Morgunblaðið - 17.06.2019, Side 29

MENNING 29
MORGUNBLAÐIÐ MÁNUDAGUR 17. JÚNÍ 2019
2004 RÓSA HELGADÓTTIR
Rósa Helgadóttir fékk hugmyndina að
Spacebag töskunni úr litum norðurljós-
anna. Taskan er óvenjuleg að því leyti að
hún er þrívíddarprentuð og blandað er
saman litsterku plasti sem myndar töskuna
og glansandi áli sem teygir sig upp í hand-
fang töskunnar. Rósa lét lítinn hringlaga
stall vera neðst á töskunni þannig að hún
gæti staðið líkt og skúlptúr þegar hún væri
ekki í notkun.
Taskan var sýnd á Transforme sýning-
unni í París árið 2004.
Útlit Spacebag minnir á þann stíl sem
var í tísku í kringum aldamótin síðustu. Þá
voru ýmsar vísanir í tækni og vísindaskáld-
skap í kvikmyndum, þar sem fjallað var um
framtíð sem einkenndist af tækni og vél-
um. Í því sambandi nægir að benda á Mat-
rix þríleikinn.
Íslensk hönnun - Hönnunarsafn Íslands
Taska verður
skúlptúr og öfugt
Ljósmynd/Hönnunarsafn Íslands/Þóra Sigurbjörnsdóttir skráði
Hlutverk Hönnunarsafns Íslands er að safna og varðveita þann þátt íslenskrar menningarsögu sem lýtur að
hönnun, einkum frá aldamótunum 1900 til samtímans. Safnið á og geymir um 900 íslenska og erlenda
muni, sem margir hafa mikla menningarsögulega þýðingu. Safnkosturinn fer sístækkandi, enda æ fleiri
hönnuðir sem hasla sér völl og koma fram með vandaða gripi sem standast alþjóðlegan samanburð og eru
hvort tveggja nytjamunir og/eða skrautmunir. Í tilefni af aldarafmæli fullveldis Íslands setti safnið upp sýn-
inguna 100ár100hlutir á Instagram þar sem 100 færslur eru birtar á jafnmörgum dögum af hönnunar-
gripum í eigu safnsins frá árunum 1918 til 2018.
Netflix, sem eins og kunnugt er var
framleiðandi sjónvarpsþáttanna
vinsælu Stranger Things, er ekki af
baki dottið. Ekki aðeins er þriðja og
nýjasta serían af þáttunum væntan-
leg í byrjun júlí, heldur hefur sjón-
varpsveitan aðsópsmikla tilkynnt
um nýjan símaleik sem á að hleypa
af stokkunum á næsta ári.
Leikurinn er sagður munu bjóða
upp á ævintýri ekki ósvipuð því sem
aðdáendur snjallsímaleikjarins
Pokémon Go fengu að kynnast þeg-
ar það æði var og hét.
Með því að hafa leikinn í gegnum
Google Maps getur fólk fengið að
kynnast myrku öflunum og svarta-
galdrinum í sínu eigin umhverfi,
líkt og söguhetjur Stranger Things.
Pokémon Go nema Stranger Things
Spennandi Barnungar söguhetjur í
einum þátta Stranger Things.
Styttan „Ganýmedes“ eftir mynd-
höggvarann Bertel Thorvaldsen, er
nú til sýnis í Safnahúsinu við Hverf-
isgötu en um hana er fjallað í nýrri
bók sem gefin hefur verið út, 130
verk úr safneign Listasafns Íslands.
Listasafni Íslands gefur út bókin og
eins og titillinn gefur til kynna má í
henni finna umfjöllun um 130 valin
verk ásamt ljósmyndum.
Bókin er sögð gefa innsýn í þann
mikla menningararf sem safnið
varðveiti og sé fróðleiksnáma fyrir
almenning, nemendur í listasögu og
áhugafólk um íslenska myndlist. Er
höggmynd Bertels elsta verkið sem
fjallað er um í bókinni sem rituð er á
íslensku og ensku og er 288 blaðsíð-
ur.
„Myndhöggvarinn Bertel Thor-
valdsen (1770 – 1844) var einn
þekktasti listamaður Evrópu á sín-
um tíma og talinn einn helsti fulltrúi
nýklassíska stílsins í höggmyndalist.
Í safneign Listasafns Íslands er ein
höggmynd eftir Bertel Thorvaldsen,
Ganýmedes, en frummyndina gerði
hann í Róm árið 1804,“ segir í til-
kynningu og að höggmyndin sé
sannkallaður kjörgripur.
Hlaut eilífa æsku
Á vef Þjóðminjasafnsins segir um
styttuna að eins og í mörgum verka
sinna sæki Thorvaldsen innblástur
til klassískrar myndlistar Forn-
Grikkja bæði hvað varðar myndefni
og útfærslu en samkvæmt grískri
goðafræði veitti Seifur Tróverjanum
Ganýmedes eilífa æsku og býr hann
hjá guðunum á Ólympsfjalli og
skenkir þeim vín.
Þar segir einnig að í Reykjavík
megi finna þrjár bronsafsteypur af
verkum Thorvaldsens í almanna-
rými auk þess sem þrjú verka hans
höggvin í marmara séu í opinberri
eigu, „Ganýmedes“ þar á meðal. Í
kirkjugörðum landsins megi sjá lág-
myndir Thorvaldsens á fjölmörgum
legsteinum og í söfnum landsins séu
varðveittar ýmsar eftirgerðir af vin-
sælustu verkum hans.
Sýningin á Ganýmedesi í Safna-
húsinu stendur yfir til 31. maí á
næsta ári.
Ganýmedes í Safnahúsinu
 Elsta verkið
sem fjallað er um í
nýrri bók L.Í.
Kjörgripur Höggmynd Bertels
Thorvaldsen af Ganýmedesi.
Barack og Michelle Obama, gömlu
forsetahjónin bandarísku, eru
stokkin um borð í hlaðvarpsvagn-
inn, að því er erlendir miðlar
greina frá. Þau hafa tilkynnt um
að hlaðvarp frá þeim sé vænt-
anlegt á tónlistarveitunni Spotify,
sem útaf fyrir sig er liður í mark-
verðri sókn veitunnar á þau mið
en fyrr á þessu ári voru einmitt
sagðar fréttir af því að Spotify
hefði fjárfest hálfan milljarð dala í
hlaðvarpi. Ekki liggur fyrir í
hverju vinna forsetahjónanna fyrir
Spotify mun felast nákvæmlega en
ljóst er að þeirra rödd mun heyr-
ast í margvíslegu hlaðvarpsefni
sem þau koma til með að fram-
leiða fyrir veituna.
Það liggur á milli hluta hversu
ríkulega Spotify mun launa
Obama-hjónunum fyrir stritið en
hitt er ljóst að þau lifa lengi á
fornri frægð. Ævisaga Michelle,
Becoming, hefur selst í meira en
10 milljónum eintaka um heim all-
an síðan hún kom í lok árs 2018.
Hliðstæðrar bókar er að vænta frá
sjálfum Barack. Fyrir ári stofnuðu
hjónin framleiðslufyrirtækið Hig-
her Ground Productions, sem mun
sjá um framleiðslu umrædds hlað-
varps en einnig hefur fyrirtækið
gert samninga við Netflix um
þætti fyrir mörg hundruð milljónir
dala. Og innreið á hlaðvarpsmark-
aðinn er síður en svo galin við-
skiptahugmynd: ný rannsókn Reu-
ters leiddi í ljós á dögunum að
meira en helmingur fólks undir 35
ára aldri hlusti á hlaðvörp.
Obama-hjónin með þætti á Spotify
AFP
Forsetahjónin Barack og Michelle Obama eru ekki af baki dottin.
Tökum mun í þann mund að ljúka á
þriðju þáttaröð af hinum þýsku
Babýlon Berlín og íslenskir aðdá-
endur geta búist við því að fá þætt-
ina í Ríkissjónvarpið haustið 2020,
ef mönnum þar á bæ hugnast svo.
Áfjáðum aðdáendum mun þó gefast
kostur á að horfa strax á þættina
undir lok þessa árs en þá verða þeir
sýndir í þýsku sjónvarpi. Þriðja
sería telur 12 þætti, hún er lengri
en fyrstu tvær sem hvor um sig
voru átta þættir. Der Spiegel talar
um að tímarými þáttanna fari í
þriðju seríu að teygja sig inn í
seinni heimsstyrjöld en í annarri
seríu voru nasistar þegar farnir að
skjóta upp kollinum. Þá verður
varpað enn frekara ljósi á þá
hörmulegu eiturlyfjafíkn sem
áfallaþjakaðir og skjálfandi her-
menn glímdu við í eftirköstum
styrjaldanna. Framleiðsla þáttanna
er eftir sem áður óheyrilega dýr, sú
dýrasta í sögu evrópsks sjónvarps.
Von á meira af Babýlon Berlín
Babýlon Berlín Þættirnir eru þeir
dýrustu í sögu evrópsks sjónvarps.
Bíldshöfða 16, 110 Reykjavík 414 84 00 www.martex.is
Góð þjónusta
byrjar með
flottum fatnaði.
Fatnaður fyrir fagfólk