Morgunblaðið - 17.06.2019, Page 10

10 DAGLEGT LÍF
MORGUNBLAÐIÐ MÁNUDAGUR 17. JÚNÍ 2019
Seljavegur 2 | Sími: 511-3340 | Fax: 511-3341 | www.reyap.is | reyap@reyap.is
Apótekið þitt
í gamla Héðinshúsinu við Seljaveg 2
Afgreiðslutími:
9-18:30 virka daga
10-16:00 laugardaga
Reykjavíkur Apótek býður upp á allar tegundir lyfja. Mikið og fjölbreytt úrval af
heilsuvörum, bað- og ilmvörum, gjafavörum auk ýmissa annarra góðra kosta.
Reykjavíkur Apótek er sjálfstætt starfandi apótek sem leggur áherslu á
persónulega þjónustu og hagstætt verð.
• Öryrkjar og eldri borgarar njóta sérkjara hjá okkur
• Frí heimsendingarþjónusta
Kristín Heiða Kristinsdóttir
khk@mbl.is
Ég hlakka til að hitta fólk ogvinna fyrir opnum tjöldum. Mérfinnst skipta máli að geta áttsamtal við almenning, fólkið sem
á leið um, því fatahönnuðir vinna oft í sín-
um eigin heimi og tala mest við aðra hönn-
uði. Það verður virkilega gaman að fá tæki-
færi til að spjalla við safngesti.
Hönnunarsafn Íslands er með opna vinnu-
stofu í anddyri safnsins og þar skiptast
hönnuðir á að vinna í tvo til þrjá mánuði í
senn. Þannig er hægt að sýna hvernig
hönnuðir vinna og leyfa fólki að fylgjast
með ferlinu og spjalla. Ég verð þarna að
vinna að minni hönnun í allt sumar og mæli
með að fólk komi við, safnið er skemmtilegt
og Garðatorg vaxandi staður þangað sem æ
fleira fólk kemur,“ segir Signý Þórhalls-
dóttir, fata- og prenthönnuður, en hennar
fyrsti dagur á opnu vinnustofunni er í dag,
á sjálfan þjóðhátíðardaginn.
Signý flutti heim fyrir ári en hún hefur
búið í útlöndum frá því hún útskrifaðist úr
Listaháskólanum 2011.
„Ég starfaði í London
undanfarin sjö ár sem fata-
hönnuður og það er ansi ólíkt
því sem er hér heima. Mikill
tískuiðnaður er í London svo
þetta er stór hringiða sem
maður dregst inn í. En þetta
var mjög skemmtilegt og
gríðarlega góð reynsla, ég
lærði rosalega margt á þess-
um tíma. Ég byrjaði í starfs-
námi en fékk ráðningu í
kjölfarið,“ segir Signý sem
síðustu þrjú árin vann hjá
ekki minni hönnuði en Vivi-
enne Westwood.
„Það var alveg frábært.
Ég vann í teymi með annarri
konu og maður verður að
passa að fylgja „erfðaefni“
merkisins en taka samtímis
eitthvað nýtt inn í. Vivi-
enne Westwood er svo
gamalt og rótgróið merki
að það er mikið sótt í sögu
þess við nýja hönnun; rann-
saka það sem áður hefur
verið gert og blanda því
saman við nýja hönnun. Þá
þarf maður bæði að vera
meðvitaður um söguna og
um leið að fylgjast vel með
nýjum straumum. Þetta var
krefjandi enda háir standard-
ar á öllu, en þetta er mjög
frjótt fyrirtæki og þar er
rými fyrir skapandi hugsun,“
segir Signý sem sá um að
hanna kvenföt og munstur fyrir Jap-
ansmarkað.
Signý var einnig í starfsnámi hjá
Zöndru Rhodes þar sem hún vann við að
silkiþrykkja í stúdíóinu hjá henni.
„Hún er mikil kempa og það er upp-
lifun að koma í stúdíóið hjá henni og hitta
hana.“
Morra stendur fyrir rólegheit
Signý segir ástæðuna fyrir því að hún
flutti aftur heim vera þá að sér finnist
landslagið í hönnun á Íslandi spennandi
núna.
„Síðustu ár hefur fatahönnun sem fag
fengið meira pláss en áður og hér er margt
spennandi í gangi. Mér finnst gaman að
vera komin heim,“ segir Signý sem leitast
við að starfa á mörkum fata- og prenthönn-
unar, en hún framleiðir silkislæður og vegg-
myndir undir merki sínu MORRA. Signý
horfir til jurta í íslenskri náttúru í sinni
hönnun og nýjar vörur munu bætast við í
sumar.
„Ég er spennt að sjá hvert þetta leiðir
mig og gaman að vera farin að hanna undir
eigin merki. Nafnið Morra sæki ég í sögn-
ina að morra, sem merkir að vaggast hægt,
hreyfast eða rölta hægt, sem mér finnst fal-
legt. Þar fyrir utan langaði mig að hafa
kvenmannsnafn í merkinu mínu af því ég
hanna fyrir konur. Allir þekkja líka Morr-
una í Múmínálfunum, svo þetta hefur fjöl-
margar tengingar,“ segir Signý og tekur
fram að hún hafi ekki valið nafnið Morra
með vísun í nítjándu aldar manninn William
Morris, eins og sumir halda.
„Hann gerði vissulega mikið af jurta-
munstrum og var merkilegur brautryðjandi
í textílhönnun. Þetta er því óvænt og
skemmtileg tenging, enda hef ég hann í
miklum metum.“
Innflutningspartí Signýjar verður í dag
17. júní kl. 14. Allir eru velkomnir og frítt
inn á Hönnunarsafnið. Gera má ráð fyrir lífi
og fjöri á Garðatorgi þar sem hátíðarhöld
verða í tilefni þjóðhátíðardagsins.
Ljósmyndir/Jaja Agency / Olga Urbanek
Glæsileiki Silkislæður Signýjar geta nýst á marga vegu, þær er hægt að binda um háls, á ská yfir öxl, nýta sem höfuðklút eða láta hanga lausar um axlir, allt eftir því sem hentar.
Horfir til jurta í íslenskri náttúru
Signý Þórhallsdóttir, fata- og
prenthönnuður, flutti nýlega
heim eftir nokkurra ára dvöl í
útlöndum þar sem hún starfaði
fyrir víðfræga hönnuði eins og
Vivienne Westwood og Zöndru
Rhodes. Signý ætlar að halda
innflutningspartí í dag á opinni
vinnustofu hjá Hönnunarsafni
Íslands á Garðatorgi.
Morgunblaðið/Kristinn Magnússon
Flóra Íslands Signý vinnur með íslenskar jurtir sem hún þurrkar og pressar eins og sjá má hér.
Veggmynd Hið smáa og
fíngerða ræður ríkjum í
veggmyndum Signýjar.