Skessuhorn - 28.06.2017, Page 28

MIÐVIKUDAGUR 28. júNÍ 201728
Vörur og þjónusta
Hönnun prentgripa
& alhliða prentþjónusta
Drei bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
Leiguakstur á Akranesi sem og á öllu Vesturlandi

Ari Grétar Björnsson
Sími: 864-2100
Email : taxar@simnet.is
TEK AÐ MÉR GARÐAÚÐUN ALLA DAGA VIKUNNAR
GARÐAÚÐUN REYNIS SIG
SÍMI: 899-0304
Síðastliðið ár hefur töluvert verið
rætt um kostnað sem foreldrar þurfa
að leggja út fyrir grunnskólagöngu
barna sinna. Bent hefur verið á að
í lögum um grunnskóla frá 2008
kemur fram að kennsla í skyldu-
námi í opinberum grunnskólum
skuli vera börnum og foreldrum
að kostnaðarlausu. Þá sé óheimilt
að krefja foreldra um greiðslu fyr-
ir kennslu, þjónustu, námsgögn eða
annað sem börnum er skylt að nota
í námi sínu. Þá er einnig bent á að
hér á landi sé í gildi barnasáttmáli
Sameinuðu þjóðanna sem kveður á
um að öll börn eigi rétt á grunn-
menntun og ekki megi mismuna
börnum sökum stöðu þeirra eða
foreldra, svo sem í efnahag.
Grunnskóli Snæfellsbæjar hef-
ur ákveðið að taka skref í átt að
ókeypis grunnskólagöngu. Skólinn
mun bjóða öllum nemendum skól-
ans ókeypis ritföng á næsta skólaári.
„Við höfum gengið frá samningi við
verslunina A4 svo þetta verða góð-
ar vörur sem við bjóða nemendum
upp á. Ritföngin sem nemendur
okkar fá eru að andvirði 3500 kr. og
þar verður allt það helsta; stílabæk-
ur, blýantar, vasareiknir, gráðubog-
ar og fleira. Við hvetjum þó nem-
endur að nota enn þau ritföng sem
þau eiga og eru í lagi, það er eng-
in ástæða til að henda þeim,“ seg-
ir Hilmar Már Arason skólastjóri
Grunnskóla Snæfellsbæjar í samtali
við Skessuhorn.
Hilmar Már segir að grunn-
skólinn leitist eftir því að jafna að-
stöðu allra nemenda til náms; sama
hvernig fjárhagur foreldra sé. „Við
viljum gera samfélagið fjölskyldu-
vænna og öflugt grunnskólakerfi er
hluti af því. Engar hækkanir verða
á gjaldskrám og við munum ekki
leggja á neinar auka álögur sökum
aðgerða okkar,“ segir Hilmar Már
að endingu.
bþb
Ókeypis ritföng í
Grunnskóla Snæfellsbæjar
Hamingjudagar verða haldnir há-
tíðlegir í Strandabyggð um kom-
andi helgi, nánar tiltekið 30. júní
- 2. júlí. Hátíðin er árlegur við-
burður sem byggir á Hamingju-
samþykkt Strandabyggðar. Dag-
skráin þetta árið verður glæsileg
og má þar nefna sundlaugarpartý,
nerf byssubardaga, hverfispartý
og brennu en þetta allt er aðeins
brot af því sem verður um að vera
á föstudagskvöldinu. Íbúar og fyr-
irtæki opna dyrnar og sýna húsa-
kynni sín og bjóða jafnvel upp á
veitingar og lista- og ljósmynda-
sýningar prýða bæinn.
Gyrðir Elíasson og Between
Mountains koma fram við setn-
ingu hátíðarinnar sem fer fram í
Steinshúsi við Ísafjarðardjúp en
þar verður Lóan, menningarver-
laun Strandabyggðar, jafnframt
veitt. Von er á góðum gestum víðs
vegar að. Helst ber að nefna BMX
bræður, dívurnar Kristjönu Stef-
áns og Þórhildi Örvars ásamt Kalla
Olgeirs, Ingrid Kuhlman sem
fræðir gesti um hamingjuna og
Leikhópinn Lottu. Á laugardeg-
inum verður svo allsherjar karnival
með víkingum, hestum, hoppu-
kastölum, Húlladúllu, kjötsúpu,
trúbador, hamingjuhlaupurum,
rallý, markaði og hnallþórum svo
fátt eitt sé nefnt. Á kvöldin verður
svo ekki minna stuð en þá ræður
hljómveitin Króm ríkjum á Café
Riis. Furðuleikar á Sauðfjársetri á
Ströndum binda svo enda á Ham-
ingjudaga nú sem endranær.
Eins og sést er af nægu að taka
og eitthvað fyrir alla. Heilsa, úti-
vist og samvera er í fararbroddi
með fjölmörgum útivistarviðburð-
um og sérstöku Hamingjubingói
fyrir alla fjölskylduna. Markmið-
ið er að hver einasti íbúi í Strand-
abyggð ásamt gestum hátíðarinnar
finni fyrir innri hamingju, hugarró,
gleði og kærleika í hverju skrefi.
Endilega kynnið ykkur dag-
skrána nánar á www.hamingjudag-
ar.is eða á Facebook.
-fréttatilkynning
Hamingjudagar í Strandabyggð
um næstu helgi
Undanfarna daga, síðan ég tók
sæti á Alþingi eftir nokkurra mán-
aða fæðingarorlof, hefur mér ver-
ið hugsað til samfélagsins og nán-
ar tiltekið hvers konar samfélagi
ég vil búa í og vera partur af. Í því
samhengi verður mér oft hugsað
til könnunar MMR, sem kom út
á dögunum, og sýndi að tæplega
þriðjungur þjóðarinnar telur líf-
ið vera ósanngjarnt. Viðhorf fólks
til lífsins er marktækilega breyti-
legt þegar horft er til heimilis-
tekna. Tæplega helmingur þeirra
sem hafa heimilistekjur undir 400
þúsund krónur á mánuði telja lífið
vera ósanngjarnt á meðan einungis
fimmtungur þeirra sem hafa milljón
á mánuði eða meira í heimilistekjur
telja lífið vera ósanngjarnt. Hvern-
ig er hægt að útskýra þetta? Gefa
þessar niðurstöður það til kynna að
fólk með lægri tekjur sé einfaldlega
neikvæðara á lífið heldur en tekju-
meira fólk eða gæti verið að þess-
ar niðurstöður bendi sterklega til
aukinnar stéttaskiptingar í samfé-
laginu okkar? Því miður held ég að
það seinna nefnda sé líklegra.

Hvernig getur það verið að Ís-
land sé komið á þann stað að tæp-
lega þriðjungur íbúa þess telja að
lífið sé ósanngjarnt? Fræðimenn
hafa bent á að ekki sé nóg fyrir
samfélög að hafa skilvirk lög og
skipulagðar ríkisstofnanir held-
ur þurfi einnig réttlætinu alltaf að
vera framfylgt innan stofnananna
og með lagasetningu. Hlutverk
samfélagsins á að vera að stuðla
að réttlæti fyrir alla íbúa þess þrátt
fyrir að innan samfélagsins búi
ólíkt fólk sem hefur mismunandi
hagsmuna að gæta. Til þess að
leggja grunninn að svoleiðis samfé-
lagi væri óskandi að setja löggjafar-
valdið, alþingismenn, alla sem einn
undir fávísisfeldinn. Fávísisfeld-
urinn er hugsanaæfing sem john
Rawls þróaði árið 1972 í bók sinni
Theory of justice og virkar þannig
að hann hylur vitneskju fólks um
upphafsstöðu þess í samfélaginu og
alla persónulega eiginleika á borð
við gáfur, menntun, styrk, fjárhag,
stéttarstöðu o.s.fr. Þannig myndi
einstaklingurinn ekki hafa hug-
mynd um hvar hann sjálfur og sitt
fólk myndi lenda í samfélaginu.
Einstaklingurinn leitast ávallt við
að hámarka líkurnar á að hann lifi
sanngjörnu lífi og í því ljósi myndi
hann reyna að gera samfélagið sem
sanngjarnast fyrir sem flesta. Oft-
ast vill einstaklingurinn hámarka
hamingju sína og þess vegna er
þessi ákveðna hugsanaæfing, sem
fávísisfeldurinn er, mjög gagnleg.
Í því ljósi er miklu líklegra að al-
þingismenn myndu skapa samfélag
þar sem réttlætislögmál eru höfð
að leiðarljósi en ekki eiginhags-
munir. Með því að skapa samfélag
undir fávísisfeldi væru valdhafar
miklu líklegri til þess að samþyggja
að allir einstaklingar hefðu grund-
vallarréttindi og skyldur. Grund-
vallar réttindi einstaklinga væru
réttindi á borð við kosningarétt,
tjáningafrelsi, skoðanafrelsi og
eignarrétt en einnig væri líklegt að
hugmyndin um réttláta dreifingu
efnislegra gæða kæmi fram þar sem
misskipting auðs ætti að vera öllu
samfélaginu til góða. Dæmi þess
efnis væri að hinir ríki borguðu
hlutfallslega meiri skatt sem myndi
eiga stóran þátt í því að standa
undir heilbrigðis- og velferðarkerfi
landsins. Því er nefnilega ekki hægt
að neita að ef fólk hefur staðfasta
vissu á að vera auðugt innan sam-
félagsins er raunhæfur möguleiki á
því að það myndi kjósa að greiða
lægri skatta til að standa undir vel-
ferðarkerfi sem það sjálf mun ekki
koma til með að nýta sér. Ef fólk
hefði hins vegar enga hugmynd um
fjárhag sinn og stöðu í samfélaginu
væri það líklegra til þess að styðja
öflugt velferðarkerfi. Í þessu ljósi
er hægt að komast að þeirri niður-
stöðu að óréttlætið felst ekki endi-
lega í því að gæðum er misskipt
milli einstaklinga og hópa í samfé-
laginu heldur skapast óréttlætið ef
misskipting samfélagsins gagnast
einungis ríkasta hluta þess.

Helsta ástæða þess að fólk telur
lífið vera ósanngjarnt er ekki endi-
lega sú að fólk telji að allir skulu fá
sömu tekjur óháð framlagi. Ósann-
girnin er fólgin í því að fólk hef-
ur einfaldlega ekki jöfn tækifæri
og misskipting auðs í samfélaginu
virðist ekki gagnast neinum nema
þeim sem ríkastir eru. Í þessu ljósi
vil ég minnast orða Hallgríms Pét-
urssonar: “Undirrót allra lasta.
Ágirndin kölluð er.”
Eva Pandora Baldursdóttir
Þingmaður Pírata í Norðvestur-
kjördæmi
Alla þingmenn
undir fávísisfeldinn
Pennagrein