinnar Rið eftir Finn-
boga Pétursson sem opnuð verður í
kvöld kl. 20 í A-sal Listasafns
Reykjavíkur í Hafnarhúsinu.
Undanfarin ár hefur Listasafnið
boðið listamönnum að búa til ný verk
inn í A-salinn. „Þetta hefur verið
nokkurs konar sýningaröð hjá okk-
ur. Við fáum fólk til þess að sýna
verk sín og reyna þá að kallast á við
rýmið. Þetta eru óvenjulegar að-
stæður fyrir sýningarsal af því að
gluggar vísa út í götuna og svo eru
súlur og fleira sem tefur fyrir fólki.
Það er svolítil áskorun að útbúa sýn-
ingar inn í þennan sal,“ segir Mark-
ús. Síðast var það Anna Guðjóns-
dóttir sem gerði verk sem sniðið var
að sýningarsalnum og þar áður Ing-
ólfur Arnarson. „Þau hugsuðu bæði
sýningar sérstaklega inn í þennan
sal. Þær hefðu orðið allt öðruvísi ef
þær hefðu verið settar upp einhvers
staðar annars staðar.“
Griðastaður í birtunni
Markús segir það lengi hafa verið
á dagskrá að bjóða Finnboga að
sýna verk í salnum. „Það hefur í
raun verið á dagskrá í vel á annað ár
en hann er önnum kafinn og vinsæll
listamaður.“ Nú hefur það gengið
upp. „Okkur fannst eftirsóknarvert
að nýta sumartímann. Fá fólk úr
birtunni inn í þennan heim, sem
Finnbogi býr til í kringum verk sitt,
þar sem maður getur kúplað sig út
úr umhverfinu í kringum safnið og
dettur inn í það ástand sem fylgir
sýningunni. Okkur fannst spennandi
að koma upp griðastað þar sem fólk
getur horfið inn í sjálft sig einmitt
þegar það er hvað mest að njóta úti-
verunnar,“ skýrir Markús.
„Finnbogi vinnur mjög gjarnan
með innsetningar og kallast þá á við
þann arkitektúr eða það umhverfi
sem hann sýnir verkin í. Hann skoð-
ar þó ekki aðeins veggi, loft og gólf
heldur einnig tíðni bygginga og
rýma. Í verkum sínum vinnur hann
með þessa eðlisfræði umhverfisins
og dregur hana fram með hljóði.
Hann fær sveiflu af stað í hljóð-
bylgjum sem kallast á við það rými
sem hann er að vinna í hverju sinni.
Svo hefur hann fundið leiðir til þess
að gera þær hljóðbylgjur sýnilegar
sýningargestum, til dæmis með gár-
um á vatni, endurspeglun eða ein-
hvers konar hreyfingu sem fólk get-
ur séð.“
Eðlisfræði sveiflast með rýminu
Markús segir Finnboga vera fær-
an í að setja upp verk sín en nefnir
þó að hann mæti alltaf nýjum áskor-
unum í hverju rými og í Hafnarhús-
inu sé það ekki síst hinn sérstaki
arkitektúr. Finnbogi leysir það með
því að setja eina stóra laug á milli
súlnanna. „Það hefur verið skemmti-
legt að fylgjast með verkinu verða
til. Það er mikill smíðaskapur í
kringum þetta,“ segir Markús og
lýsir verkinu: „Á sýningunni Rið
gengur áhorfandinn í kringum upp-
hækkaða vatnslaug og af þessari
vatnslaug endurvarpast gárur á yfir-
borði vatnsins um rýmið. Tíðni rým-
isins, sveiflurnar og endurkastið
breytist allt eftir því hver gengur í
kringum verkið. Eðlisfræðin sveifl-
ast með því hvernig rýmið er hverju
sinni.
Líklega það stærsta hingað til
Finnbogi er alltaf að fikra sig
áfram í færni sinni í að taka yfir
rými og gera það sýnilegt sem er
ósýnilegt. Hann hefur prófað sig
áfram með alls konar efnivið í gegn-
um tíðina en laugar og gárótt vatns-
yfirborð hafa fylgt honum alla tíð og
þetta er líklega það stærsta sem
hann hefur gert í þeim flokki,“ segir
Markús.
Auk þessa nýja verks í Hafnar-
húsinu sýnir Finnbogi einnig verk á
Kirkjulistahátíð í Hallgrímskirkju
sem haldin er 1.-10. júní en hluti sýn-
ingarinnar mun standa í allt sumar.
Markús segir listamanninn vinna
þar með svipaðan efnivið og í Riði.
„Náttúruvísindin og eðlisfræðin eiga
hug hans allan.“
Morgunblaðið/Eggert
Áskorun Finnbogi Pétursson í A-sal Listasafns Reykjavíkur í Hafnarhúsi.
Hið ósýnilega sýnilegt
 Ný innsetning eftir Finnboga Pétursson í Hafnarhúsinu
 Gárur endurvarpast úr stórri, upphækkaðri vatnslaug
Call for Performers nefnist sýning
japönsku listakonunnar Mio Hanaoka
sem opnuð verður í dag kl. 17 í sýning-
arrýminu Midpunkt í Hamraborg 22 í
Kópavogi. Hanaoka er fyrsti erlendi
gestur Midpunkt í ár, listakona búsett
í París sem stofnaði árið 2016 listhóp-
inn Onirisme Collectif ásamt þeim
Rafael Medeiros, Jake Laffoley og
tvíeykinu Rebel Rebel (Ragnheiði
Bjarnarson & Snæbirni Brynjarssyni).
Hefur hópurinn kannað ástand
draumsins með gjörningum og heldur
því áfram á sýningunni í Midpunkt.
Kannar samlífi í verkum sínum
Hanaoka er með gráðu í skynrænni
sálfræði (e. cognitive psychology),
nam myndlist við Gerrit Rietveld-
akademíuna í Amsterdam og útskrif-
aðist síðar með meistaragráðu frá
Paris 8-listaháskólanum. Hún hefur
sýnt í Hollandi, Frakklandi, Króatíu
og Japan en hennar síðustu verk voru
sýnd í Beaux-Arts í París, Musée d’Art
Moderne de la ville de Paris og vís-
indasafninu Cité des Science et de
l’industrie.
Hanaoka kannar í verkum sínum
samlífi, í listrænum og lífrænum skiln-
ingi, og á sýningunni ætlar hún að
svæfa gesti, veita þeim nýja listræna
upplifun og býðst gestum því að taka
þátt í sköpunarferlinu með því að
leggja sig og láta sig dreyma.
Upplifun í gegnum drauma
Ragnheiður fyrrnefnd er sýning-
arstjóri sýningarinnar og segir hún
hana á vegum Hanaoka þótt hún sé
hluti af vinnu Onirisme Collectif.
„Þetta er sjötta eða sjöunda sýn-
ingin í þessari röð þar sem fólk sefur
og reynir að upplifa verkið í gegn-
um draumana í stað þess að vera
alltaf að glápa á eitthvað,“ segir
hún. Hinir sofandi gestir eru því
verkið þótt í rýminu megi einnig
upplifa eitt og annað. Ragnheiður
segir að fólk eigi einfaldlega að
leggjast niður og reyna að finna
ímyndunaraflið.
Opnun er kl. 17 í dag og sýning-
argestir eru orðnir hluti af sýning-
unni um leið og þeir ganga inn í
rýmið, hvort sem þeir leggjast og
sofna eða ekki. Sex slíkir gjörningar
hafa verið framdir víðs vegar um
París og segir Ragnheiður þá hafa
virkað sem skyldi þótt þeir hafi ver-
ið ólíkir í uppsetningu. „Fólk tekur
þátt í þessu, leggst og sefur stund-
um alveg í þrjá tíma í innsetningu í
galleríi,“ segir hún sposk. Ragnheið-
ur kveður með þeim orðum blaða-
mann, þarf að drífa sig að sækja hey
fyrir gestina að liggja á og láta sig
dreyma. helgisnaer@mbl.is
Sofandi gestir á
sýningu Hanaoka
 Ástand draumsins í Midpunkt
Draumaheimur Onirisme Collectif hefur framið gjörninga þar sem gestir
eru svæfðir og svífa inn í draumalandið. Hér má sjá stofnanda hans, Mio
Hanaoka, liggjandi á kartöflubeði og eflaust í værum blundi.
Cornucopia, tónleikasýning Bjark-
ar Guðmundsdóttur, sem nú er
sýnd í The Shed í New York við
mikið lof og vinsældir, verður
sýnd í Mexíkóborg 17., 20. og 23.
ágúst í Parque Bicentenario og
verður hún hluti af tónleikaferð
hennar með sama nafni. Síðasta
sýningin í New York verður 1.
júní og kemur Björk fram með
flautuseptettinum viibru og
Hamrahlíðarkórnum undir stjórn
Þorgerðar Ingólfsdóttur, Katie
Buckley sem leikur á hörpu og
Manu Delago á slagverk. Í
Mexíkóborg verða sömu hljóð-
færaleikarar en Hamrahlíðarkór-
inn verður líklega ekki með í för.
Miðaverð á sýninguna í Mexíkó-
borg er býsna hátt, jafnvirði um
525 bandaríkjadala eða um 66 þús-
und króna, en það er verðið á dýr-
asta miðanum.
Mikið er lagt í framsetninguna í
The Shed, fjölnota sal í nýjum há-
hýsakjarna vestast á Manhattan,
en það er argentínski leikstjórinn
Lucrecia Martel sem annast svið-
setninguna á tónleikunum og er í
sýningunni lagt mikið upp úr
áhrifamikilli vídeóvörpun og líf-
legri sviðsmynd.
Ljósmynd/Santiago Felipe
Tilkomumikil Cornucopia, sýning Bjarkar, er veisla fyrir augu og eyru.
Tónleikasýning Bjarkar
sýnd í Mexíkóborg