Skessuhorn - 28.01.2015, Blaðsíða 27

27MIÐVIKUDAGUR 28. JANÚAR 2015
Eimskip | Korngörðum 2 | 104 Reykjavík | Sími 525 7000 | www.ebox.is
eBOX er ný, þægileg og einföld lausn til að flytja minni sendingar
frá Evrópu til Íslands. Á ebox.is er reiknivél sem segir þér á
augabragði hver flutningskostnaðurinn er. Traust og áreiðanlegt
leiðakerfi Eimskips á Norður-Atlantshafi tryggir að sendingin þín
kemur heim með fyrstu ferð. Auðvelt og fljótlegt.
auðveldar smásendingar
Í STÓRUM SKIPUM RÚMAST LÍKA
SMÆRRI SENDINGAR
������� ���������
� e���.��
F
ÍT
O
N
/
S
ÍA
Snæfellskonur gerðu
góða ferð á Hlíðarenda
í Reykjavík síðastlið­
ið miðvikudagskvöld þar
sem þær sigruðu Val 72:60 í
Dominosdeildinni í körfu. Snæfell
heldur fjögurra stiga forskoti á Kefla­
vík en þessi lið skera sig nokkuð úr
í baráttunni í efri hluta deildarinn­
ar. Þetta var þrettándi sigur Íslands­
meistara Snæfells í röð í Dominos­
deildinni. Snæfellskonur voru með
tök á leiknum frá upphafi. Voru með
fjögurra stiga forskot eftir fyrsta leik­
hluta og sex stigum yfir í hálfleik,
35:29. Gestirnir úr Hólminum kom­
ust almennilega á skrið í þriðja leik­
hluta sem þeir unnu 21:12 og voru
því með 15 stiga forskot fyrir loka­
fjórðunginn. Valskonum tókst ekki
að bíta frá sér að ráði á lokakaflanum
og því öruggur sigur Snæfells stað­
reynd.
Kristen McCarthy var atkvæða­
mest í liði Snæfells. Hún landaði
tröllatvennu í leiknum var með 21
stig, 20 fráköst og einnig var hún
með 4 stoðsendingar og 3 stolna
bolta. Gunnhildur Gunnarsdóttir
skoraði 13 stig, Helga Hjördís Björg­
vinsdóttir 11, Berglind Gunnarsdótt­
ir 9, Hildur Sigurðardóttir 8, Alda
Leif Jónsdóttir og María Björnsdótt­
ir 4 stig hvor og Hugrún Eva Valdi­
marsdóttir 2.
Í næstu umferð verður toppslagur
milli Snæfells og Keflavíkur. Leikur­
inn fer fram suður með sjó í kvöld,
miðvikudaginn 28. janúar. þá
Um helgina gengu forráðamenn
Knattspyrnufélags ÍA frá samning­
um við tvo erlenda leikmenn, sókn­
armann og miðjumann, til að styrkja
liðið fyrir komandi átök í Pepsí­
deildinni næsta sumar. Sóknarmað­
urinn Arsenij Buinickij spilaði með
KA í fyrstu deildinni síðasta sum­
ar og skoraði þá tíu mörk. Miðju­
maðurinn er Marko Andelković frá
Serbíu sem hefur verið til reynslu
hjá ÍA undanfarið og lék m.a. gegn
FH í Fotbolt.net mótinu sl. laug­
ardag. Hann var meistari í Litháen
með Ekranes árið 2012 þegar hann
skoraði 13 mörk og það ár voru Ar­
senji og Marko liðsfélagar. Marko
spilaði á síðasta ári með Viitorul frá
Rúmeníu en er uppalinn með Par­
tizan Belgrad. Hann gerði frábæra
hluti í Litháen þar sem hann var
tvöfaldur meistari með FK Ekra­
nes árin 2011 og 2012 og var kos­
inn besti erlendi leikmaðurinn í
sögu félagsins. Gunnlaugur Jóns­
son þjálfari ÍA er ánægður með lið­
styrkinn: „Við erum búnir að vinna
í þessum leikmönnum í nokkurn
tíma og ég er ánægður með að ná
loksins að klára þetta. Við fylgd­
umst vel með Arsenji síðasta sumar
og hann er góður sóknarleikmaður
með mikla reynslu. Marko kom svo
til landsins á reynslu síðustu daga
og augljóst að þar er á ferðinni leik­
reyndur miðjumaður sem er örugg­
ur á boltann og kemur til með að
styrkja liðið mikið.“
Þess má geta að ÍA tapaði 1:2 fyr­
ir FH í leik sem fram fór í Akranes­
höllinni og leikur um 5.­6. sætið í
mótinu nú í vikunni. þá Síðastliðinn föstudag undirrituðu
Knattspyrnufélag ÍA og Olís nýj­
an samstarfssamning til þriggja ára.
Í tilkynningu frá félaginu segir að
frá 1982 hafi Olís verið einn af að­
alsamstarfsaðilum Knattspyrnufélags
ÍA. Á þeim tíma hefur samstarfið
verið báðum aðilum farsælt og hef­
ur Knattspyrnufélag ÍA til að mynda
skilað 16 Íslands­ og bikarmeistara­
titlum í meistaraflokki karla á þessu
tímabili.
„Við hjá Knattspyrnufélagi ÍA
erum ákaflega stoltir af því að Olís
hefur ákveðið að endurnýja sam­
starfssamning við okkur og lítum á
það sem mikið traust á þeirri miklu
uppbyggingarvinnu sem farið hefur
fram í félaginu á undanförnum árum.
Við sjáum þess merki í starfi félagsins
að bjartari tímar eru framundan og
vonandi er þess ekki langt að bíða að
enn betri árangur skili sér í hús. Það
er jafnframt von okkar að félagsmenn
og aðrir stuðningsmenn ÍA fylki sér
á bakvið þá aðila sem styðja félagið,“
segir Magnús Guðmundsson for­
maður Knattspyrnufélags ÍA.
Jón Ólafur Magnússon forstjóri
Olís segir: „Olís og ÍA hafa bundist
sterkum vinatengslum í fjöldamörg
ár. Stuðningur Olís er ekki eingöngu
fjárframlag heldur einnig til ávinn­
ings fyrir unglinga og barnastarf með
ýmsar fjáröflunarvörur. Við hjá Olís
erum stolt af okkar samstarfi við ÍA
og óskum þeim alls hins besta á kom­
andi árum.“ eo
Ungur liðsmaður Keilufélags Akra­
ness kom, sá og sigraði á Reykjavík
International games um helgina.
Skúli Freyr Guðmundsson stóð þar
uppi sem sigurvegari eftir frábæra
frammistöðu. Skúli Freyr var fyrsti
Íslendingurinn til að sigra á leikun­
um en þetta var fyrsti titill hans á
stóru móti og lofar frammistaðan
góðu fyrir Íslandsmótið sem hald­
ið verður innan skamms. Skúli sigr­
aði Hafþór Harðarson ÍR í úrslita­
leiknum. Skúli byrjaði vel í viður­
eigninni og tókst að halda forust­
unni allt til enda. Sjö Skagamenn
kepptu í keilu á Reykjavíkurleik­
unum. Fjórir þeirra komust í milli­
riðla, auk Skúla Freys, Guðmund­
ur Sigurðsson, Aron Fannar Ben­
teinsson og Magnús Sigurjón Guð­
mundsson. Sá síðast nefndi komst
í úrslitin ásamt Skúla Frey og átta
öðrum keiluspilurum.
þá
Snæfell og Skallagrímur áttust við í
Vesturlandsslag í körfunni síðastliðið
föstudagskvöld en leikið var í Stykk­
ishólmi. Fyrri viðureign liðanna fór
88:83 fyrir Snæfelli og því fyrirfram
búist við fremur jöfnum leik. Sú varð
hins vegar ekki raunin og voru yf­
irburðir heimamanna í Hólminum
miklir.
Strax eftir fyrsta leikhluta var ljóst
hvert stefndi. Þá var staðan 25:14.
Skallagrímsmenn hittu illa og gáfu
boltann þar að auki oft frá sér. Í hálf­
leik var staðan 46:27. Í þriðja leik­
hluta breikkaði bilið og komst Snæ­
fell í 60­33 á tímabili. Staðan eft­
ir þrjá fjórðunga var 75­46 og nán­
ast alveg sama hvar Sigurður Á Þor­
valdsson tók skot, þau fóru öll nið­
ur en að sama skapi var því öfugt
farið hjá skyttunni öflugu Magnúsi
Gunnarssyni í liði Skallagríms. Síð­
asta korterið var því formsatriði og
lauk þessari viðureign Vesturlands­
liðanna með 97 stiga sigri gegn 62
stigum gestanna.
Hjá Snæfelli var Sigurður Þor­
valdsson með 29 stig, Chris Woods
18 og 19 fráköst, Stefán Karel Torfa­
son 15 stig og 7 fráköst, Snjólfur
Björnsson 14 stig, Austin Bracey 10
stig og 6 stoðsendingar, Sveinn Arn­
ar Davíðsson 8 stig, 5 fráköst og 5
stoðsendingar og Pálmi Freyr Sigur­
geirsson 3. Hjá Skallagrími var Tracy
Smith með 20 stig og 15 fráköst, Sig­
tryggur Arnar Björnsson 12 stig, 4
fráköst og 5 stoðsendingar, Magnús
Þór Gunnarson 8 stig og 6 fráköst,
Daði Berg Grétarsson 6 stig, Trausti
Eiríksson 5, Egill Egilsson, Davíð
Guðmundsson og Davíð Ásgeirsson
3 stig hvor og Atli Aðalsteinsson 2.
Næstu leikir Vesturlandsliðanna í
Dominosdeildinni eru annað kvöld,
fimmtudagskvöld, Skallagrímur­
Haukar og Stjarnan­Snæfell.
mm/ Ljósm. Sumarliði Ásgeirsson.
Snæfell burstaði Skallagrím
í Vesturlandsslagnum
Góður sigur Snæfellskvenna á Hlíðarenda
Knattspyrnufélag ÍA og Olís
endurnýja samstarfssamning
Jón Ólafur Magnússon og Örn Gunnarsson handsala samninginn.
Arsenij Buinickij og Marko Andelković.
ÍA semur við tvo erlenda leikmenn
Skúli Freyr Guðmundsson að lokinni keppninni. Ljósm. skjáskot RUV.is
Sigraði fyrstur Íslendinga í keilu
á Reykjavíkurleikunum