Árbók Nemendasambands Samvinnuskólans - 01.06.1983, Qupperneq 37

fleiri. Stundum bar við að nokkur ölvun var á þessum
samkomum, og olli það ráðamönnum skólans nokkrum
áhyggjum. Þetta leiddi m.a. til þess, að eitt sinn boðaði
Jónas skólastjóri okkur eina 6 eða 8 stráka í skólann utan
kennslutíma. Var þar þá mættur Erlingur Pálsson þáver-
andi yfirlögregluþjónn, til þess að kenna okkur nokkur
lögreglutök. Með þessu átti að auðvelda okkur að halda
uppi lögum og reglu á samkomum okkar. Þessari æfingu
lauk með því að félagar minir skyldu taka mig fastan
og kasta mér út úr skólastofunni. Kostaði það nokkrar
stimpingar, því að ekki var bannað að spyrna í dyrakarma
eða verjast á annan hátt og brostu þeir Jónas og Erlingur
góðlátlega að aðförum okkar. Á hverjum vetri var haldin
árshátíð, sem ávallt fór virðulega fram. Bauð þá jafnan
hver nemandi með sér einum gesti og auk þess var boðið
skemmtinefndum þeirra skóla, sem helst sóttu samkomur
okkar. Báða veturna, sem ég var í skólanum störfuðu
hljómsveitir innan skólans, sem léku fyrir dansi á skóla-
böllum.
Ritnefnd skólafélagsins sá um útgáfu skólablaðsins, sem
í þá daga hét Huginn. Tæpast mun Huginn hafa verið
jafn viðamikið rit og Vefarinn, sem nú er gefinn út í Bif-
röst, en mjög áþekkt, bæði að efnisvali og öðru. Huginn
birti eingöngu frumsamið efni frá nemendum, bæði i ljóð-
um og lausu máli.
Málfundanefnd sá um málfundi, sem öðru hvoru voru
haldnir í skólanum og voru rædd þar hin margvíslegustu
málefni. Þessir fundir munu einnig hafa átt að þjálfa okkur
í fundarstörfum. Þá var það einnig venja að einu sinni á
hverjum vetri var haldinn kappræðufundur með Versl-
unarskólanum. Var þá af beggja hálfu teflt fram helstu
ræðuskörungum, sem völ var á, enda hart barist. Jafnan
mun fundarefnið hafa verið áþekkt ár frá ári á þessum
fundum, það er að tekist var á annars vegar um ágæti
samvinnustefnunnar og hins vegar hins frjálsa einkafram-
taks.
3
33