Sveitarstjórnarmál - 2019, Síða 10

10
SVEITARSTJÓRNARMÁL
Stefnumörkunin er
þungamiðjan í öllu okkar starfi
ALLT HEFST MEÐ
Stefnumörkunin er þungamiðjan í öllu okkar
starfi og hefur reynst okkur ótrúlega dýrmæt
sem stjórnunartæki frá því við tókum þetta
verklag upp árið 2002 og höfum þróað
það nokkuð á liðnum árum. Hvar sem
okkar fólk kemur, hvort sem er starfsmenn
sambandsins, formaður eða aðrir fulltrúar
í stjórn þess, byggjum við vinnu okkar og
málflutning á stefnumörkuninni, segir Karl
Björnsson, framkvæmdastjóri sambandsins,
en stjórn þess samþykkti nýja stefnumörkun
til fjögurra ára á fundi sínum 30. nóvember
síðastliðinn. Út frá henni var síðan unnin
starfsáætlun fyrir 2019, sem samþykkt
var á stjórnarfundi í desember. Karl segir
sérstaklega ánægjulegt hversu margir koma
að undirbúningi og mótun stefnumörkunar
sambandsins.
Allt til ársins 2002 byggði málefnastarf
sambandsins á ályktunum og samþykktum
landsþings um einstök mál. Árið 2002 var
hins vegar innleitt það verklag að landsþing
marki stefnu til næstu ára. Út frá henni er
svo unnin starfsáætlun frá ári til árs. Þetta
stefnumarkandi landsþing kemur saman að
loknum hverjum sveitarstjórnarkosningum
og hefur sú venja skapast að það fari fram á
Akureyri í september og er það þriggja daga
þing. Landsþing fer annars fram á hverju
vori í Reykjavík og er þá eins dags þing.
Undirbúningur að mörkun nýrrar stefnu fyrir
árin 2018-2022 hófst þegar á landsþinginu
2017.
Víðtækt eignarhald
„Þar fór fram mikil umræða um stefnumótun
og hvernig til hefði tekist við að framfylgja
þágildandi stefnumörkun. Við fengum
þar fjölmargar ábendingar um hvað
hefði tekist vel, hverju mætti breyta og
hvernig við ættum að horfa til framtíðar.
Þegar kom að landsþinginu 2018 höfðum
við starfsmennirnir lagt mikla vinnu í
undirbúning að mótun nýrrar stefnu.
Undirbúin var umræða um hvert einasta
markmið, hvað hefði áunnist og hvað
kallaði á breytta nálgun. Einnig voru kynntar
hugmyndir að nýjum markmiðum. Þessi
vinna birtist í heilmiklu plaggi sem sent var
út með góðum fyrirvara fyrir landsþingið í
haust þannig að allir fulltrúar á því höfðu
góðan tíma til að setja sig inn í málin og
ræða þau við sitt bakland. Stefnumótunin
var síðan rædd í málefnahópum á þinginu.
Hafa ber í huga að á landsþingi eiga seturétt
154 kjörnir fulltrúar allra sveitarfélaga
landsins auk framkvæmdastjóra
sveitarfélaganna og formanna og
framkvæmdastjóra landshlutasamtaka
sveitarfélaga. Þingfulltrúar eru því alls um
220 manns,“ segir Karl og leggur áherslu
á mikilvægi hins víðtæka eignarhalds á
stefnumörkun sambandsins.
Skemmtilegt samtal
Geysileg endurnýjun hefur orðið í röðum
sveitarstjórnarmanna í undanförnum
kosningum. Hún nam 57 af hundraði 2010,
54 prósent 2014 og 58 prósent vorið 2018.
Á landsþingið í haust kom því margt fólk
með takmarkaða reynslu af störfum að
sveitarstjórnarmálum. „Það er í raun jákvætt
því það eykur fjölbreytni umræðunnar á
þinginu að fá ný og fersk sjónarmið frá
nýjum sveitarstjórnarmönnum þó reynsla
þeirra eldri sé vissulega dýrmæt. Venjan
er sú að þessir reynslumiklu þingfulltrúar
eru leiðbeinandi fyrir þá sem koma nýir að
borðinu, en þeir nýju eru oftast fljótir að
Geysileg endurnýjun
hefur orðið í röðum
sveitarstjórnarmanna í
undanförnum kosningum.
Garðar Guðjónsson ræðir við Karl Björnsson, framkvæmdastjóra sambandsins.
Karl Björnsson hefur verið framkvæmdastjóri Sambands íslenskra sveitarfélaga frá árinu 2008.