Skessuhorn - 28.10.2015, Blaðsíða 6

MIÐVIKUDAGUR 28. OKTÓBER 20156
Vegagerðin boðar
skerðingu
GRUNDARFJ: Vegagerðin
hefur sent tilkynningu til fyr-
irtækja í flutningaþjónustu þar
sem boðuð er skerðing á vetrar-
þjónustu ríkisfyrirtækisins. Jafn-
framt er spurt hvort fyrirtæki
í flutningaþjónustu séu tilbú-
in að greiða hluta kostnaðar við
vetrarþjónustu. Bréf þessa efn-
is var tekið fyrir á fundi bæjar-
ráðs Grundarfjarðar á fimmtu-
dag. „Bæjarráð Grundarfjarðar
telur brýnt að aukið fjármagn fá-
ist á fjárlögum til vetrarþjónustu
svo Vegagerðinni sé mögulegt
að sinna nauðsynlegri vetrar-
þjónustu. Ekki er hægt að ætlast
til þess að fyrirtæki í flutninga-
þjónustu né aðrir vegfarendur
greiði fyrir þá sjálfsögðu þjón-
ustu sem hálkueyðing og snjó-
ruðningur er. Jafnframt skiptir
þjónusta þessi miklu máli fyrir
sjúkraflutninga og annað öryggi
vegfarenda,“ var fært til bókar í
fundargerð vegna þessa.
-mþh
Taldi að skotið
hefði verið á
bílinn
BORGARFJ: Ökumaður fólks-
bíls sem var á ferð um Reyk-
holtsdal í Borgarfirði á dögun-
um heyrði hvell og varð síðan
var við að afturdekkið var orð-
ið vindlaust. Þegar hann var að
skoða dekkið brá honum í brún
enda var eins og riffilkúla hefði
farið í gegnum felguna og dekk-
ið. Datt honum ekkert annað í
hug en að skot hefði lent í bif-
reiðinni og hafði hann því sam-
band við lögregluna á Vestur-
landi. Við athugun lögreglu og
bifvélavirkja kom í ljóst að ein-
hvers konar aðskotahlutur hafði
stungist fyrst í gegnum felg-
una að utanverðu, síðan upp í
gegnum dekkið að innanverðu
og skotist síðan upp í hjólskál-
ina og stöðvast þar. Ekki er ljóst
hvaða oddhvassi hlutur þarna
var á ferðinni en útilokað er að
um byssukúlu hafi verið að ræða
að sögn lögreglu. -mm
Reyndur skóla-
stjórnandi
veitir ráð
Starfsmenn Fjölbrautaskóla
Vesturlands voru boðaðir á
fund í vikunni. Þar var þeim til-
kynnt að Þorsteinn Þorsteins-
son, fyrrverandi skólameistari
Fjölbrautaskóla Garðabæjar til
26 ára, starfi nú sem ráðgjafi
við stjórnun skólans. Þar starf-
ar hann með Ágústu Elínu Ing-
þórsdóttur skólameistara. Þor-
steinn er með reyndari skóla-
stjórnendum landsins á fram-
haldsskólastigi. Hann tók þátt
í að stofna Fjölbrautaskól-
ann í Garðabæ árið 1984 og
var skólameistari hans til mars
2010. „Ég var formaður skóla-
meistarafélagsins um skeið. Þá
komu upp ýmist mál sem þurfti
að hjálpa til við að leysa. Fjöl-
brautaskóli Vesturlands er góð-
ur skóli, hann hefur alltaf haft
það orð á sér. Ég hef trú á því
að þarna sé hægt að gera góða
hluti. En ég á eftir að koma á
staðinn og ræða við fólk. Að-
koma mín að þessu eru svo ný-
tilkomin,“ segir Þorsteinn við
Skessuhorn. Til stendur að tveir
vinnustaðasálfræðingar eigi að
taka viðtöl við alla sem starfa
við Fjölbrautaskóla Vesturlands.
Þeir eru ráðnir til þess beint af
Menntamálaráðuneytinu.
-mþh
Eðnukonur selja
dagatal 2016
AKRANES: Samhliða því að
Vökudagar hefjast á Akranesi
mun Lionsklúbburinn Eðna
hefja sölu á dagatölum fyrir árið
2016. „Eins og fyrri ár prýða
dagatalið fallegar ljósmyndir
sem allar eru teknar af félögum í
áhugaljósmyndaklúbbnum Vit-
anum á Akranesi. Fjölmörg fyr-
irtæki hafa einnig styrkt útgáf-
una og logo þeirra og nöfn eru á
hverri síðu og á bakhlið. Lions-
klúbburinn Eðna vill þakka öll-
um þessum aðilum fyrir ómet-
anlegn stuðning á liðnum árum.
Allur hagnaður af sölu daga-
talsins fer í líknarsjóð félags-
ins sem hefur það markmið að
styrkja málefni í heimabyggð.
Eðnukonur verða með daga-
talið til sölu á Vökudögum við
stórmarkaði. Einnig má nálgast
dagatalið hjá Eðnukonum sjálf-
um og í Versluninni Bjargi við
Stillholt. Verð á dagatalinu er
kr. 1800 og er upplag takmark-
að.“
-mm
Leiðrétt vegna
Íshafssiglingar
LEIÐRÉTT: Í frétt Skessu-
horns í síðasta tölublaði um
siglingu flutningaskipsins Win-
ter Bay norður fyrir Rússland
hina svokölluðu norðaustur-
leið, var sagt að sú leið stytti
sjóflutningaleiðina frá Íslandi
til Asíu um nálægt tvö þúsund
kílómetra samanborið við hefð-
bundnar leiðir suður um höf.
Þetta er að sjálfsögðu rangt.
Styttingin er margfalt meiri og
segja má að þar muni gróflega
nálega 20 þúsund kílómetrum.
Siglingaleiðin frá Hafnarfirði til
Osaka í Japan sem Winter Bay
fylgdi með hvalkjötsfarm sinn
er 14.800 kílómetrum. Þetta er
um átta þúsund sjómílum styttra
en ef farið hefði verið frá Hafn-
arfirði til Osaka og siglt suður
fyrir Suður Afríku. –mþh
Sturla Böðvarsson bæjarstjóri í
Stykkishólmi hefur sent þeim eig-
endum íbúðarhúsa í Stykkishólmi
bréf, sem ekki eiga þar lögheim-
ili. Þar er fólk hvatt til að skrá lög-
heimili í Stykkishólmi og stuðla
þannig að áframhaldandi uppbygg-
ingu og góðri þjónustu á vegum
Stykkishólmsbæjar í þágu þeirra
sem eiga þar heimili. Um 20% fast-
eigna í Stykkishólmi eru í eigu fólks
sem á lögheimili í öðrum sveitar-
félögum og greiðir því ekkert út-
svar til Stykkishólmsbæjar, en hefur
samt í raun heimili sitt þar og nýtur
þjónustu sem bærinn leggur til.
Í bréfinu segir Sturla meðal ann-
ars: „Um þessar mundir er mikið
rætt um fjárhagsstöðu sveitarfélag-
anna í landinu. Það blasir við að
tekjustofnarnir sem sveitarfélögin
hafa duga misvel til þess að þau
eigi möguleika á að sinna lögboðn-
um verkefnum og þeim rekstri sem
byggður hefur verið upp á ábyrgð
þeirra. Fljótlega eftir að skelveið-
ar hófust í Breiðafirði upp úr 1970
ríkti mikil bjartsýni í Stykkishólmi.
Atvinnulífið blómstraði og at-
vinnutækifærum fjölgaði. Útgerð
og vinnsla sjávarafurða fór vaxandi,
Skipasmíðastöðin Skipavík byggði
hratt upp sína starfsemi, tvær öfl-
ugar trésmiðjur voru starfandi,
Hótel Stykkishólmur hóf rekstur
og ferðaþjónustan varð öflugur at-
vinnuvegur, endurbygging gömlu
húsanna hófst með húsafriðunará-
taki, nýr Baldur hóf rekstur, hafnar-
aðstaða var bætt mikið, opinberum
störfum fjölgaði með opnun úti-
bús Rarik í bænum, lögð var vatns-
veita og síðan hitaveita, mörg íbúð-
arhús voru byggð í bænum, byggð-
ur nýr skóli, sundlaug og íþrótta-
hús, hafinn rekstur Dvalarheimilis
aldraðra, byggð heilsugæslustöð og
sjúkrahúsið stækkað. Sjúkrahús St.
Franciskussystra varð fjölmennasti
vinnustaðurinn í bænum. Umhverf-
ismálin voru sett í öndvegi með
malbikun gatna og átaki í frágangi
opinna svæða svo helstu verkefnin
séu upp talin. Á þessum árum fjölg-
aði íbúum og voru um 1350 þegar
flest var. Af ýmsum ástæðum hefur
hallað undan fæti í rekstri bæjarins
og útsvarsgreiðendum fækkað og
um leið lækkuðu framlög úr Jöfn-
unarsjóði sem eru háð fjölda íbúa,“
skrifar Sturla.
Hann segir jafnframt að þeg-
ar núverandi bæjarstjórn tók við í
fyrrasumar hafi blasað við að fjár-
hagur bæjarins væri mjög erfið-
ur. „Eftirlitsnefnd með fjármálum
sveitarfélaga setti skilyrði um end-
urskipulagningu rekstrar og fjár-
mála. Uppstokkun í rekstrinum var
strax hafin og nokkur árangur hef-
ur nú þegar náðst, en meira þarf til.
Heildartekjur árið 2014 voru 961,5
milljón króna og rekstrarafgangur
35,8 milljónir. Heildarskuldir með
lífeyrisskuldbindingum eru 1.387,2
milljónir í árslok 2014 og íbúatal-
an 1107.“
En Sturla segir jafnframt í bréf-
inu að allt bendi til að framund-
an sé betri tíð með blóm í haga í
Stykkishólmi ef allt fari sem horfir.
„Mikill vöxtur er í ferðaþjónustu,
skelin er farin að veiðast aftur og
vonandi verður þess ekki langt að
bíða að skelvinnsla hefjist af fullum
krafti og í undirbúningi er vinnsla
verðmæta úr þangi og þörungum
úr Breiðafirði. Sem betur fer hef-
ur verið eftirspurn eftir fasteign-
um í Stykkishólmi. Það má m.a. sjá
af því að fasteignamat er hærra hér
en víðast í sambærilegum sveitarfé-
lögum. En til þess að bæjarsjóður
geti sinnt þjónustunni við bæjarbúa
og þá sem eiga fasteignir í bænum
þurfa tekjur bæjarsjóðs að aukast.
Þessi staðreynd, ásamt með því að
íbúum hefur fækkað á undangengn-
um áratug, gerir það að verkum að
bæjaryfirvöld verða nú að leita leiða
til þess að auka tekjurnar. Það verð-
ur að gerast til þess að bærinn geti
sinnt lögboðnum verkefnum og
haldið áfram að sinna viðhaldi og
uppbyggingu svo Stykkishólmur
geti áfram talist með fallegri bæj-
arfélögum á landinu þar sem fólk
vill eiga eignir og heimili,“ skrifar
Sturla Böðvarsson. mm
Biðlar til eigenda frístundahúsa að
flytja lögheimilið í Stykkishólm