Árbók Nemendasambands Samvinnuskólans - 01.06.1983, Page 16
Jónas Jónsson fyrrv. skólastjóri kvaddi sér hljóðs og tal-
aði um samvinnuhreyfinguna frá upphafi og óskaði hinu
nýstofnaða félagi alls góðs í framtiðinni.
Síðan fór fram stjórnarkjör og var Sigurvin Einarsson
kosinn formaður, Kristinn Guðnason gjaldkeri, Jón Þór
Jóhannsson ritari og Magnea Sigurðardóttir og Anna
Björnsdóttir meðstjórnendur.
Að lokum kvaddi Sigurvin Einarsson sér hljóðs og þakk-
aði það traust, sem honum var sýnt með formannskjörinu.
Hann bar síðan fram tillögu stjómarinnar um að gera
Jónas Jónsson að heiðursfélaga í hinu nýstofnaða Nem-
endasambandi og risu fundarmenn úr sætum sínum því til
samþykktar.
Fyrsta starfsár Nemendasambandsins fór að mestu í
það að safna nýjum félögum og urðu þeir strax fyrsta árið
105 talsins. Aðalvinnan var þó við að undirbúa fyrsta nem-
endamótið að Bifröst, sem var haldið dagana 6. og 7. júní
1959. Þátttakendur urðu í allt 70 talsins, sem var auðvitað
ekki mikill hluti af öllum útskrifuðum nemendum skólans
í rúmlega 40 ár. Mótið tókst þó í alla staði mjög vel. Á
stofnfundinum var kosin undirbúningsnefnd nemendamóta
og hana skipuðu Sigríður Jónsdóttir, Stefán Gunnarsson
og Steinþór Þorsteinsson, sem ásamt stjórninni sáu um
allan undirbúning hátíðarinnar. Á laugardagseftirmiðdegi
fóru gestir að streyma að og var þá búið að skipa þátttak-
endum niður á herbergi og búa um og ganga frá öllu. Eftir
kvöldverð var mótið sett af Steinþóri Þorsteinssyni, en
síðan voru heimatilbúin skemmtiatriði og dans. Á sunnu-
dagsmorgni kl. 10:00 hófst aðalfundur Nemendasambands-
ins. Að hádegisverði loknum var frjáls tími, sem var not-
aður til útivistar eða til að rabba saman. Seinna um dag-
inn flutti Helgi Sæmundsson fyrirlestur, Halldór Sigur-
björnsson söng einsöng og Sigurður Hreiðarsson flutti
ferðasögu. Að þessu loknu var mótinu slitið.
Á fyrstu árum Nemendasambandsins voru miklar um-
ræður um, hvernig hægt væri að ná til þeirra félagsmanna,
sem byggju úti um allt land. Það gaf auga leið, að þeir
12