Morgunblaðið - 28.06.2019, Page 2

Dagur B.
Eggertsson
Guðrún Erlingsdóttir
ge@mbl.is
Sjálfstæðismenn hvöttu til þess á
fundi borgarráðs að áætlanir Reykja-
víkurborgar yrðu endurskoðaðar líkt
og ríkið hefur gert. Þetta gerðu þeir
við afgreiðslu þriggja mánaða upp-
gjörs A-hluta Reykjavíkurborgar sem
lagt var fram og afgreitt í borgarráði í
gær. Niðurstaða uppgjörsins er nei-
kvæð um 343 milljónir króna í stað 165
milljóna jákvæðrar niðurstöðu sem
áætlað hafði verið. Niðurstaðan er því
508 milljónum lakari en gert var ráð
fyrir. Staðgreiðsla skatttekna var 738
m. kr. undir áætlun en fram kemur í
uppgjörinu að talið sé að síðbúin skil á
skatttekjum hafi töluverð áhrif á
rekstrarniðurstöðu tímabilsins.
Rekstrarniðurstaða fyrir fjár-
magnsliði var neikvæð um 168 m.
kr., eða 902 m. kr. undir áætlun, og
laun og launatengd gjöld 369 m. yfir
áætlun. Sjálfstæðismenn lögðu fram
bókun þar sem þeir bentu m.a. á að
þrátt fyrir að tekjur af fasteigna-
skatti hafi hækkað um 17,5% og út-
svarsprósenta sé í lögleyfðu há-
marki hækki skuldir og
skuldbindingar um milljarð á mán-
uði eða 4.304 milljónir frá áramót-
um. Eyþór Arnalds, borgarfulltrúi
Sjálfstæðiflokksins, er ósáttur við að
borgin sé ekkert farin að skoða
breytingar á áætlunum. Sjálfstæðis-
menn hafi varað við því að einskipt-
istekjur fari ört minnkandi og ekki
sé hægt að selja byggingarétti nema
einu sinni. Hann segir að þrátt fyrir
að skatttekjur kunni að hækka á
árinu þá muni það ekki hækka upp
nema hluta af frávikinu. Eyþór
bendir á að uppgjörið sé gert áður en
WOW fór í þrot. Hann segir að bank-
ar, Seðlabankinn og fyrirtæki séu
sammála um að mikið hafi breyst frá
því í mars og ekki til batnaðar auk
þess sem engum hagvexti sé spáð.
Taka uppgjörinu með fyrirvara
Dagur B. Eggertsson borgarstjóri
segir að það þurfi alltaf að taka
þriggja mánaða uppgjörinu með
ákveðnum fyrirvara því það sé ekki
alltaf dæmigert fyrir árið. Niðurstað-
an sé heldur lakari en áætlun gerði ráð
fyrir.
„Í uppgjörinu sjáum við vísbending-
ar um minnkandi útsvarstekjur sem
gæti bent til samdráttar á vinnumark-
aði. Skýringin gæti þó einnig verið
síðbúin skil ríkisins á staðgreiðslu út-
svars því útsvarstekjurnar hækkuðu í
apríl og þá gekk tekjusamdrátturinn
að einhverju leyti til baka. Í mínum
huga þá þurfa stjórnendur borgarinn-
ar einfaldlega að halda vöku sinni og
fylgjast með þróuninni,“ segir Dagur
og bætir við að gæta þurfi aðhalds á
útgjaldahliðinni og tryggja eftir því
sem kostur sé að tekjur skili sér.
Leggja til að borgin endurskoði áætlanir
Morgunblaðið/Kristinn Magnússon
Reykjavík Borgarbúar á ferðinni í sólinni á Laugaveginum.
Eyþór
Arnalds
 Milljarðahækkun skulda og skuldbindinga á árinu  Dagur segir stjórnendur þurfa að halda vöku sinni
2 FRÉTTIRInnlent
MORGUNBLAÐIÐ FÖSTUDAGUR 28. JÚNÍ 2019
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Helgi Bjarnason
helgi@mbl.is
Strandveiðibátarnir höfðu í gær-
morgun, fyrir síðasta dag strand-
veiða í júní, landað tæpum 4.669
tonnum af þorski sem er 38,5% af
leyfilegum afla í sumar. Er þetta
19% aukning frá sama tíma á síð-
asta sumri. Örn Pálsson, fram-
kvæmdastjóri Landssambands smá-
bátaeigenda, telur líkur á að
kvótinn dugi fyrir sumarið og afar
litlar líkur á að það komi til stöðv-
unar veiða.
Bakslag í júní
Maí gekk bærilega, sérstaklega
fyrir vestan, en bakslag varð í júní
vegna ótíðar, að sögn Arnar. Hann
hefur eftir trillukörlum á Vestfjörð-
um að þeir hafi þurft að hafa mikið
fyrir því að ná dagskammtinum. Að
loknum 13 dögum í júní var aflinn
2.326 tonn sem er 16% aukning frá
sama mánuði í fyrra.
Mesti aflinn fyrri helming
strandveiðitímabilsins er á svæði A
sem Breiðafjörður og Vestfirðir
falla undir. Afli á hvern bát er þó
heldur minni í júní en á síðasta ári
en svipaður þegar tímabilið sem af
er vertíð er skoðað. Aflinn á svæði
D, frá Hornafirði í Faxaflóa var 481
tonn,á svæði C sem nær frá Eyja-
firði til Djúpavogs var aflinn 426
tonn og á svæði B var búið að landa
374 tonnum. Aukning er á öllum
svæðum.
583 bátar eru komnir með leyfi
til strandveiða sem er mun meira
en á síðasta ári. Örn reiknar með að
þeir verði yfir 600 þegar upp verð-
ur staðið.
Örn vekur athygli á því að 207
bátar hafi veitt 10 tonn eða meira á
öllu tímabilinu. Það eru mun fleiri
bátar en í fyrra.
Miðað er við að hámarksafli
strandveiðanna verði 11.100 tonn af
þorski. Aflinn á fyrri helmingi
strandveiðitímabilsins nálgast nú
óðfluga 40% markið. Örn telur litlar
líkur á að það komi til stöðvunar
vegna þessa. Menn hafi úr fleiri
dögum að velja í júlí og ágúst en á
fyrrihluta tímabilsins. „Það fer að
glæðast vel á B- og C-svæðunum
sem hafa verið slök á fyrri hlut-
anum. Vonandi förum við langt með
að klára þetta.“
Fiskverð gott
Örn telur að almenn ánægja sé
með strandveiðarnar í sumar.
„Fiskverð er gott, mun hærra en í
fyrra og veiðigjaldið lækkar mikið á
milli ára. Það er miklu betra hljóð í
körlunum en í fyrra,“ segir Örn.
Betra hljóð í trillukörlum
 Strandveiðiaflinn kominn í 4.669 tonn  Þurftu að hafa
fyrir skammtinum  Heildaraflinn nálgast 40% af viðmiðun
Strandveiðar
2018 2019
Afl i í júní 2.009 2.326
Afl i á róður, kg 646 665
Alls í maí og júní 3.919 4.669
Afl i á bát 8,1 8,4
Afl ahæstir
Sæunn SF 155 22,5
Héðinn BA 80 22,2
Staðan eftir 26. júní
Heimild: Fiskistofa, Landssamband
smábátaeigenda
Tonn
Hagnaður Bláa lónsins hf. árið
2018 eftir skatta nam rúmlega 3,7
milljörðum króna og var veltan
17,4 milljarðar króna. Þá var eig-
infjárhlutfall félagsins 56%. Hlut-
hafar fá greiddan út arð sem nem-
ur 4,2 milljörðum króna, að því er
fram kemur í ársskýrslu félagsins.
Hagnaður Bláa lónsins fyrir
fjármagnsliði og afskriftir
(EBITDA) nam 5,6 milljörðum
króna. Eignir Bláa lónsins eru
skráðar rúmar 22 milljarðar
króna og var handbært fé frá
rekstri 5,2 milljarðar.
Rúmir fjórir millj-
arðar greiddir í arð
Morgunblaðið/Árni Sæberg
Bláa lónið Ríflega 17 milljarða velta í fyrra
og eignir skráðar 22 milljarðar króna.
Eftir sex vikna deildarkeppni og undanúrslit
lauk fyrsta tímabili Lenovo-deildarinnar í raf-
íþróttum með úrslitaviðureign í Háskólabíói í
gærkvöldi. Þá mættust Hafið og Fylkir í Counter
Strike: Global Offensive og bar Hafið að endingu
sigur úr býtum. Ólafur Hrafn Steinarsson, for-
maður Rafíþróttasamtaka Íslands, afhenti liðs-
mönnum Hafsins veglegan bikar að launum.
Fjölmargir fylgdust með keppninni.
Morgunblaðið/Eggert
Hafið bar sigur úr býtum í Háskólabíói
Fyrsta tímabili Lenovo-deildarinnar í rafíþróttum lauk í gærkvöldi
Minjastofnun stöðvaði tímabundið
framkvæmdir Vesturverks á Ólafs-
fjarðarvegi á Ströndum. Mbl.is
greindi frá þessu í gær. Fram-
kvæmdirnar tengjast fyrirhugaðri
Hvalárvirkjun. Birna Lárusdóttir,
upplýsingafulltrúi Vesturverks
segir að fyrirtækið hafi talið eðli-
legt að hreppurinn hefði verið bú-
inn að bera framkvæmdirnar við
veginn undir Minjastofnun. En um-
ræddar minjar eru skráðar í um-
hverfimat og matsskýrslu vegna
Hvalárvirkjunar að sögn Birnu sem
telur stöðvunina ekki skipta sköp-
um um framkvæmd verksins.
Framkvæmdir stöðv-
aðar á Ströndum
Karlmaður á þrítugsaldri var í gær
dæmdur í þriggja ára fangelsi í
Héraðsdómi Reykjavíkur fyrir að
nauðga konu á skemmtistað í des-
ember 2018. Hann var einnig
dæmdur til að greiða konunni tvær
milljónir í miskabætur. Mbl.is
greindi frá þessu í gær. Fram kom í
ákæru vegna málsins í apríl að
maðurinn hafi gerst sekur um sér-
lega grófa nauðgun en hann fór á
eftir konunni inn í herbergi á ótil-
greindum stað, læsti hurðinni, reif
niður buxur konunnar og þvingaði
hana til samræðis.
Þriggja ára fangelsi
fyrir nauðgun