Morgunblaðið - 31.07.2019, Qupperneq 25
ÍÞRÓTTIR 25
MORGUNBLAÐIÐ MIÐVIKUDAGUR 31. JÚLÍ 2019
Þegar ég fylgdist með vand-
ræðum kylfingsins Rory McIlroy
á fyrsta keppnisdegi The Open
velti ég því fyrir mér hvort kapp-
inn hafi fallið á prófinu hvað
varðar sálfræðiþáttinn.
Nú liggur auðvitað fyrir að sál-
ræni þátturinn er mjög stór hluti
þess að leika á golfmótum í
hæsta gæðaflokki. Sérstaklega
risamótunum. Slíkt þekkir
McIlroy auðvitað og hefur sigrað
fjórum sinnum á risamótum. En í
þessu tilfelli var hann í öðrum
sporum en áður. Að þessu sinni
var hann á heimavelli á Norður-
Írlandi. Ég velti því fyrir mér
hvort hann hafi ekki gert mistök
þegar hann sagðist í aðdraganda
mótsins undirbúa sig eins og
fyrir hvert annað risamót.
Þegar íþróttamaður er með
heila þjóð á bakinu er það ger-
ólíkt þeim aðstæðum sem við-
komandi er vanalega í. Áhugi
N-Íra á McIlroy er allt annar og
meiri þegar hann keppir á
heimavelli og The Open er haldið
í landinu í fyrsta skipti síðan
1951. McIlroy sjálfur hafði verið
fullur tilhlökkunar í mánuði og
ár.
Spennustigið verður hærra
en vanalega þegar nánast allir
sem kannast við þig eru að fylgj-
ast með. Þessu má líkja við
muninn á því að spila mik-
ilvægan landsleik fyrir þjóð sína
eða venjulegan deildarleik úti í
heimi. Áhugi þeirra sem kannast
við þig er allt annar þegar kemur
að landsleiknum. Það er ekki að
ástæðulausu að vítaskyttur
skora úr vítum fyrir félagslið all-
an veturinn en skjóta upp í stúku
þegar komið er á HM. Hvort sem
það er Platini, Baggio eða Gylfi.
Hefur það ekkert með spyrnu-
getu þessara manna að gera.
McIlroy mætti á 1. teig og sló
út fyrir vallarmörk. Hefur það
ekkert með tækni hans að gera.
BAKVÖRÐUR
Kristján Jónsson
kris@mbl.is
KNATTSPYRNA
Úrvalsdeild kvenna, Pepsi Max-deildin:
Würth-völlur: Fylkir – ÍBV...................... 18
1. deild kvenna, Inkasso-deildin:
Eimskipsvöllur: Þróttur R. – Haukar 19.15
1. deild karla, Inkasso-deildin:
Framvöllur: Fram – Magni ...................... 18
Extra-völlur: Fjölnir – Afturelding .... 19.15
2. deild karla:
Akraneshöll: Kári – Vestri........................ 18
Fjarðab.höll: Leiknir F. – Dalvík/Reynir 18
Vogaídýfuvöllur: Þróttur V. – KFG.... 19.15
Sauðárkróksv.: Tindastóll – Víðir ....... 19.15
Jáverkvöllur: Selfoss – ÍR ................... 19.15
Húsavík: Völsungur – Fjarðabyggð ... 19.15
3. deild karla:
Vopnafj.: Einherji – Höttur/Huginn ....... 18
Fagrilundur: Augnablik – Sindri ............. 19
Ólafsfjarðarv.: KF – Skallagrímur .......... 19
Europcarv.: Reynir S. – Kórdrengir ....... 19
Bessastaðavöllur: Álftanes – KV ............. 20
Fjölnisvöllur: Vængir Júpíters – KH ...... 20
Í KVÖLD!
GARÐABÆR/SELFOSS
Bjarni Helgason
Guðmundur Karl
Valskonur endurheimtu toppsæti
úrvalsdeildar kvenna í knattspyrnu,
Pepsi Max-deildarinnar, þegar liðið
vann öruggan 5:1-sigur gegn Stjörn-
unni á Samsung-vellinum í Garðabæ
í 12. umferð deildarinnar í gær.
Margrét Lára Viðarsdóttir gerði
sér lítið fyrir og skoraði þrennu í
leiknum en fyrir leikinn í gærkvöldi
hafði hún skoraði 199 mörk í efstu
deild í 137 leikjum með ÍBV og Val
og er hún því komin í 202 mörk í
efstu deild. Hún er önnur konan
sem nær að skora yfir 200 mörk, á
eftir Olgu Færseth, sem skoraði 269
mörk á ferlinum í 217 leikjum fyrir
KR, ÍBV og Breiðablik á árunum
1992 til ársins 2008. „Ég held að það
sé aðeins of langt í Olgu og ég hugsa
að ég leyfi kellingunni að eiga það
met enda frábær leikmaður og minn
lærimeistari ef svo má að orði kom-
ast,“ sagði Margrét Lára í samtali
við Morgunblaðið í gær, aðspurð
hvort hún ætlaði sér að reyna ná
metinu af Olgu.
Stjörnukonur sýndu ágætistakta
á Samsung-vellinum í gær. Liðið
varðist aftarlega og freistaði þess að
beita skyndisóknum. Það gekk
ágætlega og Valskonum gekk illa að
skapa sér afgerandi marktækifæri
framan af leik á meðan hin 16 ára
gamla Hildigunnur Ýr Benedikts-
dóttir gerði varnarmönnum Vals
erfitt fyrir með hraða sínum og bar-
áttugleði. Hún skoraði þrennu í síð-
ustu umferð gegn HK/Víkingi og
fiskaði víti í gær.
Eftir að Valskonur skoruðu annað
mark leiksins var aldrei spurning
hvoru megin sigurinn myndi detta í
raun bara spursmál hversu stór
hann yrði. Stjörnukonur misstu að-
eins hausinn eftir þriðja markið og
þá fyrst fór Valskonum að líða vel á
vellinum. Leikurinn var hins vegar
vel útfærður af hálfu Valsliðsins og
Garðbæingar fengu engin opin
marktækifæri.
Það yrðu ákveðin vonbrigði ef
Valsliðinu tækist ekki að landa Ís-
landsmeistaratitilinum í haust því
staðreyndin er einfaldlega sú að lið-
ið hefur verið mest sannfærandi
allra liða í deildinni í sumar og það
sést á markatölu liðsins. Það er
ákveðinn stígandi í leik Garðabæj-
arliðsins og loksins eru þær komnar
með alvöruhraða í framlínuna sína,
eitthvað sem hefur sárlega vantað,
enda ekki mikill hraði í liðinu heilt
yfir. Hildigunnur Ýr er ein af von-
arstjörnum íslenskrar kvennaknatt-
spyrnu og í raun hálfundarlegt að
hún hafi ekki fengið mun meiri spil-
tíma í sumar. bjarnih@mbl.is
Dýr ferð botnliðsins á Selfoss
Selfoss vann þægilegan sigur á
HK/Víkingi á Selfossvelli, 2:0, þar
sem bæði mörkin komu í fyrri hálf-
leik. Selfoss stýrði leiknum fyrstu
45 mínúturnar og HK/Víkingur virt-
ist hafa ákaflega litla trú á verkefn-
inu. Ætli botnliðið að spyrna sér
upp þá þarf hugarfarið að breytast
því þær virtust nálgast leikinn með
hálfum hug.
Það varð þeim dýrt því Selfoss
skoraði tvö góð mörk í fyrri hálfleik
en færin voru mörg hjá Selfoss-
konum og þær hefðu getað bætt við
talsvert fleiri mörkum ef nýtingin
hefði verið betri. Grace Rapp kom
þeim yfir á 9. mínútu og á 29. mín-
útu gerði Barbára Sól Gísladóttir
endanlega út um leikinn. Tvö mörk
dugðu þó til sigurs því seinni hálf-
leikurinn var nánast tíðindalaus.
HK/Víkingur virtist hafa fengið
ágætisræðu frá Rakel Logadóttur í
leikhléi því þær fóru framar á völl-
inn og héldu boltanum betur og en
náðu ekki að skapa sér nein færi.
Selfyssingar hertu tökin aftur þegar
leið á seinni hálfleikinn og hefðu
mátt lauma inn fleiri mörkum en
þversláin og Audrey Baldwin í
marki HK/Víkings komu í veg fyrir
það.
Selfoss hefur fest sig í sessi í 4.
sæti deildarinnar og markmið liðs-
ins er örugglega að ná 3. sætinu.
Það er stutt bil frá botnsætinu þar
sem HK/Víkingur situr upp í næstu
lið. En eftir því sem leikjunum
fækkar verður brekkan brattari.
sport@mbl.is
Braut 200 marka múrinn
Valskonur endurheimtu toppsætið í Garðabænum Selfyssingar styrktu
stöðu sína í fjórða sæti deildarinnar Hildigunnur Ýr hélt uppteknum hætti
Morgunblaðið/Arnþór Birkisson
202 Margrét Lára Viðarsdóttir með boltann í gærkvöld þar sem hún skoraði sögulegt mark og tvö til viðbótar.
Jill Ellis mun láta af störfum sem
þjálfari kvennaliðs Bandaríkjanna í
knattspyrnu í október, aðeins
nokkrum mánuðum eftir að hafa
unnið annan heimsmeistaratitilinn í
röð með liðið.
„Það hefur verið mesti heiður lífs
míns að fá að þjálfa þetta lið og
vinna með þessum ótrúlegu kon-
um,“ sagði Ellis, sem hefur unnið
102 leiki og tapað 18 með banda-
ríska liðið. Eftir að hún hættir
þjálfun tekur hún við starfi nokk-
urs konar sendiherra bandarískrar
kvennaknattspyrnu. yrkill@mbl.is
Hættir með
heimsmeistarana
AFP
Sigursæl Jill Ellis er fyrsta konan
sem vinnur á HM tvisvar sem þjálf-
ari.
Eftir að hafa tapað þremur fyrstu
leikjum sínum fór íslenska U18 ára
landslið karla í körfuknattleik illa
með Noreg í fjórða leik í B-deild
Evrópumótsins í Rúmeníu í gær og
vann öruggan sigur, 96:69.
Ísland var yfir allan leikinn og
þar var Dúi Þór Jónsson at-
kvæðamestur með 22 stig en næst-
ur kom Friðrik Jónsson með 20
stig.
Lokaleikur Íslands í riðlakeppn-
inni er á morgun þegar liðið mætir
Lúxemborg og eftir það taka við
leikir um sæti á mótinu.
Réttu úr kútnum
gegn Noregi
Ljósmynd/FIBA
Stigahæstur Dúi Þór Jónsson skor-
aði 22 stig gegn Noregi í gær.
1:0 Grace Rapp 9.
2:0 Barbára Sól Gísladóttir 29.
I Gul spjöldCassie Boren (Selfossi),
Fatma Kara, Eygló Þorsteinsdóttir
(HK/Víkingi).
SELFOSS – HK/VÍKINGUR 2:0
Dómari: Steinar Berg Sævarsson, 7.
Áhorfendur: 267.
M
Áslaug Dóra Sigurbjörnsd. (Self.)
Bergrós Ásgeirsdóttir (Selfossi)
Grace Rapp (Selfossi)
Karítas Tómasdóttir (Selfossi)
Fatma Kara (HK/Víkingi)
0:1 Margrét Lára Viðarsdóttir 30.
0:2 Margrét Lára Viðarsdóttir 55.
0:3 Elín Metta Jensen 70.
0:4 Fanndís Friðriksdóttir 72.
0:5 Margrét Lára Viðarsdóttir 81.
1:5 Jasmín Erla Ingadóttir 86. (víti)
I Gul spjöldMálfríður Anna Eiríksdóttir
(Val).
Dómari: Atli Haukur Arnarsson, 8.
Áhorfendur: 254.
STJARNAN – VALUR 1:5
MM
Margrét Lára Viðarsdóttir (Valur)
M
Elísa Viðarsdóttir (Val)
Hallbera Guðný Gísladóttir (Val)
Hlín Eiríksdóttir (Val)
Elín Metta Jensen (Val)
Fanndís Friðriksdóttir (Val)
Ásgerður S. Baldursdóttir (Val)
Birta Guðlaugsdóttir (Stjörnunni)
Edda María Birgisdóttir (Stjörn.)
Sigrún Ella Einarsdóttir (Stjörn.)
Hildigunnur Ýr Benediktsd. (Stj.)
Arnar Grétarsson er að taka við
starfi yfirmanns knattspyrnumála
hjá belgíska B-deildarfélaginu KSV
Roeselare, en fotbolti.net fullyrti
það í gærkvöld.
Arnar á mikil tengsl við Belgíu, en
hann lék með Lokeren á sínum tíma
og var yfirmaður knattspyrnumála
hjá Club Brugge eftir að ferlinum
lauk. Hann hafnaði því í fyrra að
taka við slíku starfi hjá APOEL á
Kýpur.
Arnar var síðast þjálfara karlaliðs
Breiðabliks á árunum 2015-2017.
Arnar að fá
starf í Belgíu?