Hlynur - 15.06.1966, Síða 8

VÖRURÝRNUN
II. þáttur
4. Kassauppgjör.
Orsakir rýrnunar á þessu sviði eru eftiríarandi:
a. Röng innstimplun.
b. Rangt gefið til baka af skiptipeningum.
Orsakir rýrnunar af fyrr nefndu orsökinni (A) geta verið margar, eins
og fram kemur í eftirfarandi varúðarráðstöfunum, sem bent er á gegn
rýrnun af þessum ástæðum:
a. Kerfisbundin og greinileg verðmerking (sjú Kafla II Vörugeymsla, lið 1).
b. Starfsfólk við kassa ætti að fá sérstaka tilsögn, m. a. með því að fara
á námskeið í blindskriftaraðferðinni.
c. Fjöldi innstimplana skal vera sá sami og sölueiningarnar. Með
þessu næst mest öryggi, og jafnframt er viðskiptavininum gefið tæki-
færi til að fvlgjast með innstimpluninni.
d. Við ranga innstimplun skal öll innstimplunin gerð ógild, og á miðann
er skrifað númer og nafn viðskiptavinarins og sett í kassann sem
samanburðarfylgiskjal. Síðan er gerð ný stimplun.
Rýrnun af síðar nefndu orsökinni (B) er hægt að vinna gegn með því
að nota eftirfarandi reglur:
a. Seðla skal ekki setja í kassann, fyrr en búið er að gefa skiptipeninga til
baka.
b. Starfsmenn við kassana skulu telja skiptimyntina frá hinni inn-
stimpluðu upphæð upp í hina mótteknu upphæð. (Dæmi: Söluupp-
hæð kr. 8.74, — borgað með kr. 100.00. Afgreiðslumaðurinn skal telja
skiptipeningana þannig: „Þökk fyrir, það verða 8.74 — 8.75 — 9.00
10 — 20 — 30 — 40 — 50 — 60 — 70 — 80 — 90 — 100 kr. Gjörið
þér svo vel.“)
Mikilvægt er, að verzlunarstjórinn fylgist jafnaðarlega með, að kassa-
afreikningurinn fari fram með því öryggi og nákvæmni, sem þessi mikil-
væga staða krefur.
IV. kafli
SÉRVÖRUR
í þessum kafla er fjallað um eftirfarandi 3 vöruflokka:
1. Kjöt og kjötvörur.
2. Ávextir og grænmeti.
3. Benzín.
Ástæðan fyrir því, að þessir vöruflokkar eru teknir til sérstakrar með-
höndlunar er sú, að í mörgum tilfellum skilja þeir sig frá öðrum vöru-
flokkum, og þessvegna hefði verið nauðsynlegt á mörgum stöðum að gera
athugasemdir við þessa vöruflokka, ef þeir væru ekki teknir sér.
8 HLYNUR