Morgunblaðið - 15.07.2019, Blaðsíða 19
MINNINGAR 19
MORGUNBLAÐIÐ MÁNUDAGUR 15. JÚLÍ 2019
Elsku engillinn okkar, mamma,
tengdamamma, amma og langamma,
MARÍA SIGURBORG JONNÝ
RÓSINKARSDÓTTIR,
Hjúkrunarheimilinu Eir,
áður Melseli 8,
kvaddi á Landspítalanum Fossvogi
mánudaginn 1. júlí.
Útför fer fram frá Fossvogskirkju 18. júlí klukkan 15.
Sérstakar þakkir til starfsfólks Eirar og B2 fyrir fagmennsku,
alúð og manngæsku.
Ottó K. Ólafsson Björk Baldursdóttir
Jakob Ólafsson Helena S. Leósdóttir Little
Rósinkar S. Ólafsson Sólbjörg Gunnbjörnsdóttir
Guðný Ólafsdóttir Ómar Þ. Gunnarsson
Ásgeir K. Ólafsson Aðalheiður Gylfadóttir
barnabörn og barnabarnabörn
Sálm. 14.2
biblian.is
Drottinn horfir á
mennina af himnum
ofan til þess að sjá
hvort nokkur sé
hygginn, nokkur
sem leiti Guðs.
✝ Fjölnir Lúð-vígsson fædd-
ist 30. maí 1962 í
Reykjavík. Hann
lést á Heilbrigðis-
stofnun Suður-
lands 8. júlí 2019.
Fjölnir var son-
ur hjónanna Ingi-
bjargar Ásthildar
Michelsen, f. 27.
nóvember 1938, d.
25. mars 2011, og
Lúðvígs Thorbergs Helgason-
ar, f. 18. janúar 1936, d. 14.
júlí 2011.
Systkini Fjölnis eru Guðný
Bergdís, Birgir Freyr, Björn
Fjalar og Frank Vígberg
Snær.
Árið 2011 kom í ljós að
Fjölnir var rangfeðraður og
var líffræðilegur faðir hans
giftu sig 23. júlí 1994. Hún átti
soninn Rúnar Mána Baldurs-
son, f. 29. júní 1988, þegar hún
kynntist Fjölni og tók þá
Fjölnir Rúnari sem sínu eigin
barni og ól hann upp.
Rúnar Máni er í sambúð
með Karitas Mist Hjartar-
dóttur. Dætur Ingibjargar og
Fjölnis eru Birta Líf Fjölnis-
dóttir, f. 8. nóvember 1990.
Hún er í sambúð með Gunnari
Rafni Pálssyni og saman eiga
þau þrjú börn. Helga Lind
Fjölnisdóttir, f. 11. júní 1995,
og er hún í sambúð með Ósk-
ari Heiðari Hanssyni.
Fjölnir vann við ýmis störf
til sjós og lands, en síðustu 13
ár áður en hann varð að láta
af störfum vegna heilsubrests
starfaði hann hjá Pípulagn-
ingaverktökum ehf.
Fjölnir verður jarðsunginn
frá Guðríðarkirkju í Grafar-
holti í dag, 15. júlí 2019,
klukkan 14.
Sveinn Svanur
Jónsson, f. 11. nóv-
ember 1922, d. 14.
september 1998.
Börn hans eru Guð-
rún, Magnús (lát-
inn), Hulda, Samúel
(látinn), Anna Ósk
og Gunnar.
Fyrri eiginkona
Fjölnis var Sandra
Margaret Bradley.
Sonur þeirra er
Dane Robert Ludvigsson, f. 30.
október 1984. Hann er í sam-
búð og búsettur í Ástralíu með
Katharine Brown. Dane á þrjá
syni með fyrrverandi eigin-
konu sinni, Samantha Court-
ney.
Eftirlifandi eiginkona Fjöln-
is er Ingibjörg Margrét Krist-
jánsdóttir, f. 8. júní 1967. Þau
Elsku pabbi.
Ég trúi þessu ekki enn og veit
hreinlega ekki hvar ég á að
byrja.
Ég bjóst ekki við að sitja hér
með brotið hjarta að skrifa til þín
þessi orð en lífið er ósanngjart
og þú fórst alltof snemma frá
okkur öllum.
Ég vildi að þú gætir leitt mig
upp að altarinu eins og þú ætl-
aðir að gera en ég veit að þú
verður mér við hlið þó svo að þú
verðir ekki sýnilegur.
Ég vil þakka þér fyrir allt sem
þú hefur gefið mér. Þú hefur
kennt mér svo margt og mótað
mig að þeirri manneskju sem ég
er í dag.
Ég gæti ekki óskað mér ann-
ars pabba en þín.
Þegar ég var lítil bað ég þig
alltaf um að breiða yfir mig og að
syngja Blátt lítið blóm eitt er og
það gerðir þú öll kvöld.
Blátt lítið blóm eitt er,
ber nafnið: Gleymdu ei mér.
Væri ég fleygur fugl
flygi ég til þín.
Svo mína sálu nú
sigraða hefur þú,
engu ég unna má
öðru en þér.
(Þýsk þjóðvísa)
Ég veit að einn daginn munum
við hittast á ný á sólríkum stað,
borða saman skonsur, drekka
kakó og hlusta á NýDönsk.
En þangað til mun ég halda
minningu þinni á lífi.
Ég elska þig og farðu varlega.
Þín pabbastelpa,
Helga Lind.
Elsku pabbi, það sem lífið get-
ur verið ósanngjarnt!
Ég veit ekki hversu oft ég hef
heyrt „þú ert alveg eins og pabbi
þinn“ – og það sem það fór í taug-
arnar á mér.
Þegar maður eldist hins vegar
áttar maður sig stundum á hlut-
unum og í dag get ég verið stolt af
því að vera „alveg eins og pabbi
minn“ því það er nú bara þannig
að pabbi minn, þú, varst óskap-
lega skemmtilegur, fyndinn,
sterkur, lifandi og einstakur kar-
akter. Það var aldrei lognmolla í
kringum þig og þó að við höfum
ekki alltaf átt skap saman þá get
ég verið ævinlega þakklát fyrir
að hafa átt pabba sem að var
svona mikill vinur minn. Veiði-
ferðirnar, barbíleikurinn, tónlist-
in, útilegurnar, skonsubakstur,
hláturinn, gráturinn og allt þar á
milli. Í dag er ég líka þakklát fyr-
ir það að börnin mín hafi átt
svona dásamlegan afa og ég mun
svo sannarlega sjá til þess að þau
muni eftir þér og viti hversu frá-
bær afi þeirra var.
Takk fyrir að hafa stutt mig í
allri þeirri vitleysu sem ég hef
ákveðið að brasast í gegnum og
ekki síst, takk fyrir ómælda ást
og kærleik.
Minning þín lifir að eilífu.
Ég elska þig.
Birta Líf.
Elsku pabbi minn, ég er enda-
laust þakklátur fyrir að þú komst
inn í líf mitt þegar ég var eins árs.
Þú hefur kennt mér svo margt og
gert mig að manninum sem ég er
í dag. Ég hefði ekki geta eignast
betri pabba og föðurfjölskyldu
sem tók mér strax með opnum
örmum, ást og hlýju. Alltaf hefur
þú stutt við bakið á mér og við
höfum alltaf verið góðir vinir. Ég
á eftir að hugsa um þig allt mitt
líf með hlýju í hjarta. Ég mun
halda minningu þinni á lofti með
því að segja litlu stelpunni minni,
sem kemur í heiminn í desember,
sögur af þér. Þannig mun hún fá
að vita hvað hún átti góðan afa.
Ég elska þig og mun sakna þín og
við öll. Tími okkar var of stuttur
en hann var ómetanlegur og þú
kenndir mér að lífið er ekki alltaf
dans á rósum og að við eigum að
njóta augnabliksins. Vera ófeim-
in við að tjá tilfinningar, taka líf-
inu ekki sem sjálfsögðum hlut.
Ég elska þig. Hvíldu í friði.
Þinn
Rúnar Máni.
Elsku besti Fjölli minn.
Þá ertu búinn að fá hvíldina og
varst hvíldarþurfi. Samt ekki
nema nýorðinn 57 ára.
Þú varst búinn að berjast eins
og hetja í tvö ár og fékkst eitt ár
lengur en búist var við því sjúk-
lingar með lungnakrabbamein
lifa yfirleitt ekki nema í ár.
Þú varst heldur ekki einn, hún
Ingibjörg þín sá alveg um þig
þennan tíma og stóð vaktina í 24
klukkutíma allan þennan tíma,
enda var samband ykkar einstakt
og áttuð þið ekki nema nokkra
daga í 25 ára brúðkaupsafmæli.
Þú varst alltaf baráttujaxl og
harðduglegur og sýndir það í
veikindum þínum hversu dugleg-
ur þú varst. Þú varst vinamargur
eins og sést á öllu því sem gert
hefur verið fyrir ykkur úti og
inni.
Við vorum vinir frá því að við
hittumst fyrst og sú vinátta entist
allt til enda.
Þið Imba mín gáfuð okkur þrjú
yndisleg barnabörn og þrjú lang-
ömmubörn og eitt á leiðinni. Þú
eignaðist lítinn nafna síðasta
sumar og varst ekki lítið lukku-
legur með það.
Við komum alltaf yfir til ykkar
í morgunkaffi og alltaf sagðir þú
allt gott og að þú hefðir það fínt.
Það var ekki fyrr en síðasta hálfa
mánuðinn sem þú sagðist vera
svo óskaplega þreyttur, þá sá
maður líka svo vel að hverju dró.
Við forum í sex daga ferð til Nor-
egs til Höllu systur og ég kvaddi
þig sérstaklega vel þar sem ég
fann á mér að ég myndi ekki hitta
þig aftur, enda kvaddir þú daginn
áður en við komum heim.
En við eigum bara góðar minn-
ingar um þig Fjölli minn sem
hægt er að ylja sér við. Ég veit að
Einar bróðir tekur vel á móti þér
og þið getið skeggrætt um dúfna-
rækt og heimsmálin í sumarland-
inu.
Við höldum vel utan um elsku
Ingibjörgu okkar og börnin og
bið ég Guð að gefa systkinum þín-
um og allri stórfjölskyldunni
styrk á þessum erfiðu tímamót-
um.
Ég elska þig út í geim og aftur
heim.
Þessi fátæklegu orð eru fyrir
hönd okkar Kidda.
Þín tengdamamma,
Helga.
Í dag kveðjum við yndislegan
bróður og mág sem kveður okkur
allt of snemma aðeins 57 ára eftir
erfið veikindi síðastliðin tvö ár.
Hann var alltaf svo duglegur og
handlaginn bæði til vinnu og
heima hjá sér og mikill fjöl-
skyldumaður. Hann var líka góð-
ur frændi og sakna þau frænda
síns mjög mikið. Við áttum marg-
ar útilegurnar saman og varð
Úlfljótsvatn oftast fyrir valinu
því þar var hægt að sitja við vatn-
ið langt fram á kvöld við veiðar.
Það eru 20 ár síðan við fórum öll
saman til Benidorm, sem var
ógleymanleg ferð. Árið 2003 fór-
um við hringinn í kringum landið
saman ásamt Bjössa bróður og
fjölskyldu.Við eigum eftir að
sakna Fjölla mikið en minningin
um góðan dreng lifir. Elsku Ingi-
björg, börn, tengdabörn og
barnabörn, megi kærleikurinn
umvefja ykkur og styrkja.
Lífið er aðeins lítil stund, lánuð og tekin
aftur.
Þú fæðist og lifir á lánaðri grund,
uns leggur þig dulinn kraftur.
(LTH)
Guðný og Brynjar.
Fjölnir Lúðvígsson
Fleiri minningargreinar
um Fjölni Lúðvígsson bíða
birtingar og munu birtast í
blaðinu næstu daga.
✝ Einar Bogi Sig-urðsson fæddist
28. júlí 1959 í
Hafnarfirði. Hann
varð bráðkvaddur á
heimili sínu í Mos-
fellsbæ 30. júní
2019.
Foreldrar hans
eru Sigurður Ágúst
Finnbogason, f. 5.
júní 1939, og Guð-
ríður Einarsdóttir,
f. 18. okt. 1938. Systur hans eru
Jóhanna Ríkey, f. 18. sept. 1960,
og Eva, f. 5. okt. 1967.
Einar Bogi giftist Hjördísi
1989. Eiginkona hans er Clare
Patricia Dilworth, f. 23. febr.
1989. 3) Erna, f. 7. apríl 1993.
Einar Bogi giftist Kristjáni
Inga Jónssyni, f. 30. nóv. 1957, þ.
8. ágúst 2002. Foreldrar hans
voru Jón Vigfús Bjarnason, f. 23.
mars 1927, d. 5. maí 1990, og
Hansína Margrét Bjarnadóttir, f.
13. júlí 1926, d. 27. ágúst 2004.
Einar Bogi lauk stúdentsprófi
frá Verslunarskóla Íslands árið
1980 og BS-prófi í landfræði frá
Háskóla Íslands árið 1985. Hann
starfaði lengi hjá Samvinnubank-
anum og síðar Landsbanka Ís-
lands, m.a. sem útibússtjóri á
Reyðarfirði og Höfn. Síðustu ár-
in starfaði hann við hlið eigin-
manns síns við garðyrkju og
blómaskreytingar.
Útför Einars Boga fer fram
frá Hallgrímskirkju í dag, 15. júlí
2019, og hefst athöfnin kl. 15.
Rafnsdóttur, f. 4.
sept. 1960. Þau
skildu árið 2000.
Börn þeirra eru 1)
Ágúst Rafn, f. 28.
júlí 1983, Sambýlis-
kona hans er Rakel
Guðmundsdóttir, f.
6. jan. 1982, börn
þeirra eru Alex
Breki, f. 29. júlí
2005, Björn Andri,
f. 19. maí 2006,
Linda María, f. 14. júlí 2006,
Daníel Ágúst, f. 25. mars 2008,
og Matthildur Sara, f. 16. jan.
2014. 2) Matthías, f. 18. ágúst
Ein af mínum fyrstu minning-
um er af pabba. Þá var pabbi að
skúra í banka og ég var tekinn
með. Margar af æskuminningum
mínum af pabba tengjast bönkum.
Hann vann lengi í Samvinnubank-
anum, mér fannst alltaf spennandi
að fara í heimsókn til hans og
skoða mig um. Oft var ég með hon-
um og iðulega hitti pabbi einhvern
á förnum vegi sem hann þekkti. Þá
gaf hann sér tíma til að spjalla, ég
minntist oft á það að það væri leið-
inlegt að fara eitthvað með pabba
þar sem hann þekkti alla og þurfti
að tala við alla. En þannig var
hann pabbi, gaf sér tíma fyrir fólk.
Þegar ég var 10 ára fluttumst
við til Reyðarfjarðar þar sem
pabbi tók við útibústjórastöðu.
Systkini mín Matthías og Erna
voru þá búin að bætast við hópinn.
Pabbi tók starf sitt alvarlega og
vildi gera það sem hann gat fyrir
fólk og minntist á það að þegar
hann var að vinna úti á landi þá
hefði honum fundist hann hafa
verið að vinna fyrir fólkið en ekki
banka. Pabbi náði að koma sér inn
í flest svið samfélagsins hvort sem
það var Lions eða þorrablóts-
nefndin. Það átti vel við pabba
enda hafði hann gaman af mann-
fögnuði og átti auðvelt með að
kynnast fólki.
Nokkrum árum síðar var kom-
ið í Hafnarfjörð og má segja að á
þeim tímapunkti hafi eitthvað
breyst. Bankinn hafði breyst og
pabbi var ekki sáttur með þær
breytingar. Þá lá annað á brjósti
pabba. Þegar ég var 17 kom pabbi
út úr skápnum og byrjaði stuttu
síðar að búa með Kristjáni Inga.
Þetta var erfitt tímabil. Pabba var
svo sagt upp störfum hjá bank-
anum, hann var sáttur og í raun
þungu fargi af honum létt. Að lok-
um sættist ég við breytta heims-
mynd og hjálpaði til að brosið hjá
pabba, sem hafði dofnað aðeins
síðustu árin, var snúið aftur.
Með nýja lífinu hans pabba
kom Kristján inn í líf okkar. Þeir
áttu vel saman og lífsgleðin var
auðsjáanleg hjá þeim. Kristján
tók okkur börnunum hans pabba
vel og með árunum bættust svo
börnin mín við og þeir tóku við
nýjum titlum sem afar með ein-
skærri gleði. Börnin óskuðu oft
eftir að fá að fara til afa og afa
enda vissu þau að það yrði tekið
vel á móti þeim. Ís í frystinum og
djús í ísskápnum.
Pabbi og Kristján fluttu að
endingu að Suður-Reykjum í
Mosfellsbæ og þar fann pabbi sig.
Pabbi var alltaf í garðinum.
Blómahaf, mergð trjáa og stór
sundlaug sem börnin mín hafa
eytt ómældum stundum í, ein-
kenndi hann. Það er við hæfi að
pabbi hafi að lokum endað líf sitt á
þeim stað sem hann elskaði.
Tíminn til að segja bless kom
aldrei. Það á eftir að sitja eftir hjá
mér að ég gat ekki kvatt þig al-
mennilega og að ég átti eftir að
hringja aftur í þig. Símtalið sem
beið var til að skipuleggja afmælið
okkar. Í þetta skipti beið stór-
afmæli sem aldrei verður af.
Fram undan eru afmælisdagar
sem ég neyðist til að eiga einn en
ekki með pabba mínum. Eitt er
víst að ég mun aldrei gleyma þér
og alltaf geyma þig í hjarta mínu.
Ég veit að Doddi tók á móti þér
með skonsur og þú fylgist með
okkur núna með bros á vör eins og
alltaf.
Þú lifðir lífinu með frjálsri að-
ferð, ég hefði einungis óskað þess
að þú hefðir getað verið lengur
með okkur.
Ágúst Rafn Einarsson.
Í dag kveð ég elsku bróður
minn sem varð bráðkvaddur á
heimili sínu. Allt of fljótt og alls
ekki tímabært.
Einar Bogi var aðeins 14 mán-
uðum eldri en ég en þrátt fyrir
lítinn aldursmun æxlaðist það
þannig að við vorum ekki í sama
skóla frá 10-11 ára aldri og áttum
aldrei sameiginlega vini. Þá voru
áhugamál okkar gjörólík, ég var
alltaf að leika mér með strákunum
og Einar Bogi með stelpunum.
Einar Bogi kynntist Hjördísi,
fyrrverandi eiginkonu sinni, í
Versló og eignuðust þau þrjú
börn. Barnabörnin eru orðin
fimm. Þau skildu eftir um 20 ára
hjónaband þegar Einar Bogi átt-
aði sig á því að hann væri samkyn-
hneigður og kom út úr skápnum.
Það voru erfið spor fyrir Einar
Boga og fjölskylduna alla. En á
sama tíma má segja að við höfum
náð betur saman og orðið meiri
vinir á fullorðinsárum.
En Einar Bogi fann ástina að
nýju þegar hann kynntist Krist-
jáni Inga. Það má segja að hann
hafi byrjað nýtt líf um fertugt,
hann tók af sér bindið og hætti í
bankanum. Þeir Kristján Ingi
voru eins og samlokur, algjörlega
óaðskiljanlegir þau 19 ár sem þeir
fengu saman.
Það var alltaf stutt í brosið og
dillandi hláturinn þegar við fjöl-
skyldan og ótal vinir hittumst.
Einars Boga verður sárt saknað
en honum er ætlað annað mikil-
vægara hlutverk í sumarlandinu.
Hugur minn er hjá mömmu og
pabba, börnunum hans þremur,
Ágústi Rafni, Matthíasi og Ernu,
barnabörnunum sem hann elskaði
svo mikið, en ekki síst hjá elsku
Kristjáni Inga sem hefur misst
allt. Guð gefi þeim og okkur öllum
styrk í sorginni.
Jóhanna Ríkey (Hanna systir).
Þeir mættust á götuhorni og
annar þeirra sagði „áttu eld?“
Þar með kviknaði bál sem lifði
þar til Einar Bogi lagði í sína
hinstu för.
Ég minnist feimna hljóðláta
mannsins sem brosti með falleg-
um augunum koma inn í fjöl-
skylduna, í byrjun var hann afar
hlédrægur, en hann snerti hjörtu
allra með ljúfu og fallegu fram-
komunni. Mörgum árum og
mörgum þéttum faðmlögum síð-
ar stend ég með honum í eldhús-
inu á Reykjum. Hann var að elda
humarsúpu í eldhúsinu hennar
Haddýjar frænku, sem þegar
þarna var komið við sögu, var
orðið eldhúsið hans og Kristjáns
Inga. Yfir humarsúpupottinum
sagði hann mér frá því að á yngri
árum hafi hann margsinnis riðið
hesti framhjá húsi blómabóndans
á Reykjum og horft þangað með
forvitni. Hann velti fyrir sér
hvaða draumaveröld væri þarna
og hver byggi í þessu ævintýra-
lega húsi, svo lýsti hann því
hversu óraunverulegt sér fyndist
að nú væri hann að upplifa ástina
og hamingjuna hér og nú.
Við stórfjölskyldan eigum öll
okkar minningar frá Reykjum
þar sem ævinlega var opið hús og
allir velkomnir. Sveitin hjá
Haddý frænku og Jovva frænda
var ævintýraheimur systkina-
barnanna allra. Eftir að Kristján
Ingi og Einar Bogi fluttu í húsið
var engu breytt og engu hent, en
óhætt er að segja heimilið hafi
fengið á sig enn meiri ævin-
týrablæ sem nú líkist safni sem á
sér ekkert líkt.
Í garðinum búa hænur og han-
ar og þar ægir saman furðuleg-
ustu hlutum úr öllum áttum.
Gamlar ryðgaðar mackintosh-
dósir, brotnir blómavasar, garðá-
höld frá því um miðja síðustu öld,
vírbútar, lúnir skór, grjót og
steinar af öllum stærðum og gerð-
um, trjádrumbar og hundruð
blómstrandi plantna úti um allt og
í hverju skoti, engu líkt.
Ég er þakklát fyrir allar
ánægjulegu stundirnar á Reykj-
um, bæði í æsku og einnig hin síð-
ari ár.
Elsku Kristján Ingi, fallega
bjarta brosið hans Einars Boga
mun lifa með okkur öllum. Ég bið
góðan Guð að vernda þig og veita
þér styrk til að takast á við lífið í
komandi framtíð. Blessuð sé
minning Einars Boga.
Margrét
Kjartansdóttir.
Einar Bogi
Sigurðsson
Fleiri minningargreinar
um Einar BogaSigurðsson
bíða birtingar og munu birt-
ast í blaðinu næstu daga.