Morgunblaðið - 28.06.2019, Page 8

Veginum að Sauðleysuvatni lokað
Guðrún Erlingsdóttir
ge@mbl.is
„Það var ákveðið að loka vegaslóðan-
um að Sauðleysuvatni í friðlandinu að
Fjallabaki. Slóðinn liggur á mjög
grónu og viðkvæmu gróðurlendi þar
sem jarðvegsrof hefur orðið vegna
aksturs á slóðanum,“ segir Hákon Ás-
geirssson, teymisstjóri hjá Umhverf-
isstofnun. Hákon segir að þar sem
engin veiði sé í Sauðleysuvatni hafi
verið tekin ákvörðun um að loka veg-
slóðanum, endurskoða legu hans og
færa hann úr grónu svæði yfir á ógró-
ið.
„Vegaslóðinn er stuttur, engin af-
mörkuð bílastæði og frekar óljóst
hvar hann endar. Þeir sem keyra
þennan vegaslóða hafa ekkert annað
val en að keyra út af honum þegar
þeir snúa við,“ segir Hákon sem upp-
lýsir að lokun vegarins sé gerð í sam-
ráði við veiðifélag Rangárþings ytra
og veiðifélag Landmannaafréttar sem
hefur yfir veiðiheimildum úr vatninu
að ráða. Hákon segir að verið sé að
skoða breytingar á færslu fleiri vega
og slóða sem liggja að vötnum innan
friðlandsins að Fjallabaki með það í
huga að breyta legu þeirra úr grónu
viðkvæmu landi á ógróið land. Hákon
telur slíka framkvæmd ekki hafa mik-
il áhrif á umferð á svæðinu en það sé
mikilvægt að ökumenn vandi til verka
og geri sér grein fyrir því hversu við-
kvæmt svæðið er.
 Færður vegna jarðvegsrofs á ógróið
svæði  Færsla á fleiri vegum í skoðun
Ljósmynd/Umhverfisstofnun
Lokað Slóðinn að Sauðleysuvatni
8 FRÉTTIRInnlent
MORGUNBLAÐIÐ FÖSTUDAGUR 28. JÚNÍ 2019
Seljum Íslandspóst, segir Sig-urður Már Jónsson blaðamaður
í fyrirsögn á pistli sínum á mbl.is í
gær og tekur þar
undir orð fjár-
málaráðherra frá
því fyrr um daginn
um að ríkið selji
þennan rekstur.
Forsætisráðherra
sagði samdægurs
að málið hefði ekki
verið rætt í ríkisstjórninni en að
það sé nú „það góða við þessa rík-
isstjórn að við höfum ólíkar skoð-
anir“.
  
Ekki er augljóst hvers vegna þaðer sérstakur kostur að ráð-
herrar séu á öndverðum meiði, en
látum það liggja á milli hluta og
víkjum aftur að pistli Sigurðar Más,
sem segir: „Það er ekkert sem mæl-
ir lengur með eignarhaldi ríkisins á
þeirri starfsemi sem Íslandspóstur
stendur fyrir og hefur reyndar ekki
gert í mörg ár. Á meðan hafa skatt-
greiðendur greitt fyrir óskynsamar
fjárfestingar, óskýra stefnumótun
og þannig horft upp á fyrirtækið
verða að nátttrölli í því samkeppn-
isumhverfi sem það starfar. Ís-
landspóstur hefur reynst ófær um
að bregðast við samkeppni, misst
getuna til að þjónusta viðskiptavini
sína og tapað miklum fjármunum
fyrir skattgreiðendum. Starfsemi
félagsins er dæmigerð fyrir það
þegar ríkisvaldið er að skipta sér af
starfsemi sem aðrir geta sinnt bet-
ur.“
  
Staðreyndin er sú að Íslands-póstur hefur farið út í marg-
víslega starfsemi í samkeppni við
einkaaðila sem hefur ekkert með
þá þjónustu að gera að koma bréf-
um til skila. Á sama tíma hefur
hann dregið úr grunnþjónustunni
og tapað háum fjárhæðum.
  
Ekki þarf að koma á óvart þó aðrætt sé um grundvallarbreyt-
ingar í rekstri fyrirtækisins.
Póstur á villigötum
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Það bar til tíðinda á níunda tím-
anum í fyrrakvöld að úrkoma mæld-
ist í Stykkishólmi, 0,2 millimetrar.
Þar með lauk þurrviðriskafla sem
staðið hafði yfir frá 20. maí, eða í 36
daga. Þetta er nýtt met en gamla
metið er frá árinu 1931. Það met var
35 dagar í röð.
Ekki er um Íslandsmet að ræða,
að sögn Trausta Jónssonar veður-
fræðings. Lengri þurrkkaflar finn-
ist á öðrum stöðvum í gögnum en
Trausti þorir ekki að segja hversu
áreiðanleg þau gögn eru. Lengsta
syrpan er 52 dagar – á Kirkjubæj-
arklaustri á útmánuðum 1947 og 49
dagar á Loftsölum í Mýrdal á sama
tíma. „En mælingar voru ekki mjög
áreiðanlegar á þessum stöðvum á
þessum tíma varðandi litla úr-
komu,“ segir Trausti.
Á Moggablogginu bendir Trausti
á að annað met hafi fallið í vikunni.
Þriðjudagurinn 25. júní var fyrsti
sólarlausi dagur í Reykjavík síðan
18. maí. Þetta er 37 daga kafli.
Marga daga skein sólin frá sól-
arupprás til sólarlags. Aðra daga
minna. Næstu 30 daga á undan
þriðjudeginum mældust sólskins-
stundirnar alls 377,6. Það er meira
en nokkru sinni hefur mælst í ein-
um almanaksmánuði, að sögn
Trausta. En sé litið á júnímánuð
einan eru sólarstundirnar sem
mælst hafa orðnar 296,3, vantar
enn 42 til að jafna júnímetið frá
1928.
Júlí tekur við á mánudaginn svo
þetta mun standa tæpt. Búist er við
norðlægum áttum um helgina og þá
er von um sólarglætu á höfuð-
borgarsvæðinu. sisi@mbl.is
Loks rigndi eftir 36
daga þurrviðriskafla
 Sólin skein 37
daga í röð í Reykja-
vík sem er nýtt met
Morgunblaðið/Sigurður Bogi
Loks rigndi Wioletta Maszota
veðurathugunarmaður við mælinn.