Morgunblaðið - 16.08.2019, Qupperneq 6

6 FRÉTTIRInnlent
MORGUNBLAÐIÐ FÖSTUDAGUR 16. ÁGÚST 2019
Renndu við
hjá okkur í
Tangarhöfða 13
Túrbínur
í flestar gerðir bíla
Ódýrari kostur
í varahlutum!
TANGARHÖFÐA 13
577 1313 - kistufell.com
BIFREIÐAVERKSTÆÐIÐ
Laufey Sigríður Karlsdóttir fagnaði
100 ára afmæli sínu í gær ásamt vin-
um og ættingjum. Afmælið var hald-
ið á dvalar- og hjúkrunarheimilinu
Grund í Reykjavík þar sem Laufey
hefur dvalið í fjögur ár. Hún klæðir
sig og hefur fótaferð á hverjum degi.
Laufey fæddist á Gamla-Hrauni,
milli Stokkseyrar og Eyrarbakka,
15. ágúst 1919, dóttir Guðmundar
Karls Guðmundssonar, skipstjóra á
Stokkseyri og Sesselju Jónsdóttur
húsfreyju. Þau hjónin eignuðust níu
börn og var Laufey í miðið. Hún er
ein eftirlifandi af systkinahópnum.
Laufey missti föður sinn tíu ára
gömul og ólst upp frá því upp hjá
Margréti móðursystur sinni og Guð-
mundi Eggertssyni manni hennar í
Hafnarfirði. Í Hafnarfirði lærði
Laufey að synda hjá Hallsteini Hin-
rikssyni sundkennara. Sundkennsl-
an fór fram í sjónum.
Laufey giftist Konráð Guðmunds-
syni verkstjóra árið 1937. Konráð
lést árið 2007, 92 ára gamall, og
höfðu þau þá verið í hjónabandi í
tæp 70 ár. Fyrstu hjúskaparárin
bjuggu þau í Reykjavík, lengi í
Vogahverfi. Konráð byggði m.a. hús
í Eikjuvogi. Þau fluttu í Holtagerði í
Kópavogi um miðjan 7. áratug 20.
aldar. Laufey átti heima þar í um 40
ár. Eftir að Konráð lést vildi Laufey
komast aftur í Hafnarfjörð og keypti
íbúð við Lækjargötu. Þar hélt hún
heimili þar til fyrir fjórum árum.
Laufey var lengi heilsuveil og að
mestu heimavinnandi. Heimilið var
stórt og gestkvæmt. Þangað voru
allir velkomnir, alltaf boðið upp á
nýbakað og bæði hjónin mjög gest-
risin.
Laufey var mikil hannyrðakona
og prjónaði, saumaði og skapaði
margt. Það lék allt í höndunum á
henni. Á gamalsaldri fór hún að
skera út í tré, mála á dúka og binda
inn bækur. Stundum vann Laufey
utan heimilis aðallega í fiskvinnslu.
Hún hugsaði alltaf vel um heilsuna,
passaði mataræðið og var dugleg að
ganga og synda og snerti hvorki tób-
ak né áfengi.
Laufey og Konráð eignuðust tvö
börn og þrjú fósturbörn sem heita
Auður Anna Konráðsdóttir (f. 1940,
d. 2019), Heimir Konráðsson (f.
1946), Sigrún Halldóra Gunn-
arsdóttir (f. 1951), Áslaug Kolbrún
Jónsdóttir (f. 1952) og Kolbrún
Karlsdóttir (f. 1959). Barnabörnin
eru tólf, barnabarnabörnin 26 og
barnabarnabarnabörnin eru tvö.
Morgunblaðið/Kristinn Magnússon
100 ára Laufey hélt upp á aldarafmælið í gær umkringd ættingjum og vinum. Hún dvelur nú á Grund í Reykjavík.
Lærði að synda
meðan kennt
var í sjónum
 Laufey Sigríður varð 100 ára í gær
Magnús Heimir Jónasson
mhj@mbl.is
Hreiðar Már Sigurðsson, fyrrverandi forstjóri
Kaupþings hf., segir lánveitingu bankans til
aflandsfélagsins Lindsor Holding og kaup þess
á skuldabréfum útgefnum af bankanum árið
2008 ekki hafa skapað fjártjón fyrir bankann.
„Við kaup á eigin skuldabréfum var Kaup-
þing að endurgreiða aðilum sem lánað höfðu
bankanum fjármuni. Við kaupin lækkuðu skuld-
ir bankans og því getur ekkert fjártjón orðið við
slíka ráðstöfun,“ segir Hreiðar Már í yfirlýs-
ingu vegna umfjöllunar Morgunblaðsins í gær
um aflandsfélagið Lindsor Holding. Þegar
Lindsor-málið var til rannsóknar á Íslandi taldi
embætti sérstaks saksóknara m.a. að með lán-
veitingunni væri bankinn settur í verulega
hættu.
Neyðarlánið fór ekki til Lindsor
„Það er mikilvægt að það komi fram að engar
greiðslur runnu til Kaupthing Luxembourg eða
aflandsfélaga af þeim fjármunum sem Kaup-
þing fékk að láni hjá Seðlabanka Íslands og hef-
ur verið kallað neyðarlánið. Starfsmenn Kaup-
þings gengu heiðarlega til starfa og gættu
hagsmuna bankans í hvívetna eins og skýrsla
Seðlabankans sem birt var nýlega endanlega
staðfestir,“ segir Hreiðar Már. „Það er einnig
mikilvægt að taka fram að Lindsor Holding,
Otris S.A., Serradis Trust og Kaupthing banki í
Lúxemborg voru öll að fullu í eigu Kaupþings
banka hf. og þar með gat engum hagsmunum
verið fórnað í innbyrðis viðskiptum félaganna
þriggja,“ segir Hreiðar ennfremur.
Spurður af hverju Otris S.A. var skráður eig-
andi Lindsor segist Hreiðar ekki þekkja það og
hann hafi ekki komið að
þeirri ákvörðun. Samkvæmt
gögnum frá Fjármáleftirlit-
inu og embætti sérstaks sak-
sóknara var tilgangur
skuldabréfakaupanna að
losa Kaupþing við skulda-
bréf sem urðu nær verðlaus
þremur dögum seinna þegar
FME tók yfir bankann.
Hreiðar segir það ekki rétt.
„Kaupthing Lúxemborg
keypti bréfin fyrir hönd Kaupþings banka hf.
Það var aldrei markmiðið að Kaupthing Lúx-
emborg myndi eiga þessi bréf heldur starfaði
hann sem umboðsaðili Kaupþings banka hf.“
Hann segist þá ekkert hafa heyrt frá rann-
sóknaryfirvöldum í Lúxemborg frá árinu 2016,
þegar skýrslutökur vorur boðaðar yfir starfs-
mönnum og stjórnendum bankans hérlendis af
rannsóknaryfirvöldum í Lúxemborg.
Auðgunarásetning skorti
Þegar Lindsor-málið var til rannsóknar á Ís-
landi lágu stjórnendur og starfsmenn meðal
annars undir grun um auðgunarbrot. Hreiðar
segir að ekki hafi verið um neinn auðgunar-
ásetning að ræða.
„Í öllum þeim rannsóknum sem beinst hafa
að starfsmönnum Kaupþings á undanförnum
árum hefur aldrei leikið grunur á um að starfs-
menn hafi ætlað auðgast eða einhverjir þeim
nákomnir. Það sem liggur fyrir eftir allar þess-
ar rannsóknir er að enginn af viðskiptavinum
Kaupþings auðgaðist vegna þessara mála. Ef
það var markmið starfsmanna og stjórnenda
Kaupþings að auðgast þá mistókst það í öll
skiptin.“
Segir ekkert fjártjón af Lindsor
 Hreiðar Már Sigurðsson, fyrrverandi forstjóri Kaupþings hf., svarar umfjöllun Morgunblaðsins um
Lindsor  Segir starfsmenn Kaupþings hafa gengið heiðarlega til starfa og gætt hagsmuna bankans
Hreiðar Már
Sigurðsson
Mike Pence, varaforseti Bandaríkjanna, kemur í opin-
bera heimsókn til Íslands þriðjudaginn 4. september.
Frá þessu var greint á vef Hvíta hússins í fyrrakvöld. Þar
kemur fram að Pence mun einnig heimsækja Bretland og
Írland í ferð sinni.
Á vef Hvíta hússins kemur fram að Pence muni í Ís-
landsheimsókn sinni, sem aðeins stendur í einn dag,
leggja áherslu á landfræðilegt mikilvægi Íslands á norð-
urskautssvæðinu, aðgerðir NATO til að bregðast við
auknum umsvifum Rússlands, sem og tækifæri Íslands
og Bandaríkjanna til að auka sameiginleg viðskipta- og
fjárfestingartækifæri.
Búast má við að varaforsetinn hitti íslenska ráðamenn
í heimsókn sinni. Þær upplýsingar fengust frá utanríkis-
ráðuneytinu í gær að gert sé ráð fyrir því að hann fundi
með Guðlaugi Þór Þórðarsyni utanríkisráðherra. Örn-
ólfur Thorsson forsetaritari sagði í samtali við Morgun-
blaðið að ekki lægi fyrir hvort Guðni Th. Jóhannesson,
forseti Íslands, myndi hitta Pence við komu hans hingað.
Hann gerði þó ráð fyrir að það myndi skýrast áður en
langt um liði.
Mikill áhugi á framkvæmdum suður með sjó
Áhersla á málefni norðurskautsins og aukin umsvif
Rússa þarf ekki að koma á óvart. Framkvæmdir á örygg-
issvæðinu á Keflavíkurflugvelli hafa verið í undirbúningi.
Nýlega voru boðin út viðhaldsverk upp á þrjá milljarða
króna og fram undan eru tvöfalt stærri verkefni. Í byrjun
vikunnar boðaði verkfræðistofnun bandaríska hersins í
Evrópu í samvinnu við utanríkisráðuneytið og Landhelg-
isgæsluna til kynningarfundar vegna fyrirhugaðra við-
haldsverkefna upp á 6,2 milljarða króna á næsta ári. Mik-
ill áhugi var á fundinum og alls mættu sextíu manns fyrri
daginn af tveimur. Litlu færri voru seinni daginn. Aðeins
máttu tveir mæta frá hverju fyrirtæki svo ljóst er að
minnst þrjátíu fyrirtæki áttu þar fulltrúa.
Jón B. Guðnason, yfirmaður varnartengdra verkefna
hjá Landhelgisgæslunni, segir í samtali við Morgunblað-
ið að kynningarfundurinn hafi gengið vel. „Það er fagn-
aðarefni að svo margir hafi sýnt þessu áhuga og þessi
fjöldi kom mér svolítið á óvart. Við fögnum því auðvitað
ef íslensk fyrirtæki fá eitthvað af þessum verkefnum,“
segir Jón. hdm@mbl.is
Varaforseti Bandaríkj-
anna heimsækir Ísland
 Mike Pence ítrekar mikilvægi Íslands á fundum hér
AFP
Gestur Mike Pence, varaforseti Bandaríkjanna, sækir
Ísland heim í byrjun næsta mánaðar á leið til Bretlands.
Árleg Hólahátíð fer fram í Skagafirði um helgina. Dagskráin hefst á morg-
un kl. 9 með helgistund í Grafarkirkju á Höfðaströnd og að henni lokinni
verður pílagrímaganga að Hólum í Hjaltadal. Málþing fer fram síðdegis á
laugardag í Háskólanum á Hólum um áhrif mennta- og menningarsetra í
dreifbýlinu.
Hátíðarmessa verður í Hóladómkirkju á sunnudag kl. 14 og veislukaffi að
því loknu. Kl. 16 hefst svo athöfn í kirkjunni og Hólaræðuna að þessu sinni
flytur Sigrún Magnúsdóttir, þjóðfræðingur og fv. ráðherra og borgarfulltrúi.
Sigrún á Hólahátíð