Árbók Nemendasambands Samvinnuskólans - 01.06.1983, Side 15

Fundinn var síðan ákveðið að halda sunnudaginn 14.
september. Forráðamenn Sambandsins leyfðu góðfúslega
að fundurinn yrði haldinn í matsal Sambandshússins. Hann
var síðan auglýstur i öllum dagblöðum og útvarpi. Einnig
hengdum við upp fréttatilkynningar í Sambandsfyrirtækj-
unum. Við báðum líka þá eldri nemendur, sem við náðum
til að hafa samband við bekkjarfélaga sína. Við skiptum
á milli okkar að hringja í alla bekkjarfélaga okkar til þess
að kynna þeim stofnun félagsins og báðum þau að senda
okkur beiðni um inntöku, ef þau gætu ekki mætt á fundinn.
Fundurinn var svo settur á tilsettum tíma af Magneu
Sigurðardóttur. Fundarsalurinn var þéttsetinn fólki úr öll-
um árgöngum skólans og var ánægjulegt að sjá, hversu
áhugasamir allir virtust vera. Magnea skipaði Kristin
Guðnason fundarstjóra og Sigríður Jónsdóttir var kosin
fundarritari.
Fyrst á dagskrá fundarins var erindi Snorra Þorsteins-
sonar um nemendasambönd og gildi þeirra. Hann lýsti m.a.
ánægju sinni yfir að fá tækifæri til þess að ávarpa svo
marga Samvinnuskólanemendur, bæði eldri og yngri og að
ráðist hefði verið í stofnun Nemendasambandsins og kvað
það öll skilyrði hafa til þess að dafna vel og lengi.
Næst lá fyrir að samþykkja lög félagsins. Fundarmenn
höfðu fengið fjölrituð drög að þeim og voru þau samþykkt
samhljóða. Tilgangur félagsins skyldi vera sá að vinna að
vexti og viðgangi Samvinnuskólans og efla kynni milli eldri
og yngri nemenda. 1 lögunum var samþykkt að halda árlegt
nemendamót að Bifröst, þar sem aðalfundur félagsins
skyldi um leið vera haldinn. Hugmyndin að baki þessu
nemendamóti var aðallega sú, að þannig gætu sem flestir
nemendur tekið þátt í starfsemi félagsins, þar sem þeir
væru meira og minna dreifðir um allt land og gætu þannig
sameinast á einum stað og Reykvíkingar hefðu þar ekki
forréttindi fram yfir aðra. Með því að láta mótið standa í
tvo daga væri þannig hægt að sinna fleiru en einungis að-
alfundi og skemmtanahaldi. Tími væri þá einnig til úti-
vistar og fræðslu.
11