Hlynur - 15.05.1956, Blaðsíða 15
uróönaur
Róum inn í rökkrið,
rökkur duldra heima.
Alfaborgir, unaðshljóm,
ævintýrin geyma.
Róum inn í rökkrið,
rökkrið dauðahljóða.
Töfrailm ég teyga
týndra æskuljóða.
Róum inn í rökkrið.
Rödd frá liðnu vori
hvíslar ástarorðum,
yndi í hverju spori.
Róum inn í rökkrið
— ríkir djúpur friður. —
Undarlega ómar
örlaganna niður.
Róum inn í rökkrið,
— róðurinn er þungur. —
Það er líka langt síðan,
— langt síðan ég var ungur.
Róum inn í rökkrið*
— nú ræ ég ekki lengur. —
Einu sinni var ég víst
vænn og góður drengur.
Jón Ingiberg Bjarnason.
Afritunartæki
Sambandið og einhver kaupfélaganna
hafa um nokkurt skeið notað sérstök
tæki til að taka með myndir af skjöl-
um í eðlilegri stærð. Hefir sumum
dottið í hug að kalla þau afritunar-
tæki, til aðgreiningar frá skjalaljós-
myndunartækjunum, sem sagt var frá
í janúarhefti Hlyns.
Myndin hér að ofan er af nýrri
gerð afritunartækja. Þau eru að því
leyti frábrugðin eldri gerðum, að ein-
ungis þarf að leggja það sem afrita
skal, ofan á tækið. Einnig er það sér-
staklega útbúið sem ferðatæki.
OG SVO MÁ...
Ragnar Pétursson, kaupfélagsstjóri í
Hafnarfirði, er ákaflega hnyttinn í til-
svörum, er svo ber undir. Fvrir nokkru
var hann staddur í vefnaðarvörudeild
SIS í innkaupaerindum. Arnór Val-
geirsson, sölumaður, vildi endilega selja
honum sokkabandsteygju, sem deildin
var nýbúin að fá, og fer samtal þeirra
hér á eftir.
Arnór: Hvað ætlar þú að fá mikið
af nýju sokkabandsteygjunni, Ragnar?
Ragnar: Eg veit það ekki, ég þarf
að athuga það nánar þegar ég’ kem
heirn.
Arnór: Þú skalt ekki draga að panU
strax, það eru bara til tólfhundruð og
áttatíu metrar af teygjunni.
Ragnar: Það er nú þó nokkuð — og
svo má teygja það annað eins eða
meira.
ESJUGANGA
Skálanefnd SF/SÍS í Rvík liefir í
huga að efna til göngu á Esju í vor.
Farið verður með bílum að fjallsrót-
um, en svo verður auðvitað gengið
upp. Að fjallgöngunni lokinni verður
ekið að Alafossi og synt í lauginni.
Síðan verður drukkið kaffi í Skamma-
dal og haldið heim fyrir kvöldið. Ferð-
in verður nánar augK'st á næstunni.
15