Morgunblaðið - 31.08.2019, Síða 10

10 FRÉTTIRInnlent
MORGUNBLAÐIÐ LAUGARDAGUR 31. ÁGÚST 2019
ALLT SEM ÞÚ ÞARFT AÐ VITA UM
FASTEIGNAKAUP Á SPÁNI
OPNIR KYNNINGARFUNDIR 31. ÁGÚST OG 1. SEPTEMBER
KL. 12 TIL 17 Á GRAND HÓTEL REYKJAVÍK
ALLIR VELKOMNIR
OPNIR KYNNINGARFUNDIR
Sigurður Bogi Sævarsson
sbs@mbl.is
Bryddað verður upp á ýmsu
skemmtilegu og áhugaverðu í Gróttu
í dag, laugardag, jafnhliða bæj-
arhátíð Seltjarnarness sem haldin er
nú um helgina. Eyjan er ysti hluti
nessins og var landfastur hluti þess
fyrr á öldum. Á fjörunni þegar lág-
sjávað er leggja margir leið sína í
eyna enda er þar margt áhugavert
að sjá og skoða.
Umgengni í sátt og samlyndi
„Útsýnið, sólsetrið, norðurljósin,
vitinn, sjórinn, fuglalífið og fjaran
hafa mikið aðdráttarafl í og við
Gróttu,“ segir María Björk Óskars-
dóttir, sem stýrir menningar- og
samskiptasviði Seltjarnarnesbæjar.
„Þetta er vinsæll staður fyrir göngu-
ferðir, hjólatúra, myndatökur og
hvers kyns útivist. Bæði Seltirningar
og fólk annarsstaðar frá – til dæmis
útivistarfólk og ferðamenn – sækja
mikið í Gróttu. Við Seltirningar er-
um stolt og umhugað um þetta
dásamlega svæði sem við viljum að
bæði íbúar og aðrir fái notið en öll
umgengni þarf þó að vera af virðingu
og í sátt og samlyndi við náttúruna.“
Gróttuviti, sem er 24 metra hár, er
áberandi í umhverfi sínu, mikilvægt
leiðarljós sjófarenda á siglinga-
leiðinni til og frá Reykjavík. Skammt
frá er svo gamalt íbúðarhús vita-
varðarins, en síðastur þeirra var Al-
bert Þorvarðarson. Grótta fór í eyði
árið 1970 en Seltjarnarnesbær end-
urbyggði gamla vitavarðarhúsið á
árunum eftir aldamót og hafði
nokkru áður endurbyggt gömlu
hlöðuna og fjósið sem nú gegnir hlut-
verki Fræðaseturs.
Krían gaggandi
Grótta er friðland og á skrá Um-
hverfisstofnunar. „Ég var síðast nú í
vikunni í vettvangsferð með land-
vörðum og fleirum á svæðinu að
skoða aðstæður, en sífellt er verið að
setja meiri fókus á verndun Gróttu,“
segir María Björk. Bakkatjörn er
einnig á friðlýstu svæði og Sel-
tjarnarnesfjörur og Suðurnes á
náttúruminjaskrá. María segir líf-
ríkið þarna vera áhugavert og þá
ekki síst fuglalífið, enda ræður krían
þarna ríkjum Mikið er gert til að
tryggja varpið en m.a. er öll um-
gengni um Gróttu bönnuð yfir varp-
tímann. Náttúrufar á vestursvæð-
unum og í Gróttu hefur ávallt verið
mikið rannsóknarefni. Nú í sumar
voru t.d. náttúrufræðingar þar að
störfum, gerðu ítarlega rannsókn á
fuglalífi svæðisins þar sem ekki síst
var litið til gaggandi kríunnar: Hún
hóf varp í vor um viku seinna
en vanalega og gekk varpið
ágætlega, þó að afföll á
ungum hafi verið
nokkur, segir í
skýrslu náttúru-
fræðinga.
Vitinn, sjórinn, fuglalífið og fjaran
 Dagskrá á Gróttu í dag á bæjarhátíð Seltjarnarness  Mikilvægt leiðarljós  Vinsæll staður fyrir
gönguferðir, hjólatúra, myndatökur og alla útivist  Fjörulífið og fuglarnir eru rannsóknarefni
Morgunblaðið/Eggert
Seltirningur María Björk Óskarsdóttir á leiðinni út í Gróttu í gærmorgun þar sem hún bar ýmsar vistir sem nýtast
munu í dag þegar efnt er til fjölskyldudagskrár þar sem fólk getur kynnt sér sögu og lífríki þessarar fallegu eyju.
Dagskráin í Gróttu í dag verður
frá kl. 11-14 og þá býðst fólki að
ganga upp í vitann og njóta út-
sýnis þar. Rjúkandi vöfflukaffi,
grillaðar pylsur, kaffi og djús til
sölu í Fræðasetrinu og Alberts-
búð á vegum Soroptimista-
klúbbsins á Seltjarnarnesi til
styrktar góðu málefni. Þá mun
Þorkell Heiðarsson líffræðingur
aðstoða gesti við að rannsaka
og greina lífríkið.
Félagar í Rótarýklúbbi Sel-
tjarnarness verða í Albertsbúð
og segja áhugasömum frá þess-
ari sögufrægu sjóbúð Alberts
vitavarðar, endurbótunum og
bryggjunni sem og svara spurn-
ingum gesta.
Söngstund barnanna verður í
Albertsbúð kl. 12 þegar Sveinn
Bjarki Tómasson, kennari og
umsjónarmaður sunnudaga-
skóla Seltjarnarness, mætir
með gítarinn.
Í vitavarðarhúsinu verður
myndlistarsýningin Afleggjar-
inn og myndasmiðja á vegum
Viktors Péturs Hannes-
sonar listamanns.
Frábært út-
sýni úr vita
FRÁ KL. 11 TIL 14 Í DAG
Krían Með
rauðan gogginn.