Skessuhorn - 28.06.2017, Síða 15

MIÐVIKUDAGUR 28. júNÍ 2017 15
SK
ES
SU
H
O
R
N
2
01
7
Laus störf í leikskólanum Andabæ, Hvanneyri
Leikskólinn Andabær er þriggja deilda leikskóli í fallegu umhverfi á Hvanneyri sem starfar í anda hugmynda-
fræðinnar Leiðtoginn í mér, leggur áherslu á náttúru og sjálfbærni og leik sem aðalnámsleið barna.

Sérkennslustjóri í 50% stöðu
Helstu verkefni og ábyrgð:
Starfar samkvæmt lögum og reglugerð um leikskóla, lögum um málefni fatlaðra, öðrum lögum er við
eiga, aðalnámskrá leikskóla og stefnu viðkomandi sveitarfélags.
Ber ábyrgð á og stjórnar skipulagningu, framkvæmd og endurmati sérkennslunnar í leikskólanum
ásamt leikskólastjóra.
Er faglegur umsjónarmaður sérkennslu í leikskólum, annast frumgreiningu og ráðgjöf til annarra starfs-
manna leikskóla.
Ber ábyrgð á miðlun upplýsinga milli sérkennsluráðgjafa/sérkennslufulltrúa leikskóla og starfsmanna
leikskólans.
Hefur umsjón með uppeldis- og námsgögnum leikskólans sem tengjast sérkennslu.
Hæfniskröfur:
Leikskólasérkennaramenntun, þroskaþjálfamenntun eða önnur sambærileg menntun sem nýtist í starfi.
Framhaldsmenntun í sérkennslufræðum æskileg.
Reynsla af sérkennslu.
Lipurð og sveigjanleiki í samskiptum.
Sjálfstæð og skipulögð vinnubrögð.
Frumkvæði, áhugi og metnaður í starfi.
Góð íslenskukunnátta.

Sérkennsla, 50% staða
Helstu verkefni og ábyrgð:
Starfar samkvæmt lögum og reglugerð um leikskóla, lögum um málefni fatlaðra, öðrum lögum er við
eiga, aðalnámskrá leikskóla og stefnu viðkomandi sveitarfélags.
Ber ábyrgð á framkvæmd sérkennslunnar í leikskólanum ásamt sérkennslustjóra og leikskólastjóra.
Vinnur að uppeldi og menntun barnanna.
Fylgist vel með velferð barna og hlúir að þeim andlega og líkamlega í samræmi við þarfir hvers og eins
svo að þau fái notið sín sem einstaklingar.
Hæfniskröfur:
Leikskólasérkennaramenntun, þroskaþjálfamenntun eða önnur sambærileg menntun sem nýtist í starfi.
Reynsla af sérkennslu æskileg.
Lipurð og sveigjanleiki í samskiptum.
Sjálfstæð og skipulögð vinnubrögð.
Frumkvæði, áhugi og metnaður í starfi.
Góð íslenskukunnátta.

Leikskólakennari í 100% stöðu
Helstu verkefni og ábyrgð:
Starfar samkvæmt lögum og reglugerð um leikskóla, aðalnámskrá leikskóla og stefnu viðkomandi
sveitarfélags.
Vinnur að uppeldi og menntun barnanna.
Fylgist vel með velferð barna og hlúir að þeim andlega og líkamlega í samræmi við þarfir hvers og eins
svo að þau fái notið sín sem einstaklingar.
Vinnur að uppeldi og menntun leikskólabarna, þ.m.t. að taka þátt í skipulagningu faglegs starfs og
foreldrasamstarfi í samstarfi við deildarstjóra
Hæfniskröfur:
Leikskólakennaramenntun.
Reynsla af vinnu í leikskóla.
Færni í samskiptum og samstarfshæfileikar.
Frumkvæði í starfi og faglegur metnaður.
Sjálfstæð og skipulögð vinnubrögð.
Góð íslenskukunnátta.

Nánari upplýsingar veitir Sigurður Sigurjónsson leikskólastjóri, sigurdurs@borgarbyggd.is eða Áslaug Ella
Gísladóttir aðstoðarleikskólastjóri, aslaug@borgarbyggd.is Einnig er hægt að hafa samband í síma: 433-7170.
Laun eru samkvæmt kjarasamningi Sambands íslenskra sveitarfélaga og Félags leikskólakennara.
Umsóknarfrestur er til og með 10.07.17.
Umsóknir skulu sendar rafrænt á sigurdurs@borgarbyggd.is.
Í samræmi við jafnréttisstefnu Borgarbyggðar eru karlar jafnt sem konur hvött til að sækja um störf hjá sveitar-
félaginu.
Í síðustu viku færði kvenfélagið
Gleim mér ei í Grundarfirði Sjúkra-
húsi HVE í Stykkishólmi nýtt sjón-
varp að gjöf. Það voru þær Mjöll
Guðjónsdóttir formaður og Brynja
Guðnadóttir gjaldkeri kvenfélags-
ins sem afhentu gjöfina. Hrafnhild-
ur jónsdóttir veitti gjöfinni viðtöku
fyrir hönd HVE.
sá
Komu færandi hendi
Tvær fyrstu ferðir ferjunnar Akra-
ness voru felldar niður miðviku-
daginn 21. júní. Gunnlaugur Grett-
isson hjá Sæferðum segir ástæður
þess að ferðirnar féllu niður vera
samspil ölduhæðar og mikils vinds.
„Við viljum fyrst og fremst ganga
úr skugga um að öryggi farþega sé
tryggt og því vildum við ekki taka
neina áhættu svona snemma í þessu
tilraunaverkefni. Við eigum að geta
siglt í tveggja og hálfs metra öldu-
hæð en hún var tæplega þrír metr-
ar þegar við tókum stöðuna fyr-
ir fyrstu ferð og aðra ferð á mið-
vikudaginn síðasta. Vindurinn spil-
aði líka sinn þátt í þessari ákvörð-
un okkar þar sem vindhraðinn var
20 m/s. Við erum enn að læra á að-
stæður og við þekkjum það frá Vest-
mannaeyjum og Breiðafirði að við
höfum getað siglt á þriggja metra
ölduhæð en stundum þurft að fresta
ferðum í eins og hálfs metra vegna
vinds,“ segir Gunnlaugur.
Gunnlaugur segir að tíminn verði
að leiða það í ljós hvort möguleiki
sé á því að sigla ferjunni á milli
yfir vetrartímann eins og gert er
ráð fyrir. „Það er hluti af þessu til-
raunaverkefni að skoða hvort hægt
sé að sigla á milli allan ársins hring.
Það voru bæði kröfur um að sigl-
ingin tæki ekki meira en hálftíma
og það væri hægt að sigla henni
að vetri til. Við höfum reynslu af
því að á veturna getur verið stillt
og gott sjóveður en síðan höfum
við einnig reynslu af vetri þar sem
ekkert er hægt að ráða við veðrið.
Ferðin er stutt á milli Akraness og
Reykjavíkur og við vonuðumst til
þess að það kæmu ekki upp svona
heilir dagar þar sem ferjan siglir
ekki. Þetta verður allt að koma í ljós
en við vonum að þegar við lærum
betur á aðstæður getum við hald-
ið svona dögum í lágmarki,“ segir
Gunnlaugur að endingu.
bþb
Tvær ferðir féllu niður
fyrstu viku Akraness
„Það er okkur mikill heiður og sönn
ánægja að fá í sölu Vatnsvæði Lýsu á
Snæfellsnesi en þessi fallega perla er
frábær silungsveiðikostur og í bestu
ánum hafa veiðst hátt í 200 laxar á
sumri,“ segja þau Stefán Sigurðsson
og Harpa Þórðardóttir sem hafa nú
tekið Vatnasvæði Lýsu á Snæfells-
nesi á leigu í sumar. „Veiði þarna er
góð og svæðið er ódýr kostur fyrir
veiðimenn á einu af okkar fegursta
landssvæði.“
Á svæðinu eru sex stangir og það
skiptist í tvö þriggja stanga veiði-
svæði og er veitt sex klukkutíma
á hvoru svæði. Skipt er í hádeg-
inu eða eftir frekara samkomulagi.
Á svæðinu veiðist urriði og bleikja
allt tímabilið en þegar líður á júlí er
töluverð laxavon þar einnig. gb
Taka vatnasvæði Lýsu á leigu
Stefán Sigurðsson og Harpa Þórðardóttir við Vatnasvæði Lýsu sem þau hafa tekið
á leigu.