Árbók Nemendasambands Samvinnuskólans - 01.06.1983, Blaðsíða 28
léttilega niður brekkurnar, reyndum að leika þetta eftir,
með vafasömum árangri. Eftir eina ferðina lá ég nokkra
daga i rúminu því ég kunni ekki einu sinni að detta og
tognaði illilega á fæti. En gaman var þetta. —
Ferðalög fórum við í. Bæði að Reykholti og eins austur
að Laugarvatni. Að Laugarvatni fórum við eftir að við út-
skrifuðumst. Margt skemmtilegt gerðist i þessum ferðum
og ekki var örgrannt um að hjörtu sumra slægju eilítið
hraðar en endranær. Á Laugarvatni gistum við i tvær
nætur og var þá margt brallað. Við vorum með allskonar
dulrænar tilraunir, svo sem að láta borð og stóla lyfta sér
frá gólfi á yfirnáttúrlegan hátt, fyrir utan að leita frétta
úr andaglasi. Við rerum út á vatnið, fórum í gufu, syntum,
grófum okkur í sandinn, dönsuðum og dufluðum. Benni úr
Hólminum hafði auðvitað tekið með sér nikkuna sína.
Seinni veturinn sem ég var i Samvinnuskólanum átti ég
heima í Hátúni hjá föðurbróður minum og hans fjölskyldu.
Ég gekk alltaf í skólann á morgnana og fór þá Skúlagöt-
una. Þá mætti ég alltaf manni, sem var hlaupandi. Þetta
var íturvaxinn maður, ljós á hár, og háleitur þar sem hann
hljóp þó nokkuð hratt. Ég vissi það ekki fyrr en seinna, að
þetta var dr. Helgi Pjeturs, jarðfræðingur og heimspek-
ingur, sem var að hlaupa þarna hvern morgun inn í sund-
laugarnar. Hann hefur verið á undan sinni samtíð í trimm-
inu eins og fleiru sá góði máður. Dr. Helgi var virtur jarð-
fræðingur, og heimspeki hans hefur þótt nýstárleg. Um
kenningar hans hefur verið myndaður félagsskapur, sem
kallar sig NýalsSinna, eftir samnefndri bók eftir dr. Helga.
Hann hefúr skrifað margar bækur um þessar kenningar
sínar, ailar með Nýalsnafninu, þó með ýmsum formerkj-
um, eins og Þónýall, Ennnýall o.fl.
Jónas var mjög umdeildur og umsvifamikill á mörgum
sviðum. Þessi ár var hann formaður Menntamálaráðs og
lcnti í miklum deilum við listamenn, sérstaklega út af út-
hlutun listamannalauna, sem voru í höndum Menntamála-
ráðs. Mótmælti stjórn Bandalags íslenskra listamanna þess-
ari úthlutun, og kenndi Jónasi fyrst og fremst um. Jónas
24