Skessuhorn - 28.06.2017, Side 18

MIÐVIKUDAGUR 28. júNÍ 201718
Akurey AK-10, nýjasta skipið í
fiskiskipaflota landsmanna, var
formlega vígt og því gefið nafn við
Akraneshöfn síðastliðinn föstu-
dag. Akurey er annað af þrem-
ur skipum í raðsmíðaverkefni sem
HB Grandi samdi um við tyrk-
neska skipasmíðastöð. Engey RE
var fyrsta skipið og er nú búið að
ljúka við uppsetningu búnaður í
það skip og er það farið til veiða.
Skipin verða með fullkomnustu
ísfiskveiðiskipum Íslendinga og
um borð í þeim er hægt að með-
höndla afla með besta hugsanlega
hætti. Sá búnaður er einkum smíð-
aður hjá Skaganum 3X. Góður að-
búnaður er auk þess um borð fyr-
ir áhöfnina.
Hátíðlegt var yfir vígslu Akurey-
jar á föstudaginn þar sem Vilhjál-
mur Vilhjálmsson forstjóri HB
Granda, Benedikt jóhannesson
fjármálaráðherra og Ólafur Adolf-
sson formaður bæjarráðs Akraness
fluttu ávarp. Ingibjörg Björnsdót-
tir gaf skipinu nafn og séra Eðvarð
Ingólfsson blessaði skipið. Við
athöfnina söng karlakórinn Svanir
tvö lög.
Í ávarpi Ólafs Adolfssonar rif-
jaði hann upp augnablik sem
hann mundi eftir úr æsku þegar
hann sat niðri á bryggju með afa
sínum í Ólafsvík. Afi hans ben-
ti honum á skuttogara sem lá við
bryggju og sagði honum að þarna
væri framtíðin. Ólafur sagðist ekki
hafa skilið gamla manninn þá, en
nú átti hann sig á því. Sagði hann
að Akurey búa yfir miklum tæk-
nilausnum og sé fyrirmynd annar-
ra skipa á Íslandi í náinni framtíð.
Lofsamaði hann fyrirtækið Sk-
aginn 3X sem sér að mestu um
tæknibúnaðinn um borð í skipið.
Ólafur sagði sjávarútveginn vera
stóran hluta af bæjarlífi Akurnes-
inga en nú væri brekka eftir að HB
Grandi hafi tekið ákvörðun um að
færa botnfiskvinnsluna til Reyk-
javíkur. Hann taldi þó að nú tækju
við bjartari tímar og Akraneskaup-
staður færi að vinna í því að gera
Akraneshöfn að fýsilegri stað fyrir
útgerð.
Eins og að fara af
Trabant á Porsche
Skipstjóri á Akurey er Eiríkur
jónsson sem sigldi skipinu heim
frá Tyrklandi. Eiríkur segir mun-
inn á Akurey og forvera henn-
ar Sturlaugi vera umtalsverðan.
„Sturlaugur var gott sjóskip en það
var orðið 36 ára gamalt og barn
síns tíma að því leyti að kröfurnar
voru aðrar þegar það var smíðað.
Það er himinn og haf á milli skip-
anna. Aðbúnaður sjómanna er allt
annar um borð; allir fá sérklefa fyr-
ir sig með sturtu og hreinlætisað-
stöðu en áhöfnin telur 15 manns.
Allir vilja að þeim líði vel á vinnu-
staðnum sínum og hér um borð er
góður aðbúnaður. Það hefur mikið
að segja. Sturlaugur var níu metra
breitt skip og 600 brúttótonn en
Akurey er rúmir þrettán metrar
og rúmlega 1.800 brúttótonn. Í
þægindum og gæðum má segja að
við séum að fara af Trabant yfir á
Porsche,“ segir Eiríkur jónsson í
samtali við Skessuhorn.
Margar nýjungar er að finna í
Akurey og segir Eiríkur að mesta
byltingin sé að nýtt kerfi verður í
lestinni. „Hættulegasta starf sjó-
manna er líklega sú vinna sem he-
fur farið fram niðri í lest. Í Akurey
verður vinnslan í lestinni lítil sem
engin, þar sem kerfið verður sjálf-
virkt, og á ekki að koma til þess
að menn vinni í lestinni. Vinnan
á þessu skipi verður öllu jafnari en
við erum vanir og við ættu ekki að
þurfa að vinna í eins miklum sko-
rpum og við þekkjum. Að auki
verður hráefnið sem við komum
með í land betra. Ástæða þess er
fullkomnara kælikerfi þar sem al-
lur fiskurinn verður jafn kældur í
mínus hálfa gráðu.“
Stefnt er að því að hefja veiðar
á Akurey í lok september. „Núna
þarf maður bara að bíða rólegur
meðan verið er að ganga frá öllum
tækjabúnaði og slíku í skipinu. Ég
hlakka mikið til að halda til veiða
og prófa þetta nýja og glæsilega
skip,“ segir Eiríkur að endingu.
bþb
Akurey AK vígð og skipinu gefið nafn
Ingibjörg Björnsdóttir, ekkja Árna Vilhjálmssonar fyrrum stjórnarformanns, gaf
Akurey formlega nafn og braut kampavínsflösku á skipinu eins og tíðkast.
Akurey er stórt og tignarlegt skip.
Karlakórinn Svanir fluttu tvö lög við
hátíðlega athöfn við Akraneshöfn.
Í brúnni er tölvu- og tæknibúnaður sem er umtalsvert betri en var til staðar í Stur-
laugi. Tæknin mun gera skipstjóranum kleift að fylgjast með nær öllu á skipinu.
Allir í áhöfninni fá herbergi útaf fyrir sig með góðri hreinlætisaðstöðu.
Aðbúnaður áhafnarinnar verður góður um borð í Akurey. Hér sést sauna sem er
um borð en einnig er til staðar tæki til líkamsræktar.
Setustofan er rúmgott og smekklegt svæði í skipinu.
Eldhúsaðstaðan er búin góðum tækjum.