Faxi - 15.12.2016, Blaðsíða 21

skólagöngu. Það er af Einari að segja að
hann drukknaði er togarinn Gullfoss RE-
120 fórst með allri áhöfn, nítján mönnum,
undan Snœfellsnesi 28. febrúar 1941. Hafði
þá skollið á aftakaveður sem olli miklu tjóni
um land allt.
Fær fimleikamaður
Um tíma nam Hermann við íþróttaskóla
Jóns Þorsteinssonar sem hafði verið settur á
stofn ári fyrr en Hermann kom til Reykja-
víkur. Jón var lærður íþróttakennari sem
hafði ráðist í það þrekvirki að byggja full-
komnasta íþróttahús landsins við Lindar-
götuna. Er ekki að efa að áhugi Hermanns á
íþróttum og þá sérstaklega fimleikum hafi
ráðið mestu um að hann hóf þetta nám.
Hann var enda mjög fær fimleikamaður og
æfði og sýndi fimleika með sýningaflokki
Ármanns en hróður sýningaflokka karla og
kvenna hjá Ármanni barst víða um lönd.
M.a. sýndi kvennaflokkur Ármanns við
góðan orðstýr á Fimleikamóti Noregs sem
haldið var í Osló 1938 og karlaflokkurinn
sýndi fræga sýningu í Tívolí í Kaupmanna-
höfn 1941.
Hóf nám við Kennaraskólann
Hermann sótti um skólavist í Kennaraskóla
íslands sumarið 1938. Formlega undirbún-
ingsmenntun hafði hann litla en naut þess
að hafa góð meðmæli frá Jóni Þorsteinssyni
sem dugði til þess að umsókninni var vel
tekið. Hann hóf nám við Kennaraskólann
haustið 1938 og sóttist honum námið vel.
Hann lauk þaðan prófi árið 1941. Einn sam-
nemenda hans þar var Guðmundur Helgi
Pálsson frá Hnífsdal og myndaðist góður
vinskapur með þeim. Eitt af því sem út úr
þeim vinskap kom var að Hermann varð
kostgangari á Nönnugötu 4a hjá hjónunum
Guðmundi Hannessyni og Emelíu Sig-
mundsdóttur, frænku Guðmundar Helga.
Þar kynnist síðan Hermann Ingigerði Þor-
steinu systur Emelíu. I Morgunblaðinu 15.
október 1940 er sagt frá því að nýlega hafi
opinberað trúlofun sína hjónaefnin fröken
Inga Sigmundsdóttir Grundarstíg 15b og
Hermann Eiríksson kennaranemi Óðins-
götu 4. Þau giftu sig síðan í júní 1941 og
fluttu sama ár til Keflavíkur. Hér má skjóta
því inn að vinátta þeirra Einars Þórðarsonar
og Guðmundar Helga var Hermanni afar
mikilvæg og til marks um það var síðasta
barn þeirra hjóna skírt Guðmundur Einar.
Færði til bókar tekjur og gjöld
Eins og áður hefur komið fram hafði
Hermann mjög ungur sett sér það markmið
að afla sér menntunar og er óhætt að segja að
þar hafi hann farið nokkuð ótroðnar slóðir
því það var ekki algengt á þeim tímum að
ungt fólk úr fátækum almúgafjölskyldum
gæti eitt og óstutt sótt langt og kostnaðar-
samt nám. En Hermann bjó sig einarðlega
undir það sem verða vildi. Hann sótti alla
þá vinnu sem gafst, einkanlega sumar-
síldveiðar og aðra vinnu á vetrum. Þegar
svo til Reykjavíkur kom hélt hann ótrauður
áfram á sömu braut. Svo heppilega vill til að
í fórum fjölskyldu Hermanns eru til nokkrar
glósubækur þar sem Hermann m.a. færði til
bókar tekjur og gjöld frá skólaárunum þar
Hermann hafði ntikinn áhuga á
aflraunum eins oghér má sjá.
sem ekkert var undan
skilið. Þar sést að þegar
skólaseta hans í Kenn-
araskólanum hófst átti
hann samkvæmt bók-
haldi sínu 866 krónur
og 23 aura í handbæru
fé. Einnig átti hann fé
sem hann hafði lagt til
hliðar á sparisjóðsbók
sem og eitthvað af
útistandandi upp-
hæðum. Síðan færði
Hermann mjög
nákvæmt bókhald
yfir öll sín útgjöld
og tekjur eftir því sem á skólavistina
leið. Einnig má þar lesa um þau störf sem
Hermann innti af hendi meðfram skóla-
setunni svo sem við múrverk og hreingern-
ingar. Einnig má sjá að ýmis störf innti hann
af hendi fyrir Freystein Gunnarsson skóla-
stjóra Kennaraskólans og mun hann meðal
Hér eru foreldrar Hermanns með börnum sínum. Þorbjörg, Hermann, Gunnhildur,
Ólöf Ingibjörg, Jónína Sigurbjörg, Dagbjört ogEiríkur. Myndin er líklegastfrá árinu 1931.
FAXI 21