Skessuhorn - 06.12.2017, Blaðsíða 35
MIÐVIKUDAGUR 6. DESEMBER 2017 35
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Snæfell vann góðan sigur á Fjölni,
100-85, þegar liðin mættust í
Stykkishólmi á sunnudag. Heima-
menn höfðu undirtökin nánast frá
fyrstu mínútu og sigruðu að lokum
örugglega.
Snæfellingar byrjuðu betur, kom-
ust í 21-10 strax um miðjan upp-
hafsfjórðunginn en gestirnir náðu
þó að minnka muninn í fimm stig
áður en leikhlutinn var úti, 29-24.
Annar fjórðungur fór hægt af stað
og lítið var skorað fyrstu mínútur
hans. Þegar hann var hálfnaður tók
Snæfell við sér og komst í 40-26 og
leiddi örugglega þar til hálfleiks-
flautan gall. Hólmarar höfðu 16
stiga forskot í hléinu, 55-39.
Snæfellingar réðu lögum og
lofum í síðari hálfleik. Þeir voru
komnir 25 stigum yfir um miðjan
þriðja leikhluta, 69-44 og mögu-
leikar gestanna á að fá eitthvað út
úr leiknum voru hverfandi. Snæ-
fell leiddi með 22 stigum fyrir
lokafjórðunginn, 80-58 og héldu
öruggu forskoti allt til leiksloka.
Það var ekki fyrr en síðustu mín-
útur leiksins að gestirnir náðu að-
eins að klóra í bakkann. Þeir kom-
ust hins vegar aldrei nær en sem
nam 15 stigum þegar lokaflautan
gall. Snæfell sigraði með 100 stig-
um gegn 85.
Christian Covile skoraði 27 stig
fyrir Snæfell og tók sjö fráköst.
Viktor Marinó Alexandersson var
með 22 stig og fimm stoðsendingar,
Geir Elías Úlfur Helgason 16 stig
og Jón Páll Gunnarsson 13 stig.
Samuel Prescott jr. skoraði 36
stig og tók sex fráköst fyrir Fjölni
og Sigvaldi Eggertsson var með 31
stig og sjö fráköst. Aðrir Fjölnis-
menn náðu ekki tveggja stafatölu í
stigaskori.
Með sigrinum lyfti Snæfell sér
upp í 2. sæti deildarinnar með 16
stig eftir ellefu leiki, tveimur stig-
um minna en topplið Skallagríms
en tveimur stigum betur en næstu
lið fyrir neðan. Snæfell spilar næst
föstudaginn 8. desember næst-
komandi þegar liðið mætir Hamri
í Hveragerði.
kgk
Snæfell vann öruggan sigur á Fjölni
Viktor Marinó Alexandersson var iðinn
við kolann í sigri Snæfells. Ljósm. sá.
Einar Örn Guðnason úr Kraftlyft-
ingafélagi Akraness hampaði sigri á
Bikarmótinu í Kraftlyftingum sem
haldið var á Akureyri laugardag-
inn 25. nóvember síðastliðinn. Ein-
ar keppti og sigraði í 105 kg flokki.
Hann lyfti 345 kg í hnébeygju í
fyrstu tilraun og gerði síðan atlögu
að nýju Íslandsmeti, 357,5 kg en
mistókst í tvígang. Sömu sögu var
að segja í bekkpressunni. Hann lyfti
245 kg í fyrstu tilraun og reyndi tví-
vegis við Íslandsmetið með 251 kg,
en án árangurs. Að lokum lyfti Ein-
ar 280 kg í réttstöðulyftu. Saman-
lagt lyfti Einar því 870 kg og fékk
fyrir vikið 519,9 Wilksstig sem skil-
uðu honum stigabikar karla.
Í kvennaflokki var stigahæst
Hulda B Waage úr Kraftlyftinga-
félagi Akureyrar. Hún lyfti sam-
anlagt 522,5 kg sem er nýtt Ís-
landsmet og sigraði í 84 kg flokki
kvenna, sem og stigakeppni kvenna
með 484,7 Wilksstig. kgk
Einar Örn bikarmeistari í kraftlyftingum
Einar Örn Guðnason úr Kraftlyftingafélagi Akraness og Hulda B Waage úr
Kraftlyftingafélagi Akureyrar, bikarmeistarar í kraftlyftingum.
Ljósm. Kraftlyftingasamband Íslands.
Snæfell batt enda á fimm leikja tap-
hrinu á heimavelli með góðum sigri á
botnliði Njarðvíkur, 76-62, þegar lið-
in mætust í Domino‘s deild kvenna á
sunnudag. Kristen McCarthy, leik-
maður Snæfells, skráði sig í sögu-
bækur íslensks körfubolta í leiknum
því hún setti upp fjórfalda tvennu;
31 stig, 15 fráköst, tíu stoðsendingar
og tólf stolna boltar. Aðeins sex sinn-
um áður hefur leikmaður náð fjór-
faldri tvennu í efstu deildum karla og
kvenna hérlendis svo vitað sé, þar af
fjórum sinnum í efstu deild kvenna.
Síðast náði Heather Ezeli, þáverandi
leikmaður Hauka, þessu tölfræðiaf-
reki í leik gegn Val árið 2010.
En þá að leiknum sjálfum. Snæ-
fellskonur voru í miklu stuði í upp-
hafi leiks og gestirnir úr Njarðvík
fengu ekki rönd við reist. Eftir að-
eins fjögurra mínútna leik var Snæ-
fell komið í 14-0 og leiddi 22-9 eft-
ir fyrsta leikhluta. Þá tók við mik-
ill sprettur gestanna sem fóru ham-
förum í fráköstunum, skoruðu auð-
veldar körfur og minnkuðu muninn
í 25-22 um miðjan annan fjórðung.
En Snæfellskonur náðu yfirhöndinni
á nýjan leik og góður sprettur und-
ir lok fyrri hálfleiks skilaði þeim tólf
stiga forskoti í hléinu, 42-30.
Snæfellsliðið kom ákveðið til síð-
ari hálfleiks og hélt áfram að bæta
við forskot sitt. Mest leiddi liðið með
18 stigum, frá miðjum þriðja leik-
hluta og til loka hans, en þá var stað-
an 59-41 og Snæfell í vænlegri stöðu
fyrir lokafjórðunginn. Njarðvík náði
að minnka muninn í tíu stig snemma
í fjórða leikhluta en nær komust þær
ekki. Snæfell hafði góð tök á leikn-
um og hélt gestunum í skefjum allt
til leiksloka. Þegar lokaflautan gall
munaði 14 stigum á liðunum. Snæ-
fell sigraði með 76 stigum gegn 62.
Eins og áður var getið setti Kristen
McCarthy upp fjórfalda tvennu. Hún
skoraði 31 stig, tók 15 fráköst, gaf tíu
stoðsendingar og var með tólf stolna
bolta. Berglind Gunnarsdóttir skor-
aði 14 stig og gaf fimm stoðsending-
ar en aðrar höfðu minna. Shalonda
Winton átti stórleik fyrir Njarðvík,
skoraði 36 stig og reif niður 20 frá-
köst og Karen Dögg Vilhjálmsdóttir
skoraði tíu stig.
Snæfell hefur tíu stig og situr í sjö-
unda sæti deildarinnar eftir tíu leiki,
tveimur stigum á eftir liðunum í 3.-6.
sæti sem öll hafa tólf stig. Næst leik-
ur Snæfell í kvöld, miðvikudaginn 6.
desember, þegar liðið sækir Stjörn-
una heim.
kgk
Kristen með fjórfalda
tvennu í sigri Snæfells
Kristen McCarthy var frábær gegn
Njarðvík og setti upp fjórfalda tvennu.
Er hún fyrsti leikmaðurinn sem nær því
afreki síðan 2010. Ljósm. sá.
Skagamenn fóru suður í Hveragerði
og mættu Hamri í 1. deild karla í
körfuknattleik á föstudagskvöld.
Eftir nokkuð jafnan en kaflaskiptan
leik varð ÍA að lokum að sætta sig við
tap, 95-88.
Hvergerðingar höfðu undirtök-
in í upphafsfjórðungnum og skor-
uðu mikið en Skagamenn reyndu
eftir fremsta megni að halda í við
þá. Hamar leiddi að fyrsta leikhluta
loknum með átta stigum, 34-26.
Skagamenn sneru taflinu sér í vil í
öðrum leikhluta og komust yfir um
miðbik hans, 40-36. Þeir héldu for-
ystunni allt til hálfleiks en Hamars-
menn fylgdu þeim eins og skugginn.
Staðan í hléinu var 43-45, ÍA í vil.
Aftur snerist leikurinn við í upp-
hafi síðari hálfleiks. Heimamenn
komust yfir snemma í þriðja leik-
hluta en Skagamenn fylgdu fast á
eftir. Á seinni hluta fjórðungsins
fóru heimamenn hins vegar að síga
lengra fram úr en með góðri rispu á
lokamínútu leikhlutans sáu Skaga-
menn til þess að forskotið var ekki
meira en sjö stig fyrir lokaleikhlut-
ann, 70-63. ÍA gerði harða hríð að
liði Hamars í lokafjórðungnum en
vantaði herslumuninn upp á að ná
forskotinu. Skagamenn minnkuðu
muninn í þrjú stig um miðjan fjórð-
unginn en komust ekki nær. Ham-
ar vann að endingu með sjö stigum,
95-88.
Marcus Dewberry var atkvæða-
mestur í liði ÍA með 30 stig, sex frá-
köst og sex stoðsendingar. Reynslu-
boltinn Jón Orri Kristjánsson var ið-
inn við kolann sömuleiðis, skoraði
20 stig og tók fimm fráköst.
Julian Nelson var stigahæstur í liði
Hamars með 29 stig og átta fráköst
þar að auki. Larry Thomas var með
21 stig og Jón Arnór Sverrisson 16
stig, tólf fráköst og sex stoðsending-
ar.
Skagamenn sitja enn á botni
deildarinnar án stiga eftir ellefu leiki,
tveim stigum á eftir FSu og fjórum
stigum á eftir Gnúpverjum. Næst
mæta Skagamenn einmitt síðar-
nefnda liðinu. Sá leikur fer fram á
Akranesi á föstudaginn, 8. nóvem-
ber. kgk/ Ljósm. úr safni/ jho.
Skagamenn enn
án stiga í körfunni
Skallagrímur varð að lúta í lægra
haldi gegn Breiðabliki, 84-68, þeg-
ar liðin mættust í Domino‘s deild
kvenna í körfuknattleik á föstudag.
Skallagrímur lék án landsliðskon-
unnar Sigrúnar Sjafnar Ámundadótt-
ur, sem fór úr axlarlið í leik gegn Val
fyrr í vikunni.
Jafnræði var með liðunum í upp-
hafi leiks en Breiðablik náði undir-
tökunum eftir því sem leið á fyrsta
leikhluta. Heimakonur leiddu með
sjö stigum eftir sjö mínútna leik,
20-13 en Skallagrímskonur minnk-
uðu muninn niður í þrjú stig áður en
leikhlutinn var úti, 22-19. Þær kom-
ust yfir snemma í öðrum fjórðungi,
26-27, en leiddu ekki lengi. Blikakon-
ur tóku forystuna aftur strax í næstu
sókn og með góðum kafla náðu þær
13 stiga forskoti skömmu fyrir hléið,
40-27. Skallagrímur átti hins vegar
lokaorðið í fyrri hálfleik og náði að
minnka muninn í sex stig fyrir hléið,
40-34.
Skallagrímskonur gerðu harða at-
lögu að forskoti Blika í upphafi síðari
hálfleiks og aðeins munaði tveimur
stigum á liðunum eftir sex mínútur
í þriðja leikhluta, 48-46. En þá náði
Breiðablik miklum spretti og 18 stiga
forskoti fyrir lokafjórðunginn, 64-46.
Þær héldu síðan öruggu forskoti allt
til leiksloka og hleyptu Skallagrími
ekki inn í leikinn að nýju. Leiknum
lauk með 18 stiga sigri Breiðabliks,
84-68.
Carmen Tyson-Thomas átti stór-
leik fyrir Skallagrím og setti upp
myndarlega þrennu. Hún skoraði 36
stig, tók 16 fráköst og gaf tíu stoð-
sendingar. Jóhanna Björk Sveinsdótt-
ir var með 16 stig og átta fráköst en
aðrar höfðu minna.
Ivory Crawford var atkvæðamest í
liði Breiðabliks með 37 stig og ellefu
fráköst, Sóllilja Bjarnadóttir skoraði
20 stig og Ísabella Ósk Sigurðardótt-
ir var með tíu stig, 13 fráköst og fimm
stoðsendingar.
Skallagrímur situr í 5. sæti deildar-
innar með tólf stig eftir ellefu leiki,
en liðin í 3.-6. sæti eru öll jöfn að
stigum. Næst leikur Skallagrímur í
kvöld, miðvikudaginn 6. desember,
þegar liðið mætir Keflavík í Borgar-
nesi. kgk
Skallagrímur tapaði
gegn Breiðabliki
Carmen Tyson-Thomas átti stórleik fyrir
Skallagrím.