Skessuhorn - 28.01.2015, Blaðsíða 10

10 MIÐVIKUDAGUR 28. JANÚAR 2015
Svipmyndir frá Mannamóti ferðaþjónustunnar
Mannamót markaðsstofa ferða­
þjónustunnar er árlegur viðburð­
ur sem haldinn hefur verið í einu
af flugskýlunum á Reykjavíkur­
flugvelli. Tilgangur mannamóts­
ins er að fyrirtæki á landsbyggð­
inni geti kynnt starfsemi sína fyr­
ir ferðaþjónustuaðilum á höfuð­
borgarsvæðinu. Á Mannamótinu
hittist fólk alls staðar af land­
inu sem starfar við ferðaþjón­
ustu, kynnist og myndar tengsl.
Mannamótið stendur yfir í einn
dag og er haldið í byrjun árs. Í ár
fór það fram síðastliðinn fimmtu­
dag, 22. janúar.
Þarna voru fulltrúar ferða­
þjónustufyrirtækja á Vesturlandi.
„Þetta heppnaðist vel. Alls tóku
32 fyrirtæki úr landshlutans þátt.
Það komu fulltrúar fjölmargra að­
ila sem leita eftir tengslum við fyr­
irtæki sem starfa við greinina. Það
á vonandi eftir að skila sér,“ seg­
ir Kristján Guðmundsson fram­
kvæmdastjóri Markaðsstofu Vest­
urlands í samtali við Skessuhorn.
Hér fylgja með nokkrar svip­
myndir frá Mannamótinu 2015.
mþh
Nöfnurnar Sigrún Eggertsdóttir hjá Iceland Guesthouse – Hvítá og
Sigrún Þormar hjá Snorrastofu í Reykholti.
Þær stöllur Áslaug Þorvaldsdóttir og Sigríður Margrét Guðmunds-
dóttir frá Landnámssetrinu í Borgarnesi. Í baksýn glittir í Friðþjóf
Helgason kvikmyndatökumann mynda Hafþór Inga hjá Egils
Guesthouse og Agnesi á Hundastapa. Svipmyndir frá Mannamóti
munu verða í Sjónvarpi Skessuhorns á ÍNN miðvikudaginn 4.
febrúar klukkan 21:30.
Sæmundur Ásgeirsson á og rekur gistiheimilið í Gamla bænum í
Húsafelli. Hér er hann á spjalli við einn gesta Mannamótsins.
Gauji litli (Guðjón Sigmundsson) kynnti Hernámssetrið á Hlöðum í
Hvalfirði.
Vestlensku fulltrúarnir á Mannamótinu röðuðu sér upp sitt hvoru
megin á sama ganginum í flugskýlinu á Reykjavíkurflugvelli og tóku
þar á móti gestum. Boðið var upp á ýmislegt snarl úr náttúru Vestur-
lands, svo sem súpur og annað góðmeti.
Þorkell Símonarson (Keli) í Langaholti á Snæfellsnesi handleikur
fornar tennur rostungs og náhvals sem hafa fundist í fjörunum þar.
Honum að baki við súpupottinn er frú hans Rúna Björg Magnús-
dóttir. Aftar er síðan Ragnhildur Sigurðardóttir framkvæmdastjóri
Svæðisgarðsins Snæfellsnes.
Örlítið vantaði upp á að rjúfa
milljón ferðamanna múrinn
Fjöldi flugfarþega til landsins og með
Norrænu til Seyðisfjarðar var um 997
þúsund á síðasta ári og er það 190
þúsund fleiri ferðamenn en komu til
landsins árið 2013. Aukningin milli
ára nemur 23,6%. Ferðamenn á árs­
grunni nálgast því mjög eina millj­
ón en gera þarf ráð fyrir vissum frá­
vikum vegna aðferðafræðinnar sem
beitt er, segir í tilkynningu frá Ferða­
málastofu. Fyrir utan þessar töl­
ur eru farþegar með skemmtiferða­
skipum en 104.516 farþegar komu
til Reykjavíkur með 90 skipum árið
2014, 13,4% fleiri en árið 2013. Um
96% skemmtiferðaskipa til landsins
hafa viðkomu í Reykjavík.
Sé litið til dreifingar ferðamanna
eftir árstíðum síðastliðin þrjú ár má
sjá að hlutfall ferðamanna utan há­
annar, þ.e. sumarmánaðanna þriggja,
fer hækkandi og var komið í 57,6%
árið 2014. Hlutfallsleg aukning utan
háannar hefur hins vegar verið mest
að vetri til en um 28,9% ferðamanna
komu að vetri árið 2014 en voru
26,9%, árið 2013 og 23,6% árið
2012.
Fjöldamet voru slegin í öllum
mánuðum ársins 2014 á Keflavík­
urflugvelli, þar sem talningar á veg­
um Ferðamálastofu hafa verið stöð­
ug frá árinu 2002. Aukning milli ára
fór yfir 25% sjö mánuði ársins en
hlutfallslega var hún mest milli ára
í janúar, 40,1%, mars 35,3%, febrú­
ar 31,2% og nóvember 31%. Fjöl­
margir þættir hafa haft áhrif á þessa
miklu aukningu, segir í tilkynning­
unni frá Ferðamálastofu. Ljóst er að
ferðaþjónustan er að uppskera ár­
angur af umfangsmiklu markaðs­
starfi auk þess sem mikil fjölmiðla­
umfjöllun um landið, hagstætt gengi
og aukið framboð á flugsætum hafa
haft jákvæð áhrif.
Tæplega þrír fjórðu, eða 73,3%
ferðamanna árið 2014, voru af tíu
þjóðernum. Bretar og Bandaríkja­
menn voru fjölmennastir eða um
þriðjungur allra ferðamanna en þar á
eftir komu ferðamenn frá Þýskalandi,
Frakklandi, Noregi, Danmörku, Sví­
þjóð, Kanada, Hollandi og Kína. Af
einstaka þjóðernum fjölgaði Bretum,
Bandaríkjamönnum, Kanadamönn­
um og Þjóðverjum mest árið 2014.
Þannig komu 43.400 fleiri Bret­
ar árið 2014 en árið 2013, 32.400
fleiri Bandaríkjamenn, 14.800 fleiri
Kanada menn og 10.100 fleiri Þjóð­
verjar. þá
Í ferð með Sæferðum um Breiðafjörð. Ljósm. jsb.
Vetrarferðamennska eykst á Vesturlandi
Fólk í ferðaþjónustu á Vest­
urlandi segir að veruleg aukn­
ing hafi orðið á fjölda ferða­
manna sem leggja leið sína
um landshlutann að vetrar­
lagi. „Straumur ferðamanna
eykst stöðugt. Við erum far­
in að sjá ferðalanga koma út
úr kófinu, meira að segja nú í
janúar. Fólk virðist í auknum
mæli farið að ferðast á eigin
vegum og sumir víla ekkert
fyrir sér, leigja sér einhverja
jepplinga og bara æða af stað.
Ferðatímabilið er tvímæla­
laust að lengjast, sérstaklega á þess­
um tíma í byrjun árs. Við í Dölum
sáum bæði í fyrrahaust og á sama
tíma árið þar á undan að straumur
ferðafólks datt niður í október. En
svo sáum við bæði í fyrra og hitteð­
fyrra að ferðamenn fóru að gera vart
við sig strax í byrjun janúar,“ segir
Valdís Gunnarsdóttir framkvæmda­
stjóri Leifsbúðar í Búðardal. Ferða­
menn sem hingað koma um hávet­
ur vilja upplifa vetrarríki náttúr­
unnar, vetrarfærðina á vegunum og
margt annað, að sögn fararstjóra
sem reglulega fer um með stækkandi
hópa ferðafólks.
Norðurljósin hafa
loks verið seld
Að sögn Valdísar eru það norðurljós­
in yfir Vesturlandi sem hafa mikið
aðdráttarafl á þessum árstíma. „Okk­
ur er loks að takast að selja þau,“ seg­
ir hún og hlær við. „Það er vinsælt
til að mynda að koma á Vog á Fells­
strönd, hreiðra um sig þar, horfa á
norðurljósin eða út yfir Breiðafjörð­
inn.“
Halldór Björnsson leiðsögumað­
ur hjá Kynnisferðum tekur und­
ir þetta. Þegar blaðamaður Skessu­
horns hitti Halldór á laugardaginn
um liðna helgi var hann með um 30
manna hóp í hringferð um Snæfells­
nes. Fólkið hafði gert hlé á för sinni
til að snæða hádegisverð sem saman­
stóð af íslenskri kjötsúpu og heima­
bökuðu brauði hjá Ólínu Gunn­
laugsdóttur í Samkomuhúsinu á
Arnarstapa. „Við hjá Kynnisferð­
um erum með dagsferð frá Reykja­
vík sem hefst klukkan átta. Þá ökum
við sem leið liggur út úr borginni
og upp í Borgarnes. Svo er farið út
á Snæfellsnes. Sunnanmegin stopp­
um við í Ytri Tungu í Staðarsveit.
Þar er oft hægt að sjá til sela auk þess
sem umhverfið er mjög fallegt þar.
Svo er farið hingað að Arnarstapa.
Hér göngum við með fólkinu frá
höfninni að styttunni af Bárði Snæ­
fellsás. Það er líka komið við
á Djúpalónssandi og farið til
Ólafsvíkur. Oft er svo stopp­
að við Kirkjufellið í Grund­
arfirði sem fólk vill skoða og
ljósmynda. Við ljúkum síðan
hringferðinni í Stykkishólmi
áður en við höldum til baka
suður til Reykjavíkur. Þetta
er svona tólf tíma ferð. Á vet­
urna förum við hana á mið­
vikudögum og laugardögum,
en höfum fleiri ferðir í viku á
sumrin.“
Eftirspurnin hefur
margfaldast
Halldór segir að eftirspurn í vetrar­
ferðir hafi stóraukist á undanförn­
um árum. „Það er síst minna að gera
hjá okkur núna í dagsferðum á vet­
urna samanborið við á sumrin. Þetta
er mikill viðsnúningur og hið besta
mál. Fyrir þremur árum síðan vorum
við aðeins með eina ferð í viku, oft á
litlum bílum sem tóku kannski 10­12
manns. Nú í vetur förum við tvisvar í
viku á bílum sem taka 40­50 manns.
Þetta helst í hendur við að ferða­
mönnum hefur fjölgað mikið hér á
landi yfir vetrarmánuðina. Mikið af
vetrarferðafólkinu kemur frá Evr­
ópu, en einnig margt frá Asíulönd­
um á borð við Kína, Japan og Taív­
an. Það hefur svo verið mikil fjölg­
un meðal Breta. Það skýrist sjálfsagt
af því að mörg flugfélög fljúga orð­
ið frá Bretlandseyjum hingað til Ís­
lands. Sætaframboðið þaðan hefur
aukist mikið.“
Að sögn Halldórs eru það norð­
urljósin sem hafa mest aðdráttar­
afl. „Þau trekkja mest, enda hafa
þau verið auglýst duglega. Síðan
er hitt sem fólkinu þykir framandi
bara bónus. Þar má nefna vetrarríki
náttúrunnar, vetrarfærðina á vegun­
um og margt annað sem þau upp­
lifa. Þau eru mjög svo hrifin af Vest­
urlandi. Langflest eða öll eru mjög
ánægð með þessar ferðir og þykir
náttúra landshlutans einstök.“ mþh
Erlendir ferðamenn í hringferð með Kynnisferðum um
Snæfellsnes snæddu íslenska kjötsúpu í Samkomuhúsinu á
Arnarstapa á laugardaginn.
Valdís Gunnarsdóttir framkvæmda-
stjóri Leifsbúðar í Búðardal.
Halldór Björnsson leiðsögumaður hjá
Kynnisferðum.