Skessuhorn - 28.01.2015, Blaðsíða 2

2 MIÐVIKUDAGUR 28. JANÚAR 2015
FVA mætir
Flensborg í kvöld
AKRANES: Lið Fjölbrauta­
skóla Vesturlands er kom­
ið áfram í átta liða úrslit í
spurningakeppninni Gettu bet­
ur. Þau Anna Eze, Elmar Gísli
Gíslason og Jón Hjörvar Val­
garðsson mæta því liði Flens­
borgarskólans í Hafnarfirði í
sjónvarpssal í kvöld, miðviku­
dag klukkan 20. Lið FVA er
eina lið Vesturlands sem tek­
ur þátt í þriðju umferðinni en
lið Kvennaskólans hafði bet­
ur gegn Fjölbrautaskóla Snæ­
fellinga með 27 stigum gegn 9
og sló Snæfellingana þar með
úr keppni í síðustu viku. Spyr­
ill í Gettu betur er Björn Bragi
Arnarson, spurningahöfundar
eru þau Björn Teitsson, Mar­
grét Erla Maack og Steinþór
Helgi Arnsteinsson, sem jafn­
framt eru dómarar í keppn­
inni.
–grþ
Vilja auka veg
rúningskeppni
DALIR: Félag sauðfjárbænda
í Dalasýslu (FSD) hefur stað­
ið fyrir öflugu félagslífi og
hefur Haustfagnaður FSD
með hrútasýningum og til­
heyrandi vakið athygli og frá
honum greint í Skessuhorni.
Stöðugt fleiri sækja þann við­
burð. Einn af forsprökkum í
þeim félagsskap, Guðmundur
Gunnarsson á Kjarlaksvöllum
í Saurbæ, segir að nú séu hug­
myndir uppi um að efla þenn­
an viðburð enn frekar. Í viðtali
við Bændablaðið segir Guð­
mundur: „Okkur langar til að
útvíkka þetta meira með því
að það verði haldnar rúnings­
keppnir í hverju héraði fyr­
ir sig og síðan komi þeir bestu
saman í Dölunum og keppi þar
um sjálfan Íslandsmeistaratit­
ilinn,“ segir hann. Vísar Guð­
mundur þar til álíka viðburða
erlendis þar sem settar séu upp
viðamiklar sýningar á keppnis­
stöðunum. Nánar er fjallað um
málið í Bændablaðinu.
–mm
Ráðið í starf
skrifstofumanns
SKORRADALUR: Birgitta
Sigþórsdóttir viðskiptafræð­
ingur hefur verið ráðin í nýtt
skrifstofustarf í Skorradals­
hreppi. Starfið var auglýst seint
á síðasta ári og bárust alls sjö
umsóknir. Að sögn Árna Hjör­
leifssonar, oddvita Skorradals­
hrepps, er starfið skráð sem
skrifstofustarf en er í mótun og
því liggur starfslýsing ekki al­
veg fyrir. Birgitta mun þó með­
al annars sjá um að þjónusta
íbúa og sumarbústaðaeigendur
í hreppnum og annast almenn­
an rekstur skrifstofunnar ásamt
öðrum tilfallandi verkefnum.
Birgitta mun verða með starfs­
aðstöðu á Hvanneyri, ásamt
bygginga­ og skipulagsfulltrúa
Skorradalshrepps þar sem net­
samband í Skorradal þykir ekki
nægilega gott til að hægt sé að
halda úti skrifstofu í hreppn­
um.
–grþ
Nú þegar tími þorrablótanna er
runninn upp er einnig kominn tími
spilavista sem haldnar eru vítt og
breitt um Vesturland, eins og sjá
má á viðburðartalinu „Á döfinni“ í
Skessuhorni og á vefnum.
Spáð er norðanátt næstu daga og
frosti. Strekkingur verði á fimmtu-
dag en síðan lægir. Harðnandi frost
þegar líður að helgi. Snjókoma og
él norðan- og austantil á landinu en
yfirleitt úrkomulítið og bjart syðra.
Á sunnudag og mánudag er áfram
útlit fyrir norðlæga eða breytilega
átt og víða él. Kalt í veðri.
Í síðustu viku var spurt á vef Skessu-
horns; hvaða þorramat fólki líkaði
best við. Margir valmöguleikar voru
þar í boði og tæplega fjórðungur,
eða 23%, sögðu að allt væri gott
sem á þorrahlaðborðunum væri. Í
vinsældaröð fékk hákarl mest vægi,
þá súr hvalur og hangikjöt, harðfisk-
ur, súrir pungar, saltkjöt, súr sviða-
sulta, ný svið, ný sviðasulta, bringu-
kollar, lundabaggar , nýtt slátur og
loks rak súrt slátur restina. Ánægju-
legt er að sjá að einungis 2,77%
sögðu allan þennan mat ómeti.
Í þessari viku er spurt:
Hvernig líst þér á kröfugerð í
samfloti ASÍ?
Snjóruðningsmenn hafa í næg
horn að líta þessa dagana. Bæði
innan þéttbýlis sem utan. Víða hafa
þeir staðið sig með ágætum eins og
fram hefur komið í fréttum Skessu-
horns. Þeir eru Vestlendingar vik-
unnar að þessu sinni.
Til minnis
Veðurhorfur
Spurning
vikunnar
Vestlendingur
vikunnar
HB Grandi kaupir kælibúnað og flutningakerfi í þrjú ný skip
Skaginn og 3X Technology gera tæplega 1.200 milljóna króna sölusamninga
Samningar voru á föstudaginn
undir ritaðir á milli HB Granda og
Skagans á Akranesi og 3X Techno­
logy á Ísafirði um nýjan og bylting­
arkenndan vinnslu­ og lestarbúnað
í skipin Engey RE, Akurey AK og
Viðey RE, nýja ísfisktogara félagsins
sem verða smíðaðir á næstu misser­
um í Tyrklandi. Samningarnir byggja
á þróunarsamstarfi HB Granda við
félögin á undanförnum árum og
eru tveir. Annars vegar eru þeir um
búnað á vinnsludekki og hins veg­
ar um sjálfvirkt flutningakerfi á kör­
um. Verðmæti samningana er um
1.190 milljónir króna. Tækni þessi
og búnaður byggir á rannsóknum,
hönnun og þróun búnaðar á vinnslu­
dekki og í lest með það að markmiði
að auka verulega nýtingu og gæði
fisks, ásamt því að lágmarka kostn­
að og bæta vinnuaðstöðu sjómanna.
Búnaður á vinnsludekki er jafnframt
hannaður þannig að sérstök áhersla
er lögð á aðstöðu til nýtingar slógs,
lifrar og hrogna.

Búnaður á vinnsludekki
Á vinnsludekk skipanna verður kom­
ið fyrir afkastamiklum búnaði til
blóðgunar­ og slægingar sem tryggja
á bætta meðhöndlun fisks. Mynd­
greiningartækni sem tegundagreinir
og stærðarflokkar fisk með sjálfvirk­
um hætti, tveggja þrepa Rotex blæð­
ingarferli sem tryggir rétta blæð­
ingu og eykur gæði og tveggja þrepa
Rotex kæliferli sem hægir á dauða­
stirðnun mun tryggja betri og lengri
ferskleika fisks. Þá er um að ræða
sjálfvirka stærðarflokkun og Rotex
kæliferli fyrir karfa. Meðhöndlun
og kæling á hrognum, lifur og slógi
verður framkvæmd í Rotex kæliferl­
inu. Röðun og frágangur fisksins í
kör mun fara fram á vinnsludekki.
Sjálfvirkt
flutningakerfi kara
Nýtt og byltingarkennt sjálfvirkt
flutningakerfi kara mun gjörbreyta
meðhöndlun afla og bæta aðbún­
að og vinnulag sjómanna um borð
í skipunum. Lausnin er samstarfs­
og þróunarverkefni fyrirtækjanna og
er útfærð með tæknimönnum HB
Granda og Nautic, hönnuðar skip­
anna. Helstu kostir flutningakerfis­
ins eru þeir að um mannlaust lestar­
kerfi er að ræða. Sjálfvirkur flutning­
ur tómra kara er upp úr lest skips­
ins og röðun og frágangur fisks mun
fara fram á vinnsludekki. Karastöflun
og flutningur frá vinnsludekki niður
í lest verður sjálfvirkur sem og lager­
kerfi í lest. Lestun og losun skipsins
verður auk þess sjálfvirk.
Hafin smíði frumgerðar
Í kjölfar samningsins mun þegar
hefjast smíði á frumgerð flutninga­
kerfisins og mun tíminn fram að af­
hendingu fyrsta togarans nýttur í
að reyna kerfið í aðstöðu Skagans á
Akranesi. Fyrsti ísfisktogarinn, Eng­
ey RE, er væntanlegur til landsins
síðla sumars 2016.
„Að HB Grandi velji okkar metn­
aðarfullu og um margt byltingar­
kenndu lausnir í ný skip sín er mik­
il viðurkenning á nýsköpun og þró­
unarstarfi okkar á síðustu misserum.
Við höfum í gegnum tíðina átt farsæl
samskipti við starfsfólk HB Granda,
m.a. í okkar þróunarvinnu. Það sam­
starf er staðfest með þessum samn­
ingi. Við erum að gera eitthvað rétt,“
segir Ingólfur Árnason framkvæmda­
stjóri Skagans / 3X Technology.
„Undirbúningur þessa verkefnis
var unninn af stýrihópi HB Granda
á mjög faglegan og farsælan hátt. Ár­
angurinn skilar sér í þessum samn­
ingum og er í takt við metnaðarfulla
endurnýjun flota okkar. Aukin gæði,
lægri rekstrarkostnaður og umfram
allt bætt vinnuaðstaða og aðbúnað­
ur sjómanna eru okkar leiðarljós við
smíði nýju skipanna,“ segir Vilhjálm­
ur Vilhjálmsson forstjóri HB Granda
í tilefni þessara samninga um búnað­
arkaup í nýju skipin.
mm
Ingólfur Árnason framkvæmdastjóri Skagans / 3X Technology, Vilhjálmur Vil-
hjálmsson forstjóri HB Granda og Albert Högnason þróunarstjóri Skagans / 3X
Technology við undirskrift samninga.
Hluti kælibúnaðar sem nú er verið
að setja um borð í Málmey SK. Sá
búnaður er sambærilegur þeim sem
fara í þrjá nýja togara HB Granda. Sagt
er ítarlega frá því verkefni í Sjónvarpi
Skessuhorns á ÍNN, þætti sem frum-
sýndur er í kvöld, miðvikudag, klukkan
21:30.
Síldarveislunni lokið hjá fuglum Snæfellsness
Mikil fjölgun fugla á norðan­
verðu Snæfellsnesi undanfarin
misseri í kjölfar þess að íslenska
sumargotssíldin kaus sér vetur­
setu í Kolgrafafirði er nú gengin
til baka. Fjöldi fugla er nú svipað­
ur og hann var árin 2009 og 2010.
Þetta eru helstu niðurstöður ár­
legrar fuglatalningar Náttúrustofu
Vesturlands, Rannsóknaseturs Há­
skóla Íslands og fuglaáhugamanna
á vetrarfuglum sem dvelja á norð­
anverður Snæfellsnesi. Talningun­
um lauk í síðustu viku.
„Þessi niðurstaða staðfestir það
að síldin hafi einungis í óveruleg­
um mæli gengið inn á Kolgrafa­
fjörð í fyrrahaust og að þar sé svo
gott sem engin síld í dag. Það er þó
talsvert líf þarna. Mikið af skörf­
um og selum og háhyrningarnir
hafa látið sjá sig. Þeir eru þó miklu
færri en þeir voru,“ segir Róbert
Arnar Stefánsson hjá Náttúrustofu
Vesturlands. Þrátt fyrir að lífríkið
sé ekki jafn fjörugt og þegar síldin
var til staðar þá eimir enn eftir af
áhrifum hennar á fuglalífið. Mun
meira er enn af fuglum á norðan­
verðu Snæfellsnesi en áður en síld­
argöngurnar hófust árið 2006.
Síðustu sex ár hafa sést 33­39
fuglategundir í talningunni á Snæ­
fellsnesi. Fæstar voru þær 2009 og
flestar 2011. Núna sást til 35 fugla­
tegunda. Óvenjulega margir fýlar,
skarfar, urtendur, rauðhöfðaendur,
gulendur og tjaldar sáust í þetta
sinn en fáir svartbakar, hvítmáfar,
starar og straumendur.
mþh
Súlur í veiðihug yfir Kolgrafafirði í febrúar á síðasta ári. Þeim hefur fækkað nú
enda síldin svo gott sem hætt vetursetu í firðinum.
Fjögurra ára fangelsi fyrir líkamsárás í Grundarfirði
Í desember féll héraðsdómur í
máli vegna alvarlegrar líkams­
árásar í Grundarfirði síðast­
liðið sumar. Voru Reynir Þór
Jónsson og Carsten Staffelde
dæmdir í fjögurra ára fangelsi
og þeim gert að greiða eina og
hálfa milljón króna í miskabæt­
ur og allan sakarkostnað. Þeim
var gefið að sök að hafa ráð­
ist á íslenskan karlmann á þrí­
tugsaldri 17. júlí síðastliðinn á
hafnarsvæðinu í Grundarfirði. Báðir
neituðu sök í málinu en myndbands­
upptaka sem náðist af árásinni stað­
festir hluta hennar. Dómnum hafa
þeir áfrýjað til Hæstaréttar.
Reynir og Carsten voru skipverj­
ar á skipinu Baldvini NC 100 sem
landað hafði í Grundarfirði fyrr um
daginn. Um kvöldið fóru flestir skip­
verjarnir á veitingastaðinn Rúben
og fengu sér bjór og pizzu. Fórn­
arlambið var einnig á fyrrnefndum
veitingastað. Eftir að veitingastaðn­
um var lokað kom til deilna milli
Reynis og brotaþolans. Seinna
um nóttina gengu Reynir og
Carsten á eftir manninum á
bryggjunni í Grundarfirði og
til einhverra orðaskipta kom. Í
kjölfar þeirra upphófust slags­
mál sem stóðu einungis yfir í
nokkrar mínútur. Það var þó
nógu langur tími til að maður­
inn missti meðvitund og hlaut
lífshættulega höfuðáverka sem
leiddu til heilaskaða. Áverkar
hans leiddu til verulegrar skerðing­
ar á minni, skertrar hæfni til skiln­
ings og tjáningar, auk minni máttar
og skertrar líkamlegrar hreyfigetu.
Læknar telja litlar líkur á að hann
nái sér nokkurn tímann að fullu.
grþ
Talningarsvæðin á norðanverðu
Snæfellsnesi. Að þessu sinni var talið á
15 svæðum allt frá Hellissandi í vestri
að Álftafirði í austri.