Skessuhorn - 07.10.2015, Blaðsíða 30

MIÐVIKUDAGUR 7. OKTÓBER 201530
„Hvað finnst þér best
við þennan árstíma?“
Spurning
vikunnar
(spurt á Akranesi)
Helga Ingibjörg Guðjónsdóttir:
Litirnir í náttúrunni.
Guðmundur Kristinsson:
Enski boltinn er það allra besta
við þennan árstíma.
Ævar Sigurðsson:
Nýjar kartöflur.
Anna Dóra Tryggvadóttir:
Að það skuli ekki vera bjart alla
nóttina.
Brynhildur Stefánsdóttir:
Þegar rútínan kemst aftur á.
Stór hluti starfsmanna Fjölbrauta-
skóla Snæfellinga í Grundarfirði
brá á leik síðasta föstudag og klæddi
sig upp í bleikan fatnað. Október
hefur jú um nokkurra ára skeið ver-
ið tileinkaður vitunarvakningu um
krabbamein undir heitinu Árvekni-
átak Krabbameinsfélagsins. Hús
og önnur mannvirki verið böðuð
bleiku ljósi til að fá fólk til að hugsa
um verkefnið. Verðlaun voru veitt
fyrir bleikasta klæðnaðinn með-
al starfsmanna FSN og var Krist-
björg Hermannsdóttir hlutskörp-
ust enda bleik með eindæmum.
Eitthvað var fátt um karlkyns kepp-
endur en ljósmyndari Skessuhorns
varð að minnsta kosti ekki var við
neina karlmenn þegar hann fékk
að smella mynd af starfsfólkinu í
bleiku.
tfk
Bleikur dagur í FSN
Ólafsvíkingurinn Þor-
steinn Már Ragnarsson,
sem hefur leikið með KR
undanfarin fjögur ár, er á
förum frá félaginu. Þetta
kemur fram í frétt á vef
Fótbolti.net. Þar er haft
eftir Þorsteini að hann
hafi átt fínan tíma í KR
en telji að nú sé rétt að
stíga það skref að yfir-
gefa félagið. Fram kem-
ur að Þorsteinn hafi ver-
ið sterklega orðaður við
sitt gamla félag, Víking
Ólafsvík og sé spennt-
ur fyrir endurkomu þess
í úrvalsdeildina. Útilok-
ar hann því ekki að leika á
heimaslóðum næsta sum-
ar. „Það heillar alveg að
fara í Víking Ólafsvík og
það er einn af möguleik-
unum. Ég ætla að setj-
ast niður með nokkr-
um félögum og ætla ekki
að taka ákvörðun í fljót-
færni.“
kgk
Útilokar ekki endur-
komu í Víking Ó.
Ljósm. úr safni Skessuhorns frá sumrinu 2010
þegar Þorsteinn Már spilaði með Víkingi Ó.
Stofnþing Hnefaleikasambands Ís-
lands var haldið í höfuðstöðvum
ÍSÍ að kvöldi miðvikudagsins 30.
september. Frá því Alþingi leyfði
áhugamannahnefaleika á Íslandi
árið 2002 hefur nefnd um ólymp-
íska hnefaleika starfað á vegum ÍSÍ.
Hefur hún haft umsjón með út-
breiðslu og uppbyggingu greinar-
innar undir leiðsögn ÍSÍ og haft það
að markmiði að undirbúa stofnun
sérsambands um ólympíska hnefa-
leika.
Jónas Heiðar Birgisson, stjórn-
armaður í Hnefaleikafélagi Akra-
ness, átti sæti í nefndinni og hann
segir stofnun Hnefaleikasambands
Íslands mikilvægan þátt í því að ís-
lenskir hnefaleikar verði viður-
kenndir á alþjóðavettvangi. „Það
helsta sem þetta hefur í för með
sér fyrir hnefaleika á Íslandi er að
við erum orðin fullgildur meðlim-
ur á alþjóðavísu sem landssamband
og þá höfum við greiðari aðgang að
alþjóðamótum og alþjóðasamtök-
um innan hnefaleikahreyfingarinn-
ar,“ segir Jónas og bætir því við að
nú hafi hnefaleikahreyfingin á Ís-
landi aðgang að upplýsingum ann-
ars staðar frá. Það geri hnefaleika-
þjálfurum meðal annars kleift að
fá þekkingu sína vottaða og viður-
kennda erlendis. „Um daginn feng-
um fyrstu þjálfararnir vottun, alls
tíu talsins. Það er gríðarlega stórt
skref fyrir okkur því þá erum við á
réttri leið til að geta verið fullgild
til þátttöku í alþjóðlegum mótum.
Hingað til hafa íslenskir kepp-
endur getað tekið þátt á mótum er-
lendis en það hefur alltaf verið háð
undanþágu. Með stofnun HNSÍ eru
undanþágur úr sögunni. „Að vera
nefnd innan ÍSÍ er gott, ÍSÍ styð-
ur vel við bakið á sínu fólki en þeg-
ar komið er erlendis hefur lands-
samband um íþróttina greiðari að-
gang að öllu alþjóðastarfi en nefnd-
in,“ segir Jónas. „Þetta gerir okkur
sjálfstæðari og við verðum sterkari
fyrir vikið og á bara að efla hnefa-
leikaíþróttina.“
Hvað varðar áhrif stofnunar
HNSÍ á Hnefaleikafélag Akraness
telur Jónas að þau verði hin sömu
og annars staðar. Öll hnefaleika-
félög landsins hafi t.a.m. átt þjálf-
ara sem fengu vottun á dögunum
og það komi til með að efla starf
HAK eins og annarra félaga. Þekk-
ingin berist þannig til allra aðildar-
félaga HNSÍ.
kgk
Hnefaleikasamband Íslands var stofnað á dögunum
Minningartónleikar Lovísu Hrundar
Svavarsdóttur voru haldnir í Bíóhöll-
inni á Akranesi mánudaginn 5. októ-
ber, en þann dag hefði Lovísa orðið
tvítug. Hún lést í hörðum árekstri á
Akrafjallsvegi 6. apríl 2013 þegar ölv-
aður ökumaður, sem kom úr gagn-
stæðri átt, ók í veg fyrir bíl hennar.
Þjóðlagasveit Akraness, Ylfa og
Hallur, Jón Jónsson og Low Roar
léku fyrir troðfullri Bíóhöll auk þess
sem Jóhannes Kr. Kristjánsson flutti
hugvekju. Ólafur Páll Gunnarsson
var kynnir á tónleikunum, sem jafn-
framt voru sendir út í beinni útsend-
ingu á netinu. Alls fylgdust hvorki
meira né minna en 2600 manns með
útsendingunni þegar mest var.
Allir listamenn, skipuleggjendur og
þeir sem komu að minningartónleik-
unum með einum eða öðrum hætti
gáfu vinnu sína og allur ágóðinn af
tónleikunum rann til Minningarsjóðs
Lovísu Hrundar. Tilgangur hans er
að stuðla að fræðslu og forvörnum
gegn akstri ökutækja undir áhrifum
áfengis eða annarra vímuefna.
kgk
Húsfyllir á Minningartónleikum Lovísu Hrundar
Þjóðlagasveit Akraness, undir stjórn Ragnars Skúlasonar, lék fyrir áhorfendur af
sinni alkunnu snilld.
Almar Kári Ásgeirsson (t.v.) og Úlfur Esra Snorrason (t.h.), frændur Lovísu, færðu
öllum listamönnum þakklætisvott fyrir hönd aðstandenda. Vaskleg framganga
þeirra vakti mikla lukku meðal áhorfenda. Hér eru þeir ásamt Ólafi Páli Gunnars-
syni, kynni kvöldsins.