Skessuhorn - 28.01.2015, Blaðsíða 21

21MIÐVIKUDAGUR 28. JANÚAR 2015
Í byrjun skólaárs kom til starfa nýr
skólastjóri við Grunnskóla Grund­
arfjarðar. Það var ung kona að
sunnan, Gerður Ólína Steinþórs­
dóttir. Blaðamaður Skessuhorns
leit í heimsókn í skólann í síðustu
viku þegar hann var á ferðinni í
Grundarfirði og hitti þá nýja skóla­
stjórann. Gerður Ólína fæddist
og ólst upp í Grindavík. „Ég kann
vel við mig í Grundarfirði og hér
er allt til alls. Ekki er það verra að
hér er ég nálægt sjónum, það eru
grindvísku áhrifin í mér ennþá.“
Gerður Ólína segir að þegar hún
var að skoða auglýsingar um laus­
ar grunnskólastjórastöður síðasta
vor hafi Grundafjörður verið eini
staðurinn sem kom til greina og
þar verið eina staðan sem hún sótt­
ist eftir. „Ég sá að hér var öll þjón­
usta og aðstaða fyrir hendi sem fjöl­
skylda mín hefur þörf fyrir. Mín
fjölskyldusamsetning er þannig að
ég bý með móður minni sem flutti
hingað með mér. Ég á þrjú börn,
18 ára ungling sem er í Fjölbrauta­
skóla Snæfellinga, og svo tvö lítil á
leikskólanum. Það er allt hér sem
við þurfum á að halda og mér sýn­
ist að hér getum við ílengst,“ segir
Gerður Ólína.
Er sjálf sólgin í nám
Gerður Ólína segist alla tíð hafa
haft mikinn áhuga á námi og seinni
árin hreinlega verið sólgin í nám.
„Það hefur í raun verið mitt aðal­
áhugamál um tíðina. Ég lauk prófi
í raungreinum frá Tækniháskól­
anum og fékk stöðu sem leiðbein­
andi við grunnskóla úti á landi. Svo
fór ég í Kennaraháskólann og lauk
þaðan námi 2004. Síðasta árið mitt
í kennaranáminu var ég skiptinemi í
Silkeborg Seminarium í Danmörku
og stundaði einnig fjarnám við KÍ.
Það var yndislegt að vera í Silke­
borg og þessi fallegi bær ber nafn­
ið alveg með réttu,“ segir Gerður.
Hún bjó síðan í Danmörku í nokk­
ur ár, lengst af á stúdentagörðum í
Brabrand sem er rétt við Árósa. Í
Danmörku nam hún einnig bygg­
ingafræði. „Ég hef alltaf haft gaman
af því að laga til í kringum mig og
ákvað því að velja byggingafræðina.
Ég byrjaði reyndar rétt eftir ára­
mótin 2005 í skóla þegar ég var í
Danmörku og þá var ekki úr miklu
að velja,“ segir Gerður Ólína. Eft­
ir heimkomuna fór hún svo í meist­
aranám í stjórnunarfræði mennta­
stofnana við Háskóla Íslands og í
millitíðinni einnig í framkvæmdar­
stjórnun við Háskóla Reykjavíkur.
„Ég býst við að meistaranámið hafi
styrkt mig varðandi umsóknina um
skólastjórastöðuna. Sem betur fer
hef ég alltaf fengið rými í fjölskyld­
unni til að stunda mitt nám og tek­
ist það án þess að það bitni á nein­
um í kringum mig,“ segir Gerður
Ólína.
Hafði ekki komið til
Grundarfjarðar
Aðspurð segist Gerður Ólína aldrei
hafa komið til Grundarfjarðar áður
en hún sótti um stöðuna og þekkti
því lítið til þar nema þá kosti bæjar­
ins sem hún kynnti sér á Internet­
inu. „Ég hef síður en svo orðið fyrir
vonbrigðum með skólann og stað­
inn. Ég er afskaplega ánægð með
skólann. Hann er vel tækjum bú­
inn og hér er mjög faglegt, metn­
aðarfullt og gott starfsfólk. Bærinn
mjög snyrtilegur og umhverfið fal­
legt. Fólkið í bænum mjög nota­
legt og vingjarnlegt. Það hefur tek­
ið vel á móti okkur. Bæjaryfirvöld
og félagasamtök eru mjög velvij­
uð skólanum. Það hefur sýnt sig
núna að undanförnu þegar til dæm­
is Lionsklúbbur Grundarfjarðar og
kvenfélagið Gleym mér ei færði
okkur sitt hvort felliborðið. Núna
geta nemendur borðað í sal skólans
við felliborðin í stað þess að vera
inni í sínum eigin stofum,“ segir
Gerður Ólína þar sem hún gengur
með blaðamanni um sali skólans.
Þá var einnig í haust bætt aðstaða
í bókasafni skólans ásamt bókakosti
og hún segir að ætlunin sé að efla
það enn frekar.
Góð stærð af skóla
Spurð um hvort Grunnskóli Grund­
arfjarðar sé hagstæð stærð skóla,
segir Gerður Ólína að hundrað
nemenda skóli sé mjög mátulegur.
„Stóri kosturinn er að hér þekkjast
allir, ég þekki til dæmis alla nem­
endurna og þeir mig. Það er þessi
grenndarvitund sem ég hef svo
góða tilfinningu fyrir sem ég man
eftir úr Grindavík. Ég tel það kost
fyrir mig að hafa starfað við og ver­
ið í nokkrum skólum og það hefur
safnast í svona reynslupoka. Nú tíni
ég úr honum það sem mér finnst að
komi að notum. Ég upplifi skóla­
stjórastarfið sem spennandi og
skemmtilegt.“ Gerði Ólínu finnst
margt í góðu horfi í Grundafirði.
Henni líst þó afleitlega á það ef
fjárveitingar verða skertar til Fjöl­
brautaskóla Snæfellinga. „Skólarnir
eru hjartað í samfélaginu. Það horf­
ir illa ef takmarkanir verða settar á
starfsemi Fjölbrautaskóla Snæfell­
inga. Ef ekki verði hægt að sinna
nægu námsframboði og ráða kenn­
ara til starfa muni skólanum blæða
út smám saman. „Það má ekki ger­
ast, þá verður byggðalagið hérna
og nærliggjandi byggðarlög líka í
hættu.“
Hugsar ennþá um
draumahjólið
Spurð frekar um áhugamálin seg­
ir Gerður Ólína að hún hafi mjög
gaman af mótorhjólum. Hún hafi
eignast mótorhjól þegar hún bjó í
Danmörku. „Þá átti ég Suzuki Sa­
vage og fannst mjög gaman að
keyra, var þá gjarnan með dreng­
inn á hjólinu með mér. Ég hef líka
stokkið úr fallhlíf og farið upp með
sætisloftbelg. Ég seldi hjólið þegar
ég flutti frá Danmörku. Ennþá lif­
ir þó draumurinn um draumahjól­
ið, Hondu Shadow,“ segir Gerður
Ólína brosleit að endingu. þá
Það var ekki aðeins nýr skólastjóri
sem kom til starfa við Grunnskóla
Grundarfjarðar síðasta haust held­
ur einnig aðstoðarskólastjóri. Það
er Ásdís Snót Guðmundsdóttir
sem flutti með fjölskyldu sinni frá
Bíldudal. Ásdís er fædd og uppal­
in á Bíldudal og hefur búið þar ef
frá eru talin námsárin þegar hún
var í framhaldsskóla í Reykja­
vík og á Laugarvatni. Um árabil
starfaði hún við Grunnskóla Vest­
urbyggðar bæði á Bíldudal og á
Patreksfirði. Seinni árin var hún
deildarstjóri skólans á Bíldudal.
Blaðamaður Skessuhorns spjallaði
við Ásdísi Snót þegar hann kíkti
í heimsókn í Grunnskóla Grund­
arfjarðar í síðustu viku. Hún var
spurð hvort allt væri ekki í upp­
sveiflu á Bíldudal þessi árin og
hvers vegna hún hafi ákveðið að
flytjast til Grundafjarðar? „Já,
það er fjölgun þar og ég held að
börnin í skólanum þar séu núna
um þrjátíu en á síðasta skólaári
voru þau um tuttugu. Mér fannst
bara kominn tími á að breyta til
og prófa eitthvað nýtt. Það spilaði
líka inní að við þekktum til hér í
Grundarfirði. Maðurinn minn
Valdimar B. Ottósson á fjölskyldu
hérna,“ segir Ásdís Snót.
Fimm manna fjölskylda bættist
við íbúatölu Grundarfjarðar þegar
Ásdís Snót kom þangað til starfa
en þau Valdimar eiga þrjú börn,
eitt á hverju skólastigi. Og hvern­
ig kann hún svo við sig í Grundar­
firði? „Hérna er gott að búa, fólk­
ið hérna er indælt og almennilegir
og gott samstarfsfólk hérna í skól­
anum,“ segir Ásdís Snót.
Byrjuð að syngja með
kórunum
Spurð um hvort hún sé eitthvað
komin inn í félagslífið í Grund­
arfirði, segist hún vera byrjuð í
kórastarfinu. „Ég gekk í kirkju­
kórinn strax og ég kom hing­
að og svo er ég byrjuð í kvenna­
kórnum líka. Hann var að byrja
núna eftir áramótin aftur eftir að
hafa verið stofnaður í fyrra. Við
erum reyndar svolítið fáar núna á
fyrstu æfingunum en það er von á
fleirum. Þetta verður áreiðanlega
mjög skemmtilegt og okkur líst
vel á okkur hérna í Grundarfirði,“
segir Ásdís Snót. Hún hefur auk
starfsins sem aðstoðarskólastjóri
tólf tíma kennsluskyldu á viku og
kennir íslensku og stærðfræði í 9.
bekk. „Auk þess sinni ég stund­
um forfallakennslu,“ segir Ásdís
Snót og hún var einmitt nýkom­
in úr tíma þar sem hún sinnti for­
fallakennslunni þegar blaðamaður
Skessuhorns hitti hana að máli.
þá
Vestlendingar hafa heldur betur
fengið að kenna á tíðum umhleyp­
ingum undanfarið með tilheyrandi
ófærð og jafnvel tjóni af völdum
veðursins á rysjóttum þorra. „Þetta
er bara með verri veðrum sem hafa
komið hér. Norðvestanáttin er
reyndar með þeim verstu hér. Það
var mjög hvasst, öflugar vindhvið­
ur, sjálfsagt upp í og yfir 30 metr­
ar á sekúndum þegar mest var. Við
vitum þó ekki um meira tjón hér á
Hellnum en eigum þó eftir að fara
um og aðgæta það betur,“ sagði
Ólína Gunnlaugsdóttir húsfreyja
á Ökrum á Hellnum á Snæfells­
nesi við Skessuhorn í byrjun vik­
unnar. Heimilisfólkið á Ökrum var
þá enn að jafna sig á veðurhamn­
um sem náði hámarki um miðjan
sunnudag.
Nokkuð tjón varð á útihúsunum
á Ökrum þegar nær helmingur af
þakinu á hlöðunni fauk af. „Þakið
flettist bara af hlöðunni. Við erum
ekki með hey í henni. Þar er geymt
ýmislegt dót, meðal annars gamall
trébátur sem ég á. Við erum með
nokkrar kindur og við mæðgur,
dóttir mín og ég, fórum strax út í
óveðrið til að gá að þeim í fjárhús­
unum sem eru við hlöðuna. Þær
höfðu það fínt. Kvæðið er svona
saga sem kviknaði út frá þessu.“
mþh
Óveðurskvæði Ólínu á Ökrum:
Mæðgur út í fjárhús fuku,
fartin var ei smá á þeim.
Með ógnarhraða áfram ruku,
óvíst hvort þær kæmust heim.
Skíðastafir skorður veittu,
skældust áfram þungan veg.
Stöfum sínum báðum beittu,
baráttan var erfiðleg.
María í móður sína
mátti halda alla leið.
Hún ei vildi henni týna,
hugði að væri færðin greið.
Kom þá ekki kviða mikil
og kastaði mömmunni svo til
eins og væri ullar hnykill
einhver með um sumar bil.
Hátt í loft nú hófst sú gamla,
hugðist María elta skjótt.
En stormurinn vildi stórum
hamla,
stelpunni ekki sóttist fljótt.
Þá snérist vindur snöggt að
bragði,
snarlega meyjan spyrnti við,
með reipi á lofti í rokið lagði
og réðst í að góma flygildið.
Í snatri batt hún snöru víða
og snærið upp í vindinn skók
Hún mældi að kæmi milli hríða,
móðirin sem rokið tók.
Úr vestri birtist vöndull mikill
víst á lofti skrítin sjón,
þaut nú áfram þessi hnykill,
það í stefndi að gerði tjón.
Á því rétta augnabliki
yfir sem að mamman flaug,
boðanna ekki beið með hiki
barnið, vopnað grannri taug.
Snögglega upp snöru henti,
snótin náði að bjarga því
að móðirin svo mjúkum lenti,
miðjum skítahaugnum í.
Orti óveðursbrag eftir að hlöðuþakið fauk
Ólína Gunnlaugsdóttir húsfreyja á Ökrum á Hellnum. Hún rekur einnig veitinga-
húsið í gamla Samkomuhúsinu á Arnarstapa. Þar er þessi mynd er tekin í eins
konar minningarherbergi um frænda hennar Þórð Halldórsson frá Dagverðará.
Nálega helmingur hlöðuþaksins á Ökrum tættist af í veðurofsanum undir Jökli
á sunnudaginn. Reynt verður að gera við þakið sem fyrst svo hinn helmingurinn
sem eftir stendur fjúki ekki líka, en vænta má meiri umhleypinga áður en veturinn
lætur í minni pokann fyrir vorinu.
Allt til alls í Grundarfirði
- segir nýr skólastjóri Grunnskóla Grundarfjarðar
Gerður Ólína Steinþórsdóttir skóla-
stjóri Grunnskóla Grundarfjarðar.
Ásdís Snót Guðmundsdóttir til vinstri ásamt nemendum sínum í 9. bekk.
Flutti í uppsveiflunni frá
Bíldudal í Grundarfjörð
Spjallað við Ásdísi Snót Guðmundsdóttur
aðstoðarskólastjóra Grunnskóla Grundarfjarðar